4 شعبان المعظم, 1441 ہجری

: : :
(PST)

دعوتِ اسلامی کی  مجلس ازدیادِ حب کے تحت 8 مارچ کو پنجاب کے شہر واربرٹن فاروق آباد کابینہ میں ایصالِ ثواب اجتماع کا انعقاد کیا گیا۔ اجتماع میں نگرانِ مجلس ازدیادِ حب حاجی محمد شاہد عطاری نے سنتوں بھرا بیان فرمایا۔

اجتماع کے اختتام پر امیرِ اہلِ سنّت دَامَتْ بَرَکَاتُہُمُ الْعَالِیَہ کی ہمشیرہ اور رکنِ شوریٰ حاجی اظہر عطاری کے بڑے بھائی سمیت امت مرحومہ کے لئے خصوصی دعاوں کا سلسلہ بھی ہوا۔ 


دعوتِ اسلامی کی مجلس ازدیادِ حُب کے تحت 10مارچ2020ء بروز منگل سعد سٹی اوکاڑہ میں مبلغِ دعوتِ اسلامی مرحوم محمد افضال عطاری کے لئے ایصالِ ثواب اجتماع کا اہتمام کیا گیا جس میں نئے و پرانے اسلامی بھائی و دیگر عاشقانِ رسول نے شرکت کی۔ اس موقع پر نگرانِ مجلس ازدیادِ حُب محمد شاہد عطاری نے سنتوں بھرا بیان فرماتے ہوئےشرکا کو مدنی کام کرنے کا ذہن دیا اور مرحوم کے لئے دعائے خیر کی۔ 


دعوت اسلامی کی مجلس ازدیادحب کے تحت 24 جنوری2020ء بروز جمعہ ریجن ملتان کے ڈیرہ غازی خان کابینہ میں ایصال ثواب اجتماع ہوا جس میں نئے اور پرانے اسلامی بھائیوں اور مرحومین کے عزیز و اقارب نے شرکت کی۔ مبلغ دعوت اسلامی نے آخرت کی تیاری کے موضوع پر بیان کیا ۔(رپورٹ: محمداقبال عطاری رکن ریجن مجلس ازدیادحب ملتان ریجن)


مجلس ازدیادحب کے تحت خانیوال میں مرحومین کے لئے ایصال ثواب اجتماع 

Mon, 20 Jan , 2020
69 days ago

امیرِ اہلِ سنت علامہ الیاس عطار قادری دَامَتْ بَرَکَاتُہُمُ الْعَالِیَہ کی ترغیب پر مجلس ازدیادحب کے تحت مرحومین کے لئے 17 جنوری بروز جمعہ ملتان ریجن کی خانیوال کابینہ میں ایصال ثواب اجتماع منعقد ہوا جس میں کم وبیش 650 اسلامی بھائیوں اور شخصیات نے شرکت کی۔ اس موقع پر نگران کابینہ محمد بہادر عطاری نے اجتماع میں شریک نئے اور پرانے اسلامی بھائی اور مرحومین کے عزیز و اقارب کے درمیان قبر کی ھولناکیاں اور فکر آخرت کے موضوع پر بیان کیا اور آخرت کی تیاری کے حوالے سے ذہن دیا ۔ (رپورٹ: محمداقبال عطاری رکن ریجن مجلس ازدیادحب ملتان ریجن)


دعوتِ اسلامی کی مجلس ازدیادحب کے تحت 11جنوری2020ء بروز ہفتہ مغل آباد معصوم شاہ روڈ ملتان میں تین دن کے قافلہ میں نگران مجلس ازدیادحب محمد شاہد عطاری اور رکن ملتان ریجن ازدیادحب محمد اقبال عطاری اور رکن زون ازدیادحب ڈیرہ غازی خان محمدعابد عطاری نے شرکت کی اور مدنی حلقہ لگایا جس میں 12مدنی کاموں کے حوالے سے ترغیب دلائی گئی ۔ (رپورٹ:محمداقبال عطاری، ازدیادحب ملتان ریجن)


دعوتِ اسلامی کی مجلس ازدیادِ حب کے تحت گزشتہ دنوں لاہور شمالی زون میں مختلف اسلامی بھائیوں کے لئے ایصالِ ثواب اجتماع کا اہتمام کیا گیا جس میں پُرانے اسلامی بھائیوں نے شرکت کی۔ اس موقع پر نگرانِ مجلس حاجی محمد شاہد عطاری نے سنتوں بھرا بیان کیا اور شرکائے اجتماع کی مدنی  تربیت بھی فرمائی۔(رپورٹ:نصیر عطاری، مجلس ازدیادِ حب)


دعوت اسلامی کی مجلس ازدیاحب کے تحت  9دسمبر 2019ء کواورنگی ٹاؤن کابینہ میانوالی کالونی میں قافلہ اجتماع ہوا جس میں کثیر تعداد میں عاشقانِ رسول نے شرکت کی۔مبلغ دعوت اسلامی نے سنّتوں بھرا بیان کیا اور شرکا کو ایک ماہ کے قافلے میں سفر کرنے کی ترغیب دلائی جس پر 22اسلامی بھائیوں نے قافلے میں سفر کرنے کے لئے مکمل نیت کا اظہار کیا۔ (رپورٹ: محمد نصیر عطاری،مجلس ازدیادحب)


دعوتِ اسلامی کے مدنی مقاصد میں سے ایک مقصد مسلمانوں کی صفوں میں اتحاد پیدا کرنا اور دوریوں کو مٹانا بھی ہے اسی جذبے کے تحت مجلس ازدیاد حُب قائم ہےجس کے متعلقین اسلامی بھائی اس اہم فریضے کی ادائیگی کے لئے مصروف عمل ہیں۔ اسی سلسلے میں ساؤتھ سینٹرل زون کراچی سرجانی  کابينہ میں مجلس ازدیاد حُب کے تحت ایصال ِثواب اجتماع ہوا جس میں مبلغ ِ دعوتِ اسلامی نے سنتوں بھرا بیان کیا اور 13 دسمبر کو روانہ ہونے والے ایک ماہ کے قافلےمیں سفر کرنے کی ترغیب دلائی جس پرکئی اسلامی بھائیوں نے قافلے میں سفر کرنے کی نیت کا اظہار کیا ۔

مجلس ازدیادِ حب  کراچی ریجن کے تحت کراچی کے علاقے صدر میں قائم جامع مسجد اقصیٰ میں رکنِ شوریٰ و نگران کراچی ریجن حاجی امین عطاری کے والدِ محترم حاجی عبدالستار کے ایصالِ ثواب کے سلسلے میں عظیم الشان اجتماعِ پاک کا انعقاد کیا گیا جس میں رکنِ شوریٰ حاجی اطہر عطاری نے سنتوں بھرا بیان فرمایا۔ عاشقانِ رسول کی بڑی تعداد نے اجتماعِ پاک میں شرکت کی۔


دعوت اسلامی کی مجلس ازدیاد حب  کے نگران مجلس نے ملتان ریجن میں اپنے شیڈول کےدوران رحیم یارخان زون ، بہاول پور زون اور ملتان زون میں مدنی حلقے لگائے ، ملاقاتیں کیں، ایصالِ ثواب اجتماعات میں شرکت کی اور ذمہ داران کے مدنی مشورے لئے۔نگرانِ مجلس نے اسلامی بھائیوں کو 2نومبر 2019ء کو قلعہ قاسم باغ اسٹیڈیم ملتان میں ہونے والے مدنی مذاکرے میں شرکت کی دعوت دی اور 24نومبر 2019ء کو ہونے والے ٹیلی تھون میں بھر پور حصہ لینے کی ترغیب دلائی۔

شیخِ کامل، سنتوں کے عامل امیرِ اہلِ سنت مولانا الیاس  عطار قادری دَامَتْ بَرَکَاتُہُمُ الْعَالِیَہ کی والدۂ محترمہ کے سالانہ عرس کے سلسلے میں مجلس ازدیادحب کےتحت پاکستان بھر میں ایصال ثواب اجتماعات منعقد کئے گئے۔

مجلس ازدیادِ حب کی جانب سے ملنے والی کارکردگی کے مطابق کراچی ریجن میں 24 مقامات پر ہونے اجتماعات میں کم وبیش 2000، حیدرآباد ریجن میں24 مقامات پر ہونے اجتماعات میں کم وبیش 1500، لاہور ریجن میں 26 مقامات پر ہونے اجتماعات میں کم وبیش 1500، فیصل آباد ریجن میں12 مقامات پر ہونے اجتماعات میں کم وبیش 800، ملتان ریجن میں35 مقامات پر ہونے اجتماعات میں کم وبیش 4800،اسلام آباد ریجن میں 12مقامات پر ہونے اجتماعات میں کم وبیش 800 یعنی ٹوٹل 133 مقامات پر 11ہزار 400 سے زائد اسلامی بھائیوں نے شرکت کی سعادت حاصل کی۔


دعوتِ اسلامی کی مجلس ازدیادِ حب کے تحت 22 ستمبر 2019ء بروز اتوار  اوکاڑہ پنجاب پاکستان میں ایصالِ ثواب اجتماع ہوا جس میں رکنِ شوریٰ حاجی رفیع العطاری نے سنتوں بھرا بیان فرمایا۔اجتماعِ پاک میں بالخصوص پرانے اسلامی بھائیوں سمیت بڑی تعداد نے شرکت کی۔رکنِ شوریٰ نے شرکا سے ملاقات بھی فرمائی۔