سربراہِ تنظیم ایم کیو ایم پاکستان بحالی کمیٹی ڈاکٹر فاروق ستار نے دعوت اسلامی کے عالمی مدنی مرکز فیضان مدینہ کا دورہ کیا۔ دورے کے موقع پر مجلس رابطہ کے ذمہ داران و دیگر اسلامی بھائیوں نے فاروق ستار سے ملاقات کی ذمہ دار اسلامی بھائی نے فاروق ستار کو دعوت اسلامی کے تحت تھیلسمیااوردیگر امراض میں مبتلاافرادکیلئے لگائے گئے بلڈ کیمپ اور راشن پیک ہونے والے گودام کا دورہ کروایا اور اس حوالے سے بریفنگ دی۔ ڈاکٹر فاروق ستار نے کہا کہ دعوت اسلامی نے ہمیشہ بڑھ چڑھ کر لوگوں کی مدد کی ہے جو ایک قابل تعریف عمل ہے۔ 

دعوت اسلامی کی مرکزی مجلس شوریٰ کے نگران حاجی محمد عمران عطاری مَدَّظِلُّہُ الْعَالِی نے بذریعہ انٹرنیٹ اسلامی بہنوں کا مدنی مشورہ فرمایا۔ اس مدنی مشورے میں یوکے ،یورپین ممالک، سینٹرل افریقہ ،اور ساؤتھ افریقہ کی ذمہ دار اسلامی بہنیں شامل تھیں۔ نگران شوری نے مدنی کاموں میں مزید بہتری لانے اور مطالعہ کرنے کے حوالے سے مدنی پھول ارشاد فرمائے۔ اس موقع پر رکن شوریٰ حاجی ابوماجد محمد شاہد عطاری مدنی اور رکن شوریٰ حاجی برکت علی عطاری بھی موجود تھے۔

دعوتِ اسلامی کے زیر اہتمام26 مارچ2020ء بروز جمعرات ہفتہ وار سنتوں بھرا  اجتماع بذریعہ مدنی چینل نشر کیا گیا ۔ اس اجتماع پاک میں امیر اہل سنت مولانا محمد الیاس عطار قادری دَامَتْ بَرَکَاتُہُمُ الْعَالِیَہ نے سنتوں بھرا بیان فرمایا۔ ملک بھر میں یہ اجتماع مدنی چینل کے ذریعے براہِ راست دیکھا گیا۔

بیان کے اختتام پر ذکر اللہ اور دعا کا سلسلہ ہوا جس میں امیر اہل سنت دَامَتْ بَرَکَاتُہُمُ الْعَالِیَہ نے انسانیت دشمن وائرس ’’ کرونا ‘‘ سے حفاظت کےلیے خصوصی دعافرمائی۔

دعوت اسلامی کے زیر اہتمام 22 مارچ 2020ء کو پاکستانی وقت کے مطابق رات 9:30 بجے عالمی مدنی مرکز فیضان مدینہ کراچی میں محفلِ نعت بسلسلۂ معراج شریف(مدنی مذاکرہ) کا انعقاد ہوگا جسے بذریعۂ مدنی چینل اور سوشل میڈیا دنیا بھر میں براہ راست نشر کیا جائیگا۔

تفصیلات کے مطابق اس اجتماع میں عالمی مذہبی اسکالر علامہ محمد الیاس عطار قادری دَامَتْ بَرَکَاتُہُمُ الْعَالِیَہ خصوصی طور پر شریک ہونگے اور مدنی مذاکرہ فرمائیں گے۔ 15مارچ 2020ء کی شب مدنی چینل پر ہونے والی دعائیہ تقریب میں امیر اہل سنت دَامَتْ بَرَکَاتُہُمُ الْعَالِیَہ نے اجتماع پاک کے حوالے سے اسلامی بھائیوں کو تنبیہ کرتے ہوئے کہا کہ تمام اسلامی بھائی محفلِ نعت میں بذریعۂ مدنی چینل اپنے گھروں پر شرکت کریں ۔

دعوتِ اسلامی کے زیر اہتمام ہفتہ وار سنتوں بھرا  اجتماع بذریعہ مدنی چینل نشر کیا گیا ۔ اس اجتماع میں امیر اہل سنت مولانا محمد الیاس عطار قادری دَامَتْ بَرَکَاتُہُمُ الْعَالِیَہ نے سنتوں بھرا بیان فرمایا۔ ملک بھر میں یہ اجتماع مدنی چینل کے ذریعے براہِ راست دیکھا گیا۔ امیر اہل سنت دَامَتْ بَرَکَاتُہُمُ الْعَالِیَہ نے موت کی تیاری کے حوالے بیان کرتے ہوئے فرمایا کہ ’’ قبر وحشر کا معاملہ نہایت ہولناک ہےمگر اس سے قبل موت کا معاملہ بھی انتہائی کربناک ہے۔ آہ! ہمارا ہر سانس موت کی طرف گویا ایک قدم اور ہمارے شب و روز موت کی جانب گویا ایک ایک میل ہیں، ایک ایک کلو میٹر ہیں چاہے کوئی زندگی کی کتنی ہی بہاریں لوٹنے میں کامیاب ہو بھی جائے مگر اسے موت کی خزاں سے دوچار ہونا ہی پڑے گا ، کوئی چاہے کتنا ہی عیش و عشرت کی زندگی گزارے مگر موت تمام تر لذتوں کو ختم کرکے ہی رہے گی، کوئی خواہ کتنا ہی اہل و عیال اور دوست و احباب کی رونقوں میں دلشاد ہولے مگر موت اسے جدائی کاغم دے کر رہے گی، آہ کتنے مغرور آبرودار موت کے ہاتھوں ذلیل و خوار ہوگئے ، نہ جانے کتنے ظالم حکمرانوں کو موت نے ان کے بلند محلات سے نکال کر قبر کی کال کوٹھڑی میں ڈال دیا ، نہ جانے کیسے کیسے افسروں کو موت نے کوٹھیوں کی وسعتوں سے اٹھا کر قبر کی تنگیوں میں پہنچا دیا ، کتنے ہی وزیروں کو بنگلے کی چٹا چونگ روشنیوں سے قبر کی تاریکیوں میں منتقل کردیا، آہ موت ہی کے سبب بہت سارے دولہے مچلتے ارمانوں کے ساتھ آراستہ و پیراستہ حجالۂ عروسی میں داخل ہونے کے بجائے کیڑے مکوڑوں سے ابھرتی تنگ و تاریک قبروں میں چلے گئے نہ جانے کتنے ہی نوجوان شادی کی مسرتوں کے ذریعے اپنی جوانی کی بہاریں دیکھنے سے قبل ہی موت کا شکار ہوکر وحشتناک قبروں میں جاپہنچے۔

عالمی مدنی مرکزفیضان مدینہ کراچی  میں 06 تا 13 مارچ 2020 دعوتِ اسلامی کے زیر اہتمام چلنے والے دارالمدینہ اسکولنگ سسٹم کراچی ریجن کے ٹیچرز کے لیے ’’فیضانِ نماز کورس‘‘ اور ’’ 12 مدنی کام کورس‘‘ کا انعقاد کیا گیا۔ مدنی کام کورس کے دوران دار الافتاء اہل سنّت کے مفتیانِ کرام اور دعوتِ اسلامی کی مجلسِ شوریٰ کے اراکین نے مختلف اوقات میں ٹیچرز اسلامی بھائیوں کی تربیت فرمائی۔

کورس کے اختتامی سیشن میں رکنِ شوریٰ حاجی محمداطہر عطاری نے سنتوں بھرا بیان فرماتے ہوئے ٹیچرز اسلامی بھائیوں کو دعوتِ اسلامی کے 12 مدنی کاموں میں بھرپور شرکت کرنے اور شعبہ تعلیم سے وابستہ دیگر افراد کو بھی اس کی ترغیب دلانے کا ذہن دیا۔

گزشتہ رات عالمی مدنی مرکز فیضانِ مدینہ کراچی میں ختمِ بخاری کا سلسلہ ہوا جسے مدنی چینل پر براہِ راست نشر کیا گیا۔ اس مبارک  اجتماع میں لاکھوں عاشقانِ رسول نے بذریعہ مدنی چینل شرکت کی سعادت حاصل کی۔

اس موقع پر امیرِ اہلِ سنت علامہ محمد الیاس عطار قادریدَامَتْ بَرَکَاتُہُمُ الْعَالِیَہ نےبخاری شریف کی آخری حدیث ”كلمتانِ حبيبتانِ الیٰ الرحمٰن خفیفتانِ علیٰ اللسان ثقیلتانِ فی المیزان سبحان اللہ و بحمدہِ سبحان اللہ العظیم “پڑھا کربخاری شریف کا ختم فرمایا۔

اس موقع پر امیرِ اہلِ سنت کا کہنا تھا کہ بخاری شریف کی پہلی حدیث اِنَّما الاَعمالُ بالنِّیات ۔۔الخ کا تعلق دنیا سے ہے کیونکہ اعمال کا ثواب نیت پر موقوف ہے اور آخری حدیث شریف کا تعلق آخرت سے ہے کیونکہ اعمال کا وزن آخرت میں ہی ہوگا۔

آپ نے اما م شافعی رحمۃ اللہ علیہ کا قول”اللہ عَزَّ وَجَلَّ کی پاکی بیان کرنے سے وباؤں سے حفاظت ہوتی ہے“ ذکر کرتے ہوئے کہا کہ ہمارے یہاں آج کل کرونا وائرس کی بیماری پھیلی ہوئی ہےاور یہ بھی وبا میں ہی شمار ہوگا تو چلتے پھرتے سبحان اللہ کا ورد کریں اللہ عَزَّ وَجَلَّ جسے چاہےگا اسے اس وبا سے محفوظ فرما دے گا۔

دعوت اسلامی کی مجلس مدنی چینل عام کریں کے تحت عالمی مدنی مرکز فیضان مدینہ کراچی میں 20 مارچ 2020 ء سے  پانچ دن کے ”فیضان نماز کورس “شروع ہونے جا رہا ہے ۔اس کورس میں شرکت کرنے والے عاشقان رسول نماز کی سنتیں و آداب، فرائض و واجبات،ذکر و اذکار، مسنون دعائیں اور نماز کا عملی طریقہ سیکھنے کی سعادت حاصل کریں گے۔ اس کورس کےدوران پریکٹیکل (سوشل میڈیا، سیٹلائیٹ، زوم، ریورسیٹنگ) ٹریننگ کا سلسلہ بھی ہوگا۔

مزید معلومات کے لئے اس نمبر پر رابطہ کریں:

تفصیلات کے مطابق گزشتہ رات عالمی  مدنی مرکز فیضانِ مدینہ کراچی میں عظیم الشان قافلہ اجتماع ہوا جس میں دعوتِ اسلامی کی مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی نے سنتوں بھرا بیان کیا۔

نگرانِ شوریٰ نے اپنے بیان میں اسلام کی راہ میں درپیش مصائب و آلام کا ذکر کرتے ہوئے فرمایا کہ حضرت خباب رضی اللہ عنہ اسلام لائے قریش نے ان کو بے حد ستایا۔ یہاں تک کہ کوئلے کے انگاروں پر ان کو چت لٹایا اور ایک شخص ان کے سینے پر پاؤں رکھ کر کھڑا رہا۔ یہاں تک کہ ان کی پیٹھ کی چربی اور رطوبت سے کوئلے بجھ گئے ۔ لیکن انہوں نے اسلام کو نہیں چھوڑا سب کچھ قربان کردیا۔ ہمیں اپنے وقت کی قربانی دینی چاہیے اور راہِ خدا میں قافلوں کا مسافر بننا چاہیے۔

دعوت اسلامی کے تحت آج مورخہ 4  مارچ 2020ء کو عالمی مدنی مرکز فیضان مدینہ کراچی میں مدارس المدینہ کراچی ریجن کے اسٹاف کے لئے تربیتی نشست کا آغاز ہوچکا ہے جس میں نگران شوریٰ اور اراکین شوریٰ وقت مناسب پر سنتوں بھرے بیانات فرمائیں گے۔تربیتی نششت کا دورانیہ صبح 8:00 سے شام 4:00 تک ہے۔