10 اپریل 2026ء کو دعوتِ اسلامی کے شعبہ فیضان آن لائن اکیڈمی بوائز کے تحت ملتان ڈویژن، پنجاب کے شفٹ تعلیمی ذمہ دار اسلامی بھائیوں  کا ماہانہ مدنی مشورہ منعقد کیا گیا۔

اس ماہانہ مدنی مشورے میں ڈویژن تعلیمی امور ذمہ دار مولانا محمدآصف عطاری مدنی نے ہفتہ وار اجتماع میں شرکا کی تعداد بڑھانے، گول اچیومنٹس ٹرکس (Goal Achievements Tricks)، تکمیلی امتحانات میں بہتری کے طریقے اور دیگر اہم امور پر تفصیل سے گفتگو کی۔

اس کے علاوہ رکنِ شعبہ تعلیمی امور سید انس عطاری نے مختلف نکات پر شرکا کی رہنمائی کی اور اُن کی جانب سے ہونےوالے سوالات کے جوابات دیئے۔ بعدازاں شرکا نے مختلف دینی کاموں کے حوالے سے اچھی اچھی نیتوں کا اظہار کیا اور اس مدنی مشورے سے بھرپور استفادہ کیا۔(رپورٹ:محمد وقار یعقوب عطاری مدنی برانچ منیجر شعبہ فیضان آن لائن اکیڈمی ، کانٹینٹ:غیاث الدین عطاری)

12 اپریل 2026ءکو  دعوتِ اسلامی کے شعبہ حج و عمرہ کے زیرِ اہتمام عالمی مدنی مرکز فیضانِ مدینہ (پرانی سبزی منڈی کراچی) میں ایک عظیم الشان تربیتی اجتماع منعقد ہوا۔ اس اجتماع کا بنیادی مقصد رواں سال حج کی سعادت حاصل کرنے والے خوش نصیب عازمین کو مناسکِ حج کی درست ادائیگی اور اس سفرِ مبارک کے آداب سے آگاہ کرنا تھا۔

اجتماع میں اس سال حج پر جانے والے عازمین کی بڑی تعداد نے شرکت کی۔ اس کے علاوہ معاون نگرانِ مجلس پاکستان، شعبہ حج و عمرہ کے ذمہ داران اور کثیر تعداد میں عاشقانِ رسول بھی موجود تھے۔

دعوتِ اسلامی کی مرکزی مجلسِ شوریٰ کے رکن، حاجی سید ابراہیم عطاری نے ”حج کی اہمیت اور اس کی ادائیگی“ کے موضوع پر سنتوں بھرا بیان کیا۔ انہوں نے عازمین کو تاکید کرتے ہوئے کہاکہ حج کی ادائیگی کا مقصد محض دنیاوی شہرت یا ’حاجی‘ کہلوانا نہیں ہونا چاہیے بلکہ یہ عظیم عبادت صرف اور صرف اللہ پاک کی رضا اور خوشنودی کے لئے ہونی چاہیے۔ رکنِ شوریٰ نے دورانِ بیان عازمین کو حج کے دوران پیش آنے والے مختلف مسائل اور ان کے شرعی حل کے حوالے سے کئی اہم نکات پر رہنمائی بھی فراہم کی۔

رقت آمیز مناظر اور نعتیہ کلام

اجتماع کے دوران نعت خواں اسلامی بھائیوں نے اپنی خوبصورت آواز میں ہدیہ نعت اور حج و مدینہ کی یاد میں کلام پیش کئے جس سے پُرکیف سماں بندھ گیا اور کئی شرکاکی آنکھیں اشکبار ہو گئیں۔

اسلامی بہنوں کو فرض علوم سکھانے، شریعتِ مطہرہ کی روشنی میں انہیں قرآن و حدیث کے احکام سے آگاہ کرنے  اور اُن کی تربیت کرنے کے لئےدعوتِ اسلامی کے زیرِ اہتمام ہر مہینے مختلف کورسز کا انعقاد کیا جاتا ہے۔

معلومات کے مطابق ماہِ فروری 2026ء میں دعوتِ اسلامی کے تحت پاکستان سمیت دنیا بھر کی اسلامی بہنوں کے درمیان مختلف کورسز ہوئے جن کی تفصیل درج ذیل ہے:

ماہِ فروری 2026ء میں اسلامی بہنوں کے مختلف شعبہ جات میں ہونے والے کورسز کی مجموعی کارکردگی

(1)شعبہ مدرسۃ المدینہ گرلز:

فروری 2026ء، بیرونِ ملک میں ٹیچرزکے لئے ”ٹیچرٹریننگ کورس“ منعقد ہوا جوکہ آن لائن اور اردو زبان میں کروایا گیا۔

(2)شعبہ رہائشی کورسز :

فروری 2026ء، بیرونِ ملک میں تمام اسلامی بہنوں کے لئے کورسز منعقد ہوئے جوکہ فزیکل اور اردو زبان میں کروائے گئے جبکہ پاکستان میں ”آؤ نماز سیکھیں “ ، ”مرحبا رمضان “ ، ”ضیائے رمضان “ ، ”سائن لینگوئج “ کورسز فزیکل اور اردو زبان میں منعقد کئے گئے۔

(3)شعبہ قرآن ٹیچر ٹریننگ :

فروری 2026ء، بیرونِ ملک میں اسلامی بہنوں (جس نے مدنی قاعدہ پڑھا ہو اور ناظرہ قرآنِ کریم پڑھ سکتی ہو) کے لئے ”مدنی قاعدہ کورس“، ”قرآن ٹیچنگ کورس“ اور ”تجوید القرآن کورس“ منعقد کئے گئے۔ یہ کورسز فزیکل اور آن لائن کروائے گئے نیز یہ کورسز ا ردو،بنگلہ،انگلش،پرتگال،تامل اور ہندی زبان میں منعقد ہوئے۔پاکستان میں یہ کورسز فزیکل اور آن لائن کروائے گئے نیز یہ کورسز اردو،انگلش،سندھی اور بلوچی زبان میں منعقد ہوئے۔

(4)شعبہ روحانی علاج :

فروری 2026ء، بیرونِ ملک میں ایک سیشن بنام ”دہرائی اجتماع“ ہوا جس میں شعبہ روحانی علاج کی ذمہ داران نے شرکت کی۔ یہ سیشن فزیکل اور اردو زبان میں کروایا گیا جبکہ پاکستان میں مدنی انتخاب میں سلیکٹ ہونے والی اسلامی بہنوں کے لئے روحانی علاج کورس منعقد کیا گیا جوکہ فزیکل اور اردو زبان میں منعقد ہوا۔

(5)شعبہ کفن دفن:

فروری 2026ء، بیرونِ ملک میں عوام و ذمہ داران کے لئے تبرکات کی برکات سیشن اورغسل میت و کفن کورس منعقد کئے گئے۔ یہ سیشن و کورس فزیکل اور آن لائن کروائے گئے نیز یہ سیشن و کورس اردو،انگلش اور بنگلہ زبان میں منعقد ہوئے۔

پاکستان میں شریعت کورس، اسراف کورس، ایصال ثواب کورس ، تکفین کورس ، غسل میت و کفن کورس اور سیشنز فزیکل و آن لائن کروائے گئے نیز یہ سیشنز و کورسز اردو زبان میں منعقد کئے گئے۔

(6)شعبہ مدنی کورسز :

فروری 2026ء، بیرونِ ملک میں بچوں،تمام اسلامی بہنوں اور ذمہ داران کے لئے استقبال ماہ رمضان کورس، طہارت کورس، احکام وراثت کورس، جنت کا راستہ کورس، فضائل صبر و شکر، Zakat in Islam، Hidden Well، Kids Ramdan Camp، Guest of Rehman، تصوف اور تقلید کورس ،نماز کورس، تفسیر کورسز، تفسیر کلاسز( ریگولر)، نیکیاں اور نیت، ہفتہ وار اجتماع کورس ،اردو درجہ، مریض کی نماز، صحت مند زندگی، فیضان شبِ براءت، عمرہ ، کفن دفن سیشن ، Stages of Life، میرا راستہ میری منزل، اسراف اور مہنگائی، جنت اور دوزخ کیا ہے؟، آئیے نماز درست کریں، The devastating consequences of following carnal desires ، My dear father،True Friends Shine، خود کو سنواریں، صبر و شکر ،کامیاب لوگ فقہ کورس، Why is Ramadan called Ramadan، Sins are forgiven، ویکلی کلاسز یہ سیشنز و کورسز منعقد کئے گئے۔ یہ سیشنز و کورسز فزیکل اور آن لائن کروائے گئے نیز یہ سیشنز و کورسز انگلش،اردو،بنگلہ،تامل،کریول،عربی اور بلوچی زبان میں منعقد کئے گئے۔

پاکستان میں یہ سیشنز و کورسز فزیکل اور آن لائن منعقد کئے گئے نیز یہ سیشنز اور کورسز اردو زبان میں کروائے گئے۔

(7)شعبہ گلی گلی مدرسۃ المدینہ:

فروری 2026ء، پاکستان میں بچوں کے لئے ”گیسٹ آف رمضان سیشن“ منعقد کیا گیا جوکہ فزیکل اور اردو زبان میں منعقد ہوا جبکہ بیرونِ ملک میں بچوں کی عید، سیرتِ مصطفی جان رحمت سیشنز آن لائن فزیکل اور انگلش اردو زبان میں کروائے گئے۔

(8)شعبہ نیو سوسائٹیز :

فروری 2026ء، پاکستان میں بچوں اور اسلامی بہنوں کے لئے ماہ ِرمضان کورس، Guest of Rahman ، نماز درست کیجئے، شب براءت سیشن، استقبالِ رمضان ، زکوة کورس ، Guest of ramadan ، فیضان تلاوت کورس تربیت ، طہارت کورس ، فیضان نماز ، فضائل شب براءت ایصال ثواب ، کفن دفن ، روزے کے احکام ، باطنی بیماریوں کے منجیات ، حیض و نفاس ، تلاوت کورسز اور سیشنز منعقد کئے گئے۔

(9)شعبہ تعلیم :

فروری 2026ء، پاکستان میں اسٹوڈنٹس،ٹیچرز،پرنسپلز ،ڈاکٹرز،نرسز کے لئے Hijab Fiesta،Say no to Valentines،Let's return،Ramzan with purpose اور استقبال رمضان سیشنز کروائے گئے۔ یہ سیشنز فزیکل اور آن لائن ہوئے نیز یہ سیشنز اردو زبان میں منعقد کئے گئے۔

بیرونِ ملک میں اسٹوڈنٹس کے لئے اپنی نظروں کی حفاظت کریں ، رمضان کی آمد مرحبا،فیضانِ رمضان،فیضانِ شعبان،نماز کی اہمیت، بسم اللہ کے فضائل،رمضان کی برکتیں، رمضان کے فضائل اور اعمال،let’s learn of Salah,blessings of Ramdanسیشنز منعقد کئے گئے۔ یہ سیشنز فزیکل اور آن لائن کروائے گئے نیز یہ سیشنز انگلش،اردو اور بنگلہ زبان میں منعقد کئے گئے۔

(10)شعبہ حج و عمرہ:

فروری 2026ء، پاکستان سے عمرہ پر جانے والیوں کے لئے اور ذمہ دار اسلامی بہنوں کے لئے حج/عمرہ سیشن اور رفیق الحرمین کورس منعقد کیا گیا۔ یہ سیشن و کورس فزیکل اور آن لائن کروایا گیا نیز یہ سیشن اور کورس اردو زبان میں منعقد کئے گئے۔

(11)شعبہ مدرسۃ المدینہ بالغات:

فروری 2026ء، پاکستان میں اسلامی بہنوں کے لئے استقبال رمضان، بیٹے کا کردار، اعتکاف اور خواتین سیشنز اردو زبان میں منعقد کئے گئے۔

قیامت، جسے یومِ حشر، یومِ حساب اور یومِ الدین بھی کہا جاتا ہے، انسانی تاریخ کا سب سے بڑا اور فیصلہ کن واقعہ ہے. قرآنِ کریم میں اس کا ذکر بار بار اور مختلف پہلوؤں سے کیا گیا ہے، تاکہ انسان اس کی حقیقت اور اہمیت کو سمجھ سکیں اور اپنی زندگی کو اس کے مطابق ڈھال سکیں. قرآن میں قیامت کے جو احوال بیان کیے گئے ہیں، وہ صرف ڈرانے کے لیے نہیں بلکہ انسانوں کو سیدھا راستہ دکھانے، انہیں انصاف، عدل اور اخلاقی ذمہ داری کا احساس دلانے کے لیے ہیں۔

(1)صور کا پھونکنا : فَاِذَا جَآءَتِ الصَّآخَّةُ(۳۳) یَوْمَ یَفِرُّ الْمَرْءُ مِنْ اَخِیْهِۙ(۳۴) وَ اُمِّهٖ وَ اَبِیْهِۙ(۳۵) وَ صَاحِبَتِهٖ وَ بَنِیْهِؕ(۳۶) لِكُلِّ امْرِئٍ مِّنْهُمْ یَوْمَىٕذٍ شَاْنٌ یُّغْنِیْهِؕ(۳۷) ترجمۂ کنز الایمان:پھر جب آئے گی وہ کان پھاڑنے والی چنگھاڑ اس دن آدمی بھاگے گا اپنے بھائی اور ماں اور باپ۔ اور جورو اور بیٹوں سے۔ان میں سے ہر ایک کو اس دن ایک فکر ہے کہ وہی اسے بس ہے ۔(سورۃ عبس آیات 33,34,35,36,37,)

(2) آسمان کا شق ہونا: اِذَا السَّمَآءُ انْشَقَّتْۙ(۱) وَ اَذِنَتْ لِرَبِّهَا وَ حُقَّتْۙ(۲) وَ اِذَا الْاَرْضُ مُدَّتْۙ(۳) وَ اَلْقَتْ مَا فِیْهَا وَ تَخَلَّتْۙ(۴) وَ اَذِنَتْ لِرَبِّهَا وَ حُقَّتْؕ(۵) ترجمۂ کنز الایمان:جب آسمان شق ہو ۔اور اپنے رب کا حکم سنے اور اسے سزاوار ہی یہ ہے۔اور جب زمین دراز کی جائے۔اور جو کچھ اس میں ہے ڈال دے اور خالی ہوجائے ۔اور اپنے رب کا حکم سنے اور اسے سزاوار ہی یہ ہے ۔(سورۃ انشقاق آیات1,2,3,4,5)

(3) مصیبت کی خبر: هَلْ اَتٰىكَ حَدِیْثُ الْغَاشِیَةِؕ(۱) ترجمۂ کنز الایمان:بیشک تمہارے پاس اس مصیبت کی خبر آئی جو چھا جائے گی۔(سورۃ غاشیہ آیت 1)

اللہ پاک ہمیں قرآن کریم پڑھ کر عمل کی توفیق عطا فرمائے۔ آمین ۔ 

حیدرآباد میٹروپولیٹن، پاکستان میں شعبہ معاونت برائے اسلامی بہنیں دعوتِ اسلامی کے تحت 28 مئی 2025ء کو  مدنی مشورے کا انعقاد کیا گیاجس کا مقصد شعبے میں ترقی کی جانب قدم بڑھانا اور دینی سرگرمیوں کو مزید مؤثر بنانے کے لئے اقدامات کرنا تھا۔

اس موقع پر نگرانِ حیدرآباد میٹروپولیٹن نے مختلف نکات پر کلام کیا جن میں گلی گلی مدرسہ شروع کرنے، فیضان صحابیات کا آغاز کرنے اور ہفتہ وار اجتماعات کو فعال بنانے پر مشاورت ہوئی۔

27 مئی 2025ء کو شعبہ معاونت برائے اسلامی بہنیں دعوتِ اسلامی کے تحت پاکستان کے شہر حیدرآباد  میں شعبے کے ذمہ دار اسلامی بھائیوں کا مدنی مشورہ منعقد ہوا جس کا مقصد شعبے کے دینی کاموں میں ترقی لانا اور نئے منصوبے شروع کرنا تھا۔

اس مدنی مشورے میں پاکستان سطح کے سوسائٹی ذمہ دار خلیل عطاری نے مختلف موضوعات پر گفتگو کی جن کی تفصیل یہ ہے:٭ گلی گلی مدرسہ شروع کرنا٭فیضانِ صحابیات کا آغاز کرنا٭ ہفتہ وار اجتماعات کو فعال بنانا۔ (رپورٹ: محمد شفیق عطاری شعبہ معاونت برائے اسلامی بہنیں ، کانٹینٹ:غیاث الدین عطاری)

شعبہ معاونت برائے اسلامی بہنیں دعوتِ اسلامی کے تحت 27 مئی 2025ء کو پاکستان کے شہر نوابشاہ  میں شعبے کے ڈسٹرکٹ نگران و ذمہ دار اسلامی بھائیوں کا مدنی مشورہ منعقد ہوا جس کا مقصد شعبے میں ترقی کے لئے دینی کاموں کو مزید بڑھانا اور نئے منصوبے شروع کرنا تھا۔

اس دوران پاکستان سطح کے سوسائٹی ذمہ دار خلیل عطاری نے مختلف موضوعات پر گفتگو کی جن میں گلی گلی مدرسہ شروع کرنے، فیضان صحابیات کا آغاز کرنے اور ہفتہ وار اجتماعات کو فعال بنانے پر زور دیا گیا۔ (رپورٹ: محمد شفیق عطاری شعبہ معاونت برائے اسلامی بہنیں ، کانٹینٹ:غیاث الدین عطاری)

تبلیغِ دین کرنے اور لوگوں کو قراٰن و حدیث کی تعلیمات سے آگاہ کرنے کے لئے عاشقانِ رسول کی دینی تحریک دعوتِ اسلامی نے شعبہ قافلہ کا قیام کیا ہے جس کا مقصد ملک ملک، شہر شہر اور گاؤں گاؤں جا کر لوگوں کو نماز کی دعوت دینا اور انہیں دینی مسائل سکھانا ہے۔

اسی سلسلے میں 20 تا 25 مئی 2025ء تک شعبہ قافلہ دعوتِ اسلامی (سندھ) کے صوبائی ذمہ دار علی حسن عطاری نے دیگر ذمہ دار اسلامی بھائیوں کے ہمراہ دینی کاموں کا جائزہ لینے کے لئے پاکستان کے مختلف شہروں (میرپور خاص، ٹنڈو الہ یار اور ٹھٹہ) کا دورہ کیا اور وہاں موجود 12 ماہ قافلے کے شرکا سے ملاقات کی۔

صوبائی ذمہ دار نے شرکا سے دینی کاموں کی کارکردگی کا جائزہ لیا اور انہیں آئندہ کے اہدف بتائے نیز 12 دینی کاموں میں مزید بہتری لانے کے لئے اُن کی ذہن سازی بھی کی۔

علاوہ ازیں ٹنڈو الہ یار میں دعوتِ اسلامی کے زیرِ اہتمام ہونے والے ہفتہ وار اجتماع میں صوبائی ذمہ دار نے سنتوں بھرا بیان کیا اور حاضرین کو 20 جون 2025ء کو ایک ماہ کے قافلے میں سفر کرنے کی ترغیب دلائی۔(رپورٹ:شعبہ قافلہ ، کانٹینٹ:غیاث الدین عطاری)

لوگوں کو نماز کے ضروری مسائل سکھانے اور اُن کی دینی و اخلاقی تربیت کرنے کے لئے شعبہ مدنی کورسز دعوتِ اسلامی کے تحت مدنی مرکز فیضانِ مدینہ آفندی ٹاؤن حیدر آباد میں 7 دن کا رہائشی ”فیضانِ نماز کورس“ ہوا جس میں تھرپارکر عمر کوٹ کے عاشقانِ رسول نے شرکت کی۔

28 مئی 2025ء کو ”فیضانِ نماز کورس“ کی اختتامی نشست ہوئی جس میں شرکا سمیت قرب و جوار کے اسلامی بھائیوں نے شرکت کی اور کورس مکمل کرنے والے اسلامی بھائیوں کے درمیان اسناد تقسیم کی گئیں۔

دعوتِ اسلامی کا شعبہ مدرسۃالمدینہ بالغان بزرگوں اور بڑی عمر کے افراد کی دینی و اخلاقی تربیت کرنے کے لئے قائم کیا گیا ہے جس کا مقصد بڑی عمر کے اسلامی بھائیوں کو قرآنِ کریم، نماز اور دینی مسائل کی تعلیم دی جاتی ہے اور شعبے میں مدرسین کی کمی کو پورا کرنے کے لئے ملک و بیرونِ ملک میں قراٰن ٹیچنگ کورس کے ذریعے نئے مدرسین تیار کئے جاتے ہیں۔ 

حال ہی میں صوبہ خیبرپختونخوا کے شہر مردان کی جامع مسجد نسبتِ رسول صلَّی اللہ علیہ واٰلہٖ وسلَّم میں نئے مدرسین تیار کرنے کے لئے قرآن ٹیچنگ کورس کا آغاز کیا تاکہ وہ مساجد میں بچوں اور بڑوں کو قرآنِ پاک، سنتیں و آداب سکھا سکیں۔

میرپور خاص کے علاقے میرشیرمحمد ٹاؤن کی جامع مسجدقادریہ، تھامس آباد میں 27 مئی 2025ء کو  شعبہ مدنی کورسز دعوتِ اسلامی کے تحت ” فیضانِ نماز کورس (جز وقتی )“ کا انعقاد کیا گیا جس کا مقصد لوگوں کو نماز کے ضروری مسائل سے آگاہ کرنا تھا۔

اس کورس میں وارڈ نمبر 10 کے مقامی عاشقانِ رسول نے شرکت کی جبکہ معلمِ کورس ارشد رضا عطاری نے اُنہیں وضو، غسل، مکمل طہارت کے احکام، نماز کے شرائط، فرائض، واجبات، اور دیگر مسائل کے بارے میں معلومات فراہم کیں۔

کورس کے اختتام پر شعبہ امام مسجد کے ڈویژن ذمہ دار سیّد ریحان عطاری اور نگرانِ ٹاؤن قاری سجاد عطاری نے شرکائے کورس کے درمیان بیان کیا اور انہیں دعوتِ اسلامی کے 12 دینی کاموں میں بڑھ چڑھ کر حصہ لینے کی ترغیب دی۔(رپورٹ:دیدارحسین عطاری قادری شعبہ مدنی کورسز ڈویژن میرپور خاص ، کانٹینٹ:غیاث الدین عطاری)

26 مئی 2025ء کو کراچی کے علاقے کورنگی ڈیڑھ نمبر عثمانیہ مسجد میں شعبہ روحانی علاج  دعوتِ اسلامی کے تحت ”دعائے شفاء اجتماع “منعقد کیا گیاجس میں مقامی اسلامی بھائیوں نے بھرپور انداز میں شرکت کی اور اپنے روحانی و جسمانی مسائل کے حل کے لئے دعائیں کیں ۔

اس موقع پر نگران شعبہ مولانا حاجی انور رضا عطاری مدنی نے اپنے بیان میں اللہ تعالیٰ کی نعمتوں کا شکر ادا کرنے نیز بیماریوں، پریشانیوں اور مصیبتوں پر صبر کرنے کی اہمیت پر روشنی ڈالی۔