12اپریل 2024ء  بروز جمعہ جھنگ کی تحصیل اٹھارہ ہزاری کے علاقے اقبال نگر میں مدرسۃ المدینہ فار گرلز کا سنگ بنیاد کا سلسلہ ہوا جس میں نگران فیصل آباد ڈویژن مشاورت حاجی محمد سلیم عطاری نے سنگ بنیاد رکھا۔

تفصیلات کے مطابق حاجی محمد سلیم عطاری نے مدرسے کے اچھے انتظامات چلانے کے حوالےسے مقامی مجلس بنائی اور اہل علاقہ کومدرسے کی تعمیراتی کام میں بھر پور تعاون کرنے کا ذہن دیا جس پر شخصیات نے اس مدرسۃالمدینہ فار گرلز کی تعمیرات میں جلدی کام شروع کرنے اور اسے 6ماہ میں مکمل تعمیرات کرنے کی نیت کی۔

دوسری جانب مقامی عاشقان رسول نے بہت خوشی کا اظہار کیا ۔ اس علاقے میں دعوت اسلامی کے تحت پہلا مدرسۃالمدینہ فار گرلز کا قیام ہورہا ہے۔ اس علاقے میں پہلے گرلز کا کوئی بھی مدرسہ نہیں تھا۔ اس موقع پر نگران اٹھارہ ہزاری مشاورت محمد عابد حسین عطاری بھی موجود تھے ۔ (رپورٹ: محمد عبدالرزاق عطاری شعبہ ہفتہ وار اجتماع و مدنی مذاکرہ فیصل آباد ڈویژن، کانٹینٹ:رمضان رضا عطاری)

راقم الحروف فقیرقادری عفی عنہ کو کراچی کے دوکرم فرما مولانا محمد عمیر عطاری اور حاجی اشعر عطاری نے خبردی کہ نبیرۂ صدرالشریعہ،جگرگوشۂ محدثِ کبیر،استاذالعلماء حضرت علامہ مفتی عطاء المصطفی اعظمی مصباحی نوری رحمۃُ اللہِ علیہ بحالتِ سفرِ عمرہ ”طائف،عرب شریف“ میں ایکسیڈنٹ ہونے کے سبب 6شوال المکرم 1445ھ مطابق 15 اپریل 2024ء کوشہادت پاگئے ہیں۔ اِنَّا لِلہِ وَاِنَّا اِلَیْہِ رٰجِعُوْن ۔اللہ پاک ان کی مغفرت فرمائے ،ان کی تربت کو جنت کا باغ بنائے، بروزقیامت بلاحساب جنت میں داخل فرمائے ، انکی تدریسی، تصنیفی، فتاویٰ نویسی ،دینی وتبلیغی اورملی تمام خدمات قبول ہوں۔اللہ پاک ان کے والد گرامی محدث کبیرمفتی ضیاء المصطفی اعظمی دامت بَرَکَاتُہمُ العالیہ ،ان کے بھائیوں اور بیٹوں محترم ریاض المصطفی اعظمی، محترم عبدالمصطفی اعظمی، محترم مصطفی رضا اور دیگر لواحقین کو صبر و اجر عطا فرمائے۔ اٰمِیْن بِجَاہِ خاتم النَّبیّن صلَّی اللہ علیہ واٰلہٖ وسلَّم۔راقم الحروف نے زمانہ ٔطالبِ علمی میں ان کی کتاب ضیاء العارفین ترجمہ منہاج العارفین اوررسالہ مسئلہ کف ثوب کا مطالعہ کیاتھا۔مفتی صاحب کا مختصر تعارف ملاحظہ کیجئے :

پیدائش وخاندان :

استاذالعلماء حضرت مفتی عطاء المصطفیٰ اعظمی مرحوم کی پیدائش 14رجب 1384ھ مطابق 19نومبر 1964ء کو صدرالشریعہ مفتی امجدعلی اعظمی رحمۃُ اللہِ علیہ کے صاحبزادے محدث کبیرحضرت علامہ مفتی ضیاء المصطفی اعظمی دامت بَرَکَاتُہمُ العالیہ کے گھر بمقام بڑاگاؤں، مدینۃ العلماء گھوسی ،ضلع مؤسابق اعظم گڑھ اترپردیش ہند میں ہوئی ۔

تعلیم وتربیت:

ناظرہ قرآن پاک ،اردووفارسی قاعدہ اپنی دادی جان کے پاس قادری منزل میں پڑھا،1354ھ مطابق 1974ء کو شمس العلوم گھوسی میں داخلہ لیا،یہاں انھوں نے مولانا سیف الدین اور مولانا محمد عاصم اعظمی سے استفادہ کیا۔ایک سال بعد آپ ہندکے سب سے بڑے علمی مرکز جامعۃ الاشرفیہ مبارکپور،اعظم گڑھ ،ہند میں منتقل ہوگئے ،یہاں انھوں نے والدگرامی محدث کبیر مفتی ضیاءالمصطفی اعظمی ،بحرالعلوم مفتی عبدالمنان اعظمی ،شیخ القرآن علامہ عبداللہ خان عزیزی، محدث جلیل علامہ عبدالشکور گیاوی،استاذالعلماء علامہ نصیرالدین مصباحی،ادیب شہیر علامہ یاسین اختر مصباحی، مولانا حافظ افتخار احمد قادری، قاضی محمد شفیع اعظمی،علامہ محمد اعجاز مبارکپوری،قاری ابوالحسن مصباحی اور قاری محمد عثمان گھوسوی سے شرف تلمذ پایا۔ دوران تعلیم والدگرامی محدث کبیر کے حکم سے آپ حافظ ملت علامہ عبدالعزیز محدث مرادآبادی رحمۃُ اللہِ علیہ کے گھرکا سودا سلف لاتے ،حافظ ملت آپ پرانتہائی شفقت ومحبت فرماتے اور تربیت فرمایا کرتے تھے ۔ آپ کے استاذ سراج الفقہا،محقق مسائل جدیدہ حضرت علامہ مفتی نظام الدین رضوی صاحب تحریر فرماتے ہیں :حضرت مولانا عطاء المصطفی اعظمی مصباحی صاحب کی چندکتابیں بھی میرے زیرِ درس رہیں، مولانا محنتی ہونے کے ساتھ بڑےمؤدب تھے ،مطالعۂ کتب اور عبارات کے حل کرنے کا ذوق شوق بہت عمدہ تھا ۔

بیعت ودستارفضیلت :

زمانۂ طالب ِعلمی میں ہی آپ نے 17ربیع الاول 1396ھ مطابق 19مارچ 1976ء کو مفتیٔ اعظم ہند مفتی محمد مصطفی رضا خان نوری رحمۃُ اللہِ علیہ سے سلسلہ ٔقادریہ رضویہ نوریہ میں بیعت کا شرف حاصل کیا جبکہ سلسلہ ٔقادریہ و دیگر سلاسل کی خلافت تاج الشریعہ مفتی اختررضا خان رحمۃُ اللہِ علیہ نے ذوالحجہ1409ھ اوروالدگرامی محدث کبیرعلامہ ضیاء المصطفیٰ اعظمی مدظلہ نے1410ھ میں عطافرمائی۔ آپ 1403ھ مطابق 1983ء کو فارغ التحصیل ہوئےاوردرس نظامی مکمل کرنے پر دستارِفضلیت سے نوازے گئے۔آپ نے الہ آبادیونیورسٹی سے 1979ء میں عالم اور1982ء میں فاضل عربی کی اسنادحاصل کیں ۔

شادی واولاد:

آپ کا نکاح اگست 1984 ء میں اپنی پھوپھی زادبہن سے ہو ا،اور رخصتی جولائی 1987ء میں کی گئی ۔آپ کے تین بیٹے ریاض المصطفی اعظمی ، عبدالمصطفی اعظمی ، مصطفی رضا اعظمی اورتین بیٹیاں ہیں ۔

تدریس وفتاویٰ نویسی :

فارغ التحصیل ہونے کے بعد آپ نے درس نظامی کی تدریس کا آغازدارالعلوم علیمیہ جمداشاہی ضلع بستی یوپی ہندمیں کیا ،اسی دوران فتاویٰ نویسی کا بھی آغازکیا۔ایک سال بعد آپ دارالعلوم امجدیہ عالمگیرروڈ کراچی تشریف لے آئے اورستمبر 1985ء تا 15 جنوری 2011ء تک تقریبا 26سال تدریس فرماتے ہیں ،یہاں انہیں مفتی اعظم پاکستان مفتی وقارالدین قادری صاحب کی صحبت حاصل ہوئی اوران کے وصال (1993ء)تک ان کی نگرانی میں فتاویٰ نویسی کرتے رہے، ان کے وصال کے بعدمفتی دارالعلوم کےمنصب پرفائزہوئے۔2003ء میں انھوں نےدارالعلوم صادق الاسلام لیاقت آبادکراچی میں امجدی دارالافتاء قائم کیا اوراب تک اس میں رئیس امجدی دارالافتاء کے منصب پر فائز تھے ۔بلاشبہ آپ نے ہزاروں فتاویٰ جاری فرمائے،جنہیں جمع کیاجائے تو کئی جلدوں پر مشتمل فتاویٰ کا عظیم الشان اور ضخیم انسائیکلوپیڈیا بن سکتاہے ۔2003ء میں آپ نے دارالعلوم صادق الاسلام میں بعد عشاء درس نظامی کا آغاز فرمایا اور2011ء میں مکمل طورپر اپنی تدریسی خدمات یہیں سرانجام دینے لگے۔تاوقتِ وصال یہاں شیخ الحدیث کے منصب پرفائز تھے ۔تدریس سے آپ کو کتنا لگاؤتھا ،اس کا اندازا اس بات سے لگایا جاسکتاہے کہ جب کوئی طالبِ علم آپ سے کسی وقت بھی کوئی کتاب پڑھنے کی درخواست کرتا تو آپ ردنہ فرماتے اوراسے پڑھا دیا کرتے تھے۔

دیگر دینی خدمات :

تدریس وفتاویٰ نویسی کے ساتھ امامت وخطابت اورروحانی علاج کاسلسلہ بھی جاری رکھا۔احقاقِ حق ہویاابطال باطل، جلوس میلادہویا گھرگھرمحافل ومجالس آپ سب میں متحرک رہتے تھے ۔کتابوں کے مطالعے سے تو آپ کا خاص شغف تھا،تصنیف وتالیف پر نظرڈالیں تو آپ تین درجن کے قریب کتب رسائل لکھ چکے تھے ۔جن میں سے مطبوع و غیرمطبوع کچھ کتابوں کےنام یہ ہیں: (1) ضیاء النحو (2) ضیاء الصرف (3) ضیاء فارسی (4) فارسی کی پہلی کتاب کا حاشیہ (5) ضیاء المنطق (6) ضیاء اصول حدیث (7) ترجمہ صرف میر (9) ترجمہ مشکوة المصابیح شریف (10) ترجمہ منیۃ المصلی ( 11) منہاج العارفین ترجمہ منہاج العابدین (12)جنوں کی دنیاترجمہ لقط المرجان فی احکام الجان (13) جشنِ عید میلاد النبی صلی اللہ علیہ وسلم (14) فضائل سیدنا صدیق اکبر (15) حسن قرات (16)کف ثوب (17)بہار ِ اعتکاف (18) راحت القلوب (19) سلام کےفضائل واہمیت (20) سماع موتیٰ (21) نماز کا طریقہ (22)فضائل شعبان المعظم (23) فضائل رمضان المبارک (24) پرائز بانڈ پر انعام لینا جائز ہے۔(25) حج وعمرہ ایک نظر میں (26) سوانح رئیس التحریر حضرت علامہ ارشد القادری وغیرہم۔

اللہ پاک ان کی دینی خدمات کو قبول فرمائے ،اٰمِیْن بِجَاہِ النّبیِّ الْاَمِیْن صلَّی اللہ علیہ واٰلہٖ وسلَّم

مضمون کا ماخذ: راقم فقیرقادری عفی عنہ نے یہ مضمون مفتی صاحب کے شاگرداوردعوت اسلامی کے اسلامک ریسرچ سینٹرالمدینۃ العلمیہ کے محقق عالم دین مولاناابوسائل ندیم مدنی عطاری (فاضل جامعۃ المدینہ )کی تحریک پر مولانا عامرامجدی مدظلہ کے 16صفحات پر مشتمل رسالے ’’تذکرہ مفتی عطاء المصطفی اعظمی ‘‘پیشکش تاج الشریعہ فاؤنڈیشن کراچی کی مددسے لکھا ہے ۔

فقیرقادری ابوماجدمحمدشاہدمدنی عطاری عفی عنہ

7شوال 1445ھ مطابق 16،اپریل 2024ء

عاشقانِ رسول   کی دینی تحریک دعوت اسلامی کے دینی کاموں کے سلسلے میں 12اپریل بروز جمعہ2024ء کو ڈسٹرکٹ جھنگ کی تحصیل اٹھارہ ہزاری میں مدنی مشورے کا انعقاد کیا گیا جس میں تحصیل اٹھارہ ہزاری سے ذمہ داران شریک ہوئے۔

مدنی مشورے میں نگران فیصل آباد ڈویژن مشاورت حاجی محمد سلیم عطاری نے ذمہ داران کو 12 دینی کام عملی طور پر کرنے اور ہفتہ وار اجتماع میں شرکت کرنے کا ذہن دیا۔

مزید ہفتہ وار رسالے کا مطالعہ کرنے کا ذہن دیا نیز ہر ذمہ دار کو روزانہ 4 چوک درس دینے کا ہدف طے ہوا۔ اس موقع پر نگران جھنگ ڈسٹرکٹ مشاورت مولانامحمد فاروق عطاری اور نگران اٹھارہ ہزاری مشاورت محمد عابد حسین عطاری نے بھی شرکت کی۔ )رپورٹ: محمد عبدالرزاق عطاری شعبہ ہفتہ وار اجتماع و مدنی مذاکرہ فیصل آباد ڈویژن،کانٹینٹ:رمضان رضا عطاری)

26 رمضان المبارک 1445ھ کو امیر اہلسنت کا یومِ پیدائش محبت و عقیدت سے منایا گیا۔

دنیا بھر میں موجود مریدین و محبین نے امیر اہلسنت حضرت علامہ مولانا محمد الیاس عطار قادری دامت بَرَکَاتُہمُ العالیہ کو مبارکباد پیش کی اور خوشی کا اظہار کرتے ہوئے ڈھیروں ڈھیر ثواب کا تحفہ پیش کیا۔

امیر اہل سنت کو تحفے میں بھیجے گئے ثواب کی تفصیلات:

٭قرآنِ پاک:27لاکھ، 6ہزار518 ٭متفرق پارے: 3لاکھ، 61 ہزار684 ٭ سورۂ بقرہ: 63 ہزار277 ٭ سورۂ یٰسین: 13 لاکھ، 54 ہزار32 ٭ سورۂ ملک: 10 لاکھ، 91 ہزار169 ٭سورۂ رحمٰن: 10لاکھ، 67 ہزار604 ٭ سورۂ واقعہ: 4لاکھ، 86 ہزار728 ٭ سورۂ مزمل: 15 لاکھ، 3ہزار 706 ٭ چاروں قل شریف: 1کروڑ، 57 لاکھ، 92 ہزار775 ٭ دیگر سورتیں: 2 کروڑ، 77 لاکھ، 79ہزار 581 ٭ ذکرُ اللہ عَزَّوَجَلَّ: 1ارب، 67 کروڑ، 77لاکھ،79 ہزار807 ٭ کلمۂ طیبہ: 16 کروڑ، 66 لاکھ، 35ہزار881 ٭ آیتُ الکرسی: 14 کروڑ، 72 لاکھ، 7ہزار797 ٭ آیتِ کریمہ: 14 کروڑ، 72 لاکھ، 7ہزار797 ٭ عمر بھر کی نیکیاِں: 2 لاکھ، 25 ہزار497 ٭حج و عمرہ کا ثواب: 20 ہزار 702 ٭درودِ پاک: 62 کھرب، 35 ارب، 79 کروڑ، 58 لاکھ، 3ہزار502

مختلف نیتوں کا ثواب:

٭درسِ نظامی کی نیت کرنے والے: 11 ہزار 156 ٭وقفِ مدینہ ہونے کی نیت کرنے والے: 3ہزار 822 ٭ ہر ماہ تین دن مدنی قافلہ: 3ہزار 939٭مستقل عمامہ شریف سجانے کی نیت کرنے والے: 1 لاکھ، 34 ہزار47 ٭ایک مٹھی داڑھی شریف سجانے کی نیت کرنے والے: 15ہزار 489 ٭زلفیں رکھنے کی نیت کرنے والے: 3 ہزار 147 ٭زبان کا قفلِ مدینہ لگانے کی نیت کرنے والے: 4ہزار600 ٭پیٹ کا قفلِ مدینہ لگانے کی نیت کرنے والے: 7 ہزار656 ٭تہجد ادا کرنے کی نیت کرنے والے: 1 لاکھ، 23 ہزار 855 ٭اشراق و چاشت و اوابین کے نوافل ادا کرنے کی نیت: 2لاکھ، 7ہزار540 ٭ رسالہ نیک اعمال پر عمل کرنے کی نیت: 1لاکھ، 22 ہزار660 ٭آئندہ سال پورا ماہِ رمضان اعتکاف کرنے کی نیت: 6 ہزار 871 ٭ پورا کنزالایمان اوّل تا آخر پڑھنے کی نیت: 4ہزار 655 ٭مستقل قفل مدینہ تحریک میں شامل ہونے والے: 2 ہزار 478 ٭نفل روزے رکھنے والے: 8 ہزار 10 ٭ہر ماہ کم از کم 12 نمازی بنانے کی نیت: 3ہزار 653 ٭روزانہ مدنی چینل دیکھنا اور 12 لوگوں کو دیکھنے کی دعوت دینا:1 ہزار 605 ٭ہفتہ وار اجتماع میں اوّل تا آخر شرکت کی نیت کرنے والے: 53 ہزار 911 ٭ دعوتِ اسلامی کے دینی کاموں کو روزانہ 2 گھنٹے دینے کی نیت: 2ہزار 877٭ہفتہ وار مدنی مذاکرے میں شرکت کرنے کی نیت: 61 ہزار 885

عاشقانِ رسول کی دینی  تحریک دعوت اسلامی کی طرف سے برہانی مسجد لیاقت آباد کراچی میں یومِ علی کَرَّمَ اللہ تعالٰی وجہَہُ الکریم کے موقع پر افطار اجتماع کا سلسلہ ہوا جس میں اہل علاقہ نے شرکت کی ۔

اس موقع پر مرکزی مجلس شوریٰ کے رکن حاجی محمد امین عطاری نے ”فضائلِ علی رضی اللہ عنہ “ کے موضوع پر بیان کیا اور اپنے ڈونیشن کے ذریعے دعوت اسلامی کے دینی کاموں میں حصہ ملانے کا ذہن دیا جس پر انہوں نے اچھی اچھی نیتیں کیں۔(کانٹینٹ:رمضان رضا عطاری)

         29مارچ 2024ء بروز جمعہ فیصل آباد ڈویژن کے شہر کھڑیانوالہ کے علاقے 61چک بلوچنی میں دعوت اسلامی کے تحت ہفتہ وار اجتماع ہوا جس میں مقامی عاشقانِ رسول نے شرکت کی ۔

اس میں نگران فیصل آباد ڈویژن مشاورت حاجی محمد سلیم عطاری نے ” غزوہ بدر اور شانِ مولا علی کَرَّمَ اللہ تعالٰی وجہَہُ الکریم“ کے موضوع پر بیان کیا نیز بعد اجتماع اجتماع مجلس کے ذمہ داران کا مدنی مشورہ ہوا جس میں مختلف دینی کاموں کے حوالے سے گفتگو ہوئی اور اہداف طے کئے گئے۔ ( محمد عبدالرزاق عطاری شعبہ ہفتہ وار اجتماع و مدنی مذاکرہ فیصل آباد ڈویژن، کانٹینٹ:رمضان رضا عطاری)

دعوت اسلامی کی مرکزی مجلس شوری کے رکن حاجی یعفور رضا عطاری نے جامع مسجد مدینہ، مسلم ٹاؤن موڑ لاہور میں بعد نماز  فجر بیان فرمایا اور بیان کے بعد سمن آباد ٹاؤن کے ذمہ داران کا مدنی مشورہ فرمایا۔

مدنی مشورے میں ذمہ داران کو آخری عشرے کا اعتکاف کرنے اور شخصیات کو فیضان مدینہ جوہر ٹاؤن لا کر دعائے افطار میں شرکت کروانے نیز مدنی عطیات جمع کرنے کا ذہن دیا۔( کانٹینٹ:رمضا ن رضا عطاری)

جامع مسجد فیضان مشکل کشاء گلشن اقبالB 13- نزد منگل بازار گراؤنڈ کراچی پاکستان میں رکن شوری ٰ مولانا عبدالحبیب عطاری کی والدہ کے ایصال ثواب کے سلسلے میں اجتماع کا انعقاد کیا گیا جس میں اہل خانہ کے علاوہ مقامی عاشقانِ رسول نے شرکت کی۔

اجتماع کا آغاز تلاوت قرآن پاک و نعت رسول صلَّی اللہ علیہ واٰلہٖ وسلَّم ہوا پھر رکن شوری مولانا عبدالحبیب عطاری نے بیان کیا اور دوران بیان دعوت اسلامی کے دینی کاموں کے لئے اپنے ڈونیشن کے ذریعے تعاون کرنے کا ذہن دیا جس پر شرکا نے اچھی اچھی نیتوں کا اظہار کیا۔آخر میں مفتی محمد قاسم عطاری نے مرحومہ سمیت تمام امت مسلمہ کے لئے دعائے مغفرت کروائی۔( کانٹینٹ:رمضا ن رضا عطاری)

شعبہ تعلیم دعوتِ اسلامی کے تحت  اسلامیہ یونیورسٹی بہاولپور میں سالانہ افطار اجتماع کا انعقاد ہوا ۔اس اجتماع میں بڑی تعداد میں یونیورسٹی کے اسٹوڈنٹس، فیکلٹی ممبرز اور یونیورسٹی آفیشلز نے شرکت کی۔

دعوتِ اسلامی کی مرکزی مجلس شوریٰ کے رکن عبد الوہاب عطاری نے”ماہِ رمضان المبارک کے فضائل و برکات“ کے موضوع پر بیان کیا نیز نیک اعمال کرنے اور دعوت اسلامی کے دینی کاموں میں حصہ لینے کا ذہن دیا جس پر حاضرین نے اچھی اچھی نیتوں کا اظہار کیا۔

٭بعدازاں رکن شوریٰ نے عہدیداران کے ہمراہ یونیورسٹی میں پودے بھی لگائے۔

٭واضح رہے کہ ! شعبہ تعلیم کے تحت روا ں سال 2024ء کے ماہ رمضان میں اب تک ملک بھر کے 600 سے زائد تعلیمی اداروں میں استقبالِ رمضان اجتماعات اور افطار اجتماعات کا اہتمام ہوچکا ہے۔(رپورٹ:رمضان رضا عطاری)

دعوت اسلامی  کے زیرِ اہتمام اٹک سٹی میں 24 مارچ 2024ء کو چائلڈ اسپیشلسٹ ڈاکٹر جی اے خان (عبد الغفار احمد)کے گھر افطار اجتماع کا سلسلہ ہوا جس میں ڈاکٹر سعید احمد ڈی ایچ او ، شہزاد ہاشمی جی ایم این سی ایچ ڈی ، انجینئر یاسر ڈپٹی ڈائریکٹر پلاننگ اینڈ ڈیولپمنٹ سمیت دیگر شخصیات کی شرکت ہوئی۔

افطار اجتماع میں رکن شوریٰ حاجی وقار المدینہ عطاری نے ”ماہِ رمضان المبارک “ کی مناسبت سے فضائل و واقعات بیان کئے جبکہ دعوت اسلامی کی دینی و فلاحی خدمات کے حوالے سے گفتگو بھی کی جس میں بالخصوص شجرکاری،ڈیجیٹل اپپ ،آئی ٹی میں خدمات اور افطار دسترخوان کے حوالے سے بھی بتایا۔(کانٹینٹ:رمضان رضا عطاری)

بروزبدھ20مارچ 2024ء کو دعوت اسلامی کے زیرِ اہتمام  گوجرانوالہ کے مختلف علاقوں(منڈیالہ تیگہ،چک ریحان،کھیون کوٹ اورجبوکی)میں زمینداروں اورتاجران کے درمیان مدنی حلقے لگائے گئے۔

مدنی حلقوں میں نگران ڈسٹرکٹ مشاورت مولاناخوشی محمد عطاری مدنی نے زکوۃ وعشرکے متعلق آگاہ دی اور انہیں رمضان المبارک میں آخری عشرے کا اعتکاف کرنے کے حوالے سے ذہن بھی دیا جس پر انہوں نے اپنی اچھی اچھی نیتوں کااظہار کیا۔(کانٹینٹ:رمضان رضا عطاری)

پچھلے  دنوں مدنی مرکز فیضانِ مدینہ فیصل آباد میں افطار اجتماع ہوا جس میں ایگریکلچر یونیورسٹی فیصل آباد کے مختلف ڈیپارٹمنٹ سے تقریباً 52 اسٹوڈنٹس اور سینئر پروفیسرز( ڈاکٹر عاطف رانا، ڈاکٹر فضیل عطاری اورحافظ اکمل عطاری) نے شرکت کی۔

شرکا نے فیضانِ مدینہ حاضر ہوکر مدنی چینل پر براہ ِ راست نشر ہونے والے مدنی مذاکرے و مناجات میں شرکت کی اور بعدنماز مغرب دعوتِ اسلامی کی مرکزی مجلس شوریٰ کے رکن و نگران پاکستان مشاورت حاجی محمد شاہد عطاری سے ملاقات کی جس میں آپ نے مختلف مدنی پھولوں سے نوازا ۔

اس موقع پر یونیورسٹی کے ہیڈ عثمان رضا عطاری اور سید انس عطاری بھی موجود تھے۔(کانٹینٹ:رمضان رضا عطاری)