23، 24، 25 فروری 2020ء بروز اتوار پیر منگل سے دعوتِ اسلامی کے عالمی مدنی مرکز فیضانِ مدینہ میں مجلس مدرسۃ المدینہ آن لائن کے اسلامی بھائیوں کا  تین دن کا سنتوں بھرا اجتماع شروع ہونے جارہا ہے جس میں مدرسۃ المدینہ کے مدرسین، ناظمین اور مدنی عملے کے اسلامی بھائی شرکت کی سعادت حاصل کرسکیں گے۔ اس اجتماع میں مبلغینِ دعوتِ اسلامی شرکا کی مختلف امور پر تربیت فرمائی گے۔

مجلس کی جانب سے دی جانے والی کارکردگی کے مطابق اس اجتماع میں ساڑھے نو سو سے زائد اسلامی بھائیوں کی عالمی مدنی مرکز فیضانِ مدینہ کراچی آمد متوقع ہے۔

دعوتِ اسلامی کے عالمی مد نی مرکز فیضانِ مدینہ  کراچی میں 15 جنوری 2020ء بروز بدھ مجلس جیل خانہ جات کا مدنی مشورہ ہوا جس میں دعوتِ اسلامی کی مرکزی مجلسِ شوریٰ کے رکن حاجی اطہر عطاری نے شرکا کی تربیت فرمائی اور انہیں مختلف امور پر نکات دئیے۔مدنی مشورہ ظہر تا مغرب جاری رہا۔

نگران مجلس رابطہ برائے شوبز سید عارف الحسن عطاری کی زوجہ مرحومہ(مبلغۂ دعوتِ اسلامی اُمِّ حُر عطاریہ) کے چہلم کے موقع پر 14جنوری 2020ء بروز منگل بعد نمازِ عصر عالمی مدنی مرکز فیضان مدینہ کراچی میں ایصالِ ثواب اجتماع کا اہتمام کیا گیا جس میں رکنِ شوریٰ حاجی فضیل رضا عطاری نے سنتوں بھرا بیان فرمایا اور آخرت کی تیاری کا ذہن دیا۔(رپورٹ:آصف عطاری، مجلس رابطہ برائے شوبز کراچی ) 

عالمی مدنی مرکز فیضانِ مدینہ کراچی میں مولانا نذیر احمد نعیمی صاحب کی آمد

تفصیل:

مدنی چینل کا مقبول عام سلسلہ ذہنی آزمائش کا سیزن 11 شروع ہوچکا ہے

مدنی چینل کے ناظرین کے لئے خوشخبری، جس پروگرام کا ناظرین کو ساراسال انتظار رہتا ہے وہ پروگرام شروع ہوچکا ہے۔ مدنی چینل کا مقبول عام سلسلہ ذہنی آزمائش سیزن )11( جنوری کی 5 تاریخ سے شروع ہوچکا ہے۔ پروگرام کی میزبانی معروف اسلامک اسکالر رکن شوری حاجی عبد الحبیب عطاری کررہے ہیں ۔ذہنی آزمائش ایک علمی مقابلہ ہے جس میں ملک کے مختلف شہروں سے آڈیشن میں کامیاب ہونے والے اسلامی بھائی حصہ لے رہے ہیں۔

مزید اس صفحے کے ذریعے آپ جان سکیں گے : کونسی ٹیم کا کس کے ساتھ مقابلہ ہے؟ کونسی ٹیم کس سے آگے بڑھ گئی ہے؟اس سلسلے کا مکمل شیڈول کیاہے؟اس کے علاوہ آپ ذہنی آزمائش موبائل ایپلی کیشن کے ذریعےآن لائن سیگمنٹ کے ذریعے آج کا سوال، اپنی پسندیدہ ٹیم اور اپنے پسندیدہ کھلاڑی کو سیلیکٹ بھی کرسکتے ہیں۔

یادرہے کہ ذہنی آزمائش سیزن 11کا پہلاسیمی فائنل عالمی مدنی مرکز فیضانِ مدینہ کراچی کے وسیع و عریض صحن میں16 فروری کو ہوگا جبکہ دوسرا سیمی فائنل19فروری کو فیصل آباد میں اور فائنل 21فروری کو لاہور میں ہوگا۔

ذہنی آزمائش سیزن 11 کا شیڈول

ذہنی آزمائش کی ایپلی کیشن ڈاؤن لوڈ کرنے کے لیے کلک کیجئے

Download Now

سلسلہ ذہنی آزمائش کے سوالات کی دو کتابیں بھی آچکی ہیں ، ڈاؤن کرنے کے لئے کلک کیجئے

دلچسپ معلومات ( سوالا جوابا ) حصہ اول

Download Now

دلچسپ معلومات ( سوالا جوابا ) حصہ دوئم

Download Now

نیو ایئر نائٹ  کے موقع پر عالمی مدنی مرکز فیضانِ مدینہ میں مدنی مذاکرے کا انعقاد

بانیِ دعوتِ اسلامی نے گزشتہ سال کے اعمال کا محاسبہ کرنےاور آئندہ سال میں اچھے اعمال کرنے کا ذہن دیا

تفصیلات کے مطابق گزشتہ رات (31 دسمبر اور1 جنوری کی درمیانی شب) نیو ایئر نائٹ کے موقع پر گزشتہ سال کے اعمال کا محاسبہ کرنےاور آنے والے سال میں اچھے اعمال کے لئے کمر بستہ ہونے کے لئے عالمی مدنی مرکز فیضانِ مدینہ میں مدنی مذاکرے کا انعقاد کیا گیا جس کا آغاز تلاوتِ کلامِ رحمٰن، نعتِ رسول صلَّی اللہ تعالٰی علیہ واٰلہٖ وسلَّم سے ہوا ۔ ابتداءً رکنِ شوریٰ حاجی امین عطاری و دیگر مبلغین نے مدنی پھولوں کا تبادلہ کیا جس کے بعد عالمی مذہبی اسکالر امیرِ اہلِ سنت حضرت علامہ مولانا محمد الیاس عطار قادریدَامَتْ بَرَکَاتُہُمُ الْعَالِیَہ نے عاشقانِ رسول کی جانب سے پوچھے گئے سوالات کے جوابات ارشاد فرمائے۔

رات12 بجے سے کچھ لمحے پہلے(تقریباً 11:57 پر) امیرِ اہلِ سنت دَامَتْ بَرَکَاتُہُمُ الْعَالِیَہ اور دیگر عاشقانِ رسول نے ترنم میں درودِ پاک کا ورد شروع کردیا جس کا سلسلہ 12 بجے کے بعد تک جاری رہا۔ ملک بھر میں جہاں لوگ مختلف مقامات پر جمع ہوکر آتش بازی کا مظاہرہ کرکے ربِّ کریم کی ناراضگی کا سامان کررہے تھے عین اس وقت دعوتِ اسلامی کے مدنی مرکز کی فضاء مصطفےٰ جانِ رحمت صلَّی اللہ علیہ واٰلہٖ وسلَّم سے سچی محبت و عقیدت کا اظہار کرتے ہوئے صلاۃ و سلام سے گونج رہی تھی۔

آخر میں امیرِ اہلِ سنت دَامَتْ بَرَکَاتُہُمُ الْعَالِیَہ نے نئے آنے والے سال میں عالمِ اسلام اور بالخصوص وطنِ عزیز کی سالمیت و بقا اور ترقی کے لئے دعائیں کیں ۔

نیوایئر نائٹ   گزاریں دعوتِ اسلامی کے ساتھ

مدنی مذاکرہ 9:30 پر شروع ہوجائے گا، رات 12 بجے درود و سلام پڑھا جائے گا

آج رات 12 بجے سے سال 2020 کا آغاز ہونے جارہا ہے۔ سالِ نَو کے آغاز کے موقع پر مسلمانوں بالخصوص نوجوانوں کو گناہوں سے بچانے کے عظیم جذبے کے تحت دعوتِ اسلامی کے عالمی مدنی مرکز فیضانِ مدینہ کراچی میں مذاکرے کا سلسلہ کیا جارہا ہے۔ مدنی مذاکرے کا آغاز 9:30 سے ہوگا جس میں عالمی مذہبی اسکالر امیر اہلِ سنت علامہ مولانا محمد الیاس عطار قادری دَامَتْ بَرَکَاتُہُمُ الْعَالِیَہ عاشقانِ رسول کے سوالات کے جوابات ارشاد فرمائیں گے۔

مدنی مذاکرے دیکھنے/سننے والے عاشقانِ رسول کو امیرِ اہلِ سنت دَامَتْ بَرَکَاتُہُمُ الْعَالِیَہ نےخصوصی دعاؤں سے بھی نوازا ہے

دعائے عطار

یا ربَّ المصطَفےٰ! جو کوئی ”نیو ایئر نائٹ“ عالمی مَدَنی مرکز فیضانِ مدینہ کراچی میں ہونے والے مَدَنی مذاکرے میں آکر یا مَدَنی چینل پر گزارے یا دوسروں کو اِس کی دعوت دے، ساتھ لے کر آئے، یا مِل جُل کر مدنی چینل پر دیکھنے دکھانے کی ترکیب کرے اُس کی حلال روزی میں برکت دے اور ایمان کی سلامتی و مغفرت اُس کا مقدر کردے۔ اٰ مِیْن بِجَاہِ النَّبِیِّ الْاَمِیْن صلَّی اللہ تعالٰی علیہ واٰلہٖ وسلَّم

(31/12/2019)

مجلس توقیت (دعوتِ اسلامی)کے زیرِ اہتمام عالمی مدنی مرکز فیضانِ مدینہ کراچی میں تین روزہ علمِ توقیت کورس جاری ہے۔

کورس کے پہلے روز (یعنی 29 دسمبر کو) ماہرِ علم توقیت مولانا وسیم عطاری نے شرکا کی ان نکات پر تربیت کی:

٭علم ِ توقیت سیکھنے کے شرعی احکام، ہمارے بزرگانِ دین نے اس علم پر کیا کام کیا ہے؟٭ نصفِ نہار حقیقی اور نصف نہار شرعی کیا ہوتا ہے، اس میں فرق کیا ہے؟ ٭دنیا میں کون سے ممالک میں 6 ماہ دن اور 6 ماہ رات رہتی ہے،ایسا کیوں ہوتا ہے؟٭ موسم میں تبدیلی کیوں ہوتی رہتی ہے؟٭ معیاری گھڑی اور بلدی گھڑی میں کیا فرق ہے؟٭ ممالک کی گھڑیوں میں فرق کیوں ہوتا ہے؟٭ عالمی گھڑی کیا ہے؟ کہاں ہے؟ اس کے فوائد کیا کیا ہیں؟ ٭ طلوع و غروب کب ہوتا ہے؟اس کا وقت نکالنے کا طریقہ کیا ہے؟ ٭زوال کا وقت کب ہوتا ہے؟٭ مکروہ اوقات کون کون سے ہیں؟ ان کا وقت کیسے نکلتا ہے؟ ٭D.S.T کیا ہے؟ اور کون کون سے ممالک اس کو استعمال کرتے ہیں؟٭ اُفُق کیا ہے؟ اس کی مقدار کیا ہے؟٭ بلندی کے سبب اوقات کار میں کیا فرق آتا ہے؟

25دسمبر2019ء بروز بدھ عالمی مدنی مرکز فیضانِ مدینہ کراچی میں مجلس المدینہ العلمیہ کے اسلامی بھائیوں کا سنّتوں بھرا اجتماع منعقد ہوا ۔ یہ اجتماع مرکزی جامعۃ المدینہ کے درجہ دورۃ الحدیث شریف میں ہوا جس میں شیخ الحدیث والتفسیر مفتی قاسم عطاری مَدَّظِلُّہُ الْعَالِی نے سنّتوں بھرا بیان کیا اور شرکا کو مختلف امور( مطالعہ ، وقت کی اہمیت ،زہدوتقویٰ وغیرہ) کے حوالے سے اہم نکات فراہم کئے۔ مفتی صاحب نے کثیر التصانیف علما و بزرگانِ دین رحمہم اللہ المبین کےنام بھی بیان کئے۔واضح رہے! اس اجتماعِ پاک میں رکنِ شوریٰ حاجی ابو ماجد محمد شاہد عطاری مدنی بھی موجود تھے۔

کراچی (اسٹاف رپورٹر)دعوتِ اسلامی کے عالمی مدنی مرکز فیضانِ مدینہ کراچی میں سورج گرہن کی نماز (نمازِ کسوف)ادا کردی گئی۔نماز سے قبل رکنِ شوریٰ حاجی امین عطاری نے سورج گرہن سے متعلق خصوصی بیان فرمایا جس کے بعد عالمی مدنی مرکز فیضانِ مدینہ کے امام صاحب مولانا جنید عطاری مدنی کی امامت میں نمازِ کسوف ادا کی گئی۔ نمازکے بعد سینکڑوں فرزندانِ اسلام نے گڑگڑا کر اللہ پاک کی بارگاہ میں گناہوں سے توبہ کی اور ملکی سلامتی، ترقی اور خوشحالی کے لیے خصوصی دعائیں مانگیں۔ عالمی مدنی مرکز میں سورج گرہن کی نماز کے سلسلے میں ہونے والے اس اجتماع میں اراکینِ شوریٰ اور اسلامی بھائیوں کی بڑی تعداد نے شرکت کی۔

کراچی(اسٹاف رپورٹر) دعوتِ اسلامی کے زیرِ اہتمام 26 دسمبر 2019ء  بروز جمعرات عالمی مدنی مرکز فیضانِ مدینہ کراچی میں ہفتہ وار سنتوں بھرااجتماع منعقد ہوگا جس میں جانشینِ امیرِ اہلِ سنّت مولانا عبید رضا عطاری مدنی مَدَّظِلُّہُ الْعَالِی سنتوں بھرا بیان فرمائیں گے۔

واضح رہے! صرف اس جمعرات کو عالمی مدنی مرکز میں عشاء کی نماز 7:30 پر ہوگی اور ہفتہ وار اجتماع عشاء کے بعد تقریباً 8:00 بجے شروع ہو گا ۔ یہ اجتماع مدنی چینل پر براہ راست نشر کیا جائے گا۔

تمام عاشقانِ رسول سے گزارش کی جاتی ہے کہ آپ بھی اپنے شہر میں ہونے والے سنتوں بھرے اجتماع میں ضرور شرکت فرمائیں۔ آپ کے قریب میں ہفتہ وار سنتوں بھرا اجتماع کہاں ہوتا ہے یہ جاننے کے لئے درج ذیل لنک پر کلک کیجئے۔

https://www.dawateislami.net/map/ijtema

شعبہ تعلیم (دعوت اسلامی) کے تحت عالمی مدنی مرکز فیضان مدینہ کراچی میں تین دن کا بارہ مدنی کام کورس کا آغاز 21 دسمبر بروز ہفتہ سے شروع ہوچکا ہے جس میں کراچی اور حیدرآباد ریجن، ادارہ/ یونیورسٹی تاریجن ذمہ داران اور تعلیمی اداروں سے وابستہ دیگر اسلامی بھائی شرکت کی سعادت حاصل کر رہے ہیں۔کورس میں اراکینِ شوریٰ اور مبلغینِ دعوتِ اسلامی مختلف مدنی حلقوں میں شرکا کی تربیت فرمائیں گے۔