Join Whatsapp Group
Dawateislami
مختلف شہروں میں شدید زلزلہ،امیرِ اہلِ سنّت کا اظہارِ افسوس، مالی امداد کا اعلان
ہیڈ لائنز: پاک و ہند کے مختلف شہروں میں
زلزلہ۔۔ امیر اہل سنت مولانا الیاس قادری نے زلزلے کی اصل وجہ بیان کرتے ہوئے کہا
کہ زلزلے گناہوں کی وجہ سے آتے ہیں۔۔ آپ نے زلزلہ زدگان کی امداد کا اعلان کیا
اور عاشقان رسول کوجانی و مالی تعاون کی اپیل کی۔
مزید تفصیلات
(ویب ڈیسک25,SEP,2019) 24
ستمبر 2019 کو کشمیر، اسلام آباد سمیت پاک
و ہند کے مختلف شہروں میں زلزلہ آیا، جس میں کافی جانی مالی نقصان ہوا۔ اس موقع پر امیر اہلِ سنت حضرت علامہ مولانا محمد الیاس عطار قادری نے
25ستمبر2019 کو ایک ویڈیو پیغام جاری کیا، جس میں آپ کا کہنا تھاکہ: زلزلے گناہوں کی وجہ
سے آتے ہیں، اس لیے ایسے موقع پر اللہ تعالی کی جناب میں توبہ کرنی چاہیے، گناہوں
کی معافی طلب کرنی چاہیے، استغفراللہ استغفراللہ استغفراللہ پڑھتے رہنا چاہیے، آئندہ گناہوں سے
بچنے کا ذہن بنانا چاہیے اور نمازوں کی پابندی
شروع کر دینی چاہیے۔ امیر اہل سنت نے زلزلے سے متاثرہ افراد کے لیے دعا کرتے
ہوئے کہا:یااللہ! ا س زلزلے میں جتنے مسلمان انتقال کر گئے سب کو غریق رحمت فرما،
سب کی مغفرت فرما۔ جو زخمی ہوگئےانہیں روبہ صحت کر دے، انہیں شفائے عاجلہ کاملہ
نافعہ عطا کر دے، ان کو در در کی ٹھوکروں سے بچا لے۔ جن کے مال کا نقصان ہوا انہیں
اچھا بدل عطا فرمادے۔امیر اہل سنت نےسوگوارں سے تعزیت کرتے ہوئے فرمایا: جن کے
رشتے دار فوت ہوئے میں ان سب سے تعزیت کرتا ہوں۔ اور جو زخمی ہوئے میں ان کے
عزیزوں سے ہمدری اور غمخواری کا اظہارکرتا ہوں۔
امیر اہل سنت نے زلزلہ زدگان کی امداد کا
اعلان کرتے ہوئے فرمایا: دعوت
اسلامی کی امدادی کاموں کےلیے مجلس سے میری مدنی التجا ہے کہ فوری طور پر آقا کی
دکھیاری امت کو سنبھالنے کی کوشش کریں۔ ان کی مالی مدد کریں۔ مزید فرمایا: عاشقان
رسول کو اس مصیبت کے وقت میں اپنے بھائیوں کی دل کھول کر امداد کرنی چاہیے، اور
جانی مالی تعاون کرنا چاہیے۔ عاشقان رسول آگے بڑھیں اور اس سلسلے میں دعوت اسلامی
کا ساتھ دیں۔
اسلام کے 5 ارکان میں ایک رکن حج بھی ہے جس کی ہر مومن
اور مسلمان کو دِلی خواہش ہوتی ہے۔اس سال امیرِ اہلِ سنّت دَامَتْ بَرَکَاتُہُمُ الْعَالِیَہ ، نگرانِ
شوریٰ ،چند اراکینِ شوریٰ اور کئی اسلامی
بھائیوں پر مشتمل چل مدینہ کا قافلہ حجِ بیت
اللہ کی سعادت حاصل کرنےحرمین طیّبین زاد ہمااللہ شرفاً وَّ تعظیماً پہنچا ۔
امیرِ اہلِ سنّت دَامَتْ بَرَکَاتُہُمُ الْعَالِیَہ نے چل مدینہ
قافلہ کے اسلامی بھائیوں کے نام ایک پیغام جاری کیا جس میں آپ نے فرمایا! ”چل مدینہ سے مشرف میرے
مدنی بیٹے اور مدنی بیٹیوں کی خدمتوں میں اَلسَّلَامُ عَلَیْکُمْ
وَرَحْمَۃُ اللّٰہِ وَبَرَکَاتُہٗ! ابھی کل ہی کی بات ہے جیسے میں مطاف کی طرف
جارہا تھا، حسرتیں مچل رہی تھیں آرزوئیں گدگدارہی تھیں، اورگویا رواں رواں کیف و مستی میں جھوم رہا تھا کہ وہ مدینہ
کا سفر تھا۔ ہائے یہ حسن رضا آئے میرے پاس ابھی میں نے ان سے پوچھا کہ کہاں جارہے
ہو؟تواِنہوں نے کہا کہ” مدینہ“ یہ بھی ظاہر ہے شوق والی بات ہے مدینے کے لیے
تیار ہیں اس وقت جانے کے لئے، اس کو کیا پتا مدینہ چھوڑ آئے ، اب میں بیرون ملک جارہا ہوں میرا سفر اَلْحَمْدُ
لِلّٰہِ عَزَّ وَجَلَّ دین کے
لئے ہے اپنے ذاتی کام کے لئے نہیں جارہا، کامیابی کی دعا کا ملتجی ہوں، کہ میں اپنے مقصد
میں کامیاب ہوں اور آپ سب کے لئے بھی دعا کرتا ہوں کہ آپ سب کو اللہ بے حساب بخشے آپ سب کے صدقے میری بھی بے حساب
مغفرت ہوجائے، میرے مدنی بیٹوں اور مدنی بیٹیوں آنے کے بعد خدا
جانے اپنے مدنی کاموں میں اضافہ کیا یا کیا کیا، یا تھکن اتار رہے ہیں، مدنی
انعامات پر عمل میں کہاں تک پہنچے کوئی مجھے کارکردگی کوئی اطلاع نہیں ہے، یہ چل
مدینہ والے ہوتے ہیں ایک طرح سے یوں لگتا ہے جیسے میرے خاندان کے لوگ ہیں یہ، تو
اب یہ کہ 12مدنی کام کی دھوم دھام مچانی ہے ، مدنی انعامات پر عمل بڑھانا ہے اور
روزانہ غور و فکر کے ذریعے رسالہ پُر کرکے جمع بھی کرواتے رہنا ہے۔ قافلوں میں جو
سفر کرسکیں مدنی بیٹے سفر ظاہر ہے سب کے سب سفر کے اہل تو تھے سب سفر کریں اور ہر
مہینے کریں، جو بارہ ماہ ابھی تک نہیں کر
پائے وہ بھی اس کے لئے کوئی ذہن بنائیں، اورعلاقائی دورہ برائے نیکی کی دعوت اس کی
بھی ترکیب فرمائیں اور خوب مدنی کام بڑھائے۔ ایک مدنی کام لفظ مدنی کام خیر اس کے
لئےاصطلاح نہیں ہے مگر ایک کام اور میں آپ کو دے رہا ہوں وہ بھی قبول کرلیں ہوسکے
تو خاص کر جن کے گھر میں بچے ہیں روزانہ درس تو دینا ہوتا ہے گھر میں وہ تو جاری
رکھیں اگر دے رہے ہیں تو ،نہیں دے رہے ہیں تو شروع کریں لیکن بچوں کو یا تو سوتے
وقت یا کسی مناسب وقت پر گھر کے جتنے بچے ہیں ان کو جمع کریں اور فیضانِ سنت ہے ،نیکی
کی دعوت ہے غیبت کی تباہ کاریاں ہیں ان اپنی کتابوں سے کوئی نہ کوئی ایمان افروز
حکایت منتخب کرکے یہ سنادیا کریں، کرامات ، یا کوئی ایسی حکایتیں سنائیں گے نا تو
بچوں کو اس میں دلچسپی بھی ہوتی ہے اور یہ پھر اِنْ شَآءَ اللہ عَزَّ وَجَلَّآپ سے مطالبہ کریں گے کہ ہم کو وہ قصہ سناؤ، یا یہ بچے
آج کل اسٹوری کہتے ہوں گے تو چلو اسٹوری سناؤ، یہ ان کو اسٹوری کا عادی بنائیں
اسلامی اسٹوریز ٹھیک ہے نا تو اِنْ شَآءَ اللہ عَزَّ وَجَلَّ اس میں بزرگوں کے
بارے میں، کراماتوں کے بارے میں اور اس طرح بزرگوں کے تقویٰ پرہیزگاری، خوفِ خدا
عشقِ مصطفی جلا جلالہ وصلی اللہ تعالیٰ علیہ وآلہ وسلم کے تعلق سے ذہن بنتا چلا جائے گا، اِنْ شَآءَ اللہ عَزَّ وَجَلَّ مجھے خوشخبری دیں
کہ آپ نے کیا کیا کیا ہے۔ بے حساب مغفرت کی دعا کیجیئے گا میرے لئے۔“
امیرِ اہلِ سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ بیرونِ
ملک روانہ ہوگئے ۔ آپ نے اپنے مکان
پہنچتے ہی عاشقانِ رسول کے نام ایک پیغام جاری کیا جس میں فرمایا کہ ”اَلْحَمْدُ
لِلّٰہِ عَزَّ وَجَلَّ میں
بیرونِ ملک اپنے مکان پر پہنچ گیا ہوں،اللہ
کریم سے عافیت کا سوال ہے۔پھر آپ نے ایک
مدنی پھول بیان کیا جس میں فرمایاکہ دو چیزیں انسان کی عزت بڑھاتی ہیں اور اسے نقصان نہیں پہنچاتیں٭مسکرانا٭اور سلام
کرنا۔
صَلُّوْا عَلَی
الْحَبِیْب! صلَّی
اللہُ تعالٰی علٰی محمَّد
شیخِ طریقت، امیرِ اَہلِ
سنّت علامہ محمد الیاس عطّاؔر قادری رضوی دَامَتْ
بَرَکَاتُہُمُ الْعَالِیَہ نےنسیم
اختر خاتون، یوسف علی نقشبندی، محمد اعظم خان اور فاطمہ بی بی کے انتقال کی اطلاع ملنے پر اپنے آڈیو پیغام کے ذریعے مرحومین کے لواحقین
سے تعزیت کی اور مرحومین کے لئے دعائے
مغفرت کرتے ہوئے سوگواروں کوصبر کی تلقین
بھی کی۔
چھ دن کے محمد احمد رضا نمونیہ کے سبب ،میانوالی
میں 48دن کے محمد رضا خان ہارٹ اٹیک کے سبب اور لاہور میں 5ماہ کے حمزہ عطاری
اچانک طبیعت خراب ہونے کے سبب 4محرم
الحرام 1441ھ کو انتقال کرگئے۔امیر اہل ِ سنّت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نےبذریعہ
آڈیو پیغام تمام سوگواروں سے تعزیت کی اور
اہلِ خانہ کو صبر کی تلقین کرتے ہوئے مرحومین کے لئے ایصالِ ثواب کیا نیز امیر
اہلِ سنّت دَامَتْ
بَرَکَاتُہُمُ الْعَالِیَہ نےایصالِ ثواب کے لئے اہلِ خانہ کے اسلامی بھائیوں کو قافلے میں سفر،ہفتہ وار
اجتماع میں شرکت اورمدنی رسائل تقسیم کرنے کی ترغیب دلائی۔
کراچی
میں سید سلمان رمضانی کینسر کے سبب62سال کی عمر میں،کراچی میں حاجی فرید چھیپا ،یوکے
میں حاجی مظفر حسین ہارٹ اٹیک کے سبب66سال کی عمر میں،جتوئی میں ممتازاشرف 60سال
کی عمر میں انتقال کرگئے۔ امیر اہلِ سنّت علامہ محمد
الیاس عطارقادری دَامَتْ بَرَکَاتُہُمُ الْعَالِیَہ نے مرحومین کے سوگواروں سے تعزیت کی اور صبر کی
تلقین کرتےہوئے دعائے مغفرت فرمائی نیز
امیر اہلِ سنّت دَامَتْ بَرَکَاتُہُمُ الْعَالِیَہ نے ایصالِ ثواب کے لئے اہلِ خانہ کو قافلوں میں
سفر ،مدنی مذاکرے اور مدرسۃالمدینہ بالغان میں شرکت کرنے کی ترغیب دلائی۔
مدنی چینل کےنعت خواں محمد عادل عطاری اورمحمد یونس
عطاری عالمی مدنی مرکزفیضانِ مدینہ کراچی میں 15 ستمبر2019ء بروز اتوار کی شب ہونے
والی ’’محفلِ نعت بسلسلۂ استقبال حجاج کرام‘‘ میں شرکت کے بعد موٹرسائیکل
پر گھر جارہے تھے کہ ان کا حادثہ ہوگیاجس
کے باعث دونوں اسلامی بھائی زخمی ہوگئے۔ اطلاع ملنے پر امیر اہلِ سنّت دَامَتْ بَرَکَاتُہُمُ الْعَالِیَہ نے ان کے
نام آڈیو پیغام جاری کیا جس میں دعا فرمائی اور دونوں کو زندگی بچ جانے کے شکرانے
میں قافلے میں سفر اور دعوتِ اسلامی کے مدنی کاموں میں مزید ذمّہ داریاں سنبھالنے کا
ذہن دیا ۔
نگرانِ شوری مولانا محمد عمران عطاری مَدَّظِلُّہُ الْعَالِی کی زیرِ
صدارت دعوتِ اسلامی کی مرکزی مجلس شوریٰ
کا تین دن کا اجلاس عالمی مدنی مرکز فیضانِ مدینہ کراچی میں جاری ہے۔ اجلاس کا آغاز 16 ستمبر
2019ء بروز پیر سے ہوا جس میں مرکزی مجلس شوریٰ
کے تمام اراکینِ شرکت کررہے ہیں۔ اجلاس
میں مختلف نکات پر غور کیا جارہا ہے جبکہ دعوتِ
اسلامی کے موجود کاموں کی صورتِ حال کا جائزہ بھی لیا جارہا ہے۔ذمہ داران کو
آئندہ کے اہداف بھی دیئے جائیں گے۔ مرکزی
مجلس شوریٰ کا یہ اجلاس 18 ستمبر تک جاری
رہے گا۔آج 17 ستمبر کو
اس سے قبل 7 تا 9 جولائی 2019ء کو شوریٰ کا اجلاس ہوا تھا جس میں بہت سی تنظیمی اصلاحات کی تبدیلی کی منظوری دی گئی تھی اور تحریری صورت میں اپڈیٹ جاری بھی کی گئی تھی۔
حق مہر کا ایک اہم مسئلہ
سوال: اگر کسی کی بیوی کا
اِنتقال ہوجائے اور اس نے اپنی بیوی کا حق مہر ادا نہ کیا ہو تو وہ کیا کرے؟
جواب: ایسی صورت میں حق مہر
ترکہ میں مرحومہ بیوی کے تمام وُرثاء کے درمیان ان کے حصوں کے مطابق تقسیم کیا جائے گا۔ (ترکہ کی
دُرست تقسیم کیلئے دارالافتاء اہل سنّت سے رابطہ کیجئے)
وَاللہُ
اَعْلَمُ وَ رَسُوْلُہٗ اَعْلَم عَزَّوَجَلَّ وَ صلَّی اللّٰہ علیہ واٰلہٖ وسلَّم
صَلُّوْا عَلَی الْحَبِیْب! صلَّی اللہ تعالٰی علٰی محمَّد
امیر اہلِ سنّت علامہ
محمدالیاس عطّار قادری دَامَتْ بَرَکَاتُہُمُ الْعَالِیَہ ہرہفتے مدنی مذاکرے میں
رسالہ پڑھنے یا سننے کی ترغیب دلاتے ہیں گزشتہ ہفتے کا رسالہ ” کربلا کا خونی
منظر “ تھا جس کوپاکستان میں 6لاکھ23ہزار17اسلامی بھائیوں نےاور4لاکھ6ہزار623اسلامی
بہنوں نے اور بیرونِ ملک میں 30ہزار اسلامی بھائی اور 43ہزار 603اسلامی بہنوں نے
پڑھا ۔
