پچھلے دنوں  دعوتِ اسلامی کشمیر مشاورت کے نگران حاجی سید جنید عطاری نے دیگر ذمہ داراسلامی بھائیوں کے ہمراہ وزیرِاعظم کشمیر چوہدری انوارُ الحق سے ملاقات کی ۔

دورانِ ملاقات نگران کشمیر مشاورت نے وزیرِاعظم کشمیر کو عالمی سطح پر ہونے والی دعوت اسلامی کی دینی و سماجی خدمات کا تعارف پیش کیا اور قرآن پاک کی بےحرمتی کے حالیہ واقعہ پر امیر اہل سنت دامت برکاتہم العالیہ کی جانب سے دنیا بھر میں 540 مساجد بنانے کے اعلان کے متعلق آگاہی دی ۔

مزید کشمیر میں ہونے والے دعوتِ اسلامی کے دینی و فلاحی کاموں پر بھی بریف کیا اور وزیراعظم کشمیر کو عالمی مدنی مرکز فیضانِ مدینہ کراچی کا وزٹ کرنے کی دعوت بھی پیش کی جس پر انہوں نے شکریہ ادا کرتے ہوئے وزٹ کرنے کی اچھی نیت کا اظہار کیا اور امیر اہلِ سنت و مرکزی مجلس شوریٰ کے جملہ اراکین کی خدمات کو سراہتے ہوئے خراج عقیدت پیش کیا اور ہر ممکن تعاون کا یقین دلایا۔

ملاقات کے آخر میں ذمہ داران نے وزیراعظم صاحب کو مکتبۃُ المدینہ کی مطبوعہ کتابیں ’’فیضانِ نماز‘‘ اور ’’سیرتِ عمر بن عبدالعزیز رضی اللہ عنہ ‘‘تحفے میں پیش کیں۔(کانٹینٹ:رمضان رضا عطاری)

عاشقانِ رسول  کی دینی تحریک دعوتِ اسلامی کے زیرِ اہتمام 20جولائی2023ء کو ملیر نشتر اسکوائر کی نورانی مسجد میں بعد نماز مغرب ہفتہ وار سنتوں بھرے اجتماع کا انعقاد ہوا جس میں مقامی اسلامی بھائیوں کے علاوہ ذمہ داران نے شرکت کی ۔

مرکزی مجلسِ شوریٰ کے رکن مولاناحاجی محمدعقیل عطاری مدنی نے’’فاروق اعظم رضی اللہ عنہ کے اعلیٰ اوصاف‘‘ کے موضوع پر بیان کیااور شرکائے اجتماع کو مسلمانوں کے دوسرے خلیفہ حضرت عمر فاروق اعظم کی ذات میں موجود اعلیٰ صفات میں سے خوفِ خدا،نماز کی پابندی،قناعت اور عدل و شجاعت کو اپنانے کی ترغیب دلائی۔ بیان کے بعد ذکراللہ اور دعا ہوئی نیز صلوۃ وسلام پر پہلی نشست مکمل ہوئی۔

بعد نماز عشا سنتیں اور آداب سیکھنے سکھانے کے حلقے میں رکنِ شوریٰ نے شرکا کی تربیت فرمائی اور انہیں دعا بھی یاد کروائی۔( کانٹینٹ:رمضان رضا عطاری)

عاشقانِ رسول  کی دینی تحریک دعوتِ اسلامی کے تحت 20 جولائی 2023ء کو جامع مسجد فاروقِ اعظم گلشن ِاقبال میں ہفتہ وار سنتوں بھرا اجتماع منعقد ہوا جس میں مقامی عاشقانِ رسول نے شرکت کی۔

مرکزی مجلسِ شوریٰ کے رکن حاجی محمد امین عطاری نے ’’فاروق ِ اعظم رضی اللہُ عنہ کے اعلیٰ اَوصاف ‘‘ کے موضوع پر بیان کیا جس میں محبت صدیق و فاروق کی برکات ، شیرِ خدا رضی اللہُ عنہ کی ایک پیاری تمنّا اور فاروق ِ اعظم رضی اللہُ عنہ اور دین میں پختگی کے پیارے پیارے واقعات بتائے ۔

علاوہ ازیں رکنِ شوریٰ نے شرکائے اجتماع کو دعوتِ اسلامی کے تحت سنتوں کی تربیت کے لئے سفر کرنے والے 3 دن،12 دن اور ایک ماہ کے مدنی قافلوں میں سفرکرنے کا ذہن دیا جس پر انہوں نے اچھی اچھی نیتیں کیں۔( کانٹینٹ:رمضان رضا عطاری)

دعوتِ اسلامی کے زیر اہتمام آج رات مؤرخہ  20 جولائی 2023ء کو دنیا بھر میں ہفتہ وار سنتوں بھرے اجتماعات کا انعقاد کیا جائیگا جن میں اراکینِ شوریٰ و مبلغین دعوت اسلامی سنتوں بھرے بیانات فرمائیں گے۔ ان اجتماعات کا آغاز تلاوتِ قرآنِ پاک اور نعتِ رسولِ مقبول صلی اللہ علیہ و سلم سے کیا جائے گا جبکہ اختتام پر دعوتِ اسلامی کے دینی کاموں کے حوالے سے اعلانات، ذکر اور رقت انگیز دعاؤں کا سلسلہ بھی ہوگا۔

تفصیلات کے مطابق مدنی مرکز فیضان مدینہ عباسیہ ٹاؤن بہاولپور سے مدنی چینل پر براہِ راست نشر ہونے والے ہفتہ وار اجتماع میں مرکزی مجلس شوریٰ کے رکن قاری سلیم عطاری سنتوں بھرا بیان فرمائیں گے۔

اس کے علاوہ عالمی مدنی مرکزفیضان مدینہ کراچی میں رکن شوریٰ حاجی فضیل عطاری، جامع مسجد کلثوم ڈرگ روڈ کالونی نمبر 3 کراچی میں رکن شوریٰ حاجی محمد علی عطاری، مدینہ مسجد پنجابی کلب کھارادر آرام باغ ٹاؤن صدر 3 کراچی میں رکن شوریٰ مولانا حاجی عبد الحبیب عطاری، مدنی مرکز فیضان مدینہ جوہر ٹاؤن لاہور میں نگرانِ مجلس شعبہ پروفیشنلز فورم محمد ثوبان عطاری سنتوں بھرابیان فرمائیں گے۔

تمام عاشقانِ رسول اپنے اپنے علاقوں میں ہونے والے دعوتِ اسلامی کے ہفتہ وار سنتوں بھرے اجتماعات میں خود بھی شرکت کریں اور دیگر اسلامی بھائیوں کو شرکت کرنے کی ترغیب دلائیں۔ 

حالیہ ہونے والی قرآن پاک کی بے حُرمتی کے کیخلاف عملی طور پر مذمت کرنے کے لئے شیخ طریقت امیر اہلسنت علامہ محمد الیاس عطار قادری دامت بَرَکَاتُہمُ العالیہ نے 14 جولائی 2023ء کو ”یومِ تلاوتِ قرآن“ منانے کا اعلان کیا تھا۔عاشقانِ رسول نے اس ترغیب پر بھر پور عمل کرتے ہوئے ہفتہ وار اجتماع اور بروز جمعہ قرآن پاک کی تلاوت کرنے کی سعادت حاصل کی اور قرآن سے اپنی محبت کا اظہار کیا۔

15 جولائی 2023ء کی شب ہونے والے مدنی مذاکرے میں دنیا بھر میں پڑھے جانے والے قرآن پاک اور قرآن پاک پڑھنے والے اسلامی بھائیوں اور اسلامی بہنوں کی کارکردگی بیان کی گئی۔

تلاوت کئے گئے پاروں اور پڑھنے والے اسلامی بھائیوں اور بہنوں کی کارکردگی ملاحظہ کیجئے:

ملک و بیرون ملک میں ایک پارہ پڑھنے والے اسلامی بھائیوں اور اسلامی بہنوں کی تعداد: 9 لاکھ، 63 ہزار، 943

ہفتہ وار اجتماع میں ایک پارہ سننے والے اسلامی بھائیوں کی تعداد: 1لاکھ، 29 ہزار، 275

ٹوٹل: 10 لاکھ، 93 ہزار، 218

شہیدانِ کربلا رضی اللہُ عنہم کےایصالِ ثواب اور ان کی تعلیمات سے عاشقانِ رسول کو وابستہ کرنے کے لئے دعوتِ اسلامی کے زیر اہتمام 18 جولائی 2023ء سے 11 محرم الحرام 1445ھ تک روزانہ رات تقریباً 9:45 بجے مدنی مذاکروں کا انعقاد کیا جائیگا۔

ان مدنی مذاکروں میں شیخ طریقت امیر اہلسنت علامہ محمد الیاس عطار قادری دامت بَرَکَاتُہمُ العالیہ عالمی مدنی مرکز فیضان مدینہ کراچی سے براہ راست(Live) مدنی چینل پر سیرتِ صحابہ و اہل بیت رِضوانُ اللہِ علیہم اجمعین پر گفتگو کرنے کے ساتھ ساتھ شرکا کی شرعی و معاشرتی رہنمائی فرمائیں گے۔ اس کے علاوہ عاشقان رسول کی جانب سے ہونے والے سوالات کےحکمت بھرے جوابات بھی ارشاد فرمائیں گے۔

تمام عاشقان رسول سے ان علمی نشستوں میں پابندی کے ساتھ شرکت کرنے کی درخواست ہے۔

ٹنڈوالہ یار۔۔۔۔ دعوت اسلامی کی مرکزی مجلس شوریٰ کے رکن و نگران سندھ مشاورت حاجی محمد ایاز عطاری نےکہا ہے کہ نیک اعمال نزع میں آسانی دلاتے ہیں،ان میں درود پاک کی کثرت،مسواک کی سنت پر عمل،باوضو رہنے کی عادت،والدین کی اطاعت،حسن اخلاق،صلہ رحمی،صدقہ فطر کی ادائیگی،راہِ خدا  میں صدقہ وخیرات اور نیک اعمال کی بر کت سے نزع کے وقت آسانی دی جاتی ہے، ان خیالات کا اظہار انہوں نے ٹنڈو الہ یار میں قائم مدنی مرکز فیضان مدینہ میں سنتوں بھرے اجتماع سے بیان کرتے ہوئے کیا۔

انہوں نے کہا کہ نزع میں تکلیف براہ راست روح پر حملہ آور ہوتی ہے،پھر پورے بدن میں پھیل جاتی ہے،ہر ہر رگ سےہر ہر پٹھے سے ہر ہر جوڑ سے ہر ہر بال کی جڑ سے سر سے پاؤں تک کھال کے ہر حصے سے روح کھینچ کر نکالی جاتی ہے،مت پوچھو کہ یہ کیسی سخت تکلیف ہے؟موت کی تکلیف تلوار کے وار،آرے کے چیرنے سے اور قینچی کے کاٹنے سے بھی زیادہ سخت ہے،مرنے سے لے کر قیامت تک مردہ موت کی تکلیف محسوس کرتا رہےگا۔

رکن شوریٰ نے کہا کہ یہ گنہگاروں کا حال ہے البتہ جو نیک لوگ ہیں،کامل ایمان والے ہیں،گناہوں سے بچنے اور نیکیوں میں زندگی گزارنے والے ہیں حضرت ملک الموت ان کے ساتھ بہت نرمی سے پیش آتے ہیں،جو کلمہ پڑھتے ہیں،محبوب دوجہاں صلَّی اللہ علیہ واٰلہٖ وسلَّم کی غلامی کا دم بھرتے ہیں،وہ خوش نصیب جو کامل ایمان والے ہیں یعنی دل میں ایمان بھی رکھتے ہیں اور ایمان کے تقاضوں پر بھی عمل کرتے ہیں،گناہوں سے بھی بچتے ہیں،نمازیں بھی پڑھتے ہیں،دیگر نیک کام بھی کرتے ہیں نزع کے وقت ان شاء اللہ الکریم ان پر آسا نی کی جائے گی۔

حاجی محمد ایاز عطاری نے کہا کہ موت لمحہ بہ لمحہ قریب آرہی ہے،قبر کی منزل کی جانب برابر آگے کوچ جاری ہے،تصور کیجئے کہ ہم گویا بڑی احتیاط سے ایمان کو بحفاظت سینے سے چمٹائے ہوئے ہیں،ایک طرف نفس امارہ ایمان کو جھپٹ رہا ہے تودوسری طرف شیطان چالیں بدل بدل کر وار کررہا ہے،اور ایمان پر ڈاکاڈالنے میں مصروف ہے، رکن شوریٰ نے کہا کہ اللہ پاک ہم سب کو نزع میں قبر میں حشر میں آسانیاں نصیب فرمائے،کاش پیارے آقا صلَّی اللہ علیہ واٰلہٖ وسلَّم کے صدقے بلا حساب جنت میں داخلہ نصیب ہوجائے۔ (رپورٹ: محمود عطاری)

امیرِ اہلسنت علامہ محمد الیاس عطار قادری دامت برکاتہم العالیہ نے گزشتہ دنوں قرآنِ پاک کونذر آتش کرنے کے دل سوز واقعے کی مذمت کرتے ہوئے دعوتِ اسلامی کے تحت 14 جولائی 2023ء بروز جمعۃ المبارک کویومِ تلاوتِ قرآن منانے کا اعلان کیا اور عاشقانِ رسول کو ایک ایک پارہ پڑھنے کی ترغیب دی جس پر عمل کرتے ہوئے کراچی سمیت سندھ ،بلوچستان ،خیبرپختونخوا اور پنجاب کے کئی شہروں میں تلاوت قرآن پاک کا اہتمام کیا گیا ۔

تفصیلات کے مطابق قرآنِ پاک کونذر آتش کرنے کے دلخراش واقعے پر امیرِ اہلِ سنت حضرت علامہ مولانا محمد الیاس عطار قادری دامت برکاتہم العالیہ نے مذمت کرتے ہوئے 14 جولائی 2023ء بروز جمعۃ المبارک کو یومِ تلاوتِ قرآن پاک منانے کا اعلان فرمایا اور دنیا بھر میں قائم دعوتِ اسلامی کے مدنی مراکز میں ہونے والے ہفتہ وار سنتو ں بھرے اجتماع میں ایک پارہ پڑھنے کے ساتھ ساتھ دنیا بھر کے عاشقان رسول کوبروز جمعۃ المبارک ایک ایک پارہ پڑھنے کی ترغیب دی جس پر عالمی مدنی مرکز فیضان مدینہ کراچی اور سندھ کے کئی شہروں مدنی مرکز فیضان مدینہ حیدرآباد ،مدنی مرکز فیضان مدینہ ٹنڈو الہ یار ،نوابشاہ میں قائم مدارس المدینہ فیضان مدینہ ملک کالونی، بہار مدینہ کیمپ نمبر 2 ، بادشاہی مسجد پیلا کیمپ جبکہ مدرسۃ المدینہ فیضان مدینہ اور مدرسۃ المدینہ سفینہ مسجد سانگھڑ ،چوہڑ جمالی میں رہنے والے عاشقان رسول، طلبہ ،اساتذہ و ناظمین سمیت دیگر عاشقان رسول نے امیر اہل سنت کے فرمان عمل کرتے ہوئے ایک ایک پارے کی تلاوت فرمائی۔ اس کے علاوہ فیضان مدینہ ٹنڈوآدم میں بھی ہفتہ وار سنتوں بھرے اجتماع میں قرآنِ پاک کی تلاوت کرنے اور سننے کی سعادت حاصل کی گئی۔

امیر اہل سنت حضر ت علامہ محمد الیاس عطار قادری دامت برکاتہم العالیہ کی جانب سے قرآن پاک کی بے حرمتی کے واقعے پر مذمت اور یوم تلاوت قرآن پاک منانے کے اعلان پر بلوچستا ن کے شہر اوتھل ،بیلہ ،وندر، سبی ،اوستہ محمد ،ڈیرہ مراد جمالی کے عاشقان رسول نے بھی امیر اہل سنت کے فرمان پر عمل کرتے ہوئے ہفتہ وار سنتوں بھرے اجتماع میں قاری صاحبان نے قرآن پاک کے ایک پارے کی تلاوت فرمائی جسے حاضرین سماعت کی۔

امیر اہل سنت کے فرمان پر دعوتِ اسلامی کے تحت یومِ تلاوتِ قرآن بھرپور انداز سے منایا گیا اور جمعرات اور جمعہ کی درمیانی رات ہونے والے دارالحکومت اسلام آباد ، فیصل آباد، ملتان ،لاہور سمیت پنجاب کے مختلف شہروں اور دنیا بھر میں ہفتہ وار سنتوں بھرے اجتماعات میں قاری صاحبان نے ایک پارےکی تلاوت فرمائی اس موقع پر اراکین شوریٰ سمیت ذمہ داران اور مقامی عاشقان رسول بھی شریک ہوئے۔

امیر اہل سنت حضرت علامہ محمدالیاس عطار قادری دامت برکاتہم العالیہ کے فرمان پر خیبر پختونخوا کے شہر پشاور ،لکی مروت شین باغ، ڈیرہ اسماعیل خان اور ایبٹ آباد میں قائم مدنی مرکز فیضان مدینہ میں یوم تلاوت قرآن کے حوالے سے پروقار تقریب کا انعقاد کیا گیا جس میں مبلغین دعوتِ اسلامی نے قران پاک کی فضیلت سے متعلق گفتگو کی اس موقع پر قاری صاحبان نے قرآن پاک کی تلاوت فرمائی جسے حاضرین نے باادب طور پر سننے کی سعادت حاصل کی۔

دعوتِ اسلامی کے تحت گزشتہ روز ڈسٹرکٹ جامشورو کے ذمہ دار اسلامی بھائیوں کا مدنی مشورہ منعقد ہوا جس میں مرکزی مجلسِ شوریٰ کے رکن حاجی قاری محمد ایاز عطاری نے اسلامی بھائیوں کی تربیت کی۔

معلومات کے مطابق مدنی مشورے کی ابتداء میں رکنِ شوریٰ حاجی قاری محمد ایاز عطاری نے دعوتِ اسلامی کے 12 دینی کام، ہفتہ وار سنتوں بھرا اجتماع اور رسالہ مطالعہ کارکردگی کا جائزہ لیا۔

اس کے علاوہ رکنِ شوریٰ حاجی قاری محمد ایاز عطاری نے ایک ماہ کے مدنی قافلوں بالخصوص محرم الحرام کے مدنی قافلے میں سفر کرنے کے حوالے سے شرکا کی ذہن سازی کی اور آئندہ کے اہداف دیئے۔ (کانٹینٹ:غیاث الدین عطاری) 

دعوتِ اسلامی کے تحت گزشتہ روز ڈسٹرکٹ ٹنڈو محمد خان کے ذمہ دار اسلامی بھائیوں کا مدنی مشورہ ہوا جس میں مرکزی مجلسِ شوریٰ کے رکن حاجی قاری محمد ایاز عطاری نے اُن کی تربیت کی۔

معلومات کے مطابق مدنی مشورے کی ابتداء میں رکنِ شوریٰ حاجی قاری محمد ایاز عطاری نے دعوتِ اسلامی کے 12 دینی کام، ہفتہ وار سنتوں بھرا اجتماع اور رسالہ مطالعہ کارکردگی کا جائزہ لیا۔

اس کے علاوہ رکنِ شوریٰ حاجی قاری محمد ایاز عطاری نے ایک ماہ کے مدنی قافلوں بالخصوص محرم الحرام کے مدنی قافلے میں سفر کرنے کے حوالے سے شرکا کی ذہن سازی کی اور آئندہ کے اہداف دیئے۔ (کانٹینٹ:غیاث الدین عطاری)

دعوتِ اسلامی کی مرکزی مجلس شوریٰ کے رکن مولانا حاجی محمد اسد عطاری مدنی نے 14 جولائی 2023ء کو مدنی مرکز فیضان مدینہ اسلام آباد میں قائم مرکزی جامعۃ المدینہ کے درجہ دورۃ الحدیث شریف کا دورہ کیا جہاں انہوں نے طلبۂ کرام سے ملاقات کی۔

اس موقع پر رکن شوریٰ نے طلبۂ کرام کو مدنی پھولوں سے نوازتے ہوئے انہیں خوب محنت و لگن کے ساتھ علم دین حاصل کرنے اور دینی کاموں میں بڑھ چڑھ کر حصہ لینے کی ترغیب دلائی۔

دعوتِ اسلامی کے تحت مرید کے میں 13 مئی  2023ء بروز جمعرات ہفتہ وار سنتوں بھرے اجتماع کا انعقاد ہوا جس میں دور و نزدیک سے کثیر عاشقانِ رسول نے شرکت کی ۔

مرکزی مجلس شوریٰ کے رکن حاجی یعفور رضا عطاری نے’’ملک الموت علیہ السلام کے واقعات‘‘ کے موضوع پر بیان کرتے ہوئے حاضرین کو موت اور قبرو آخرت کی فکر کرنےکا ذہن دیا ۔

بیان کے بعد اجتماع پاک میں امیر اہلِ سنت علامہ محمد الیاس عطار قادری دامت برکاتہم العالیہ کے عطا کردہ شیڈول کے مطابق قاری صاحب نے قرآن پاک کے 1 پارے کی تلاوت بھی کی۔ذکر،دعا اور صلوۃ و سلام پر اجتماع کا اختتام ہوا۔( کانٹینٹ:رمضان رضا عطاری)