شعبہ معاونت برائے اسلامی بہنیں دعوت اسلامی کے تحت  لاہور میں 6مئی بروزپیر2024ء کو مدنی مشورہ ہوا جس میں یوسی تا ڈویژن سطح کی اسلامی بہنوں نے پردے میں رہتے ہوئے شرکت کی۔

رکن شوری حاجی یعفور رضا عطاری نے کامیابی کے 3اصول بیان فرماتے ہوئے 8دینی کاموں کو بڑھانے ذیلی سے ڈویژن تک کا تقرری اسٹرکچر ،گلی گلی مدرستہ المدینہ بالغات بڑھانے،مدنی مشورہ کرنے کا مقصد کیا ہونا چاہیئے، شعبہ معاونت برائے اسلامی بہنیں کے ذمہ دران کو مدنی پھول بتانے اور مدنی مشورے کی تیاری کا انداز کیسا ہونا چاہیئے جیسے کئی امور کے متعلق گفتگو کی۔

رکنِ شوریٰ نے یکم جون 2024ءسے ہونے والے 30دن کے معلمہ مدنی کورس کی ترغیب دلائی جبکہ لاہور ڈویژن کے دینی کاموں کو بڑھانے پر نگران شعبہ غلام الیاس عطاری اور عبدالماجد عطاری کے ہمراہ مدنی مشورہ کرنے کے حوالے سے مدنی پھول دیئے۔(رپورٹ:محمد علی رفیق شعبہ معاونت برائے اسلامی بہنیں ،کانٹینٹ: شعیب احمد عطاری )

ایچ آر ڈیپارٹمنٹ دعوت اسلامی کے تحت پی آئی بی کالونی میں قائم رضوی بلڈنگ کراچی میں 7مئی2024ءبروزمنگل ذمہ دار اور معاونین کا ماہانہ مدنی مشورہ ہوا جس میں رکن مجلس ایچ آر محمد مراد عطاری المدنی نے سوفٹ ویئر کے اندراجات میں مزید بہتری لانے کے متعلق گفتگو کی جبکہ اس موقع پر 26مدنی پھولوں کی دہرائی بھی کی گئی۔(پورٹ: محمد رضوان شاہ عطاری،کانٹینٹ:شعیب احمد عطاری)

دعوت اسلامی کے شعبے اصلاح اعمال کے تحت  ڈیرہ غازی خان پاکستان میں 9 مئی2024ءبروز جمعرات تہجد اجتماع ہوا جس میں جامعات المدینہ کے طلبۂ کرام سمیت عاشقان رسول نے شرکت کی ۔

شعبہ اصلاح اعمال کے ڈیرہ غازی خان ڈویژن ذمہ دار غلام عباس عطاری نے نمازِ تہجد کی جماعت کروائی اور دعائے تہجد کروائی جس کے بعد مناجات و تفسیر سننے / سنانے کا حلقہ لگایا گیا ۔

یاد رہے:تہجد اجتماع نماز نفل، شجرے کے اوراد، تلاوت قرآن، فجر کےلئے جگانا ،مناجات اور بعد فجر تفسیر قرآن کا حلقہ جیسے اہم دینی کاموں پر مشتمل ہوتا ہے (کانٹینٹ:شعیب احمد عطاری)

دعوت اسلامی کے شعبے مدرسۃ المدینہ بالغان کے تحت عالمی مدنی مرکز فیضانِ مدینہ کراچی میں 6مئی 2024ء بروز  پیرمدنی مشورہ ہوا جس میں شعبہ مدرسۃ المدینہ بالغان کے ڈسٹرکٹ ذمہ داران و ڈسٹرکٹ ناظمین اور ٹاؤن ذمہ داران نے شرکت کی ۔

مدنی مشورے میں کراچی سٹی ذمہ دار قاری محمد حسان رضا عطاری نے 14 مئی 2024 کو ہونے والے نگران شورہ کےمدنی مشورے، 15 مئی کو ہونے والے نگران پاکستان مشاورت کے مدنی مشورے، امیر اہلِ سنت دامت بَرَکَاتُہمُ العالیہ کی 786 نصیحتیں کتاب کا مطالعہ و تقسیم کرنے، 12 دینی کاموں پر کرنے، یوسی ذمہ داران کی %100 تقرری مکمل کرنے،یوسی ذمہ داران کو تمام مدارس المدینہ کا ریکارڈ بنانے، ٹاؤن ذمہ داران کو اپنے یوسی ذمہ داران کا پیشگی و عملی جدول چیک کرنے، ٹاؤن ذمہ داران کو اپنے ہر ہر مدرسۃالمدینہ بالغان میں جدول بنانے،اپریل 2023ء تا اپریل 2024ء مدرسۃالمدینہ بالغان کا تقابلی جائزہ جہاں مدارس یا تعداد کم ہے وہاں خصوصی توجہ دینے، ہر ہر مدرسۃالمدینہ بالغان میں اوسطاً 12 طلباء کی تعداد (ہدف) کے مطابق عمل کرنے، ہمارے جتنے طلباء ہیں اتنے ہی ہفتہ وار اجتماع و مدنی مزاکرہ و دیگر دینی کاموں میں شمولیت کا ہدف مکمل کرنےاورفی مدرسۃالمدینہ بالغان ایک مدنی قافلہ کرنے کے متعلق گفتگو کی۔(رپورٹ:ڈسٹرکٹ ذمہ دار عبدالباسط عطاری مدنی،کانٹینٹ:شعیب احمد عطاری)

دعوت اسلامی کے شعبےمدنی کورسز جزوقتی کے تحت 7مئی2024ء بروز منگل لاہور ڈسٹرکٹ میں تقسیم  اسناد اجتماع ہوا جس میں عاشقان رسول کو فیضان نماز کورس مکمل کرنے پر اسناد دی گئیں جبکہ سب تحصیل حاجی ارشد عطاری نے اس موقع پر حاضرین کو دعوت اسلامی کے 12 دینی کام کرنے کا ذہن دیتے ہوئے عمامہ باندھنے کی فضیلت بتائی اور اسلامی بھائیوں کو مدنی قافلے میں سفر کرنے کی ترغیب دلائی جس پر شرکا نے اچھے تاثرات کا اظہار کیا ۔(رپورٹ:محمد مستقیم عطاری شعبہ مدنی کورسز،کانٹینٹ: شعیب احمد عطاری)

عید الفطر سال میں ایک دن آتی ہےلیکن اِس کی مٹھاس ہفتوں تک باقی رہتی ہے۔ عید کی تعطیلات ختم ہونے کے بعد اسکولوں میں عید ملن تقریبات کااہتمام کیا جاتا ہے، جن میں طلبہ اپنے دوستوں کے ساتھ بہترین وقت گزارتے ہیں۔

دارالمدینہ انٹرنیشنل اسلامک اسکول سسٹم کے تحت پاکستان بھر کے کیمپسز میں عید ملن اجتماعات کا انعقاد ہوا۔ان عید ملن اجتماعات میں جن میں طلبہ نے ایک دوسرے کو عید کی مبارک باد پیش کی اور مختلف سرگرمیوں میں حصہ لیا ۔

دوستوں کے ساتھ عید ملن اجتماعات میں شرکت اور عید کی خوشیاں منانا گویا ایک نعمت ہے۔اس نعمت کے ذریعے محبت اور بھائی چارے کو فروغ حاصل ہوتا ہ۔)رپورٹ:غلام محی الدین ترک ،اردو کانٹینٹ رائٹر(مارکیٹنگ اینڈ کمیونی کیشن ڈیپارٹمنٹ دارالمدینہ ،ہیڈ آفس کراچی)

پیرنٹ مینجمنٹ میٹنگ طلبہ کی تعلیمی کامیابیوں اور سیکھنے کے عمل میں ان کی مشکلات کو جاننےکا بہترین ذریعہ ہے۔دارالمدینہ انٹرنیشنل اسلامک اسکول سسٹم ،پیرنٹ مینجمنٹ میٹنگ کے ذریعے اسکول مینجمنٹ اور والدین کے تعلقات کو بہتر بناتا ہے۔ اس میٹنگ میں والدین اوردارالمدینہ اسکول مینجمنٹ تعلیمی عمل کو مزید بہتر بنانے پر بات چیت کرتے ہیں۔

دارالمدینہ انٹرنیشنل اسلامک اسکول سسٹم، کورنگی کیمپس میں پیرنٹ مینجمنٹ میٹنگ کا انعقاد ہوا جس میں دارالمدینہ انٹرنیشنل اسلامک اسکول سسٹم کے CEOڈاکٹر دانش اقبال عطاری اور ڈائریکٹر ایجوکیشن عابد سہیل عطاری نے بھی شرکت کی۔

پیرنٹ مینجمنٹ میٹنگ میں والدہ و سرپرست اسلامی بہنوں سے فی میل ڈویژن ہیڈ اور فی میل اکیڈمک کوآرڈینیٹر نے ملاقات کی نیز دارالمدینہ کے تعلیمی نظام کے بارے میں ان کی رائے لی ۔

دارالمدینہ کی مینجمنٹ نے تعلیمی اورانتظامی امور پر والدین سے گفتگو کرتے ہوئے مختلف امور پر ان کی رائے لی ۔ )رپورٹ:غلام محی الدین ترک ،اردو کانٹینٹ رائٹر مارکیٹنگ اینڈ کمیونی کیشن ڈیپارٹمنٹ دارالمدینہ ،ہیڈ آفس کراچی ویب ڈسک رائٹر:سیّد شعیب عطاری)

شعبہ نیوسوسائٹیز کے دینی کاموں کے سلسلے میں 22 اپریل 2024ء کو فیضانِ صحابیات پی آئی بی کالونی میں ملک بھر کی ذمہ داران  کا آن لائن مدنی مشورہ ہوا جس میں کراچی کی ذمہ دار اسلامی بہنیں براہِ راست شریک ہوئیں۔

20 اپریل 2024ء کودعوتِ اسلامی کے تحت ریجن نگران اسلامی بہنوں کی تربیت کے لئے آن لائن مدنی مشورے کا انعقاد کیا گیا جس میں مختلف موضوعات پر گفتگو ہوئی۔

معلومات کے مطابق اس مدنی مشورے میں دعوتِ اسلامی کی نگرانِ عالمی مجلسِ مشاورت اسلامی بہن نے بیرونِ ممالک میں دینی کام کرنے کے لئے کن کن زبانوں میں ٹرانسلیشن کی ضرورت ہے اس پر کلام کیا۔

نیوسوسائٹیز میں شعبہ رابطہ برائے شخصیات للبنات دعوتِ اسلامی کے تحت ہونے والے دینی کاموں کے سلسلے میں 21 اپریل 2024ء کو آن لائن میٹنگ منعقد ہوئی جس میں شعبہ رابطہ برائے شخصیات للبنات سمیت شعبہ نیوسوسائٹیز کی ذمہ دار اسلامی بہنیں شریک ہوئیں۔

دعوتِ اسلامی کی نگرانِ عالمی مجلسِ مشاورت اسلامی بہن نے بذریعہ انٹرنیٹ اس میٹنگ میں اسلامی بہنوں کی تربیت و رہنمائی کی اور انہیں دینی کاموں میں بہتری لانے کے لئے مدنی پھولوں سے نوازا۔بعدازاں تمام ذمہ دار اسلامی بہنوں نے دعوتِ اسلامی کے دینی کاموں میں ترقی کے لئے اچھی اچھی نیتوں کا اظہار کیا۔

پچھلے دنوں دعوت اسلامی کے شعبہ اوراق  مقدسہ کے تحت شجاع آباد کے چک ار ایس میں قران محل کا افتتاح کیا گیا جس میں شجاع آباد سے تعلق رکھنے والی شخصیات اور قران محل میں معاونت کرنے والے اسلامی بھائیوں نے شرکت کی۔

ڈسٹرکٹ نگران عقیل عطاری نے افتتاح کے اس موقع پر شرکا میں قران محل کے خصوصیات کے حوالے سے بتایا اور دعوت اسلامی کے شعبہ تحفظ اوراق مقدسہ کا کام کرنے کا طریقہ کار سے آگاہ کیا ۔

ڈسٹرکٹ نگران نے مدنی چینل کو تاثرات دیئے اس موقع پر موجود شرکا نے بھی مدنی چینل کو اپنے تاثرات دیئے اور دعوت اسلامی کے دینی و فلاحی کاموں کو سراہا۔ آخر میں ڈسٹرکٹ نگران سمیت اس موقع پر موجود متعلقہ سنی علماء اور امام صاحبان نے دعا کروائی۔(رپورٹ:حافظ نسیم عطاری سوشل میڈیا ڈیپارٹمنٹ آف پاکستان شعبہ تحفظ اوراق مقدسہ،کانٹینٹ:شعیب احمد عطاری)

دعوتِ اسلامی کے تحت 21 اپریل 2024ء کو ریجن نگران اور ملائیشیا کی ذمہ دار اسلامی بہنوں کا آن لائن مدنی مشورہ منعقد کیا گیا جس میں ملائیشیا سفر شیڈول پر کلام ہوا۔

اس مدنی مشورے میں نگرانِ عالمی مجلسِ مشاورت اسلامی بہن نے دیگر ذمہ دار اسلامی بہنوں کی مشاورت سے ملائیشیا کا سفر شیڈول تیار کروایا تاکہ ملائیشیا میں دعوتِ اسلامی کے تحت ہونے والے دینی کاموں میں مزید بہتری لائی جا سکے۔