حلال و حرام میں فرق بیان کرنے اور لوگوں کو رزقِ حلال کمانے  کا درس دینے والی عالمی سطح کی دینی تحریک دعوتِ اسلامی کے ادارے مرکزالاقتصاد الاسلامی (Islamic Economics Centre) کے تحت 2 دن کا علمی و تربیتی ورکشاپ منعقد کیا گیا جس میں جامعۃالمدینہ بوائز سے درجہ خامسہ تا دورۃالحدیث شریف کے طلبۂ کرام نے شرکت کی جن کی تعداد کم و بیش 900 کے قریب تھی۔

ذرائع سے ملنے والی معلومات کے مطابق اس تربیتی ورکشاپ کا عنوان ”مبادیاتِ اسلامی بینکاری و مالیات“ تھا جس کا مقصد طلبۂ کرام کو اسلامی مالیات اور بینکاری کے بنیادی اصولوں سے آگاہ کرنا تھا ،یہ ورکشاپ مدنی مرکز فیضانِ مدینہ جوہر ٹاؤن لاہور میں 22 اپریل 2026ء کی صبح 8 بجے شروع ہو کر 23 اپریل 2026ء کو نمازِ عصر پر اختتام پذیر ہوا۔

تربیتی ورکشاپ کے دوران طلبۂ کرام کو اسلامی بینکاری اور مالیات کے اہم موضوعات پر مفید معلومات دی گئیں تاکہ وہ مزید بہتر انداز میں دینِ اسلام کی خدمات سرانجام دے سکیں۔

علمی و تربیتی ورکشاپ میں ہونے والے لیکچرز کی تفصیلات

عالمی سطح کی دینی تحریک دعوتِ اسلامی کے دینی کاموں کے سلسلے میں 6 اپریل 2026ء کو ایک مدنی مشورے کا انعقاد کیا گیا جس میں پرتھ نگران اسلامی بہنوں سمیت دیگر ذمہ دار اسلامی بہنوں  کی شرکت ہوئی۔

اس موقع پر ذمہ دار و نگران اسلامی بہنوں نے دینی کاموں کا جائزہ لیتے ہوئے مختلف امور پر مشاورت کی جن میں سے بعض درج ذیل ہیں:

عاشقانِ رسول کی دینی تحریک  دعوتِ اسلامی کے تحت 6 اپریل 2026ء کو دینی کاموں کے سلسلے میں ایک میٹنگ ہوئی جس میں ملک سطح کی شارٹ کورسز ذمہ دار اسلامی بہنوں نے شرکت کی۔

دورانِ میٹنگ ذمہ دار اسلامی بہنوں نے مختلف نکات پر تبادلۂ خیال کیا جن میں سے بعض یہ ہیں:٭شارٹ کورسز کا شیڈول٭ملک سطح پر شارٹ کورسز کروانا٭کورسز کا نظام٭انگلش کورسز کی تیاری و تربیت٭بچوں کے کورسز کی تیاری۔

دعوتِ اسلامی کی دینی ایکٹیویٹیز کا جائزہ لینے اور ذمہ دار اسلامی بہنوں کی رہنمائی کرنے کے لئے 6 اپریل 2026ء کو سڈنی کی تمام کاؤنسل نگران اسلامی بھائیوں کا مدنی مشورہ ہوا۔

مدنی مشورے کے دوران تمام ذمہ دار اسلامی بہنوں نے مختلف موضوعات پر مشاورت کی جن میں سے بعض درج ذیل ہیں:

٭ماہِ اپریل ماہِ اجتماع کے مدنی پھول٭اس ماہِ اجتماع کے اہداف٭عید ایونٹ کے ذریعے شرکائے اجتماع بڑھانا٭اسکول کی چھٹیوں میں بچوں اور اُن کی سرپرستوں کے لئے ایونٹس کا انعقاد۔

دعوتِ اسلامی کی عالمی سطح پر ہونے والی دینی ایکٹیویٹیز کے سلسلے میں  5 اپریل 2026ء کو نیو زی لینڈ کی ذمہ دار اسلامی بہنوں کا مدنی مشورہ ہوا جس میں مدنیہ مبلغہ اسلامی بہن کی شرکت ہوئی ۔

اس دوران دینی سرگرمیوں اور ذمہ داریوں کے حوالے سے تفصیلی گفتگو ہوئی جن میں سے بعض درج ذیل ہیں:

٭دینی کاموں کی ذمہ داری اور تقرری٭نیوزی لینڈ میں اوکلینڈ کے ساتھ ساتھ دیگر اسٹیٹس میں دینی خدمات کو مضبوط کرنا٭مدرسۃالمدینہ بالغات اور مدرسۃالمدینہ گرلز کی کلاسز٭محفلِ نعت٭ ون ٹو ون ملاقات اور انفرادی کوشش٭سنتوں بھرے اجتماعات اور کسی خاص ایونٹ کا شیڈول٭عام اسلامی بہنوں میں دعوتِ اسلامی کی تنظیمی ذمہ داریاں تقسیم کرنا۔

دعوتِ اسلامی مختلف دینی کاموں کے ذریعے اسلامی بھائیوں کےساتھ ساتھ اسلامی بہنوں کی بھی تربیت و رہنمائی کرنے اور اُن کی اصلاح کرنے میں مصروفِ عمل ہے۔

تفصیلی معلومات کے مطابق دعوتِ اسلامی کے تحت مارچ 2026ء میں پاکستان بھر کی اسلامی بہنوں کے درمیان جو دینی کام ہوئے اُن کی تفصیل درج ذیل ہے:

٭روزانہ گھر درس دینے والی اسلامی بہنوں کی تعداد:1 لاکھ 23 ہزار 267 (1, 23, 267)۔

٭روزانہ امیرِ اہلِ سنت دامت بَرَکَاتُہمُ العالیہ کا بیان / مدنی مذاکرہ سننے والی اسلامی بہنوں کی تعداد:2 لاکھ 39 ہزار 613 (2, 39, 613)۔

٭اسلامی بہنوں کے مدرسۃالمدینہ بالغات کی تعداد:15 ہزار 498 (15, 498)۔

٭ان مدرسۃالمدینہ بالغات میں پڑھنے والی اسلامی بہنوں کی تعداد:1 لاکھ 24 ہزار 377 (1, 24, 377)۔

٭اسلامی بہنوں کے ہفتہ وار سنتوں بھرے اجتماعات کی تعداد:11 ہزار 677 (11, 677)۔

٭ان اجتماعات میں شرکت کرنے والی اسلامی بہنوں کی تعداد:4 لاکھ 42 ہزار 113 (4, 42, 113)۔

٭علاقائی دورہ برائے نیکی کی دعوت میں شرکت کرنے والی اسلامی بہنوں کی تعداد:47 ہزار 548 (47, 548)۔

٭ہفتہ وار رسالہ پڑھنے / سننے والی اسلامی بہنوں کی تعداد:7 لاکھ 91 ہزار 225 (7, 91, 225)۔

٭اسلامی بہنوں سے وصول ہونے والے جنتی اعمال کے رسائل کی تعداد:1 لاکھ 93 ہزار 741 (1, 93, 741)۔

٭اسلامی بہنوں میں ہونے والے مدنی کورسز کی تعداد:14 ہزار 725 (14, 725)۔

٭ان کورسز میں شرکت کرنے والی اسلامی بہنوں کی تعداد:2 لاکھ 47 ہزار 699 (2, 47, 699)۔

2 اپریل 2026ء:

دعوتِ اسلامی کی اسٹیٹ اور کاؤنسل نگران اسلامی بہنوں کا ایک اہم مشورہ 2 اپریل 2026ء کو منعقد کیا گیا جس میں مختلف دینی اور تنظیمی امور پر تبادلہ خیال کرتے ہوئے چند اہم نکات زیرِ بحث رہے:

٭عاشقانِ رسول کی مساجد میں دینی کام اور ان کی کارکردگی ٭بالمشافہ مدرسۃ المدینہ بالغات کے کلاسز اور رسالہ کارکردگی کو مزید بہتر بنانے کے اہداف٭ قافلوں کی تاریخیں، ان کی تشہیر، اعلانات ، بیانات کی ریکارڈنگ اور اس کی اہمیت ٭دینی خدمات کے لئے ڈونیشن جمع کروانے کے نظام کو بہتر بنانے کے طریقے ٭انگلش تفسیری حلقے شروع کروانا٭ شارٹ کورسز کے ذمہ دار کی تقرری اور کارکردگی ٭جامعۃ المدینہ گرلز میں آسٹریلیا کے تعلیمی نظام کے مطابق AS PER CREDIT HOURS کورسز کے پروپوزل اور اس پر کام کرنا ٭نئی جگہ پر کام کرنے کے مدنی پھول٭ماہ اپریل ماہِ اجتماع کے مدنی پھول ٭اوورسیز نگرانوں کے سنتوں بھرے اجتماع میں شرکت کی پلاننگ ٭2026ء کے اہداف اور کارکردگی کا جائزہ ٭ماہانہ اہداف پر کام کرنے کے لئے آئندہ کے اہداف۔

کراچی،  8 اپریل 2026ء:

کراچی سٹی، سینٹرل ڈویژن کے علاقے ناظم آباد ٹاؤن میں اسلامی بہنوں کا ہفتہ وار سنتوں بھرا اجتماع ہوا جس میں ذمہ داران اور قرب و جوار کی اسلامی بہنوں نے کثیر تعداد میں شرکت کی۔

اس اجتماعِ پاک میں تلاوت قرآن و نعت شریف کے بعد مبلغۂ دعوتِ اسلامی نے سنتوں بھرا بیان کیا جبکہ وہاں موجود دعوتِ اسلامی کی نگرانِ عالمی مجلس مشاورت اسلامی بہن نے اجتماعی دعا کروائی۔

اجتماع کے بعد مقامی ذمہ دار اسلامی بہنوں کا دینی کاموں کے سلسلے میں مدنی مشورہ ہوا جس میں دعوتِ اسلامی کے دینی کاموں میں اپنی شرکت کو یقینی بنانے پر زور دیا گیا ۔

نگرانِ عالمی مجلسِ مشاورت نے ذمہ دار اسلامی بہنوں کو بالخصوص مدرسۃ المدینہ بالغات میں داخلہ لینے، نیکی کی دعوت میں حصہ لینے، ذمہ داریاں لینے، گھر پر درس دینے اور دعوتِ اسلامی کے دینی کاموں میں عملی طور پر شریک ہونے کی ترغیب دلائی۔

کراچی، 7 اپریل 2026ء:

دعوتِ اسلامی کی نگرانِ عالمی مجلس مشاورت اسلامی بہن نے مختلف سطح کی ذمہ دار اسلامی بہنوں کے ہمراہ کراچی سٹی کے علاقے صدیق آباد میں 7 اپریل 2026ء کو ایک اسلامی بہن کے بھائی کے انتقال پر اہلِ خانہ سے تعزیت کی۔

اس موقع پر جامعۃ المدینہ گرلز ذمہ دار (انٹرنیشنل افیئرز) اسلامی بہن نے بیان کیا جبکہ معاون نگران (انٹرنیشنل افیئرز) اسلامی بہن نے اجتماعی دعا کروائی اور مرحوم کے لئے دعائے مغفرت کی۔

اس کے علاوہ ذمہ دار اسلامی بہن نے اہلِ خانہ سے تعزیت کے دوران انہیں تسلی دیتے ہوئے صبر کی تلقین کی اور مرحوم کے لئے ایصالِ ثواب کرنے کا ذہن دیا ۔

اس دوران نگرانِ عالمی مجلسِ مشاورت کے ہمراہ معاون نگران انٹرنیشنل افیئرز، نگرانِ پاکستان مجلسِ مشاورت، نگرانِ کراچی پروونس اور جامعۃ المدینہ ذمہ دار انٹرنیشنل افیئرز بھی موجود تھیں۔

کراچی، 3 اپریل 2026ء:

کراچی سٹی اسلامیہ کالج فیضانِ صحابیات میں بلوچستان کی اسلامی بہنوں کے لئے 2 دن کا ٹریننگ سیشن منعقد ہوا جس کا مقصد دینی خدمات، تنظیمی امور اور دینی کاموں میں مؤثر کردار ادا کرنے کے لئے اسلامی بہنوں کی تربیت کرنا تھا۔

معلومات کے مطابق 3 اپریل 2026ء کو دعوتِ اسلامی کی نگرانِ عالمی مجلس مشاورت اسلامی بہن کی موجودگی میں ذمہ دار اسلامی بہنوں کی جانب سے دینی سرگرمیوں کی ایک تفصیلی پریزنٹیشن پیش کی گئی جس میں سے مختلف موضوعات زیرِ بحث رہے جبکہ اس پریزنٹیشن کے ذریعے ذمہ دار اسلامی بہنوں کو دینی کاموں میں مزید بہتری لانے کے لئے رہنمائی ملی۔

کراچی، 1 اپریل 2026ء:

کراچی سٹی کے علاقے DHA کی اسلامی بہنوں کے لئے دعوتِ اسلامی کے زیرِ اہتمام 1 اپریل 2026ء کو ہفتہ وار سنتوں بھرے اجتماع کا انعقاد کیا گیا جس میں مقامی اسلامی بہنوں اور ذمہ داران نے شرکت کی۔

تلاوتِ قرآن و نعت شریف سے اجتماع کا آغاز کرنے کے بعد نگرانِ عالمی مجلس مشاورت اسلامی بہن نے ”صبح کس حال میں کی؟“ کے موضوع پر بیان کیا جس میں انہوں نے اللہ کے پسندیدہ بندوں کی نشانیوں کو بیان کیا اور اپنے حالات پر غور کرنے کی ترغیب دلائی۔

نگرانِ عالمی مجلسِ مشاورت نے اپنے بیان کے دوران اسلامی بہنوں کی ذہن سازی کی کہ صبح کا وقت اللہ پاک کا شکر ادا کرنے اور اپنے دن کو نیک اعمال میں گزارنے کے لئے بہترین موقع ہے ۔

بعدِاجتماع ذمہ داران کے درمیان مدنی مشورہ ہوا جس میں مختلف اہم امور پر تبادلہ خیال کیا گیا جن میں سے بعض درج ذیل ہیں:

٭ مدرسۃ المدینہ بالغات شروع کرنا٭ درسِ قرآن کے لئے زیادہ وقت دینا٭آئندہ درسِ قرآن کی قبل از وقت تشہیر کرنا ٭تشہیر کے دیگر مؤثر ذرائع استعمال کرنا٭ یوتھ کو دینی ماحول سے وابستہ کرنا۔

شعبہ روحانی علاج دعوتِ اسلامی کے تحت پنجاب پاکستان کے شہر ملتان میں 22 اپریل 2026 کو مدنی مشورے کا انعقاد کیا گیا جس میں وہاڑی ڈسٹرکٹ کے بستہ ذمہ دار اسلامی بھائیوں کی شرکت رہی۔

معلومات کے مطابق اس مدنی مشورے میں شعبے کے صوبائی ذمہ دار مولانا انیس عطاری مدنی نے روحانی علاج کے بستوں کو مضبوط بنانے، شرعی تقاضوں کو پورا کرنے اور مزید بستے کھلوانے کے حوالے سے بستہ ذمہ داران کی رہنمائی کی۔

اسی طرح صوبائی ذمہ دار نے بستہ ذمہ دار اسلامی بھائیوں کو اپنے اپنے علاقوں میں بستوں کو مضبوط کرنے اور شرعی تقاضوں کے مطابق مریضوں سے بہتر انداز میں بات کرنے کی ترغیب دلائی جبکہ دعوتِ اسلامی کے 12 دینی کاموں میں بھی حصہ لینے کا ذہن دیا جس پر انہوں نے اچھی اچھی نیتیں کیں۔ (رپورٹ: محمد وسیم عطاری، صوبائی آفس ذمہ دار پنجاب ، کانٹینٹ:غیاث الدین عطاری)