عالمی مدنی مرکز فیضان مدینہ کراچی میں شعبہ روحانی علاج کا آفس پہلے سے قائم تھا۔ اس آفس کی مزید تزئین و آرائش کے بعد نئے انداز میں تعمیرات مکمل ہونے کے بعد 31 مارچ 2021ء سے آفس کے کاموں آغاز ہوا۔

جانشین امیر اہل سنت مولانا حاجی عبید رضا عطاری مدنی مَدَّظِلُّہُ الْعَالِی نے باقاعدہ اس دفتر کا افتتاح کیا اور وہاں موجود اسلامی بھائیوں کو مدنی پھولوں سے نوازا۔افتتاح کے موقع امیر اہلِ سنت دَامَتْ بَرَکَاتُہُمُ الْعَالِیَہ کی ہمشیرہ، بھائی جان اور والدین کے ایصالِ ثواب کے لئے دعا، فاتحہ خوانی اور نیاز کا بھی اہتمام کیا گیا۔

27 رجب المرجب 1442ء کی شب مدنی مرکز فیضان مدینہ فیصل آباد میں نکاح کی تقریب کا سلسلہ ہوا۔

جانشین امیر اہلِ سنت مولانا حاجی عبید رضا عطاری مَدَّظِلُّہُ الْعَالِی نے نگران پاکستان مشاورت حاجی محمد شاہد عطاری کے صاحبزادگان قربان رضا عطاری اور فیضان رضا عطاری سمیت دیگر دو اسلامی بھائیوں کا نکاح پڑھایا۔حاجی عبید رضا عطاری مَدَّظِلُّہُ الْعَالِی نے دولہوں اور ان کے خاندان والوں کو مبارک باد دی اور خیرو برکت کے لئے دعائیں کیں۔

دوران تقریب نگران پاکستان مشاورت حاجی محمد شاہد عطاری نے حاضرین کو نیکی کی دعوت دی اور دعوت اسلامی کے دینی کاموں میں ساتھ دینے کی ترغیب دلائی۔

محمد عدنان عطاری حیدر آباد میں رضائے الہی سے انتقال کرگئے۔

اسی سلسلے میں جانشین امیر اہل سنت مولانا حاجی عبید رضا عطاری مدنی مَدَّظِلُّہُ الْعَالِی ان کی رہائش گاہ پہنچے جہاں انہوں نے مرحوم کے صاحبزادگان سے ملاقات کی۔ صاحبزادہ عطار نے ان کے اہل خانہ کو صبر کی تلقین کرتے ہوئے مرحوم کے ایصالِ ثواب کے لئے فاتحہ خوانی کی اور اہلِ خانہ کو اپنے مرحومین کے ایصالِ ثواب کے لئے دینی کاموں میں تعاون کرنے کا ذہن دیا۔

پچھلے دنوں جانشین امیر اہل سنت مولانا حاجی عبید رضا عطاری مدنی مَدَّظِلُّہُ الْعَالِی رکن شوریٰ حاجی قاری سلیم عطاری کے ہمراہ ملتان پہنچے جہاں انہوں نے ذمہ داران دعوت اسلامی سے ملاقات کی۔ جانشین امیر اہل سنت نے دینی کاموں کے حوالے سے شرکا کی تربیت کی اور انہیں زیادہ سے زیادہ بڑھ چڑھ کر دینی کاموں میں حصہ ملانے کا ذہن دیا۔

ان دنوں ملتان میں ڈاکٹر شفقت عطاری بیما ر ہیں۔

اسی سلسلے میں جانشین امیر اہل سنت مولانا حاجی عبید رضا عطاری مدنی مَدَّظِلُّہُ الْعَالِی ان کے گھر پہنچے جہاں انہوں نے ڈاکٹر شفقت عطاری سے ملاقات کی اور صبر کی تلقین فرمائی۔صاحبزادہ عطار نے ان کی جلد صحتیابی کے لئے دعائیں کیں اور انہیں نماز کیا پابندی کرنے کا ذہن دیا۔

اس موقع پر رکن شوریٰ حاجی قاری سلیم عطاری بھی موجود تھے۔

رانا لیاقت صاحب پچھلے دنوں سے بیمار ہیں۔

اسی سلسلے میں جانشین امیر اہل سنت مولانا حاجی عبید رضا عطاری مدنی مَدَّظِلُّہُ الْعَالِیان کی رہائش گاہ پہنچے جہاں انہوں نے رانا لیاقت سے ملاقات کرتے ہوئے ان سے عیادت کی۔ صاحبزادہ عطار نے انہیں صبر کی تلقین کرتے ہوئے جلد صحت یابی کے لئے دعائیں کیں اور انہیں نماز کی پابندی کرنے کا ذہن دیا۔

پچھلے دنوں جانشین امیر اہل سنت مولانا حاجی عبید رضا عطاری مَدَّظِلُّہُ الْعَالِی نے حافظ آباد زون سکھیکی منڈی کا دورہ کیا جہاں نگران شعبہ ڈونیشن سیل ڈاکٹر عبد القیوم عطاری نے انہیں خوش آمدید کہا۔

ڈاکٹر عبد القیوم عطاری نے حافظ آباد زون میں ہونے والے 12 دینی کاموں کے بارے میں معلومات فراہم کی جس پر جانشین امیر اہل سنت نے خوشی کا اظہار کیا اور انہیں دینی کاموں کو مزید بڑھانے کا ذہن دیتے ہوئے دعاؤں سے نوازا۔

پچھلے دنوں جبی جاتلاں پنجاب میں قائم جامعۃ المدینہ میں  جانشین امیر اہل سنت مولانا حاجی عبید رضا عطاری مدنی مَدَّظِلُّہُ الْعَالِی کی آمد ہوئی جہاں انہوں نے ذمہ دارا ن اوردیگر اسلامی بھائیوں سے ملاقات کی۔

بعد ازاں حاجی عبید رضا عطاری مدنی نے جامعۃا لمدینہ سے متصل ایک بزرگ کے مزار شریف پر حاضری دی جہاں فاتحہ خوانی اور دعا کا سلسلہ ہوا۔ اس موقع پر رکن شوریٰ حاجی محمد اسد عطاری مدنی بھی موجود تھے۔

7جماد ی الاولیٰ1442ھ بمطابق 21 جنوری 2021ء کی شب امیر اہلِ سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ بیرونِ ملک روانہ ہوگئے۔

روانگی کے وقت امیر اہلِ سنت دَامَتْ بَرَکَاتُہُمُ الْعَالِیَہنے اپنا ویڈیو پیغام جاری کیا جس میں آپ نے مدنی پھول بیان کرتے ہوئے فرمایا کہ ”حضرت سیدنا ابو درداء رضی اللہ عنہ کا بیان ہےکہ اللہ کے پیارے حبیب صلَّی اللہ علیہ واٰلہٖ وسلَّم نے مجھے حضرت ابو بکر صدیق رضی اللہ عنہ کے آگے چلتے ہوئے دیکھا تو ارشاد فرمایا کیا تم اس کے آگے چل رہے ہو جو تم سے بہتر ہےکیا تم نہیں جانتے کہ نبیوں، رسولوں کے بعد ابو بکر سے افضل کسی شخص پر نہ تو سورج طلوع ہوا اور نہ غروب ہوا“۔(فضائل الخلفاء لابی نعیم، ص38، حدیث:10)

صَلُّوْا عَلَی الْحَبِیْب! صلَّی اللہُ علٰی محمَّد

4جنوری 2020ء کو حیدر آباد آفندی ٹاؤن میں قائم مدنی مرکز فیضان مدینہ میں نکاح کی تقریب کا سلسلہ ہوا۔ جانشین امیر اہل سنت مولانا عبید رضا عطاری مدنی مَدَّظِلُّہُ الْعَالِی نے چار اسلامی بھائیوں کا نکاح پڑھایا۔

اس تقریب میں دولہوں کے خاندان والے بھی شریک تھے۔ اختتام پر جانشینِ امیرِ اہلِ سنت مَدَّظِلُّہُ الْعَالِی نے دعافرماتے ہوئے خاندانوں میں خیرو برکت کی دعا فرمائی۔

پچھلے دنوں جانشین امیر اہلِ سنت حاجی مولانا عبید رضا عطاری مدنی مَدَّظِلُّہُ الْعَالِی نے رکن شوریٰ حاجی محمد اظہر عطاری کے ہمراہ جامعۃ المدینہ واہ کینٹ کے مدرس مولانا جیلان رضا عطاری کی رہائش گاہ پہنچے جہاں انہوں نے ان کے چھوٹے بھائی ڈاکٹر عاصم مجید عطاری کے انتقال پر تعزیت کی اور صبر کی تلقین فرمائی۔ جانشین امیر اہل سنت نے مرحوم کے ایصالِ ثواب کے لئے فاتحہ خوانی کی اور درجات کی بلندی اور مغفرت کے لئے دعائیں کیں۔

8دسمبر 2020ء کو جانشین امیر اہلِ سنت حاجی مولانا عبید رضا عطاری مدنی مَدَّظِلُّہُ الْعَالِی نے حاجی حسن پروانہ کی رہائش گاہ پہنچے جہاں انہوں نے ان کی زوجہ کے انتقال پر تعزیت کی اور صبر کی تلقین فرمائی۔ جانشین امیر اہل سنت نے مرحومہ کے ایصالِ ثواب کے لئے فاتحہ خوانی کی اور درجات کی بلندی اور مغفرت کے لئے دعائیں کیں۔