فیضان مدینہ فیصل آباد میں  18 فروری 2024ء کو مدرسۃالمدینہ بوائز کے تحت دستار فضیلت اجتماع کا اہتمام ہوا جس میں نگران شوریٰ حاجی محمد عمران عطاری مدظلہ العالی نے بذریعہ آڈیو لنک بیان فرمایا ۔

اس اجتماع میں نگران پاکستان مشاورت حاجی محمد شاہد عطاری ، رکن شوریٰ حا جی جنید عطاری مدنی، مدرسۃالمدینہ بوائز کے طلبہ و قاری صاحبان سمیت سرپرست اسلامی بھائیوں اور عاشقان رسول اسلامی بھائیوں نے شرکت کی ۔

آخر میں نگران پاکستان مشاورت حاجی محمد شاہد عطاری اور رکن شوریٰ حا جی جنید عطاری مدنی نے طلبہ کرام کو مبارک باد دیتے ہوئے اسناد دی ۔بعدازاں ملاقات و دعا کا بھی سلسلہ ہوا ۔( رپورٹ :عبد الخالق عطاری ، کانٹینٹ:رمضان رضا عطاری مدنی )

پچھلے  دنوں دعوت اسلامی کی مرکزی مجلس شوریٰ کے رکن حاجی وقار المدینہ عطاری اور ڈویژن نگران سرگودھا محمد عادل عطاری کی خالہ زاد بہن کا قضائے الہی ٰ سے سرگودھا میں انتقال ہوگیا تھا۔

رکن شوریٰ نے چک نمبر 47 آفیسرز کالونی سرگودھا میں مرحومہ کی نماز جنازہ پڑھائی جس میں لواحقین سمیت کثیر عاشقانِ رسول نے شرکت کی ۔بعدازاں رکن شوریٰ نے مرحومہ کے لئے دعائے مغفرت کروائی۔دوسری جانب دوران تدفین قبر پر فاتحہ خوانی ،دعا ، اذان اور تلقین کا سلسلہ بھی ہوا۔( کانٹینٹ:رمضان رضا عطاری)

اسلامک ریسرچ سینٹر المدینۃ العلمیۃ کے ذیلی شعبے  ریسرچ اینڈ ڈیویلپمنٹ کی جانب سے تین روزہ ”فہمِ حدیث کورس “ کا انعقاد کیا گیا جس میں المدینۃ العلمیۃ کے اسکالرز نے شرکت کی۔

14 فروری 2024ء کو شروع ہونے والے کورس کے افتتاح اور خطبۂ استقبالیہ کے فرائض سینئر اسکالر مولانا محمد عدنان چشتی عطاری مدنی جبکہ کورس کی ڈیزائننگ اور ٹریننگ کے فرائض مولانا راشد علی عطاری مدنی (ڈائریکٹر ریسرچ اینڈ ڈیویلپمنٹ، المدینۃ العلمیۃ) نے انجام دیے۔

ڈائریکٹر ریسرچ اینڈ ڈیویلپمنٹ مولانا راشد علی عطاری کا کہنا تھا کہ کورس کے مقاصد میں شرکا کو کتبِ حدیث کی کثیر اصناف و اقسام کا تعارف کروانا، کتبِ حدیث کی کثیر اصناف و اقسام کا تعارف کروانا، حدیث شریف کے متنوع پہلوؤں پر لکھنے کے وسائل سے آگاہ کرنا، اپنی تحاریر میں حدیثی دلائل و معلومات کو بکثرت شامل کرنے کی تربیت دینا ، اسلامک ریسرچ سینٹر کے لیے جدید منصوبوں سے آگاہ کرنا اور دیگر منصوبے بنانے کی تربیت دیناشامل تھا۔

انہوں نے مزید بتایا کہ کورس کے دوران فہم حدیث کی اہمیت و ضرورت، فہم حدیث میں معاون اہم امور،حدیثیات کا دائرہ کار اور مشمولات کا تعارف،حدیثیات سمجھنے کے مراحل،فہم حدیث میں اربعینات سے آگاہی کا کردار،فہم حدیث میں جدید اصطلاحات کا کردار اور فی زمانہ اس کی ضرورت،حدیثیات میں منہجِ کتبِ حدیث سمجھنے کا کردار،کتب حدیث کا منہج و اسلوب جانچنے کا طریقہ،حدیثیات کا اہم حصہ مشکلات الحدیث(تعارف و اقسام)،حدیث کے مصادرِ اصلیہ اور مصادرِ فرعیہ کا تعارف اور فرق،حدیث پر غوروفکر کرنے اور تخلیق عنوانات کی اہمیت و ضرورت اور طریقے،حدیثِ پاک کے میسر علمی ذخیرے کی 15جہتی تقسیم کاری،موسوعاتِ حدیث کا تعارف و اہمیت اور تحقیقی کاموں میں ان کا استعمال،فنّ زوائدِ حدیث کا تعارف اور اہم کتب کی تفصیل،موضوعاتی، الف بائی اور دیگر اہم انواعِ کتبِ حدیث کا تعارف بیان کرنے سمیت کئی اہم عنوانات پر لیکچر دیئے۔

کورس کے دوران ”ابوابِ حدیث سے تخلیق و تجویزِ عنوانات“ اور ”متن حدیث سے تجویزِ عنوانات“ کے موضوع پر پریکٹیکل بھی کروائے گئے۔

کورس کے اختتام پرتقریب کا انعقاد کیا گیا جس میں نگرانِ مجلس المدینۃ العلمیۃ مولانا آصف خان عطاری مدنی کے ہاتھوں شرکا کو سرٹیفکیٹ دیے گئے۔

کورس میں شریک ہونے والے شرکا نے اپنے تاثرات بھی دیئے جن میں سے چند یہ ہیں:

مولانا خرم بن ناصرعطار ی مدنی :ایسے کورس ہر فن کے ہونے چاہئیں جو ہمارے کاموں میں معاون ہوں اور جس طرح فہم الحدیث والے کورس میں ہاتھوں ہاتھ ٹیسٹ اور آفس ورک دیا گیا وہ بھی ہونا چاہئے۔اس کورس سے بہت سی درسیات دوبارہ یاد ہوئیں اور احادیث کی کتب کا جائزہ لینے اور انہیں نئے انداز سے استعمال کرنے کے طریقے معلوم ہوئے۔

مولانا عبد الجبار عطاری مدنی : اس کورس میں فہمِ حدیث کے بارے میں بہت کچھ سیکھنے کو ملا۔بالخصوص دورِ حاضر میں تحریر و تصانیف میں احادیث کو شامل کرنا اور ان کے مطابق امت مسلمہ کو فائدہ پہنچانےکے حوالے سے بہت کچھ سیکھنے کو ملا۔ اس طرح کے دیگر کورسز بالخصوص فہمِ قرآن کورس بھی ہونا چاہئے تاکہ ہم اپنی تحریر و تصنیف میں قرآن کریم کی روشنی میں امت مسلمہ کی مزید بہتر انداز سے تربیت کرسکیں۔

مولانا بلال حسین عطاری مدنی: اَلحمدُ لِلّٰہ!مجھے مجلس المدینۃ العلمیۃ کے شعبے ریسرچ ایڈ ڈیویلپمنٹ کے تحت 3روزہ ”فہم حدیث“ کورس کرنے کا موقع ملا،یہ کورس اپنی مثال آپ تھا،تین دن کے صرف 9گھنٹوں کے مختصر سے وقت میں حدیثیات کی مختلف جہات سے آگاہی بھی ہوئی اور ساتھ شرکا نے تحریری طور پر حدیثیات کے باب میں ایک معقول تعمیری کام پیش کیا۔یقیناًیہ کورس مدرس کی کثیر محنت اور زندگی کے تجربات کانتیجہ تھا۔اللہ پاک ہمارے تمام شعبہ جات کودن دونی رات چوگنی ترقی عطافرمائے۔آمین!

مولانا رمضان رضا عطاری مدنی : ماشاء اللہ اس کورس میں حدیث پاک کے حوالے سےنئی جہات کی معلومات ملی۔اور مجھے موضوعات بنانے کافن سیکھنے کوملا۔تجویز:جس طرح فہم حدیث کورس ہواہے اسی طرح فہم قرآن کورس بھی ہوناچاہئے۔

مولانا وقار شاہ عطّاری مدنی : آج بروز ہفتہ 17 فروری 2024 کو فہم حدیث کورس کا اختتام ہوا جس میں ہمیں مولانا راشد مدنی صاحب نے اس کورس کو کافی اچھے اور سہل انداز میں سمجھایا، ہم نے اس کورس میں اصول حدیث اور حدیث سے مسائل اخذ کرنے کا طریقہ سیکھا اور اس کے علاوہ اور کئی چیزیں سیکھیں جو پہلے نہ سیکھی تھی۔ اللہ کریم مولانا راشد مدنی صاحب کے علم و عمل میں اضافہ فرمائے ۔ جزاک اللہ

مولانا محمد عبدالعزیزعطاری : الحمدللہ یہ کورس بہت مفید رہا اور کافی باتیں سیکھنے کو ملیں اور بعض کی یادداشت بھی ہوگئی ۔ اس طرح کے سلسلے جاری رہنے چاہئیں اور باقی بھی کورس اس طرح کے تیار کئے جائیں، اسلامی بھائیوں کو روشناس کروایا جائے تو اس کے مزید بہترین نتائج برآمد ہوسکتے ہیں۔

مولانا عبدالماجد عطاری مدنی :ما شآءَ اللہ فہم حدیث کورس نہایت بہترین تھا ، کم وقت میں بہت کچھ سیکھنے کا موقع ملا اور حدیث کے حوالے سے مطالعہ کرنے ذہن بنا نیز کن کتابوں کا مطالعہ کرنا چاہئے اور کتب حدیث کا مطالعہ کا انداز کیسا ہونا چاہئے یہ بھی سیکھنے کو ملا۔ موجودہ دور میں مطالعہ حدیث کی ضرورت کا بھی احساس ہوا۔ اس طرح کے مزید کورسز بھی ہونے چاہئے۔

مولانا ولی عطاری مدنی : فہم حدیث کورس میں حاضری کے سبب کتب احادیث، اقسام حدیث، کے بارے میں مزید معلومات ہوئی۔حدیث کو سمجھنے اور موقع محل پر احادیث استعمال کرنے کا جذبہ پیدا ہوا۔ہمارے کام سے متعلق مزید کورس ہو تو کام کرنے میں مزید آسانی ہوگی۔تھیوری کے ساتھ پریکٹیکل بھی ہوا اس سے مزید فائدہ ہوا۔احادیث کو نئے پہلووں سے پرکھنے کا طریقہ معلوم ہوا۔

مولانا بلال سعید عطاری مدنی : ما شآءَ اللہ مولانا راشد مدنی صاحب نے ہمیں فہم حدیث کورس کروایا، اللہ پاک ان کو مزید برکتیں عطا فرمائے۔ بہت اچھا کورس تھا بہت کچھ سیکھنے کو ملا۔اس طرح کے مزید کورس ہوں تو امید ہے اسلامی بھائیوں کو فائدہ ہوگا ۔

مولانا آصف اختر القادری عطاری مدنی : اَلحمدُ لِلّٰہ! فہمِ حدیث کا عظیمُ الشان سلسلہ بصورتِ کورس منعقد ہوا۔ مولانا راشد العطاری المدنی نے احادیث طیبہ کے حوالے سے خصوصاً اربعین سازی، عنوانات سازی، بنیادی اصطلاحات خصوصاً مشکلات الحدیث وغیرہا کے حوالےسے بہت احسن انداز سے رہنمائی کی۔ اللہ پاک انہیں تمام شرکاء کی طرف سے بہترین جزاء عطا فرمائے۔ آمین 

دعوتِ اسلامی کے زیر اہتمام 25 فروری 2024ء کو 15 شعبان المعظم کی مناسبت سے عالمی مدنی مرکز فیضانِ مدینہ کراچی میں ”اجتماع شب براءت“ کا انعقاد کیا جائے گا جس میں نماز عصر کے بعد سےصبح سحری تک نفلی اعتکاف، تلاوت، نوافل، نعت خوانی، مناجات، مدنی مذاکرہ، سنتوں بھرا بیان، سحری و دعا کا اہتمام ہوگا۔

اجتماع شب براءت کا تفصیلی شیڈول:

٭بعد نماز عصر : نفلی اعتکاف، رقت انگیز دعا ٭بعد نماز مغرب:6 نوافل، تلاوت سورہ یٰس شریف، دعائے نصف شعبان، بعد نوافل لنگر رضویہ ٭بعد نماز عشاء: تلاوت و نعت ،بیان، مدنی مذاکرہ،صلوۃ و سلام، دعا، لنگرِ رضویہ (سحری)

تمام عاشقانِ رسول سے اس پُر نور محفل میں شرکت کرنے کی درخواست ہے۔

واضح رہے کہ یہ اجتماع مدنی چینل پر بھی براہِ راست نشر کیا جائیگا۔

17فروری  2024ء کو ضلع رحیم یار خان میں قائم مدنی مرکز فیضان مدینہ خانپور میں میٹنگ کا سلسلہ ہوا جس میں ذمہ داران ِ دعوت اسلامی نے شرکت کی ۔

نگران بہاولپور ڈویژن ڈاکٹر حافظ عبدالرؤف عطاری نے مدنی مشورے میں دینی کاموں میں مزید بہتری لانے کے تعلق سے نکات بتائے نیز 12 دینی کاموں کی کارکردگی کا جائزہ لیتے ہوئے ڈونیشن جمع اور شب برأ ت کا صدقہ جمع کرنے کا ذہن دیا جبکہ 30دن اعتکاف کے حوالے سے اہداف بھی دیئے ۔(رپورٹ: احمدرضا عطاری ڈویژن میڈیا ڈیپارٹمنٹ، کانٹینٹ: رمضان رضا عطاری)

دنیا بھر میں دین اسلام کی تعلیمات کو عام کرنے والی عاشقان رسول کی عالمگیر تحریک دعوتِ اسلامی کے زیر اہتمام آج مؤرخہ 22 فروری 2024ء دنیا بھرمیں ہفتہ وار سنتوں بھرے اجتماعات کا انعقاد کیا جائے گا جن میں مبلغین دعوتِ اسلامی و اراکینِ شوریٰ سنتوں بھرے بیانات فرمائیں گے۔ہفتہ وار اجتماعات میں اصلاحِ نفس اور اصلاحِ معاشرے کے حوالے سے بیانات کئے جاتے ہیں اور ذکر و اذکار کے ساتھ ساتھ بارگاہِ رب العزت میں دعائیں بھی جاتی ہیں۔

تفصیلات کے مطابق آج رات مدنی چینل پر براہِ راست نشر ہونے والے ہفتہ وار اجتماع میں العریش میرج ہال نزد نیو سبزی منڈی جھمرہ سٹی فیصل آباد سے نگران پاکستان مشاورت حاجی محمد شاہد عطاری سنتوں بھرا بیان فرمائیں گے۔

اس کے علاوہ فیضان جیلان مسجد کلفٹن کراچی بلاک/8 میں شیخ الحدیث والتفسیر مفتی محمد قاسم عطاری مُدَّ ظِلُّہُ العالی ، جامع مسجد فیضان بغداد حضرت علی روڈ سگیاں بائی پاس راوی ٹاؤن میں رکن شوریٰ حاجی منصور رضا عطاری، مدنی مرکز فیضان مدینہ گوجرانوالہ میں رکن شوریٰ حاجی محمد اظہر عطاری، مدنی مرکز فیضان مدینہ Fultekra Near Aankh Hospital Nepalgunj میں رکن شوریٰ حاجی محمد رفیع عطاری اور نگران مجلس شعبہ پروفیشنلزفورم محمد ثوبان عطاری مدنی مرکز فیضان فاروق اعظم رضی اللہُ عنہ، چیئرمین کالونی واہ کینٹ میں سنتوں بھرا بیان فرمائیں گے۔

تمام عاشقان رسول سے ہفتہ وار اجتماع میں شرکت کرنے کی درخواست ہے۔

پچھلے دنوں   دعوت اسلامی کے تحت ہجویری سکیم لاہور میں ہفتہ وار سنتوں بھرے اجتماع کا انعقاد کیا گیا جس میں مقامی عاشقانِ رسول نے شرکت کی ۔

مرکزی مجلس شوری کے رکن حاجی یعفور رضا عطاری نے ”امام اعظم رحمۃُ اللہِ علیہکی مبارک عادات“ کے موضوع پر سنتوں بھرا بیان کیا جس میں شرکا ئے اجتماع کو علم دین حاصل کرنے کا ذہن دیا۔بعد اجتماع آنے والے عاشقان رسول سے ملاقات بھی کی۔ (کانٹینٹ:رمضان رضا عطاری مدنی )

جامع مسجد فیضان داتا گنج بخش، شاد باغ، لاہور میں شالیمار ٹاؤن ذمہ داران کا مدنی مشورہ ہوا  جس میں دعوت اسلامی کی مرکزی مجلس شوریٰ کے رکن حاجی یعفور رضا عطاری نے اسلامی بھائیوں کو 12 دینی کام کرنے کے تعلق سے ذہن دیا اور ڈونیشن جمع کرنے کی ترغیب دلائی۔(کانٹینٹ:رمضان رضا عطاری)

دعوتِ اسلامی کے شعبے مدرسۃ المدینہ (بوائز، گرلز) کے تحت 18 فروری 2024ء کو پاکستان بھر کے مختلف مقامات پرسال 2023ء میں قراٰنِ پاک حفظ و ناظرہ مکمل کرنےوالے بچوں اور بچیوں کے لئے تقسیمِ اسناد اجتماعات کا انعقاد کیا گیا ۔

معلومات کے مطابق مختلف مقامات پر ہونے والے ان اجتماعات میں مدرسۃ المدینہ کے بچوں، بچیوں، اُن کے سرپرستوں، قاری صاحبان، معلمات، ذمہ داران اور مبلغین و مبلغاتِ دعوتِ اسلامی سمیت دیگر عاشقانِ رسول نے شرکت کی۔

تلاوتِ قراٰن اور حمد و ثنا کے بعد دعوتِ اسلامی کی مرکزی مجلسِ شوریٰ کے نگران مولانا حاجی محمد عمران عطاری کا تمام تقسیمِ اسناد اجتماعات میں بذریعہ مدنی چینل سنتوں بھرا بیان ہوا جس میں انہوں نے قراٰنِ کریم حفظ کرنے کے متعلق بیان کرتے ہوئے اس کی اہمیت و فضیلت کے بارے میں حاضرین کو بتایاکہ قراٰنِ پاک حفظ کرنے کے لئے عربی ہونا ضروری نہیں ہے بلکہ دنیا کے کسی بھی زبان کا مسلمان ہو یا کسی بھی برِّ اعظم کا رہنے والا ہواگر وہ قراٰنِ کریم یاد کرنا چاہتا ہے تو اللہ عزوجل اُس کے لئے قراٰنِ پاک یاد کرنا آسان کردیتا ہے۔

نگرانِ شوریٰ نے دورانِ بیان بچوں اور بچیوں کو قراٰن کریم حفظ کرنے کے بعد روزانہ اس کی تلاوت کرنے نیز ہمیشہ اسے اپنے سینوں میں محفوظ رکھنے کے حوالے سے مدنی پھول ارشاد فرمائے ۔علاوہ ازیں نگرانِ شوریٰ نے اجتماعات میں شریک اسلامی بھائیوں اور اسلامی بہنوں کو دعوتِ اسلامی کے دینی کاموں میں حصہ لینے کی ترغیب دلائی۔

بعدازاں امیرِ اہلِ سنت حضرت علامہ مولانا محمد الیاس عطار قادری رضوی ضیائی دامت بَرَکَاتُہمُ العالیہ کا آڈیو پیغام سنایا گیا جس میں امیرِ اہلِ سنت دامت بَرَکَاتُہمُ العالیہ نے مدرسۃ المدینہ (بوائز، گرلز) کی کارکردگی بیان کرتے ہوئے فرمایا : اللہ پاک کے فضل و کرم سے 2023ء میں 12 ہزار 586 (12,586) بچوں اور بچیوں نے مدرسۃ المدینہ سے حفظِ قراٰن کی سعادت پائی جبکہ 54 ہزار 96 (540,96) نے ناظرہ قراٰنِ کریم مکمل کیا۔

دعوتِ اسلامی کے زیر اہتمام آج مؤرخہ 15 فروری 2024ء بروز جمعرات بعد نماز مغرب دنیا بھر میں ہفتہ وار سنتوں بھرے اجتماعات کا انعقاد کیا جائے گا جن میں اراکین شوریٰ و مبلغین دعوتِ اسلامی سنتوں بھرے بیانات فرمائیں گے۔ ہفتہ وار اجتماعات کا آغاز تلاوتِ قرآن اور نعت رسولِ مقبول صلَّی اللہ علیہ واٰلہٖ وسلَّم سے ہوگا جبکہ خوفِ خدا، عشقِ رسول اور معاشرے کی اصلاح کے موضوع پر بیانات ہوں گے، آخرمیں ذکر اللہ اور دعاؤں کا اہتمام ہوگا۔

تفصیلات کے مطابق مدنی مرکز فیضانِ مدینہ نزد شیخاں والا قبرستان لالہ موسیٰ سے مدنی چینل پر براہ رست رکن شوریٰ حاجی محمد اظہر عطاری سنتوں بھرا بیان فرمائیں گے۔

اس کے علاوہ مدنی مرکز فیضان مدینہ لطیف آباد نمبر 4 حیدر آباد میں رکن شوریٰ حاجی محمد امین عطاری، مدنی مرکز فیضان مدینہ آفنڈی ٹاؤن حیدر آباد میں رکن شوریٰ حاجی فاروق جیلانی عطاری، مدنی مرکز فیضان مدینہ سخی وہاب ٹاؤن ٹنڈو جام میں رکن شوریٰ حاجی قاری ایاز عطاری، مدنی مرکز فیضان مدینہ نقاش ولاز فیز1 قاسم آباد حیدر آباد میں رکن شوریٰ حاجی اطہر عطاری، جامع مسجد سبحانی اورنگی ٹاؤن میں رکن شوریٰ مولانا حاجی محمد عقیل عطاری مدنی، مدنی مرکز فیضان مدینہ شیخوپورہ میں رکن شوریٰ حاجی منصور عطاری، شاہ فیصل کالونی کلثوم مسجد کراچی میں رکن شوریٰ مولانا ابو ماجد حاجی محمد شاہد عطاری مدنی اور مدنی مرکز فیضان مدینہ8-9 TALBOT ST, DUBLIN, IRELAND DO1 HC56میں رکن شوریٰ حاجی خالد عطاری سنتوں بھرا بیان فرمائیں گے۔

تمام عاشقان رسول سے ہفتہ وار اجتماع میں شرکت کرنے کی درخواست ہے۔

شعبہ کنز المدارس بورڈ پاکستان (دعوت اسلامی) کے تحت ملک بھر میں 12 فروری 2024ء بروز پیر سے سالانہ امتحانات آغاز ہوچکا ہے جوکہ 21 فروری 2024ء بروز بدھ تک جاری رہے گا۔ سالانہ امتحانات کے نتائج کا اعلان 26 رمضان المبارک 1445ھ کو کیا جائے گا۔

سالانہ امتحان کے لئے ملک بھر میں 665 سینٹرز قائم کئے گئے ہیں جبکہ امتحانات میں شرکت کرنے والے اسٹوڈنٹس کی تعداد تقریباً 1لاکھ 12ہزار ہے۔ امتحانی سینٹرز میں اسٹوڈنٹس کی آسانی کے لئے بہترین انتظامات کئے گئے جن میں عملے کا انتہائی محبت و شفقت سے پیش آنا، بیٹھنے کے لئے اچھی جگہ فراہم کرنا اور پینے کا صاف رکھنا شامل ہے۔

1لاکھ 12ہزاراسٹوڈنٹس میں تجوید وقراءت ، درسِ نظامی ،تخصصات اور کلیۃ الشریعہ کے 83 ہزار 357 طلبہ و طالبات ، ناظرۃ القرآن ، تحفیظ القرآن کے19 ہزار 794 طلبہ و طالبات،شارٹ کورس (امامت کورس، فیضان شریعت کورس) کے 8ہزار 850 طلبہ و طالبات شامل ہیں۔

کراچی  کے علاقے ماڑیپور گریکس مسلم کالونی میں قائم جامع مسجد اُمِّ عبدُالقادر کےا طرف میں علاقائی دورے کا سلسلہ ہوا جس میں امام مسجد محمد ندیم عطاری،یوسی نگران عبدالباسط عطاری مدنی اور علاقے کے اسلامی بھائیوں نے شرکت کی ۔

ٹاؤن نگران علی ذیشان عطاری مدنی نے ذمہ داران کے ساتھ ملکر دکان اور علاقے میں موجود افراد کے پاس جاکر انہیں ہفتہ وار اجتماع میں شرکت کرنے اور مدنی مذاکرہ دیکھنے کی دعوت دی جس پر انہوں نے اچھی اچھی نیتیں کیں۔(رپورٹ: یوسی نگران عبدالباسط عطاری مدنی ،کانٹینٹ:رمضان رضا عطاری)