عرس اعلیٰ حضرت کے موقع پر ملک میں دستار فضیلت اجتماعات کا انعقاد

فارغ التحصیل ہونے والے 1555 علمائے کرام کے سروں پر دستار سجائے گئے

تفصیلات:

دعوت اسلامی کے شعبہ جامعۃ المدینہ بوائز کے زیرِ اہتمام 11 ستمبر 2023ء بمطابق 25 صفر المظفر 1445ھ بروز پیر عالمی مدنی مرکز فیضان مدینہ کراچی سمیت پاکستان بھر میں 10 مقامات (لاہور، گجرات، سیالکوٹ، اسلام آباد، اوکاڑہ، فیصل آباد، حیدر آباد، ملتان، گوجرانوالہ ) پر دستارِ فضیلت اجتماعات کا انعقاد کیا گیا جن میں دار الافتاء اہلسنت کے مفتیانِ کرام، اراکینِ شوریٰ، علمائے اہلسنت، جامعات المدینہ کے اساتذۂ کرام و ناظمین، جامعات المدینہ کے طلبائے کرام، مختلف سیاسی و سماجی شخصیات، والدین و سرپرست اور ہزاروں عاشقان رسول نے شرکت کی۔

اجتماع کا آغاز تلاوتِ قرآن مجید سے کیا گیا جس کے بعد نعت خواں حضرات نے بارگاہِ رسالت مآب صلَّی اللہ علیہ واٰلہٖ وسلَّماور اعلیٰ حضرت رحمۃُ اللہِ علیہ کی شان میں نعت و منقبت پڑھیں۔یوم رضا کی مناسبت سے فیضان مدینہ کراچی میں جلوس رضویہ بھی نکالاگیاجس میں اعلیٰ حضرت رحمۃُ اللہِ علیہ کی شان میں نعرے لگائے گئے۔

عالمی مدنی مرکز فیضان مدینہ کراچی سے براہِ راست مدنی چینل پر نشر ہونے والے اجتماع میں مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی نےسنتوں بھرا بیان کیااور درسِ نظامی(عالم کورس) اور تخصصات مکمل کرنے والے علمائے کرام کو مبارکباد پیش کرتے ہوئے انہیں اپنے محسنین کا شکریہ ادا کرنے اور دو رکعت شکرانے کے طور پر نفل پڑھنے کی ترغیب دلائی۔

نگران شوریٰ نے اعلیٰ حضرت رحمۃُ اللہِ علیہ کا مقطع ”اے رضا ہر کام کا ایک وقت ہے“ پر گفتگو کرتے ہوئے کہا کہ مجھے ایسا لگتا ہے کہ یہ شعر ہمیں ٹوٹنے ، بکھیرنے، منتشر ہونے، اور دل برداشتہ ہونے سے بچاتا ہے، جب بھی ہماری ایسی کیفیت ہو تو اس شعر کو یاد کرلینا چاہیئے۔ آپ نے مزید گفتگو کرتے ہوئےکہا کہ ہمیں چاہیئے کہ ہم ”حدائق بخشش“ میں موجود اعلیٰ حضرت رحمۃُ اللہِ علیہ کے تمام مقطع کو یاد کرلیں کیونکہ اعلیٰ حضرت رحمۃُ اللہِ علیہ کے مقطع ایسے شاندار ہوتے ہیں کہ جس پر کئی بیانات کئے جاسکتے ہیں۔

نگران شوریٰ نے اعلیٰ حضرت رحمۃُ اللہِ علیہ کی اندازِ زندگی پر کلام کرتے ہوئے فرمایاکہ آپ رحمۃُ اللہِ علیہ ابتدائے شعور سے ہی نمازِ باجماعت کے سخت پابند تھے اور بالغ ہونے سے پہلے اصحاب ترتیب تھے۔اس کے علاوہ آپ رحمۃُ اللہِ علیہ سنتِ رسول صلَّی اللہ علیہ واٰلہٖ وسلَّم پر عمل کرتے ہوئے فرض کے ساتھ ساتھ نفل روزے بھی کثرت سے رکھتے تھے۔ اسی انداز کو عاشق اعلیٰ حضرت امیر اہلسنت دامت بَرَکَاتُہمُ العالیہ نےبھی اپنایا ہوا ہے، آپ دامت بَرَکَاتُہمُ العالیہ بھی کثرت سے نفل روزے رکھنے کا اہتمام کرتے ہیں اور اپنے مریدین و محبین کو اس عمل کی ترغیب بھی دلاتے رہتے ہیں۔نگران شوریٰ نے طلبہ کو علم کے ساتھ ساتھ اپنے عمل میں بھی اضافہ کرنے ، تمام شرکا کو نمازوں کی پابندی کے ساتھ باجماعت ادا کرنے اور زندگی میں آگے بڑھنے کے لئے ہمیشہ وقت کی پابندی کرنےکا ذہن دیا۔

بیان کے بعد خوشی کا وہ لمحہ بھی آیا کہ دار الافتاء اہلسنت کے مفتیان کرام، نگران شوریٰ، اراکین شوریٰ اور سینئرز اساتذۂ کرام نے جامعات المدینہ پاکستان سے عالم کورس اور تخصصات مکمل کرنے والے 1ہزار 555علمائے کرام کے سروں پر دستار سجائے اور انہیں مبارکباد پیش کرتے ہوئے دعاؤں سے نوازا۔

پچھلے دنوں جنت السندھ زرعی یونیورسٹی ٹنڈوجام میں سیلف ڈویلپمنٹ کے ٹاپک پر ایک سمینار منعقد ہوا جس  میں ڈاکٹر پروفیسر منظور ابڑو ڈین فیکلٹی کراپ پروٹیکشن سمیت یونیورسٹی کے اسٹوڈنٹس و اساتذہ نے شرکت کی۔

اس سمینار میں مبلغ دعوت اسلامی ثوبان عطاری نے’’نئی ایجادات کے مطابق اپنے آپ کا تیار کرنے ‘‘ کے عنوان پر تربیت کی جس میں اسٹوڈنٹس کو جدید تحقیق کی طرف بڑھنے نیز اپنی صلاحیتوں کو بڑھانے کے لئے کامیاب لوگوں کے تجربات سے سیکھنے کا ذہن دیا۔

اس کے علاوہ دورانِ سیشن ثوبان عطاری نے شرکا کو اپنے سارے کام مینج کرنے کی سوچ دی اور جدید دور کے مطابق اپنے آپ کو ڈھالنے کی ترغیب دلائی۔ (کانٹینٹ:رمضان رضا عطاری)

دعوت اسلامی کے شعبے مرکز الاقتصاد الاسلامی (Islamic Finance center) اور جامعۃ المدینہ انسٹیٹیوٹ کے زیر اہتمام یکم اکتوبر 2023ء سے عالمی مدنی مرکز فیضان مدینہ کراچی میں اسلامک فنانس کورس 5^th Batchشروع ہونے جارہا ہے جس میں دار الافتاء اہلسنت کے مفتیان کرام، بینکنگ اور فنانس کے ماہرین بینکاری اور دیگر امور پر لیکچر دیں گے۔

کورس میں چند لیکچرز کے عنوانات

٭کرنسی کا لین دین، ڈالر کی بکنگ، ایل سی کی رقم پہلے وصول کرنا، بینکوں کے مختلف اقسام کے کارڈ کی تکییف فقہی ٭عصر حاضر کی سرمایہ کاری میں مضاربت کا استعمال ٭عصر حاضر کی سرمایہ کاری مرابحہ کا استعمال ٭سود کی تعریف و اقسام نیز عصر حاضر میں پائی جانے والی سود کی مثالیں ٭لیگل پرسن کا تصور اور اس کی شرعی حیثیت؟ ٭بیع استصناع اور اس کا عصر حاضر میں سرمایہ کاری میں کردار ٭بیع سلم دورِ جدید کے متعدد کاروباری مسائل کے حل کے طور پر ٭وکالت اور عصر حاضر کے جدید مسائل میں شرکت کا استعمال ٭بیوع کے بنیادی احکام اور عصر حاضر کے جدید مسائل۔ اس کے علاوہ بہت اہم عنوانات شامل ہوں گے۔

کورس میں کون کون شریک ہوسکتا ہے؟

٭دینی مدارس سے فارغ التحصیل سنی علماء

کسی بھی سنی جامعہ سے فارغ التحصیل فاضلین (ترجیح گریجویٹ یا ہدایہ پڑھانے والے اساتذۂ کرام کو دی جائے گی)

٭مخصوص پروفیشنلز

چارٹرڈ اکاؤنٹینٹ، فنانس اور اکاؤنٹس میں ماسٹر کیے ہوئے افراد۔ یا ان کلاسوں میں جن کی تعلیم جاری ہووہ بھی اس کورس میں داخلے کے اہل ہیں۔

٭آن لائن داخلہ

مخصوص پروفیشنلز افراد اگر کراچی سے باہر کے ہیں تو آن لائن طور پر شرکت کرنے کے لئے داخلہ لے سکتے ہیں لیکن سیٹ محددو ہیں۔

اوقات کار

کلاس ہفتے میں دو دن ہوگی۔بروز جمعہ کلاس بعد نماز عشاء 9:00 تا 11:00 اوربروز اتوار بعد نماز ظہر 01:45 تا 03:45 ہوا کرے گی۔

اہم معلومات

کورس میں داخلہ فیس 5000 ہزار ہے جبکہ فارغ التحصیل فاضلین کے لئے 60%کا خصوصی ڈسکاؤنٹ ہوگا۔

فارم کروانے کی آخری تاریخ 20 ستمبر 2023ء ہے۔

کورس کرنے والوں کو جامعۃ المدینہ انسٹیٹیوٹ کی جانب سے سرٹیفکیٹ بھی دیئے جائینگے۔

خواہش مند افراد آن لائن فارم فل کریں جن کا داخلہ OKہوگا ان کو اپڈیٹ کردیا جائے گا۔

رابطہ کےا وقات: 02:00PM تا 04:00PM

رابطہ نمبر Whatsapp: 03228257372

Email: Islamic.finance@dawateislami.net

دعوتِ اسلامی کے زیر اہتمام 10 ستمبر 2023ء بروز اتوار نیو کراچی کار بازار11/Dمیں یومِ رضا و استقبال ربیع الاول کے سلسلے میں عظیم الشان سنتوں بھرے اجتماع کا انعقاد کیا گیا جس میں اراکین شوریٰ حاجی محمد امین عطاری، مولانا حاجی عبد الحبیب عطاری، حاجی امین قافلہ عطاری،حاجی سید لقمان عطاری، مولانا حاجی عقیل مدنی عطاری اور کراچی ڈویژنز مشاورت کے نگران اسلامی بھائیوں سمیت دیگر ذمہ داران دعوت اسلامی، بزنس کمیونٹی و دیگر شعبے سے وابستہ افراد و شخصیات اور ہزاروں عاشقان رسول نے شرکت کی۔

اجتماع پاک کا آغاز کلام اللہ ”قرآن پاک“ کی تلاوت سے کیا گیا جس کے بعد نعت خواں حضرات نے یومِ رضا اور استقبالِ ماہِ ربیع الاول کی مناسبت سے کلام پڑھے۔

مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی نےسنتوں بھرا بیان کیااور اعلیٰ حضرت رحمۃُ اللہِ علیہ کے عشقِ رسول پر گفتگو کرتے ہوئے فرمایا کہ آپ رحمۃُ اللہِ علیہ نے نبی پاک صلَّی اللہ علیہ واٰلہٖ وسلَّم کے عشق و محبت کو جس انداز سے امت تک پہنچایا خواہ وہ بیانات ہوں، فتاویٰ جات ہوں، تحریرات ہوں یا اشعار ہوں، ان تمام میں اپنی مثال آپ ہیں۔ اعلیٰ حضرت رحمۃُ اللہِ علیہ کے اشعار پڑھنے سے بندے کے دل میں اپنے آقا صلَّی اللہ علیہ واٰلہٖ وسلَّم کی محبت بڑھ جاتی ہے۔ نگران شوریٰ نے مزید کہا کہ اعلیٰ حضرت رحمۃُ اللہِ علیہ سال میں تین مرتبہ بیان فرماتے تھےجن میں ایک بیان آپ کے بھائی مولانا حسن رضا خان رحمۃُ اللہِ علیہ کے ہاں ماہِ میلاد کے موقع پر ہوتا تھا جہاں اعلیٰ حضرت رحمۃُ اللہِ علیہ گھنٹوں تک دوزانو بیٹھ کر بیان فرماتے تھے۔

نگران شوریٰ مولانا حاجی محمد عمران عطاری مُدَّ ظِلُّہُ العالی نے شانِ مصطفےٰ صلَّی اللہ علیہ واٰلہٖ وسلَّم پر کلام کرتے ہوئے کہا کہ حضرت جبرئیل علیہ السّلام بارگاہِ رسالت صلَّی اللہ علیہ واٰلہٖ وسلَّم میں حاضر ہوکر عرض کرتے ہیں کہ یارسول اللہ صلَّی اللہ علیہ واٰلہٖ وسلَّم میں زمین کے ہر ہر گوشے میں گیاآپ صلَّی اللہ علیہ واٰلہٖ وسلَّم سے افضل کسی کو نہ پایااور نہ ہی بنی ہاشم سے کسی خاندان کو عالی پایا۔ سنتوں بھرے اجتماع میں بیان کرتے ہوئے نگران شوریٰ نے شرکا کو پابندی کے ساتھ نمازوں کو ادا کرنے، سیرت مصطفٰے صلَّی اللہ علیہ واٰلہٖ وسلَّم کو اپنانے، بدنگاہی سے بچنے، اپنے رب کو راضی کرنے والے کام کرنے اور شریعت کے مطابق ماہ میلاد منانے کی ترغیب دلائی۔

بیان کے بعد استقبال ربیع النور شریف کی مناسبت سے کلام پڑھے گئے اور صلوۃ و سلام پر اجتماع کا اختتام ہوا۔ 

نیکی کی دعوت  دینے کے سلسلے میں ڈویژن ساہیوال کی تحصیل عارف والا میں علاقائی دورے کا سلسلہ ہوا جس میں ڈویژن ذمہ دار فہیم عطاری اور ڈسٹرکٹ ذمہ دار مولانا عابد عطاری مدنی نے مقامی شخصیات و دکانداروں سے ملاقاتیں کی۔

دورانِ ملاقات ذمہ داران نے شرکا کو نیکی کی دعوت دیتے ہوئے دعوت اسلامی کے شعبہ جات کا تعارف کروايا اور انہیں ہفتہ وار سنتوں بھرے اجتماع میں شرکت کرنے نیز دینی کاموں میں حصہ لینے کا ذہن دیا جس شخصیات و دکانداروں نے اچھی اچھی نیتیں کیں۔(رپورٹ: حافظ نسیم عطاری سوشل میڈیا آف ڈییارٹمنٹ پاکستان، کانٹینٹ :رمضان رضا عطاری)

دعوت اسلامی کے زیر اہتمام آج رات مؤرخہ 7 ستمبر 2023ء بروز جمعرات دنیا بھر میں ہفتہ وار سنتوں بھرے اجتماعات کا انعقاد کیا جائےگا جن میں تلاوت و نعت شریف کے بعد اراکین شوریٰ و مبلغین دعوتِ اسلامی سنتوں بھرے بیانات فرمائیں گے۔ اجتماعات کا اختتام اورادو وظائف، ذکر اللہ اور قت انگیز دعا پر ہوگا۔

آج رات عالمی مدنی مرکز فیضان مدینہ کراچی سے براہِ راست مدنی چینل پر ہونے والے ہفتہ وار اجتماع میں مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی سنتوں بھرا بیان فرمائیں گے۔

عاشقانِ رسول کی دینی تحریک دعوتِ اسلامی کے تحت گزشتہ روز راجا رانی مارکی، ستیانہ روڈ فیصل آباد میں اجتماعی طور پر ہفتہ وار مدنی مذاکرہ دیکھنے کا اہتمام کیا گیا۔

اس موقع پر مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری کے ہمراہ سیاسی و سماجی شخصیات، ذمہ داران اور عاشقانِ رسول کی کثیر تعداد موجود تھی۔

مدنی مذاکرے کے بعد نگرانِ پاکستان مشاورت حاجی محمد شاہد عطاری نے وہاں موجود اسلامی بھائیوں کو مدنی پھولوں سے نوازا اور دعوتِ اسلامی کے 12 دینی کاموں میں شمولیت اختیار کرنے کا ذہن دیا۔آخر میں نگرانِ پاکستان مشاورت حاجی محمد شاہد عطاری نے دعا کروائی اور اسلامی بھائیوں سے ملاقات بھی کی۔(رپورٹ: عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

عاشقانِ رسول کی  دینی تحریک دعوتِ اسلامی کی جانب سے ہر سال کی طرح اس سال بھی 25 صفر المظفر 1445ھ کوپاکستان کے 10مقامات پر عالم کورس اور تخصصات مکمل کرنے والے طلبائے کرام کےلئے دستارِ فضیلت اجتماع منعقد ہونے جارہا ہے۔

ان شاء اللہ کریم بمطابق 11ستمبر بروزپیر 2023 ء کوکراچی،حیدرآباد،ملتان،فیصل آباد،اوکاڑہ،لاہور،گجرات،سیالکوٹ،گجرانوالہ اور اسلام آباد میں pm 9:15 پر اجتماع کا آغاز ہوجائے گا۔

تلاوت و نعت کے بعدpm 9:30 بجے عالمی مدنی مرکز فیضانِ مدینہ کراچی سے مرکزی مجلسِ شوریٰ کے نگران مولانا حاجی محمد عمران عطاری مدظلہ العالی ’’علم ِدین‘‘ کے موضوع پر سنتوں بھرا بیان فرمائیں گے جس کو مدنی چینل پر لائیو نشر کیا جائے گا۔

pm10:45پر دستارِ فضیلت کا آغاز ہوگا جس میں دس مقامات پر موجود علمائے کرام ومفتیانِ کرام اور اراکینِ شوریٰ مذکورہ مقامات پر موجود ایک ہزار 555طلبائے کرام کے سروں پر درس نظام کی تکمیل و تخصصات مکمل کرنے کی خوشی میں مبارک باد پیش کرتے ہوئے عمامہ شریف کا تاج سجائیں گے۔(کانٹینٹ:رمضان رضا عطاری)

دعوتِ اسلامی کے تحت  ایک بار پھر یومِ رضا و استقبالِ ربیع الاول کے سلسلے میں 10ستمبر2023ء بروز اتوار کاربازار گراؤنڈ11-D نیو کراچی میں گراؤنڈ اجتماع کا انعقاد ہونے جارہا ہے ۔

اس اجتماع پاک کا آغاز پاکستانی وقت کے مطابق رات 9:30 بجے تلاوتِ قرآنِ پاک ونعت رسول مقبول صلی اللہ علیہ وسلم سے ہوگاجس میں خصوصی بیان مرکزی مجلسِ شوریٰ کے نگران مولانا حاجی محمد عمران عطاری مدظلہ العالی فرمائیں گے ۔

واضح رہے کہ! یہ اجتماع مدنی چینل پر براہِ راست نشر کیا جائے گا۔کراچی میں موجود عاشقانِ رسول سے گراؤنڈ اجتماع میں مدنی پرچموں کے ساتھ شرکت کی مدنی التجا ہے اور دیگر شہر وں و ممالک کے اسلامی بھائیوں سے بذریعہ مدنی چینل اجتماع پاک کی نشریات کو ملاحظہ کرنے کی درخواست ہے ۔( کانٹینٹ:رمضان رضا عطاری)

دعوت اسلامی کے زیرِ اہتمام  3ستمبر2023ء بروز اتوارتحصیل مرید میں شعبہ جات کے تحصیل ذمہ داران کا ظہر تاعصر مدنی مشور ہ ہوا جس میں شعبہ عشر، شعبہ اصلاح اعمال، شعبہ مدنی قافلہ، شعبہ رابطہ برائے شخصیات کے تحصیل ذمہ دار نے شرکت کی۔

مدنی مشورے میں نگران تحصیل مشاورت قاسم عطاری نے 12 دینی کام کرنے کے متعلق اسلامی بھائیوں کو مدنی پھول دیئے نیز آئندہ کے لئے اہداف بھی فراہم کئے جس پر انہوں نے اچھے خیالات کااظہار کیا۔(رپورٹ:زوہیب عطاری،کانٹینٹ:رمضان رضا عطاری)

2 ستمبر 2023ء کو یوم دعوت اسلامی کے موقع پر پاکستان مشاورت آفس کے ذمہ داراسلامی بھائیوں کا مدنی مشورہ ہوا  جس میں نگرانِ پاکستان مشاورت حاجی محمد شاہد عطاری نے دعوت ِاسلامی کی دینی و دنیاوی خدمات کے بارے میں بتایا ۔

علاوہ ازیں نگران پاکستان مشاورت نے ذمہ داران کو دعوتِ اسلامی کے ساتھ وابستہ رہنے کے بارے میں ذہن دیا اوراپنے قیمتی مدنی پھولوں سے بھی نوازا۔ (کانٹینٹ:رمضان رضا عطاری)

تعارف پاکستان مشاورت آفس

کسی بھی تنظیم یااِدارے کا’’ آفس” اس کا انتظامی مرکز اور کنٹرولنگ روم کہلاتا ہے۔ یہ انسانی جسم میں دماغ کی طرح ہے۔ ان دفاتر کے ذریعے تنظیمی ہرارکی کی مختلف سطحوں پر کام کرنے والے افراد ایک دوسرے سے مربوط ہوتے ہیں۔ آفس کے ذریعے مختلف امور جیسے انتظامات ، مالیات، پرفارمنس وغیرہ کا جائزہ لیا جاتا ہے تاکہ اگر کوئی کمی ہے تو بہتری کے اقدامات کیےجا سکیں،اور جملہ امور (Accuracy and Quality) کے ساتھ سر انجام دیے جا سکیں ۔

عاشقانِ رسول کی دینی تحریک دعوتِ اسلامی دُنیا بھر میں نورِ اسلام عام کرنے میں مَصْرُوفِ عَمَل ہے۔ ملکِ عزیز پاکستان میں 75سے زیادہ ڈیپارٹمنٹس کے ذریعے بڑے پیمانے پر خدمتِ دِین کا سلسلہ جاری ہے،ملکی سطح پر ان تمام کاموں کی دیکھ بھال کرنے کے لئے فیضانِ مدینہ فیصل آباد میں نگرانِ پاکستان مشاورت و رکن شوریٰ حاجی محمد شاہِد عطّاری سلمہ الباری کی زیرِ نگرانی ایک ڈیپارٹمنٹ قائم ہے، جسے پاکستان مشاورت آفس کہتے ہیں۔

پاکستان مشاورت آفس کو بہتر انداز میں چلانے کے لئے ایک مجلس قائِم کی گئی ہے، جس کے تحت 10 ذیلی شعبہ جات ہیں، اور ان شعبہ جات کو 40 سیکشنز میں تقسیم کیا گیا ہے۔

1.SOPsڈیپارٹمنٹ : میں 12دینی کاموں اور شعبہ جات کی تمام سطحوں کی KPIs تیار کی جاتی ہیں اور ان شعبہ جات کے کام کرنے کے طریقہ کار پر مشتمل مدنی پھول اور ان تمام ذمہ داران کی JDs (تنظیمی ذمہ داریوں کے مدنی پھول)بنائے جاتے ہیں ۔

2.شیڈول ڈیپارٹمنٹ:میں تمام سطحوں کے ذمہ داران کے پیشگی و عملی جدول سوفٹ وئیر کے ذریعے لیے جاتے ہیں اور وقف مبلغین اور پاکستان مشاورت آفس کےHR سے متعلق کام کیے جاتے ہیں۔

3.تنظیمی کورسز ڈیپارٹمنٹ: میں ذمہ داران کو ان کی ذمہ داری سے متعلق تنظیمی کورسز کروائے جاتے ہیں اور مبلّغین کا مسائل نماز ٹیسٹ لیا جاتا ہے ۔

4.فیڈ بیک ڈیپارٹمنٹ:یہ دعوت اسلامی (پاکستان) کا کمپلین سنٹر ہے جس کے لئے CMS کے نام سے ایپ بھی موجود ہے اس میں تنظیمی کاموں سے متعلق موصول ہونے والے مسائل تنظیمی و شرعی رہنمائی کے مطابق حل کروائے جاتےہیں ،دعوت اسلامی سے متعلق موصول ہونے والی تجاویز پر ورکنگ کی جاتی ہے اسی طرح انسپیکشن کا نظام بنا ہوا ہے جس کے تحت سرپرائز وزٹ کیے جاتے ہیں، تمام شعبہ جات کے کام کرنے کے طریقہ کار کی شرعی سکینگ کروائی جاتی ہے، مدنی مشوروں میں طے ہونے والے Tasks اور دعوت اسلامی کی Buildings کی (Maintenance)کی تکمیل کے لئے ذمے داران سے فالو اپ کیا جاتا ہے ۔

5.پرفارمنس ڈیپارٹمنٹ: اس ڈیپارٹمنٹ میں ملک بھر کے تمام شعبہ جات، تمام ذیلی حلقوں کے 12 دینی کاموں کی ماہانہ کارکر دگی UC وائز سافٹ ویئر کے ذریعے لےکر مزید ترقی کے اقدامات کروائے جاتے ہیں ۔اسی طرح مختلف تنظیمی ایونٹس ،بڑی راتوں کے اجتماعات اور بزرگان دین کے ایام پر ایصال ثواب کی کاردگی جمع کی جاتی ہے اور نگران و ذمے داران کی تقرری یا تبدیلی کی صورت میں انکا ڈیٹا سوفٹ وئیر میں اپڈیٹ کیا جاتا ہے نیز ان کی ذمے داری سے متعلق جے ڈی ، مدنی پھول وغیرہ پر مشتمل تنظیمی پیکج سینڈ کیا جاتا ہے ، اسی طرح تمام سطحوں کےتنظیمی واٹس ایپ گروپس کو Manageکیا جا رہا ہے۔

6.تنظیمی اپ ڈیٹس ڈیپارٹمنٹ: کے ذریعے تنظیمی پالیسز، تنظیمی اپڈیٹس،نگران پاکستان مشاورت کے مدنی مشوروں کے مدنی پھول جاری کیے جاتے ہیں ، تنظیمی رسائل اور بیانات کی چیکنگ کی جاتی ہے۔نگران پاکستان مشاورت سے تعزیت ، دعا اور نام وغیرہ کے پیغامات لے کر عاشقان رسول تک پہنچائے جاتے ہیں ۔اور ان کے شیڈول کی Planning & Announcement کا کام بھی اسی شعبے کے ذمےہے ۔

7.تنظیمی میڈیاڈیپارٹمنٹ: دعوت اسلامی کے سوشل میڈیا ڈیپارٹمنٹ کی زیر نگرانی نگران پاکستان مشاورت کے سوشل اکاؤنٹس کو مینیج کیا جا رہا ہے،مختلف ایونٹس کے پروگرامز اور بیانات سوشل میڈیا پر لائیو کیے جاتے ہیں، گرافک ڈیزائنگ ،ویڈیو ایڈیٹنگ اورپروڈکشن سے Related تمام کام اسی شعبے میں کیےجاتے ہیں۔تنظیمی ویب سائٹ ORGکو مینیج کرنا،اس پر تنظیمی ڈیٹا اپلوڈ کرنا اور تنظیمی کورسز کی پریزنٹیشن تیار کرنا بھی اسی شعبے کے ذمے ہے۔

8.تنظیمی سوفٹ وئیر ز ڈیپارٹمنٹ: دعوت اسلامی کے آئی ٹی ڈیپارٹمنٹ کی زیر نگرانی ذمہ داران کو آسانی فراہم کرنے اور دینی کاموں کو فاسٹ کرنے کےلئے جدید ٹیکنالوجی کا استعمال کرتے ہوئے تنظیمی سافٹ ویئرز بنائے جاتے ہیں۔

9.ایڈمنسٹریٹو ڈیپارٹمنٹ(شعبہ انتظامی امور): میں مدنی مذاکرہ ہال میں ہونے والے مدنی مشوروں کی تیاری اور آفسزکے جملہ انتظامات کو سر انجام دیا جا رہا ہے،فیضان مدینہ فیصل آباد کے سسٹم سپورٹ کا کام بھی اسی شعبے کے تحت ہے ،اسی طرح پاکستان مشاورت آفس کو خود کفیل کرنے کے لئے مختلف اقدامات بھی کیے جارہے ہیں ۔

10.فنانس ڈیپارٹمنٹ(پاک آفس): پاکستان کے تمام شعبہ جات کی ماہانہ آمدن اور اخراجات کا ریکارڈ رکھنا ،شعبہ جات سے آمدن و خرچ ٹیلی کروا نا، آمدن بڑھانے کی تجاویز پیش کرنااور Traveling Expenses کو کنٹرول کرنے کےلئےمختلف کمپنیوں سے ڈسکاؤنٹ لینے پر ورکنگ کرنا، ای رسید مینیجمنٹ اور شعبہ جات کی فنانس پالیسیز بنانا اسی ڈیپارٹمنٹ کے ذمے ہے۔

اللہ پاک ان تمام شعبہ جات کو دِن دُگنی، رات چُگنی ترقیاں نصیب فرمائے، شیخِ طریقت، امیر اہلسنت دامت برکاتہم العالیہ کے صدقے ہمیں اخلاص و استقامت کے ساتھ خِدْمتِ دِین کی سَعَادت عطا فرمائے۔ آمین بجاہِ خاتم النبیین صلی اللہ علیہ وسلم

دعوت اسلامی کی تنظیمی معلومات حاصل کرنے کےلئے دعوت اسلامی کی تنظیمی ویب سائٹ ORG کا وزٹ کریں