امیر اہل سنت حضرت مولانا الیاس عطار قادری دَامَتْ بَرَکَاتُہُمُ الْعَالِیَہ نے بھی لوگوں کو ٹیلی تھون میں حصہ ملانے کی ترغیب دلائی ہے اور تعاون کرنے والوں کو خوب دعاؤں سے نوازا ہے، آپ نے اپنے ایک پیغام میں فرمایا: اللہ نے آپ کو مال دیا ہے تو ٹیلی تھون میں ضرور تعاون کیجئے گا۔ اِنْ شَآءَ اللہ عَزَّ وَجَلَّ یہ آپ کو دونوں جہاں میں کام آئے گا۔فرمانِ مصطفی صلَّی اللہ علیہ واٰلہٖ وسلَّم: ہر شخص قیامت کے دن اپنے صدقے کے سائے میں ہوگا اس وقت تک کہ لوگوں کے درمیان فیصلہ ہو جائے۔ (المسندللامام احمد بن حنبل ، الحدیث: ۱۷۳۳۵،ج۶،ص۱۲۶) ایک روایت میں یہ بھی ہے کہ صدقہ قبر کی گرمی کو دور کرتا ہے۔ (شعب الایمان ، باب فی الزکاة ، التحریض علی صدقۃالتطوع ، ۳ /۲۱۲ ، حدیث : ۳۳۴۷ )

دعائے عطار: یااللہ! 24 نومبر 2019 کو دعوت اسلامی کے جامعات المدینہ اور مدارس المدینہ کیلئے ہونے والے ٹیلی تھون میں جو بھی ٹیلی تھون سے پہلے یا بعد میں اپنی اپنی ملکی کرنسی کے اعتبار سے کم از کم ایک یونٹ جمع کرائے اسے برے خاتمے سے بچا اور مرتے وقت جلوۂ مصطفی صلَّی اللہ علیہ واٰلہٖ وسلَّم دِکھا اور قبر میں اسے راحتیں اور برکتیں عطا فرما۔ اے اللہ! اس کا بے حساب جنت میں داخلہ فرما۔ اور جو زیادہ یونٹ جمع کروائے، مالکِ کریم! اس پر اور بھی رحمتیں نازل فرما اور ساتھ ہی ساتھ اس کو جنت الفردوس میں اپنے پیارے حبیب صلَّی اللہ علیہ واٰلہٖ وسلَّم کا پڑوس نصیب فرما۔ جو اسلامی بھائی یا اسلامی بہنیں دوسروں کو یونٹ جمع کرانے کی ترغیب دیں، تیار کریں یا اس کیلئے کسی بھی طریقے سے کوشش کریں ان تمام کے حق میں اور مجھ گناہ گار کے حق میں بھی یہ دعائیں قبول فرما۔

اٰمِیْن بِجَاہِ النَّبِیِّ الْاَمِیْن صلَّی اللہ تعالٰی علیہ واٰلہٖ وسلَّم

مزید معلومات کے لئے رابطہ کیجئے

92-311-1212142+

00447393123786

ٹیلی تھون میں آ ن لائن رقم جمع کروانے کے لئے درج ذیل لنک پر کلک کیجئے

https://www.dawateislami.net/onlinedonation/

مدنی کاموں کی ترقی کے لیے مختلف ممالک سے اسلامی بہنوں کا کراچی سفر۔ امیر اہل سنت کا پیغام

اسلامی بہنوں کی دین کے لیے قربانی...

10 ممالک سے سفر کرکے اسلامی بہنیں کراچی سنتوں بھرے اجتماع میں پہنچ گئیں۔

امیر اہل سنت نے دعاؤں سے نوازا اور مختلف اہم کاموں کی ترغیب دلائی

تفصیلات: ان دنوں کراچی میں 10مختلف ممالک سے آئی ہوئی اسلامی بہنوں کا سنتوں بھرا اجتماع جاری ہے۔ امیر اہلِ سنت حضرت مولانا الیاس قادری دَامَتْ بَرَکَاتُہُمُ الْعَالِیَہ نے 24 ستمبر 2019 کو ان اسلامی بہنوں کے لیے دعاؤں اور نصیحتوں پر مشتمل ایک صوتی پیغام جاری کیا جس میں آپ نے فرمایا:

نَحْمَدُہٗ وَ نُصَلِّیْ وَ نُسَلِّمُ عَلٰی رَسُوْلِہِ النَّبِیِّ الْکَرِیم!

اَلسَّلَامُ عَلَیْکُمْ وَرَحْمَۃُ اللہِ وَبَرَکَاتُہ!

ما شاء اللہ،ما شاء اللہ،ما شاء اللہ مجھے بتایا گیا کہ عمان سے پانچ اسلامی بہنیں ،آسٹریلیا سے ایک اسلامی بہن ،کینیڈا سے ایک ،فجی سے ایک ، اٹلی سے ایک، سی لنکا سے ایک،کینیا سے دو، چائنا سے ایک، یوکے سے تین اور یوگینڈا سے ایک! یوں کل سترہ اسلامی بہنیں مختلف ممالک سے سنتوں بھرے اجتماع میں شرکت کے لئے کراچی تشریف لائی ہوئی ہیں،کراچی کی اسلامی بہنیں بھی شریک ہیں۔ مرحبا !مرحبا!مرحبا!

مجلس مشاورت کی کاوشیں بھی مرحبا، مَا شَآءَ اللّٰہ سب مِل جُل کر دین کی خدمت کے لئے جمع ہوئی ہیں۔ اللہ کریم سب کا آنا جانا قبول فرمائے، قدم قدم پر برکتیں نصیب فرمائے،دونوں جہانوں کی بھلائیاں آپ سب کا مقدر فرمائے،سب کو بے حساب بخشے، آل اولاد کو بھی بے حساب بخشے۔

میری مدنی بیٹیو! خوب خوب دعوت اسلامی کا مدنی کام کریں، مدنی انعامات کے مطابق اپنی زندگی گزاریں اور روزانہ غور و فکر کرکے مدنی انعامات کا رسالہ پُر کریں اور اسلامی مہینے کی پہلی تاریخ کو اپنے یہاں کی ذمہ دار اسلامی بہن کو جمع بھی کروائیں، ہر ہفتہ وار مدنی رسالے کا بھی مطالعہ کریں یا آڈیو میں سن لیں اور اسلامی بہنوں کے جو آٹھ مدنی کام ہیں ان کی بھی دھوم دھام کریں۔

اللہ کریم آپ سب کو برکتیں دے ،خوب دین کی خدمت نصیب فرمائے، اخلاق اچھے کرے، کردار ستھرا کرے، غصے کی عادت نکل جائے، چڑچڑے پن کی عادت نکل جائے،کہاں کیا بولنا ہے اس کی بھی اللہ کرے شُد بُد آجائے، اللہ سب کو برکتیں دے، میرے لئے بے حساب مغفرت کی دعا کیجئے گا۔آپ کے ساتھ جو محارم آئے ہیں مَا شَآءَ اللّٰہ ان کی بھی بڑی خدمات ہیں اور ان کی بھی بہت بڑی قربانیاں ہیں۔ اللہ ان سب کے حق میں بھی یہ دعائیں قبول فرمائے۔

اٰمِیْن بِجَاہِ النَّبِیِّ الْاَمِیْن صلَّی اللہ تعالٰی علیہ واٰلہٖ وسلَّم

صَلُّوْا عَلَی الْحَبِیْب! صلَّی اللہُ تعالٰی علٰی محمَّد

تفصیلات: امیر اہل سنت حضرت علامہ مولانا محمد الیاس عطار قادری دَامَتْ بَرَکَاتُہُمُ الْعَالِیَہ کی سیرت کا اگر مطالعہ کیا جائے تو اندازہ ہوگا کہ آپ کی نس نس میں صحابۂ کرام اور اہلِ بیتِ اطہارکی محبت کوٹ کوٹ کر بھری ہوئی ہے۔

صحابہ و اہلِ بیت سے امیراہل سنت کی محبت کی ایک واضح مثال پچھلے دنوں دیکھنے میں آئی کہ حیدرآباد کے حاجی خالد عطاری نے امیر اہلِ سنت کی ترغیب پر مسجد تعمیر کرنے کیلئے جگہ خریدی اور آپ سے مسجد کا نام رکھنے کے متعلق عرض کیا تو آپ نے مسجد کا نام ”فیضانِ اہلِ بیت “رکھا۔ یقینا یہ اہلِ بیت سے امیر اہل سنت کی محبت کا منہ بولتا ثبوت ہے۔ اللہ پاک ہمیں صحابہ و اہلِ بیت کی سچی غلامی عطا فرمائے۔اٰمِیْن بِجَاہِ النَّبِیِّ الْاَمِیْن صلَّی اللہ تعالٰی علیہ واٰلہٖ وسلَّم

مفتیِ قلاّت کے گھر میں گیس سلنڈر پھٹ گیا، 4 خواتین جاں بحق اور 2 زخمی

امیر اہلِ سنّت نے بہت زیادہ ڈھارس و تسلی دی۔

مزید فرمایا: انسان جس سے محبت کرتا ہو اس کے فوت ہونے پر صبر کرے تو اللہ پاک اسے جنت عنایت فرمائے گا۔ (شرحِ حدیث)

تفصیلی خبر:

کنزالایمان و خزائن العرفان کا بروہی زبان میں ترجمہ کرنے والے مفتیِ قلّات حضرت مولانا مفتی عبدالغفار حلیمی صاحب کے گھر کے کچن میں گیس کا سلنڈر پھٹنے سے گھر کی 6 خواتین بہت زیادہ جھلس گئیں جس کے نتیجے مفتی صاحب کے بچوں کی امی، دو صاحبزادیاں، اور بڑی بہو انتقال کر گئیں جبکہ ایک صاحبزادی اور بہو شدید زخمی حالت میں کوئٹہ کے اسپتال میں زیرِ علاج ہیں۔

اس افسوس ناک واقعے کی اطلاع ملنے پر امیر اہلِ سنت حضرت مولانا محمد الیاس عطار قادری دَامَتْ بَرَکَاتُہُمُ الْعَالِیَہ نے (26محرم الحرام 1441ھ مطابق 26 ستمبر 2019 کو) آڈیو پیغام کے ذریعے مفتی صاحب اور ان کے صاحبزادوں سمیت تمام سوگواروں سے تعزیت کی، مرحومین کے لئے دعائے مغفرت جبکہ زخمیوں کےلئے دعائے صحت فرمائی نیز دعا میں یہ بھی کہا:

یااللہ ! قبلہ مفتی صاحب بڑے غمزدہ اور صدمے سے چور چور ہوں گے، اے اللہ! ان پر کوئی ایسی رحمت کی نظر فرما کہ ان کے غم غلط ہوجائیں،  مولائے کریم! انہیں خوشیاں نصیب فرما، یااللہ! سارا خاندان رنج و غم میں ڈوبا ہوا ہوگا محبوبِ کریم  صلَّی اللہ علیہ واٰلہٖ وسلَّم کے صدقے کوئی ایسی خوشی کی لہر آجائے کہ ان کے غم دور ہو جائیں، خوشیاں پلٹ آئیں، اِلٰهُ العَالمِیْن! رحم فرما، کرم فرما، فضل فرما۔ اٰمین

بہار آئے میرے دل کے چمن میں یا رسول اللہ

ادھر بھی آکے لگے چھینٹا کوئی رحمت کے بادل سے

امیرِ اہل سنت دَامَتْ بَرَکَاتُہُمُ الْعَالِیَہ نے ایصالِ ثواب کےلئے بخاری شریف سے حدیثِ قدسی بیان کرتے ہوئے کہا:اللہ پاک فرماتا ہے: جب میں اپنے بندۂ مومن کی دنیاکی کوئی پیاری چیز لے لوں، پھر وہ صبر کرے تو میرے پاس اس کی جزا جنت کے سوا کچھ نہیں۔ (بخاری شریف، حدیث: 6424)

اس حدیثِ قدسی کی شرح یوں بیان کی گئی ہے کہ: کسی شخص کے ماں باپ، بھائی بہن، بیوی، یا اولاد میں سے یا اس کے علاوہ کوئی ایسا انسان فوت ہوجائے جس سے وہ محبت کرتا ہو اور اس کے فوت ہونے پر صبر کرے تو اللہ پاک اسے جنت عنایت فرمائے گا۔ (فتح الباری، مراۃ، مرقاۃ)

امیر اہلِ سنت نے مزید فرمایا: اللہ آپ کو صبر دے۔ مجھے آپ سے ہمدردی ہے۔ اللہ کریم آپ کے حال پر رحم فرمائے۔ ظاہر ہے جو صدمہ آپ کو پہنچا ہے وہ آپ ہی سمجھ سکتے ہیں، ہم نہیں سمجھ سکتے۔ اللہ تعالیٰ سے عافیت کا سوال ہے۔

ہیڈ لائنز: پاک و ہند کے مختلف شہروں میں زلزلہ۔۔ امیر اہل سنت مولانا الیاس قادری نے زلزلے کی اصل وجہ بیان کرتے ہوئے کہا کہ زلزلے گناہوں کی وجہ سے آتے ہیں۔۔ آپ نے زلزلہ زدگان کی امداد کا اعلان کیا اور عاشقان رسول کوجانی و مالی تعاون کی اپیل کی۔

مزید تفصیلات

(ویب ڈیسک25,SEP,2019) 24 ستمبر 2019 کو کشمیر، اسلام آباد سمیت پاک و ہند کے مختلف شہروں میں زلزلہ آیا، جس میں کافی جانی مالی نقصان ہوا۔ اس موقع پر امیر اہلِ سنت حضرت علامہ مولانا محمد الیاس عطار قادری نے 25ستمبر2019 کو ایک ویڈیو پیغام جاری کیا، جس میں آپ کا کہنا تھاکہ: زلزلے گناہوں کی وجہ سے آتے ہیں، اس لیے ایسے موقع پر اللہ تعالی کی جناب میں توبہ کرنی چاہیے، گناہوں کی معافی طلب کرنی چاہیے، استغفراللہ استغفراللہ استغفراللہ پڑھتے رہنا چاہیے، آئندہ گناہوں سے بچنے کا ذہن بنانا چاہیے اور نمازوں کی پابندی شروع کر دینی چاہیے۔ امیر اہل سنت نے زلزلے سے متاثرہ افراد کے لیے دعا کرتے ہوئے کہا:یااللہ! ا س زلزلے میں جتنے مسلمان انتقال کر گئے سب کو غریق رحمت فرما، سب کی مغفرت فرما۔ جو زخمی ہوگئےانہیں روبہ صحت کر دے، انہیں شفائے عاجلہ کاملہ نافعہ عطا کر دے، ان کو در در کی ٹھوکروں سے بچا لے۔ جن کے مال کا نقصان ہوا انہیں اچھا بدل عطا فرمادے۔امیر اہل سنت نےسوگوارں سے تعزیت کرتے ہوئے فرمایا: جن کے رشتے دار فوت ہوئے میں ان سب سے تعزیت کرتا ہوں۔ اور جو زخمی ہوئے میں ان کے عزیزوں سے ہمدری اور غمخواری کا اظہارکرتا ہوں۔

امیر اہل سنت نے زلزلہ زدگان کی امداد کا اعلان کرتے ہوئے فرمایا: دعوت اسلامی کی امدادی کاموں کےلیے مجلس سے میری مدنی التجا ہے کہ فوری طور پر آقا کی دکھیاری امت کو سنبھالنے کی کوشش کریں۔ ان کی مالی مدد کریں۔ مزید فرمایا: عاشقان رسول کو اس مصیبت کے وقت میں اپنے بھائیوں کی دل کھول کر امداد کرنی چاہیے، اور جانی مالی تعاون کرنا چاہیے۔ عاشقان رسول آگے بڑھیں اور اس سلسلے میں دعوت اسلامی کا ساتھ دیں۔

امیر اہل ِ سنّت علامہ محمد الیاس عطار قادری  دَامَتْ بَرَکَاتُہُمُ الْعَالِیَہ ہرہفتے مدنی مذاکرے میں رسالہ پڑھنے / سننے کی ترغیب دلاتے ہیں گزشتہ ہفتے کا رسالہ ” پل صراط کی دہشت“ تھا جس کوپاکستان میں 5لاکھ 92ہزار262اسلامی بھائیوں نےاور3لاکھ 58ہزار136اسلامی بہنوں نے اور بیرونِ ملک میں 29ہزار224 اسلامی بھائی اور 38ہزار 898اسلامی بہنوں نے پڑھا ۔

اس ہفتے امیر اہل سنّت دَامَتْ بَرَکَاتُہُمُ الْعَالِیَہ نے رسالہ” تذکرۂ صدرالفاضل “پڑھنے / سننے کی ترغیب دلائی ہے اور پڑھنے / سننے والوں کو اپنی دعا دے نوازتے ہیں۔

رسالہ” تذکرۂ صدرالفاضل “پڑھنے / سننے والے لئے دعائے عطار

”یارب المصطفیٰ جو کوئی رسالہ ”تذکرۂ صدرالاضل“25صفحات پڑھ یا سن لے اس پر قبر وآخرت کی منزلیں آسان فرما“

مجلس مدنی کورسز کے ذمہ دار اسلامی بھائی نے اپنے مجلس کی جولائی 2019ءکی مجموعی کارکردگی امیر اہلِ  سنّت علامہ محمد الیاس عطار قادری دَامَتْ بَرَکَاتُہُمُ الْعَالِیَہ تک پہنچائی جس پر امیر اہلِ سنت نے اپنے صوتی پیغام کے ذریعے ریجنل،زون اور کابینہ ذمّہ داران سمیت معلمین ،معاونین اور مبلغین کی حوصلہ افزائی کے لئے ایک صوتی پیغام جاری کیا اور کارکردگی کو مزید بہتر سے بہتر بنانے کے متعلق گفتگو فرمائی نیز 28اگست 2019ءکو اپنی بڑی ہمشیرہ کی پہلی برسی پر ایصالِ ثواب کرنے کی تر غیب دلائی۔

دنیا بھر میں قراٰ ن و سنّت کی تعلیمات کو عام کر نے والی عاشقانِ رسول کی مدنی تحریک دعوتِ اسلامی کے مدنی ماحول میں عاشقانِ رسول کو ہر ہفتے امیر اہلِ سنّت  دَامَتْ بَرَکَاتُہُمُ الْعَالِیَہ کے کتب و رسائل میں سے ایک رسالہ پڑھنے کا ہدف دیا جاتا ہے۔

اسی سلسلے میں امیر اہل ِ سنّت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نےعاشقانِ رسول کو اس ہفتے مکتبۃالمدینہ کا شائع کردہ رسالہ”پُل صِراط کی دہشت “پڑھنے یا سن نے کی ترغیب دلائی اور دعاؤں سے نوازا، دعائے عطار”یارب کریم جو کوئی رسالہ پُل صِراط کی دہشت کے35 صفحات پڑھ یا سن لے وہ تیرے فضل وکرم سے بجلی کی سی تیزی سے پل صراط پار کرنےمیں کامیاب ہو“۔

امیر اہل ِسنّت  علامہ محمد الیاس عطار قادری دَامَتْ بَرَکَاتُہُمُ الْعَالِیَہنے مدینۃالمنوّرہ زاد ہَااللہ شرفاً وَّ تعظیماًکی پاکیزہ فضاؤں سے عاشقانِ رسول کو 8،9،10،محرّم الحرام 1441ھ کو قافلوں میں سفر کرنے کی ترغیب دلائی اور شیڈول پر عمل کرنے کا ذہن دیتے ہوئے یہ دعادی ”یااللہ عَزَّوَجَلَّ جوبھی میرا مدنی بیٹا 3دن کےقافلے میں سفر کریں یا میری مدنی بیٹی کسی محرم کو یا اپنے بچوں کے ابو کو تیار کرلے اور سفر کروادےتو ان تمام عاشقانِ صحابہ واہلِ بیت کو دونوں جہاں کی بھلائیاں نصیب فرما اور بے حساب مغفرت ان کا مقدّر بنادے “ اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم

دنیا بھر میں قراٰ ن و سنّت کی تعلیمات کو عام کر نے والی عاشقانِ رسول کی مدنی تحریک دعوتِ اسلامی کے مدنی ماحول میں عاشقانِ رسول کو ہر ہفتے امیر اہلِ سنّت دَامَتْ بَرَکَاتُہُمُ الْعَالِیَہ کے کتب و رسائل میں سے ایک رسالہ پڑھنے کا ہدف دیا جاتا ہے۔ امیرِ اَہلِ سنّت علامہ محمد الیاس عطّاؔر قادری دَامَتْ بَرَکَاتُہُمُ الْعَالِیَہ نے عاشقانِ رسول کو اس ہفتے رسالہ” سارے گھر والے نیک کیسے بنیں؟ “پڑھنے یا سننے کی ترغیب دلائی اوردعا دی کہ یا ربِّ مصطفیٰ عَزَّوَجَلْ و صلَّی اللہ علیہ واٰلہٖ وسلَّم جو کوئی اس رسالے کے 37 صفحات پڑھ یا سن لے اس کو اپنی محبت اور اپنے خوف میں رونے والی آنکھیں عطا فرما۔اٰمین