معروف مذہبی اسکالر مولانا حاجی عبد الحبیب عطاری کی میز بانی میں ذہنی آزمائش سیزن 11 کا آغاز 5 جنوری 2020ءسے ہوگیا تھا جو بڑھتے بڑھتے اپنے اختتامی مراحل پر پہنچ رہا ہے۔اس پروگرام میں 13 فروری 2020ء تک 28 مقابلے ہوچکے ہیں جس میں ملک کے مختلف شہروں کے اسلا می بھائیوں نے حصہ لیا ۔ مقابلے میں کامیاب ہونے والی ٹیمیں اللہ عَزَّ وَجَلَّ کے فضل وکرم اور اپنی کوششوں سے آگے کی طرف گامزن ہیں۔ 13فروری2020ء کو کوارٹر فائنل کا مرحلہ ختم ہو چکا ہے۔

اب سیمی فائنل کا مرحلہ شروع ہونے جارہا ہے جس میں کامیاب ہونے والی ٹیم فائنل میں پہنچ سکے گی۔ پہلا سیمی فائنل 16 فروری 2020ء کو عالمی مدنی مرکز فیضانِ مدینہ کراچی کے وسیع و عریض صحن میں انعقاد پذیر ہوگا۔ تمام عاشقانِ رسول اس پروگرام میں ضرور شرکت فرمائیں۔

سیمی فائنل کا دوسرا مرحلہ 19 فروری 2020ء کو مدینہ ٹاؤن فیصل آباد میں ہوگا۔

11 فروری 2020ء کو عالمی مدنی مرکز فیضانِ مدینہ کراچی میں قائم مرکزی جامعۃ المدینہ کے درجہ دورۃ الحدیث شریف میں سنّتوں بھرا اجتماع ہوا جس میں تخصصات اور دورۃ الحدیث شریف میں سے  200 سے زائد طلبائے کرام نے شرکت کی۔شیخ الحدیث والتفسیر مفتی قاسم عطاری مَدَّظِلُّہُ الْعَالِی نے سنّتوں بھرا بیان کیا اور طلبہ کی جانب سے کئے گئے سوالات کے جوابات ارشاد فرمائے۔

دعوت اسلامی کی مرکزی مجلس شوریٰ کے نگرانِ مولانا  محمد عمران عطاری مَدَّظِلُّہُ الْعَالِی نے 8فروری 2020ء بروز ہفتہ عالمی مدنی مرکز فیضانِ مدینہ کراچی میں ”فقہ المعاملات اور جدید بینکنگ کورس“ کے حوالے سے مدنی مشورہ لیا جس میں مجلس جامعۃ المدینہ اور بینکاری سے تعلق رکھنے والے اسلامی بھائیوں نے شرکت کی۔ نگرانِ شوریٰ نے کورس کی تیاریوں کا جائزہ لیا اور اپنے قیمتی مدنی مشوروں سے بھی نوازا۔ اس موقع پر اراکینِ شوریٰ مولانا حاجی عبد الحبیب عطاری اورحاجی محمد اطہر عطاری بھی موجود تھے ۔

دورِ حاضر میں بینکاری سے متعلق  پیش آنے والے جدید مسائل سے آگاہی حاصل کرنے کا زبردست موقع!!!

14 فروری2020ء بروز جمعۃالمبارک سے عالمی مدنی مرکز فیضانِ مدینہ کراچی میں فقہ المعاملات اور جدید بینکنگ کورس کا اہتمام کیا جا رہا ہے

اَلْحَمْدُ لِلّٰہِ عَزَّ وَجَلَّ مرکزی جامعۃالمدینہ فیضانِ مدینہ کراچی(عالمی مدنی مرکز) کی جانب سے ”فقہ المعاملات اور جدید بینکنگ کورس“ کا اہتمام کیا جا رہا ہےجس میں دارالافتاء اہلِسنت کے مفتیانِ کرام اور بینکنگ و فنانس کے ماہرین مختلف اہم موضاعات پرخصوصی لیکچر دیں گے۔

کورس میں دیئے جانے والے چند لیکچرز کے عنوانات

عصرِ حاضر میں سرمایہ کاری میں مضاربت کا استعمال*عصرِ حاضر میں سرمایہ کاری میں مرابحہ کا استعمال*بینکوں میں معاہدوں کے پس منظر میں گارنٹی کا نظام*شیئرز کی خریداری سے متعلق شرعی احکام*عصرِ حاضر کے جدید مسائل میں وکالت کا استعمال*بیوع کے جدید مسائل اور اس کے علاوہ دیگر اہم موضوعات شامل ہوں گے۔

کورس میں شامل ہونے کی اہلیت

کورس میں کسی بھی سنی جامعہ سے فارغ التحصیل فاضلین، چارٹرڈ اکاؤنٹینٹ اور فائننس و اکاؤنٹس ماسٹرز شرکت کر سکتے ہیں۔

کُل32 کریڈٹ گھنٹوں پر مشتمل جدید بینکنگ کورس کی کلاسز کا باقاعدہ آغاز 14فروری2020ء بروز جمعۃالمبارک سے ہو رہا ہے۔ کلاسز ہفتہ میں دو دن جمعہ اور اتوار کی رات 9 تا 11 بجے تک عالمی مدنی مرکز فیضانِ مدینہ کراچی میں ہوں گی۔

فیضانِ مدینہ کراچی میں مجلس مکتبۃ المدینہ کا اجلاس

نگرانِ شوریٰ مولانا محمد عمران عطاری نے شرکا کی تربیت کی

تفصیل:

نگرانِ شوریٰ مولانا محمد عمران عطاری نے عالمی مدنی مرکز فیضانِ مدینہ کراچی میں 4 فروری 2020ءبروز منگل مجلس مکتبۃ المدینہ کا اجلاس فرمایاجس میں رکنِ شوریٰ حاجی برکت علی عطاری، نگرانِ مجلس مکتبۃ المدینہ محمد فیاض عطاری اور دیگر ذمّہ داران نے شرکت کی۔ نگرانِ شوریٰ نے شرکا کی تربیت کرتے ہوئے مکتبۃ المدینہ کی کارکردگی کا جائزہ لیا اور شعبے کے دیگر معاملات پر بات چیت کی۔

دعوت اسلامی کی مجلس طبی علاج کے تحت عالمی مدنی مرکز فیضانِ مدینہ کراچی میں ماہانہ  مدنی مشورہ ہوا جس میں مجلس طبی علاج ریجن سطح کے ذمّہ داران نے شرکت کی ۔ رکنِ مجلس طبی علاج نے شرکا کی تربیت کی اور سابقہ کاکردگی کا جائزہ لیتے ہوئے شعبے میں درپیش مسائل کے متعلق حل بیان کئے۔ رکنِ مجلس نے 2020ء کی پالیسی سے اجیروں کو آگاہی کے لئے مدنی پھول پیش کئے اور اس پر عمل کرنے اور کروانے کی ترغیب دلائی۔ (رپورٹ: محمد فاروق عطاری، رکنِ مجلس طبی علاج)

26جنوری 2020ء کو دعوت اسلامی کے عالمی مدنی مرکز فیضانِ مدینہ کراچی میں قائم مرکزی جامعۃ المدینہ کے درجہ دورۃ الحدیث شریف میں سنّتوں بھرے اجتماع کا انعقاد کیا گیا جس میں دورۃ الحدیث شریف کے طلبۂ کرام نے شرکت کی۔ رکنِ شوریٰ مولانا حاجی عبدالحبیب عطاری نے سنّتوں بھرا بیان کیا اور طلبۂ کو تربیتی مدنی پھول ارشاد فرمائے۔

دعوت اسلامی کے عالمی مدنی مرکز فیضانِ مدینہ کراچی میں مدنی مشورہ مختلف زبانوں (بنگلہ، انڈونیشی، تامل، جرمن، ترکی، پرتگالی، فارسی، فرانسیسی، ہسپانوی، اطالوی، دانش، ڈچ، نارویجین، یونانی، سواحلی) کے اسلامی بھائیوں کا مدنی مشورہ ہوا جس میں رکنِ شوریٰ حاجی محمد اطہر عطاری نے شرکا کو مدنی پھول ارشاد فرمائے۔

دعوت اسلامی کے زیرِ اہتمام  22جنوری 2020ء کو دعوت اسلامی کے عالمی مدنی مرکز فیضانِ مدینہ کراچی میں بنگلہ مدنی چینل کے اجیروں کا سنّتوں بھرا اجتماع منعقد کیا گیا جس میں رکنِ شوریٰ مولانا حاجی عبد الحبیب عطاری نے سنّتوں بھرا بیان کیا ۔ رکنِ شوریٰ نے سال 2019ء میں نمایاں کارکردگی کے حامل اسلامی بھائیوں کوCertificate of Recognition دیئے۔ اس موقع پر رکنِ شوریٰ حاجی محمد علی عطاری اور نگرانِ مدنی چینل حاجی محمد اسد عطاری بھی موجود تھے ۔

دعوتِ اسلامی کے عالمی مدنی مرکز فیضانِ مدینہ  کراچی میں 18جنوری بروز ہفتہ دارالمدینہ کراچی ریجن کے ذمہ داران کا مدنی مشورہ ہوا جس میں مرکزی مجلسِ شوریٰ کے رکن حاجی اطہر عطاری نے شرکا کی تربیت فرمائی۔ یہ مدنی مشورہ ظہر سے مغرب تک جاری رہا۔