پنجاب پاکستان کے شہر ملتان میں شعبہ روحانی علاج دعوتِ اسلامی کے تحت 21 اپریل 2026 کو مدنی مشورے کا انعقاد کیا گیا جس میں خانیوال ڈسٹرکٹ کے بستہ ذمہ دار اسلامی بھائیوں کی شرکت رہی۔

معلومات کے مطابق اس مدنی مشورے میں شعبے کے صوبائی ذمہ دار مولانا انیس عطاری مدنی نے روحانی علاج کے بستوں کو مضبوط بنانے، شرعی تقاضوں کو پورا کرنے اور مزید بستے کھلوانے کے حوالے سے بستہ ذمہ داران کی ذہن سازی کی۔

ساہیوال، پنجاب میں 20 اپریل 2026 کو شعبہ روحانی علاج دعوتِ اسلامی کے تحت مدنی مشورہ منعقد کیا گیا جس میں ساہیوال ڈسٹرکٹ کے بستہ ذمہ دار اسلامی بھائیوں نے شرکت کی۔

اس موقع پر شعبے کے صوبائی ذمہ دار مولانا انیس عطاری مدنی نے روحانی علاج کے بستوں کو مضبوط بنانے، شرعی تقاضوں کو پورا کرنے اور مزید بستے کھلوانے کے حوالے سے بستہ ذمہ داران کی رہنمائی کی۔

دورانِ مدنی مشورہ صوبائی ذمہ دار نے بستہ ذمہ دار اسلامی بھائیوں کو اپنے اپنے علاقوں میں بستوں کو مضبوط کرنے اور شرعی تقاضوں کے مطابق مریضوں سے بہتر انداز میں بات کرنے کا ذہن دیا۔

شعبہ روحانی علاج دعوتِ اسلامی کے تحت 18 اپریل 2026 کو فیصل آباد میں ایک میٹنگ منعقد ہوئی جس میں جھنگ ڈسٹرکٹ کے بستہ ذمہ دار اسلامی بھائیوں کی شرکت ہوئی۔

میٹنگ کی ابتدا میں صوبائی ذمہ دار مولانا انیس عطاری مدنی نے حاضرین کی رہنمائی کرتے ہوئے انہیں روحانی علاج کے بستوں کو مضبوط بنانے، شرعی تقاضوں کو پورا کرنے اور مزید بستے کھلوانے کے حوالے سے اہم نکات بتائے۔

علاوہ ازیں میٹنگ کے دوران بستہ ذمہ دار اسلامی بھائیوں کو اپنے اپنے علاقوں میں بستوں کو مضبوط کرنے اور شرعی تقاضوں کے مطابق مریضوں سے بہتر انداز میں بات کرنے کے طریقۂ کار بتائے گئے۔

میٹنگ کے اختتام پر صوبائی ذمہ دار نے حاضرین کو دعوتِ اسلامی کے 12 دینی کاموں میں حصہ لینے کا ذہن دیا جس پر انہوں نے اچھی اچھی نیتیں کیں۔ (رپورٹ: محمد وسیم عطاری، صوبائی آفس ذمہ دار پنجاب ، کانٹینٹ:غیاث الدین عطاری)

شعبہ روحانی علاج دعوتِ اسلامی کے تحت 15 اپریل 2026 کو ساہیوال میں ایک میٹنگ ہوئی جس میں صوبائی ذمہ دار مولانا انیس عطاری مدنی نے حاضرین کی رہنمائی کرتے ہوئے  انہیں روحانی علاج کے بستوں کو مضبوط بنانے، شرعی تقاضوں کو پورا کرنے اور مزید بستے کھلوانے کے حوالے سے اہم نکات بتائے۔

حاضرین میں اوکاڑہ ڈسٹرکٹ کے بستہ ذمہ دار اسلامی بھائی شامل تھے جنہیں مشورے کے دوران اپنے اپنے علاقوں میں بستوں کو مضبوط کرنے اور شرعی تقاضوں کے مطابق مریضوں سے بہتر انداز میں بات کرنے کے طریقۂ کار بتائے گئے۔

مدنی مشورے کے آخر میں صوبائی ذمہ دار نے حاضرین کو دعوتِ اسلامی کے 12 دینی کاموں میں حصہ لینے کا ذہن دیا جس پر انہوں نے اچھی اچھی نیتیں کیں۔ (رپورٹ: محمد وسیم عطاری، صوبائی آفس ذمہ دار پنجاب ، کانٹینٹ:غیاث الدین عطاری)

تبلیغِ قرآن و سنت کی عالمگیر تحریک، دعوتِ اسلامی کے بانی، شیخِ طریقت امیرِ اہل سنت حضرت علامہ مولانا ابو بلال محمد الیاس عطار قادری دامت بَرَکَاتُہمُ العالیہ کی تحریریں امتِ مسلمہ کے لیے مشعلِ راہ ہیں۔ آپ کا اندازِ تحریر نہ صرف سادہ ہے بلکہ پڑھنے والے کے دل میں نیکی کا جذبہ بیدار کر دیتا ہے۔

عاشقانِ رسول کی علمی و روحانی پیاس بجھانے کے لیے امیرِ اہل سنت وقتاً فوقتاً مختلف موضوعات پر رسائل تحریر فرماتے رہتے ہیں۔ اسی سلسلے میں اس ہفتے آپ نے 17 صفحات پر مشتمل رسالہ ”وسیلے کی برکتیں“ پڑھنے یا سننے کی ترغیب دلائی ہے۔ اس رسالے کے مطالعے سے عقیدہ توسل اور اس کی برکات کے حوالے سے ایمان افروز معلومات حاصل ہوتی ہیں۔

امیرِ اہل سنت دامت بَرَکَاتُہمُ العالیہ نے اس رسالے کا مطالعہ کرنے والوں کو اپنی خاص دعاؤں سے بھی نوازا ہے۔

دعائے عطار:

”یا اللہ پاک! جو کوئی 17 صفحات کا رسالہ ”وسیلے کی برکتیں“ پڑھ یا سن لے اسے دنیا و آخرت میں نیکیوں کی بہترین جزا عطا فرما اور جنّتُ الفردوس میں بے حساب داخلہ دے کر اپنے پیارے حبیب صلی اللہ علیہ وآلہ وسلم کا پڑوسی بنا دے۔ اٰمین“

یہ رسالہ آڈیو میں سننے اور اردو سمیت کئی زبانوں میں ڈاؤن لوڈ کرنے کے لیے نیچے دیے گئے لنک پر کلک کیجیے:

[Download]

16 اپریل 2026ء کو دعوتِ اسلامی کے ممتاز مبلغ، رکنِ مجلس المدینۃ العلمیۃ اور ماہنامہ فیضانِ مدینہ کے چیف ایڈیٹر،مولانا ابورجب محمد آصف عطاری مدنی صاحب طویل علالت کے بعد خالقِ حقیقی سے جا ملے۔ نماز جنازہ آپ کے پیر و مرشد شیخ طریقت امیر اہلسنت حضرت علامہ مولانا محمد الیاس عطار قادری دامت بَرَکَاتُہمُ العالیہ کی امامت اور سینکڑوں عاشقانِ رسول کی موجودگی میں ادا کی گئی۔

دنیا بھر میں قائم دعوت اسلامی کے جامعات و مدارس اور مدنی مراکزمیں آپ رحمۃُ اللہِ علیہ کے ایصالِ ثواب کے لئے وقتاً فوقتاً نشستیں منعقد ہورہی ہیں۔ اسی سلسلے میں مؤرخہ 20 اپریل 2026ء کو عالمی مدنی مرکز فیضانِ مدینہ کراچی میں قائم اسلامک ریسرچ سینٹر (المدینۃ العلمیۃ) میں ایصالِ ثواب کا سلسلہ ہوا۔ یہ تقریب مختلف نشستوں پر مشتمل تھی۔

تقریب کا آغاز اللہ پاک کے کلام سے کیا گیا جس کے بعد بارگاہِ رسالت مآب صلَّی اللہ علیہ واٰلہٖ وسلَّم میں ہدیۂ نعت پیش کی گئی۔ دورانِ تقریب المدینۃ العلمیۃ کے علمائے کرام نے وقتاً فوقتاً مولانا ابو رجب آصف عطاری مدنی رحمۃُ اللہِ علیہ کی تنظیمی، تحریری، تصنیفی اور تدریسی خدمات کو بیان کیا۔

تقریب کے اختتام پر آپ رحمۃُ اللہِ علیہ کے ایصالِ ثواب کے لئے فاتحہ خوانی و دعا کی گئی جبکہ شرکا کو نیاز بھی پیش کی گئی۔

14 اپریل 2026 کو ساہیوال میں شعبہ روحانی علاج دعوتِ اسلامی کے تحت ایک اہم مدنی مشورہ ہوا جس میں صوبائی ذمہ دار مولانا انیس عطاری مدنی نے حاضرین کی رہنمائی کرتے ہوئے روحانی علاج کے  بستوں کو مضبوط بنانے، شرعی تقاضوں کو پورا کرنے اور مزید بستے کھلوانے کے حوالے سے نکات بتائے۔

عاشقانِ رسول کی دینی تحریک دعوتِ اسلامی کے تحت اسپیشل پرسنز ڈیپارٹمنٹ کے ڈویژن ذمہ دار اسلامی بھائیوں نے سرگودھا سٹی کے  مدنی مرکز فیضانِ مدینہ میں واقع مدرسۃالمدینہ برائے نابینا افراد کا دورہ کیا۔

اس دوران ڈویژن ذمہ دار اسلامی بھائیوں نے اسپیشل (نابینا) طلبہ سے ملاقات کی اور انہیں دعاؤں سے نوازا جبکہ طلبہ نے خوبصورت انداز میں تلاوتِ قرآن مجید اور نعت شریف سنائی جس نے حاضرین کے دلوں کو منور کر دیا۔

اس موقع پر ڈویژن ذمہ دار اسلامی بھائیوں نے اپنے عزم کا اظہار کرتے ہوئے کہا کہ وہ اپنے ڈویژنز میں بھی مدرسۃ المدینہ برائے نابینا افرادقائم کرنے کے لئے بھرپور کوششیں کریں گے۔ آخر میں نابینا ذیلی شعبہ کے ذمہ دار خالد عطاری نے دعا کروائی جس میں شعبہ کے لئے خیر و برکت اور ترقی کی دعا کی گئی ۔ (رپورٹ: محمد وقاص عطاری، صوبائی ذمہ دار پنجاب ، کانٹینٹ:غیاث الدین عطاری)

21 اپریل 2026ء کو دعوتِ اسلامی کے مدنی مرکز فیضانِ مدینہ علی ٹاؤن، سرگودھا سٹی میں اسپیشل پرسنز ڈیپارٹمنٹ کے تحت مدنی مشورے کا انعقاد کیا گیا جس میں  صوبہ پنجاب کے ڈویژن ذمہ داران نے شرکت کی ۔

اس مدنی مشورے میں صوبائی ذمہ دار محمد وقاص عطاری نے ڈیپارٹمنٹ کے دینی کاموں کا تفصیلی جائزہ لیا جس پر وہاں موجود ذمہ داران نے اپنے ڈویژن و ضلع میں ڈیپارٹمنٹ کے دینی کاموں میں مزید بہتری لانے اور آئندہ کے اہداف کے لئے اچھی اچھی نیتیں کیں۔

اس کے علاوہ نگرانِ سرگودھا ڈویژن محمد عادل رضا عطاری نے ذمہ داران سے گفتگو کی اور ڈیپارٹمنٹ کو مضبوط بنانے، اسپیشل پرسنز کو دینی ماحول میں لانے، انہیں مبلغِ دعوتِ اسلامی بنانے اور دیگر دینی معاملات کے حوالے سے ذہن سازی کی۔ (رپورٹ: محمد وقاص عطاری، صوبائی ذمہ دار پنجاب ، کانٹینٹ:غیاث الدین عطاری)

اسپیشل پرسنز ڈپارٹمنٹ دعوتِ اسلامی کے تحت چنیسرٹاون،  گلشن ڈسٹرکٹ کے علاقے منظورکالونی میں اسپیشل پرسنز کے لئے ”ماہانہ اجتماع“ منعقد کیا گیا جس میں اسپیشل پرسنز (گونگے، بہرے اور نابینا افراد) کی کثیر تعداد نے شرکت کی۔

تلاوت و نعت کے بعد نگرانِ ڈسٹرکٹ واصف عطاری نے اپنے بیان کے دوران اسپیشل پرسنز کی ذہن سازی کی اور انہیں دعوتِ اسلامی کے دینی کاموں میں بڑھ چڑھ کر حصہ لینےکی ترغیب دلائی جبکہ وسیم احمد عطاری نے اشاروں میں بیان کی ترجمانی کی۔

اس موقع پر اسپیشل پرسنز نے باجماعت نماز پڑھی، قرآن مجید کی زیارت و تلاوت کی اور اگلے مہینے 1، 2 اور 3 مئی 2026ء کو قافلے میں سفر کرنے نیز ہفتہ وار اجتماع میں شرکت کرنےکی نیتیں کیں۔ (رپورٹ: اسپیشل پرسنز ڈپارٹمنٹ ، کانٹینٹ:غیاث الدین عطاری)

ملتان، پنجاب میں شعبہ مدرسۃ المدینہ شارٹ ٹائم کے تحت 14 اور 15 اپریل 2026ء کو 2 دن پر مشتمل ایک میٹنگ کا انعقاد کیا گیا جس میں صوبائی ذمہ داران اور پنجاب کے ڈویژن ذمہ داران نے شرکت کی۔ 

اس میٹنگ کے دوران مرکزی مجلسِ شوریٰ کے اراکین حاجی محمد فاروق جیلانی عطاری اور حاجی قاری محمد سلیم عطاری نے ذمہ داران کی تربیت کرتے ہوئے انہیں مدنی پھولوں سے نوازا ۔

اس کے علاوہ نگرانِ شعبہ قاری محمد جاوید عطاری نے شعبے کی سابقہ کارکردگی کا جائزہ لیا اور آئندہ کے اہداف و منصوبوں پر مشاورت کی بالخصوص شعبہ قافلہ، شعبہ عشر، شعبہ تحفظ اثاثہ جات اور ایچ آر ڈیپارٹمنٹ کے ذمہ داران نے پریزنٹیشن کے ذریعے صوبہ پنجاب کی کارکردگی کا تفصیلی جائزہ لیا ۔

دعوتِ اسلامی کی دینی ایکٹیویٹیز کے سلسلے میں 18 اپریل 2026ء کو اسپیشل پرسنز  ڈیپارٹمنٹ کے (پاکستان سطح)ذمہ دار خالد محمود عطاری نے دیگر ذمہ داران کے ہمراہ پاکپتن شریف میں اسپیشل پرسنز (معذور اور ڈیف اسلامی بھائیوں) سے ملاقات کی۔

اس دوران پاکستان سطح کے ذمہ دار خالد محمود عطاری نے اسپیشل پرسنز کو ہفتہ وار اجتماع و ہفتہ وار مدنی مذاکرے میں شرکت کرنے اور مدنی مرکز فیضانِ مدینہ کا وزٹ کرنے کی دعوت دی۔

ذرائع سے ملنے والی معلومات کے مطابق ذمہ دار اسلامی بھائی کی دعوت پر اسپیشل پرسنز نے مدنی مرکز فیضانِ مدینہ منڈی موڑ پاکپتن شریف میں قائم دعوتِ اسلامی کے مختلف شعبہ جات کا وزٹ کیا اور ان شعبہ جات کے ذریعے ہونے والی خدمات کو سراہا۔

اس موقع پر خالد محمود عطاری کے ہمراہ ڈویژن ذمہ دار محمد زبیر عطاری بھی موجود تھے۔(رپورٹ: محمد سمیر عطاری اسلام آباد میڈیا ڈیپارٹمنٹ آف اسپیشل پرسنز ڈیپارٹمنٹ دعوت اسلامی، کانٹینٹ:غیاث الدین عطاری)