7جون 2023ء  کو دعوت اسلامی کے شعبہ مدرسۃ ُ المدینہ بالغان کی جانب سے گوجرانوالہ سٹی میں معلمین کا مدنی مشورہ ہوا جس میں ٹاؤن ذمہ دار اور قلعہ ٹاؤن کے معلمین نے شرکت کی ۔

سٹی ذمہ دار امتیازاحمد عطاری نے ’’مسجد کے آداب‘‘ کے موضوع پر تربیت کی اور تقرری مکمل کرنے کا ذہن دیا نیز مساجد میں لگنے والے مدرسۃ المدینہ بالغان کی کارکردگی کا جائزہ لیتے ہوئے مزید اضافے کے ذرائع اور مدارس بڑھانے کے اہداف دیئے ۔

بعد مدنی مشورہ معلمین نے علاقائی دورہ کیا جس میں مقا می عاشقان رسول کو نیکی کی دعوت دیتے ہوئے انہیں مسجد میں آنے ،نماز ادا کرنے اوربعد مغرب ہونے والے بیان میں شرکت کرنے کی دعوت دی جس پر انھوں نے نیک خیالات کا اظہار کیا۔(رپورٹ: محمد ساجد عطاری ٹاؤن ذمہ دار مدرسۃ المدینہ بالغان،کانٹینٹ:رمضان رضا عطاری)

دعوتِ اسلامی دینِ اسلام کی تبلیغ و اشاعت کرنے اور  مساجد بنانے والی عاشقانِ رسول کی دینی تحریک ہے جو اوسطاً روزانہ کی 2مساجد بنارہی ہے۔

اسی سلسلے میں شاہ نور کالونی چاکرہ راولپنڈی پنجاب میں ایک عاشقِ رسول نے دعوتِ اسلامی کو جامع مسجد بنام شاہ نور بنا کر دی جس کے افتتاح تقریب میں اجتماعِ ذکر و نعت کا اہتمام کیا گیا۔

تلاوت و نعت کے دعوتِ اسلامی کی مرکزی مجلسِ شوریٰ کے رکن حاجی وقار المدینہ عطاری نے ”آدابِ مسجد“ کے موضوع پر سنتوں بھرا بیان کرتے ہوئے مسجد میں ذکر اللہ کرنے کے فضائل بتائے نیز شرکا کو مساجد آباد کرنے اور ان کا ادب و احترام کرنے کی ترغیب دلاتے ہوئے انہیں اسلاف اور بزرگانِ دین کا طریقۂ کار بتایا کہ وہ کس انداز میں مساجد کا احترام بجا لاتے تھے۔

دورانِ بیان رکنِ شوریٰ حاجی وقار المدینہ عطاری نے حاضرین کو دعوتِ اسلامی کے شعبہ جات تعارف کرواتے ہوئے دینی و فلاحی کاموں کے بارے میں بتایا اور انہیں ہفتہ وار سنتوں بھرے اجتماع میں شرکت کرنے نیز مدنی قافلوں کا مسافر بننے کی ترغیب دلائی۔

وزیر مملکت پیٹرولیم و سیکریٹری پارلیمان اور ممبر آف ریلوے کمیٹی اینڈ ایڈوائزر ٹو پی ایم حامد حمید نے وفد کے ہمراہ وفاقی دارالحکومت اسلام آباد میں قائم  دعوتِ اسلامی کے مدنی مرکز فیضانِ مدینہ کا وزٹ کیا۔

اس دوران حامد حمیدسمیت وفد میں موجود اسلامی بھائیوں کی مرکزی مجلسِ شوریٰ کے رکن حاجی وقار المدینہ عطاری اور دیگر ذمہ داران سے ملاقات ہوئی۔

رکنِ شوریٰ حاجی وقار المدینہ عطاری نے تمام اسلامی بھائیوں کو دعوتِ اسلامی کی دینی و فلاحی سرگرمیوں کے بارے میں بتایا نیز سیلاب زدگان اور زلزلہ متأثرین میں ہونے والے امدادی کاموں کے حوالے سے بریفنگ دی جس پر وفد کے اسلامی بھائیوں نے دعوتِ اسلامی کی دینی و فلاحی خدما ت کو سراہتے ہوئے اپنی نیک خواہشات کا اظہار کیا۔

وفاقی دارالحکومت اسلام آباد کے سیکٹر جی الیون میں قائم دعوتِ اسلامی کے مدنی مرکز فیضانِ مدینہ میں یوسی نگران کورس کا انعقاد کیا گیاجس میں اسلام آباد سٹی، راولپنڈی اور ہزارہ ڈویژن کے ڈویژن، ڈسٹرکٹ و یوسی نگران اسلامی بھائیوں کی شرکت رہی۔

تفصیلات کے مطابق دورانِ کورس مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے اسلامی بھائیوں کی تربیت و رہنمائی کرتے ہوئے مختلف مدنی موضوعات پر گفتگو کی جن میں سے بعض درج ذیل ہیں:

٭یوسی نگران کی اہمیت٭جدول کی اہمیت ٭مدنی مشورے میں شرکت کرنے کی اہمیت ٭12 دینی کاموں کی ترغیبات ٭تنظیمی اپڈیٹس کے فوائد ٭تحریک میں نئی افراد کی اہمیت ٭دعوتِ اسلامی کے ایونٹس اور فرض علوم سیکھنے کی اہمیت۔

پاکستان کے وفاقی دارالحکومت اسلام آباد میں واقع مدنی مرکز فیضانِ مدینہ جی الیون میں دعوتِ اسلامی کےزیرِا ہتمام 12 دینی کام کورس کا انعقاد کیا گیا جس میں اسلام آباد سٹی،راولپنڈی کے پی کے، کشمیر کے ناظمینِ جامعۃالمدینہ بوائز، ناظمینِ جدول اور اسلام آباد سمیت پنڈی سٹی کے اساتذۂ کرام نے شرکت کی۔

اس کورس میں نگرانِ پاکستان مشاورت حاجی محمد شاہد عطاری نے 12 دینی کاموں کی ترغیبات اور طریقہ کار نیز اس کے مطابق طلبۂ کرام میں دینی کاموں کی تقسیم کاری کا انداز بیان کیا۔

نگرانِ پاکستان مشاورت حاجی محمد شاہد عطاری نے بتایا کہ جامعۃالمدینہ کے ذریعے کس انداز میں ہم اپنے اپنے علاقوں میں دین و سنیت کی ترویج کے لئے 12 دینی کام کرسکتے ہیں۔

علاوہ ازیں نگرانِ پاکستان مشاورت حاجی محمد شاہد عطاری نے تنظیمی مسائل کے متعلق ہونے والے سوالات کے جوابات دیئے۔

پچھلے دنوں کاروباری شخصیات کی سفرِ مدینہ سےپہلے  دعوتِ اسلامی کے مدنی مرکز فیضانِ مدینہ فیصل میں مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری سے ملاقات ہوئی۔

اس موقع پر نگرانِ پاکستان مشاورت حاجی محمد شاہد عطاری نے آنے والے مہمانوں کو خوش آمدید کہا اور انہیں قیمتی مدنی پھولوں سے نوازا۔

نگرانِ پاکستان مشاورت حاجی محمد شاہد عطاری نے شخصیات کو نیکی کرنے اور نیکی کے کاموں میں اپنا حصہ ملانے کا ذہن دیا۔اس کے علاوہ نگرانِ پاکستان مشاورت حاجی محمد شاہد عطاری نے شخصیات کو مکہ مکرمہ اور مدینہ منورہ کے آداب کے بارے میں مدنی پھول دیئے۔

لوگوں کو قراٰن و حدیث کی تعلیمات دینے والی عاشقانِ رسول کی دینی تحریک دعوتِ اسلامی کے تحت سرگودھا میں قائم مدنی مرکز فیضانِ مدینہ میں نابینا اسلامی بھائیوں کے لئے مدرسۃالمدینہ برائے نابینا افراد کا آغاز کیا جاچکا ہے جس میں قراٰنِ پاک کی تعلیم کے ساتھ ساتھ اُن کی دینی و اخلاقی تربیت کی جاتی ہے۔

معلومات کے مطابق دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہدعطاری کی دورۂ سرگودھا ڈویژن کے دوران مدرسۃالمدینہ برائے نابینا افراد میں آمد ہوئی۔

نگرانِ پاکستان مشاورت حاجی محمد شاہد عطاری نے مدرسۃالمدینہ کا وزٹ کرتے ہوئے وہاں پڑھنے والے اسلامی بھائیوں سے ملاقات کی اور انہیں مدنی پھولوں سے نوازا۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

06 جون2023ء بروز منگل جامع مسجد فیضانِ امام حسین الرحمٰن سٹی پتوکی میں شعبہ آئمہ مساجد کے تحت مدنی مشورہ ہواجس میں صوبائی ذمہ دار محبوب عالم عطاری مدنی نے آئمہ کرام کی تربیت کی۔

دورانِ تربیت مساجد کے آداب اور صفائی ستھرائی کے حوالے سے مدنی پھول دیئے نیز امام صاحبان کو اپنی اپنی مساجد میں نمازیوں سے حسن اخلاق سے پیش آنے اور 12 دینی کاموں کا نفاذ کرنے کا ذہن دیا جس پر انھوں نے نیک خواہشات کااظہا رکیا۔(رپورٹ: علی ریاض عطاری،تحصیل ذمہ دار شعبہ سیکیورٹی ڈیپارٹمنٹ ،کانٹینٹ:رمضان رضا عطاری) 

دین و سنّت کا پیغام دنیا بھر میں عام کرنے والی عاشقانِ رسول کی دینی تحریک دعوت ِاسلامی کے تحت7جون 2023ء  بروز بدھ مرکزی جامعۃُ المدینہ بوائز فیضانِ مدینہ ملتان میں ٹریننگ سیشن کا انعقاد ہوا جس میں طلبائے کرام و اساتذہ نے شرکت کی ۔

ٹریننگ سیشن میں سرکاری ڈویژن ذمہ دار محمد سادات عطاری نے ’’ اسلاف کی دین تبلیغ و اشاعت کے لئے قربانیاں اور آج ہماری حالت‘‘ کے موضوع پر بیان کیا اور طلبائے کرام کو 12 ماہ کے مدنی قافلے میں سفر کرنے کا ذہن دیا جس پر ہاتھوں ہاتھ کئی طلبہ نے 12 ماہ کے مدنی قافلے میں سفر کرنے کی اچھی نیت کا اظہار کیا۔(رپورٹ: محمد اشرف عطاری شعبہ مدنی چینل عام کریں ،کانٹینٹ:رمضان رضا عطاری)

23مئی 2023ء کو ملتان ڈویژن کے نگران  محمد سادات عطاری کے والد محترم کا قضائے الٰہی سے انتقال ہوا مرحوم کی نماز جنازہ مدنی مرکز فیضانِ مدینہ سینٹرل پارک گراؤنڈ چشتیاں میں ادا کی گئی۔

نماز ِجنازہ کی امامت مرحوم کے صاحبزادے عرفات عطاری مدنی نے کروائی۔ اس موقع پر شعبہ معاونت برائے اسلامی بہنیں کے نگران مجلس غلام الیاس عطاری ،نگران مجلس شعبہ کفن دفن صابر عطاری، صوبائی ذمہ داران، ڈویژن ذمہ داران بھی موجود تھے۔ علاوہ ازیں ڈسٹرکٹ نگران، تحصیل نگران اور ڈویژن نگران بہاولپور ڈاکٹر حافظ عبدُالروف عطاری نے بھی شرکت کی اور انھوں نے مرحوم کے لئے دعائے مغفرت کروائی۔اس کے ساتھ ساتھ سیاسی اورسماجی شخصیات نے بھی شرکت کی اور لواحقین سے اظہار تعزیت کی۔(رپورٹ: محمد سادات عطاری ڈویژن نگران ملتان ،کانٹینٹ:رمضان رضا عطاری)

دعوتِ اسلامی کے شعبہ روحانی علاج  کی جانب سے 7،6،5 جون 2023ء بروز پیر ، منگل ، بدھ ڈیرہ اسماعیل خان میں تین دن کا روحانی علاج کورس منعقد ہوا جس میں تحصیل پنیالہ کے عاشقانِ رسول نے شرکت کی۔

صوبائی ذمہ دار طارق محمود عطاری نے اسلامی بھائیوں کو تعویذاتِ عطاریہ لکھنے کے متعلق احتیاطوں سے آگاہ کیا مزید دم کرنے اور کاٹ والے عمل کرنے کا طریقہ اور احتیاطیں سمجھائیں۔

علاوہ ازیں شعبے کی نئی اپڈیٹس کے بارے میں معلومات فراہم کیں۔ساتھ ہی دعوتِ اسلامی کے 12 دینی کاموں میں حصہ لینے کی ترغیب بھی دلائی۔ (رپورٹ: سمیر علی آفس ذمہ دار،کانٹینٹ:رمضان رضا عطاری)

دعوت اسلامی کے زیر اہتمام آج مؤرخہ08 جون 2023ء بروز جمعرات بعد ِنماز مغرب دنیا بھر میں ہفتہ وار سنتوں بھرے اجتماع کا انعقاد کیا جائیگا جن میں تلاوت و نعت کے بعد اراکین شوریٰ ومبلغین دعوتِ اسلامی سنتوں بھرے بیانات فرمائیں گے۔

تفصیلات کے مطابق آج رات تقریباً 8:00 بجے عالمی مدنی مرکز فیضان مدینہ کراچی سےمدنی چینل پر براہِ راست (Live) ہونے والے ہفتہ وار اجتماع میں نگران پاکستان مشاورت و رکنِ شوریٰ حاجی محمد شاہد عطاری ”صحابہ کرام کی ایک خوبصورت تمنا“ کے موضوع پر سنتوں بھرا بیان فرمائیں گے۔

اس کے علاوہ مدنی مرکز فیضان مدینہ جوہر ٹاؤن لاہور میں رکن شوریٰ حاجی یعفور رضا عطاری کا سنتوں بھرا بیان ہوگا۔

تمام عاشقانِ رسول سے بھر پور انداز میں ہفتہ وار اجتماع میں شرکت کرنے کی درخواست ہے۔