مجلس رابطہ بالعلما کے ذمہ داران  نے مدنی مرکز کی جانب سے 2019 کے لئے دیئے جانے والے اہداف کو پورا کرلیا۔ ذمہ داران نے 43 ہزار کے قریب علمائے کرام، آئمہ اور خطبائے کرام سے ملاقاتیں کیں اور انہیں دعوتِ اسلامی کے تحت ہونے والے کاموں سے آگاہ کیا جبکہ مختلف سنی مدارس کے طلبائے کرام کے لئے ایک سو آٹھ 108سنتوں بھرے اجتماعات منعقد کئے گئے۔

مجلس رابطہ بالعلماء کے پاکستان سطح کے ذمہ دار محمد افضل عطاری مدنی کا مدنی چینل سے بات کرتے ہوئے کہنا تھا کہ 2019ء میں 43 ہزار کے قریب علمائے ومشائخ، آئمہ وخطبا سے کئی کئی بار ملاقاتیں کیں اور انہیں دعوت اسلامی کا تعارف پیش کیا جبکہ تقریبا 1280 آئمہ و خطبا علما و مشائخ کرام نے مدنی مراکز کا دورہ کیا۔

ذمہ دار اسلامی بھائی کا مزید کہنا تھا کہ عاشقانِ رسول کے جامعات و مدارس میں مرکزی مجلس کے شوریٰ کے اراکین اور دیگر ذمہ داران نے ایک سو آٹھ 108سنتوں بھرے اجتماعات میں بیانات کئے جن میں ہزاروں طلبائے کرام نے شرکت کی۔ دعوت اسلامی کے اہم ترین مدنی کام ہفتہ وار مدنی مذاکرہ اور ہفتہ وار سنتوں بھرے اجتماعات میں 26 ہزار سے زائد طلبا علما وآئمہ نے شرکت فرمائی ۔دعوتِ اسلامی کے تحت اس مجلس نے بارہ مختلف کورسز بھی کروائے جن میں عاشقانِ رسول کے جامعات اور مداس کے 320 طلبائے و علمائے کرام نے حصہ لیا۔

رکن شوریٰ حاجی ابوماجد محمد شاہد عطاری مدنی کا کہنا تھا کہ اَلْحَمْدُ لِلّٰہِ عَزَّ وَجَلَّ مجلس رابطہ بالعلما کے ذمہ داران کو 2019 میں جو اہداف دیئے گئے تھے وہ اللہ کے فضل و کرم سے انہوں نے بڑے احسن انداز سے پورے کئے۔ آئندہ سال 2020ء کے لئے بھی اِنْ شَآءَ اللہ عَزَّ وَجَلَّ اہداف دینے کی ترکیب ہے۔اللہ پاک ہماری اس مجلس کو بھی مزید ترقیاں عطا فرمائے۔

واضح رہے کہ دعوت اسلامی جہاں107 سے زائد شعبہ جات کے ذریعے دینِ اسلام کی تبلیغ و اشاعت کا کام کررہی ہے ان میں ایک شعبہ مجلس رابطہ بالعلما بھی ہے جس کے قیام کا مقصد سنی علمائے کرام ،آئمہ ٔ مساجدخطبا اور مدرسین کو عاشقانِ رسول کی مدنی تحریک دعوت اسلامی کی دینی خدمات سےآگاہ کرنا اور ان سے مدنی کاموں میں معاونت حاصل کرنا اور سنی مدارس و جامعات میں مدنی کام کرنا ہے۔

گزشتہ دنوں دعوتِ اسلامی کی مجلس رابطہ بالعلماء کےتحت ذمہ دار  اسلامی بھائیوں نے مولانا عبدالقادرچشتی صاحب(خطیب جامع مسجدحضرت سیدنا بلال اسلام آباد)، مولانا محمداقبال چوھان قادری صاحب(خطیب جامع مسجد نورانی اسلام آباد)، مولانا محمدصابرنعیمی نقشبندی صاحب(خطیب مرکزی جامع مسجد الکبریا) ، مولانا محمدمنیررضاقادری صاحب(خطیب جامع مسجد مکی مدنی) سے ملاقاتیں کیں۔ دورانِ ملاقات دعوتِ اسلامی کے مختلف شعبہ جات بالخصوص المدینۃالعلمیۃ کا تعارف پیش کیااور مکتبۃ المدینہ العربیہ لاہور کے افتتاح کے موقع پر دعوتِ اسلامی کی خدمات کے حوالے سے دیئے گئےمفتیانِ کرام کے تاثرات کی ویڈیو بھی دکھائی۔ ذمہ دار اسلامی بھائیوں نے علمائے کرام کو کتب کے تحفے بھی پیش کئے۔ علمائے کرام نے دعوتِ اسلامی کی خدمات سے متعلق جان کر مسرت کا اظہار کرتے ہوئے امیرِ اہلِ سنت دَامَتْ بَرَکَاتُہُمُ الْعَالِیَہ کی صحت و سلامتی اور دعوتِ اسلامی کی ترقی کے لئے دعائیں کیں جبکہ مولانا عبد الوہاب نقشبندی صاحب(مدرس جامعہ عربیہ حیدرآباد) نے مدنی مرکزفیضانِ مدینہ آفندی ٹاؤن حیدرآباد اور جامعۃ المدینہ اور دیگر شعبوں کا وزٹ کیا۔

دعوتِ اسلامی کی مجلس رابطہ بالعلماء کے ذمہ دار اسلامی بھائیوں نے مولانا محمد مبشر قادری صاحب (خطیب جامعہ مسجد انوار الخیر اسلام آباد) ٭مولانا قاری سراج الدین مستالوی صاحب (خطیب جامعہ مسجد رحمانیہ غوثیہ G 10اسلام آباد) ٭ مولانا قاری محمد امیر چشتی صاحب (جامع مسجد قادریہ رضویہ اسلام آباد)٭مولانا قاری محمد اسلم نقشبندی صاحب(جامع مسجد البدر ثانی اسلام آباد) ٭ مولانا حافظ نعیم خان صاحب( خطیب جامع مسجد کوٹ بیلیاں میانوالی)٭ مولانا قاری محمد رستم چشتی صاحب(خطیب جامع مسجد جیلانیہ اسلام آباد) ٭ مولانا سید مہر علی شاہ صاحب( خطیب جامع مسجد نور حنفیہ G8 اسلام آباد) سے ملاقاتیں کیں اور انہیں دعوتِ اسلامی کے مدنی کاموں سے متعلق آگاہی فراہم کرتے ہوئے مدنی مرکز کا دورہ کرنے کی دعوت دی اور مکتبۃالمدینہ کی شائع کردہ کتاب ”فتاویٰ اہلسنت“ اور ”ماہنامہ فیضانِ مدینہ“ تحفے میں پیش کئے۔

دعوتِ اسلامی کی مجلس رابطہ بالعلماء کے تحت ذمہ دار اسلامی بھائیوں نے مولانا محمد ظہور الاسلام صاحب (مدرس جامعہ اسلامیہ نظریہ و جامعہ نعیمیہ )٭مولانا محمد شکیل احمد قادری صاحب٭مولانا قاری محمد عثمان قادری صاحب (مدرس جامع مسجد الصدیق اسلام آباد) ٭مولانا پیر محمد خان قادری (مہتمم جامعہ سلطانیہ ملوکیہ موچھ ضلع میانوالی) ٭ مولانا اصغر نقشبندی (مدرس جامعہ غوثیہ رضویہ قمرمشانی) ٭ مولانا صفدر حسین شاہ سیالوی سے ملاقاتیں کیں اور انہیں دعوتِ اسلامی کے مدنی کاموں سے متعلق آگاہی فراہم کرتے ہوئے مدنی مرکز کا دورہ کرنے کی دعوت دی اور مکتبۃالمدینہ کی شائع کردہ کتاب ”فتاویٰ اہلسنت“ اور ”ماہنامہ فیضانِ مدینہ“ تحفے میں پیش کئے۔

راولپنڈی میں علمائے کرام سے ملاقاتیں

تفصیل:

دعوت اسلامی کی مجلس رابطہ بالعلماء کے ذمّہ داران نے پاکستان کے شہر راولپنڈی میں مختلف علمائے کرام سے ملاقاتیں کیں۔ذمّہ داران نے انہیں دعوت اسلامی کا تعارف پیش کرتے ہوئے ماہنامہ فیضانِ مدینہ تحفے میں پیش کیا اور مدنی مرکز فیضانِ مدینہ راولپنڈی کے وزٹ کی دعوت دی۔چند علمائے کرام کے نام یہ ہیں:مولانا سید ساجد حسین صاحب (امام جامع مسجد قباء راولپنڈی)، مولانا محمد اقبال ضیائی صاحب (خطیب راولپنڈی)، مولانامہرعلی چشتی خان صاحب (خطیب راولپنڈی)، مولانا محمد عنایت الرحمٰن صاحب (جامع مسجد قادریہ راولپنڈی)، مولانا محمد صدیق نقشبندی صاحب (مہتمم جامعہ مقصود القرآن کالا باغ )، مفتی ضیاء المصطفٰی صاحب (انچارج شعبہ قراءت وتجوید جامعہ مقصود القرآن)

پاکستان میں مختلف شہروں کے  علمائے کرام سے ملاقاتیں

تفصیل:

دعو ت اسلامی کی مجلس رابطہ بالعلماء کے ذمّہ داران نے پاکستان کے مختلف شہروں میں علمائے کرام سے ملاقاتیں کیں۔ ذمّہ داران نے انہیں دعوت اسلامی کا تعارف پیش کرتے ہوئے ماہنامہ فیضانِ مدینہ تحفے میں کیا اور مدنی مرکز فیضانِ مدینہ کے وزٹ کی دعوت دی۔ چند علمائے کرام کے نام یہ ہیں : شیخ الحدیث والتفسیر مفتی محمدسلمان رضوی صاحب (بانی و مہتمم مرکزی دارالعلوم انواررضا پنڈی )، مولانا عزیزالدین کوکب صاحب (خطیب جامع مسجد فاطمہ الزہرہ)، مولانا صدیق سعدی صاحب (خطیب جامع مسجد مدنی)

دعوتِ اسلامی کی مجلس رابطہ بالعلماء کےتحت  ذمہ دار اسلامی بھائیوں نے میانوالی میں مفتی عبدالمالک صاحب ( مہتمم جامعہ اکبریہ)، اوکاڑہ میں مولانا شہباز احمد رضوی صاحب جبکہ فیصل آباد میں مفتی محمد یوسف نقشبندی صاحب( شیخ الحدیث دارالعلوم مصطفائی رضوی) ٭مولانا مبشر امینی صاحب( امام و خطیب جامع مسجد صابری) ٭مولانا سید بشیر حسین شاہ صاحب(امام جامع مسجد نور فیصل آباد) اور سانگھڑ میں مفتی عبد الرزاق مہران سکندری صاحب(مہتمم و شیخ الحدیث مدرسہ صبغۃ الاسلام سانگھڑ)سے ملاقاتیں کیں۔ دورانِ ملاقات دعوتِ اسلامی کے مدنی کاموں سے متعلق معلومات فراہم کی اور انہیں دعوتِ اسلامی کے مدنی کاموں میں تعاون کرنے کی درخوست کی۔ علمائے کرام کو کتاب ”مختصر فتاویٰ اہلسنت“ اور ”ماہنامہ فیضانِ مدینہ“ تحفے میں پیش کیا گیا۔ 

گزشتہ دنوں دعوتِ اسلامی کی مجلس رابطہ بالعلماء کےتحت ذمہ دار اسلامی بھائیوں نے ڈجکوٹ فیصل آباد میں دارالعلوم غوثیہ رضویہ رشدالایمان میں حاضری دی اور ادارے کے مہتمم مولانا محمد حامد سرفراز رضوی صاحب سے ملاقات کی اور انہیں کتاب ”مختصر فتاویٰ اہلسنت“ اور ” ماہنامہ فیضانِ مدینہ“ تحفے میں پیش کیا۔

دعوتِ اسلامی کی مجلس رابطہ بالعلماء کےتحت ذمہ دار اسلامی بھائیوں نے پنڈی اسلام آباد زون میں   مرکزی جامع مسجد غوثیہ رضویہ کے خطیب مولانا سیدجمیل شاہ صاحب اورمرکزی جامع مسجد المصطفیٰ کے امام مولانا مظہر صدیقی صاحب سے ملاقات کی۔ دورانِ ملاقات ہفتہ وار اجتماع میں شرکت کرنے کی دعوت دی اور ” ماہنامہ فیضانِ مدینہ “ تحفے میں پیش کیا ۔ 

دعوتِ اسلامی کی مجلس رابطہ بالعلماء کےتحت ذمہ دار اسلامی بھائیوں نے   کمالیہ میں جامعۃ اسلامیہ انوارِ مصطفیٰ میں حاضری دی جہاں ان کی ملاقات مفتی محمد صادق سیالوی صاحب (مہتمم جامعہ اسلامیہ انوار مصطفیٰ) اور مفتی محمد علی مجتبیٰ نقشبندی صاحب(سینئر مدرس جامعہ اسلامیہ انوار مصطفیٰ ) سے ہوئی، ذمہ دار اسلامی بھائی نے انہیں کتاب ”مختصر فتاویٰ اہلسنت“ اور ” ماہنامہ فیضانِ مدینہ“ تحفے میں پیش کیا۔

گزشتہ دنوں راولپنڈی میں قائم مسجد شاہ عالم غازی کے خطیب مولانا محمد عمران نظامی اور اسلام آباد میں واقع ادارہ گلشنِ مصطفیٰ کے مدرس مولانا محمد ارسلان شبیر جلالی نے عالمی مدنی مرکز فیضانِ مدینہ کراچی کا وزٹ کیا۔ اس موقع پر ذمہ دار اسلامی بھائی نے انہیں خوش آمدید کہا اور انہیں مختلف شعبہ جات(المدینۃالعلمیۃ، مدنی چینل، مکتبۃالمدینہ، دارالحدیث و دیگر)کا وزٹ کروایا۔ علمائے کرام نے دعوتِ اسلامی کے مدنی کاموں کو دیکھ کر مسرت کا اظہار فرمایااور امیرِ اہلِ سنت دَامَتْ بَرَکَاتُہُمُ الْعَالِیَہ کی صحت و سلامتی اور دعوتِ اسلامی کی ترقی کے لئے دعائیں کیں۔ 

گزشتہ دنوں دعوتِ اسلامی کی مجلس رابطہ بالعلماء کےتحت ریجن  ذمہ دارگجرات نے مفتی غلام بشیر نقشبندی صاحب ( مہتمم جامعہ صفۃ المدینہ گجرات) اور مفتی ظہیرالدین معظمی صاحب ( مہتمم قمر العلوم جامعہ معظمیہ گجرات) سے ملاقات کی اور انہیں دعوتِ اسلامی کے شعبہ جات بالخصوص المدینۃالعلمیۃ کا تعارف پیش کیااور انہیں کتاب ” مختصر فتاویٰ اہلسنت“ اور ”ماہنامہ فیضانِ مدینہ“ تحفے میں پیش کیے۔جبکہ شعبان المعظّم میں کراچی میں ہونے والے دس دن کےعلمِ توقیت کورس میں شرکت کرنے کے لئے جامعہ کے طلبائے کرام کو ترغیب دلائی جس پر انہوں نے خوشی اور آمادگی کا اظہار کیا۔