دعوتِ اسلامی کی مجلس مدرسۃ المدینہ بالغان کے تحت لاہور کے علاقے کاہنہ نو کے مدنی مرکز فیضان ِمدینہ میں معلّم مدنی قاعدہ کورس کا انعقاد کیاگیا جس میں مختلف علاقوں کے عاشقانِ رسول نے شرکت کی۔ذمّہ دار اسلامی بھائی  نے شرکا کو قراٰن پاک درست مخارج کے ساتھ پڑھانے ، مختلف دعائیں اور سنتیں سکھانے کے حوالے سے تربیت کی اورقراٰن پاک کی تعلیم حاصل کرکے اپنے اپنے علاقوں میں قراٰن پاک کی تعلیم کو عام کرنے کا ذہن دیا۔

دعوتِ اسلامی کی مجلس مدنی کورسز کے تحت عالمی مدنی مرکز فیضانِ مدینہ کراچی میں مدنی کورسز کے معلمین اسلامی بھائیوں کا تین دن کا سنتوں بھرا اجتماع اختتام پذیر ہوگیا ۔ اجتماع کے اختتام پر مدنی حلقے کا انعقاد کیا گیا جس میں اراکینِ شوریٰ حاجی سیّد ابراہیم عطاری اور حاجی محمد فضیل عطاری نے شرکا کی تربیت کی اور مدنی کام بہتر اور مؤثر انداز میں کرنے کی ترغیب دلائی، رکنِ شوریٰ حا جی محمد فضیل عطا ری نے اسلامی بھائیو ں کو تحائف بھی دیئے۔

دعوتِ اسلامی کی مجلس جامعۃ المدینہ کے تحت مدنی مرکز فیضانِ مدینہ مدینہ ٹاؤن فیصل آباد کے مرکزی جامعۃ المدینہ کے درجۂ دورۃالحدیث شریف میں تربیت کا سلسلہ ہوا جس میں درجہ دورۃ الحدیث شریف کے طلبائے کرام نے شرکت کی ۔رکنِ شوریٰ حاجی محمد اسد عطاری مدنی نے آدابِ گفتگو اور عالم ِدین کے مقاصد پر سنّتوں بھرا بیان کرتے ہوئے شرکا کی تربیت کی اور دعوتِ اسلامی کے مدنی کا موں میں بڑھ چڑھ کر حصہ لینے کی ترغیب دلائی۔ 

دعوتِ اسلامی کی مجلس ازدیاحب کےتحت عالمی مدنی مرکز فیضانِ مدینہ کراچی میں تین دن کا سنّتوں بھرا اجتماع جاری ہے جس میں کراچی سمیت پاکستان کے مختلف شہروں سے عاشقانِ رسول شریک ہیں۔30اگست 2019ء بعد نماز عشاء مجلس شوریٰ کے نگرانِ شوریٰ مولانا محمد عمران عطاری مَدَّظِلُّہُ الْعَالِی نےاجتماع پاک میں سنّتوں بھرا بیان فرماتے ہوئےشرکا کو قیمتی لمحات گزارنے کے حوالے سے مدنی پھول دیئے۔

دعوتِ اسلامی کی مجلس ماہنامہ فیضانِ مدینہ کے تحت عالمی مدنی مرکز فیضانِ مدینہ کراچی میں اجلاس ہوا جس میں ماہنامہ فیضانِ مدینہ مجلس کے تمام ذمّہ داران شریک ہوئے۔نگرانِ شوریٰ مولانا محمد عمران عطاری مَدَّظِلُّہُ الْعَالِی نے کاکردگی کا جائزہ لیا اور ماہنامہ فیضانِ مدینہ کے حوالے سے اہم نکات پیش کئے۔علاوہ ازیں اس اجلاس میں رکن ِشوریٰ حاجی ابو ماجد محمد شاہد عطاری مدنی بھی موجود تھے ۔

دعوتِ اسلامی کی مجلس رابطہ بالعلماء کی دعوت پر پروفیسر مولانا عطاء الرحمن رضوی صاحب کی مدنی مرکز فیضان مدینہ جوہر ٹاون میں تشریف آوری ہوئی۔ مجلس رابطہ بالعلماء کے ریجن ذمہ دار اسلامی بھائی نے انہیں دورۂ حدیث شریف اور مختلف شعبہ جات کا وزٹ کروایا، عطاء الرحمن رضوی صاحب نے مفتی محمد ہاشم خان عطاری مدنی صاحب سے ملاقات بھی کی، مفتی ہاشم صاحب نے مولانا عطاء الرحمن رضوی صاحب کو اللہ الوں کی باتیں کتاب تحفہ میں پیش دی۔ دورانِ ملاقات مولانا عطاء الرحمن رضوی صاحب نے دعوتِ اسلامی کے متعلق اپنے تاثرات بھی دئیے اور خدماتِ دعوتِ اسلامی کو سراہا۔

دعوتِ اسلامی کے مدنی مرکز فیضانِ مدینہ پاکپتن شریف میں ہونے والے ہفتہ وار سنّتوں بھرے اجتماع میں جامعہ توگیرویاں اور مدرسہ فیض الاسلام انتالی شریف ضلع پاکپتن کے کئی طلبۂ کرام نے شرکت کی ۔ اجتماع ِ پاک کے اختتام پر رکن زون نے طلبۂ کرام سے ملاقات کی اور ان کی حوصلہ افزائی کرتے ہوئے اسی طرح ہر جمعرات ہفتہ وار اجتماع میں شرکت کی دعوت پیش کی۔

دعوتِ اسلامی کے مدنی مرکز فیضانِ مدینہ بورے والاپنجاب میں  ہونے والے ہفتہ وار سنّتوں بھرے اجتماع میں شکوری مسجد بورے والا کے طلبۂ کرام نے شرکت کی ۔اجتماع ِ پاک کے اختتام پر رکن زون نے طلبۂ کرام سے ملاقات کی اور ان کی حوصلہ افزائی کرتے ہوئے ہر جمعرات ہفتہ وار اجتماع میں شرکت کی دعوت پیش کی۔

دنیا بھر میں قراٰن وسنّت کی تعلیمات کو عام کرنے والی عاشقان رسول کی مدنی تحریک دعوتِ اسلامی کے تمام ذمہ داران کومدنی کاموں کے سلسلے میں پیشگی جدول دئیے جاتے ہیں جس کے بعد ان کا باقاعدہ جائزہ بھی ہوتا ہے۔ اس سلسلے میں ایک مجلس قائم ہے جسے ”مجلس جدول و جائزہ“ کہا جاتاہے۔

پچھلے دنوں مجلس جدول و جائزہ کے تحت مدنی مرکزفیضان مدینہ، مدینہ ٹاؤن فیصل آباد میں ذمّہ داران کا اجلاس ہوا جس میں پاکستان بھر کے ذمّہ داران نے شرکت کی۔ نگرانِ پاکستان انتظامی کابینہ حاجی محمد شاہد عطاری نے ان ذمہ داران کی تربیت فرمائی اور شعبے میں مزید بہتری کے متعلق نکات پیش کئے۔

دعوتِ اسلامی کی مجلس فیضانِ مدینہ کے تحت مدنی مرکز فیضانِ مدینہ ظفر وال میں امیر اہلِ سنّت  دَامَتْ بَرَکَاتُہُمُ الْعَالِیَہ کی ہمشیرہ بنتِ عبد الرحمٰن کی پہلی برسی کے موقع پر ان کے ایصالِ ثواب کے لئے قراٰن خوانی کا اہتمام کیا گیا جس میں ظفر وال میں قائم مدرسۃ المدینہ کے طلبہ سمیت دیگر عاشقانِ رسول نے شرکت کی۔علاوہ ازیں اختتام پر فاتحہ خوانی اور مرحومہ کے بلندیِ درجات کے دعا بھی کی گئی۔

واضح رہے کہ فیصل آباد ریجن میں 10 مقامات سمیت پاکستان کے کئی مقامات پر ہمشیرہ ٔ عطار کے ایصالِ ثواب کے لئے انفرادی و اجتماعی طور پر قراٰن خوانی کا اہتمام کیا گیا۔

دنیا بھر میں قراٰن وسنت کی تعلیمات کو عام کرنے والی عاشقان رسول کی مدنی تحریک دعوت اسلامی کم و بیش 107 مجالس کے ذریعے دین متین کی خدمت میں مصروف عمل ہے۔ ان تمام مجالس کی کارکردگی دیکھنے کے لئے  بھی ایک مجلس کا قیام کیا ہوا ہے جو دعوت اسلامی کے تمام شعبہ جات کو دیکھتی ہے۔ گزشتہ دنوں فیصل آباد میں واقع مدنی مرکزفیضان مدینہ میں مجلس پاکستان کارکردگی کا اجلاس ہوا جس میں نگران پاکستان انتظامی کابینہ و رکن شوری حاجی محمد شاہد عطاری نے تمام ذمہ داران کی تربیت فرمائی اور انہیں مدنی نکات ارشاد فرمائے۔ اجلاس میں شعبہ پاکستان، ریجن کارکردگی آفس، شعبہ جاب ڈسکرپشن، شعبہ کارکردگی فارم و مدنی پھول کے ذمہ داران نے شرکت کی۔ نگران پاکستان نے مجلس کارکردگی کا تعارف پیش کیا اور ان عاشقان رسول کو درگزر سے کام لینے اور بداخلاقی پر صبر کرنے کا ذہن بھی دیا۔

دعوتِ اسلامی مجلس رابطہ  برائےفنکار کے تحت مدنی مرکزفیضان مدینہ ملتان میں نیکی کی دعوت کا سلسلہ ہوا جس میں شوبز سے تعلق رکھنے والے قاسم، جمیل، نصیرخان اور دیگر اسلامی بھائیوں نے شرکت کی۔نگران ِمجلس نے سنتوں بھرا بیان کیا اور شرکا کو دعوت اسلامی کے تحت قافلوں میں سفراور ہفتہ وار اجتماع میں شرکت کرنے کی ترغیب دلائی۔