دعوتِ اسلامی کے شعبہ علاقائی دورہ للبنات کے تحت گزشتہ دنوں فیصل آباد ریجن میں بذریعہ کال مدنی مشورےکاانعقادہواجس میں اراکین زون اسلامی بہنوں نےشرکت کی ۔

رکن ریجن ذمہ دار اسلامی بہن نے اسلامی بہنوں کی ماہانہ کارکردگی کا جائزہ لیتے ہوئے تربیت کیں نیز کارکردگی جدول اور ماہانہ کارکردگی وقت پر جمع کروانے کا ذہن دیا۔ شعبے کے دینی کاموں کو مضبوط بنانے کے لئے نکات فراہم کئے جبکہ رسالہ کارکردگی انٹری کرنے اور ماتحت اسلامی بہنوں سے انٹری کروانے کا ذہن دیاجس پر اسلامی بہنوں نے شعبےکے دینی کاموں کو بڑھانے کی نیت پیش کی۔

دعوتِ اسلامی کے شعبہ مدرسۃ المدینہ بالغات کے زیر اہتمام گزشتہ دنوں فیصل آباد ریجن کی ساہیوال زون اور پاکپتن زون میں مدنی مشوروں کاانعقادہوا جن میں زون تا ذیلی سطح تک کی ذمہ داراسلامی بہنوں نے شرکت کی۔

رکن ریجن ذمہ دار اسلامی بہن نے شعبےسے متعلق دینی کاموں میں بہتری لانےکےحوالے سے اپڈیٹ نکات سےآگاہ کیااور مُدرِّسہ کے جدول کو سمجھانے کے ساتھ ساتھ مزید نیو مدرسات تیار کرنے کا ہدف دیا نیزاطراف کابینہ میں موجود مدارس کےجدول سےمتعلق مدنی پھول دیئے اور نیو مدارس کے آغاز کےلئے بھی ا ہداف دیئےجبکہ درجوں میں تفتیش کرنے اور طالبات کی پرسنل فائل تیار کروانے کا ذہن دیا نیز سند امتحان دلوانے کےحوالےسے بھی مدنی پھول دیئے۔ اس کے علاوہ ہفتہ وار سنتوں بھرے اجتماع میں مدرسۃ المدینہ بالغات کے درجے لگوانے کا ہدف دیا۔

اسی طرح مدرسۃ المدینہ بالغات ذمہ داراسلامی بہنوں کو بالغات اور کورس کے درجوں پر ناظمات اور مفتشات مقرر کرنے کا ذہن دیا جس پر ہاتھوں ہاتھ ذمہ داراسلامی بہنوں اور مدرسات نے اس کے لئے خود کو پیش کیا ۔

دعوتِ اسلامی کے شعبہ ڈونیشن بکس للبنات کےزیر اہتمام گزشتہ دنوں سرگودھا زون کی وادی سون کابینہ میں مدنی مشورے کاانعقادہوا جس میں کابینہ تا علاقہ سطح تک کی ذمہ داراسلامی بہنوں  نے شرکت کی۔

کابینہ نگران اسلامی بہن نے ذمہ داراسلامی بہنوں کو ای-رسید اکاؤنٹ اوپن کروانے اور ان کو استعمال کرنے کا طریقہ سمجھایا۔ مزید کارکردگی فارم ،کارکردگی جدول اور ماہانہ مدنی مشوروں کو مضبوط کرنے کا ذہن دیا نیز ای -رسید کے نظام کو بہتر بنانے پر کلام ہوا اورکابینہ تا ڈویژن سطح کی تقرر یاں مکمل کرتے ہوئے شعبے کے دینی کاموں کو بڑھانے کے حوالےسے نکات فراہم کئے ۔

مزید نئے مقامات پربکسز لگوانے اور رسالہ (چندہ کرنے کی شرعی اور تنظیمی احتیاتے) اس سے ٹیسٹ دینے کا ذہن دیا جس پرذمہ داراسلامی بہنوں نے ٹیسٹ دینے کی نیت کااظہارکیا ۔ 

دعوت ِاسلامی کے شعبہ رابطہ برائے شخصیات و تعلیم للبنات کےتحت گزشتہ دنوں پاکستان بھر کی بڑی سطح کی ذمہ داراسلامی بہنوں کا بذریعہ انٹر نیٹ مدنی مشورے کاانعقادہوا جس میں پاکستان نگران ،ریجن نگران ، کراچی شعبہ رابطہ و شعبہ تعلیم کی اسلامی بہنوں نےشرکت کی ۔

عالمی مجلس مشاورت نگران اسلامی بہن نے اسلامی بہنوں کو دینی کاموں کےاپڈیٹ نکات بتائے اور تقرری مکمل کرنےکاذہن دیانیز مدنی مرکز کےتحت ہونے والی اجتماعی قربانی میں حصہ لینے کاذہن دیااور اس کےاہداف دیئے ۔اپنی قربانی کی کھالیں دعوت اسلامی کو دینے اور اپنے سے منسلک اسلامی بہنوں کو اس کی ترغیب دلانے کاذہن دیاجس پر اسلامی بہنوں نےاچھی نیتوں کااظہارکیا۔

 25 جون 2021 بروز جمعہ عصر کے وقت جانشین امیر اہل سنت مولانا حاجی عبید رضا عطاری مدنی مُدَّظِلُّہُ الْعَالِی نے فیضان مدینہ آفندی ٹاؤن حیدرآباد سندھ کا دورہ فرمایا۔

عصر کی نماز کے بعد کم و بیش 7 مدنی منیوں (بچیوں) کی رسم بسم اﷲ شریف ہوئی جنہیں جانشین امیر اہل سنت نے بسم اﷲ شریف پڑھائی پھر حیدرآباد کابینہ کے جامعۃالمدینہ، مدرستہ المدینہ ، دارالمدینہ، مدرستہ المدینہ بالغان کی مجلس ناظمین اور اساتذہ کرام کیساتھ ساتھ دورہ حدیث شریف کے طلبائے کرام کی تربیت کا سلسلہ ہوا ۔ آخر میں سوال و جواب کا سیشن بھی ہوا۔

نماز عشاء کے بعد 10 خوش نصیب عاشقان رسول کا جانشین امیر اہل سنت نے نکاح پڑھایا اور نکاح میں شریک تمام عاشقان رسول کو امیر اہل سنت کا مرید کرنے کے لئے بیعت کروائی اور اپنی دعاؤں سے بھی نوازا ۔

چائنیز لینگویج ڈپارٹمنٹ کے زیرِ اہتمام 24جون بروز جمعرات کو اسلام آباد جی 11 فیضان مدینہ میں مدنی مشورہ ہوا جس میں چائنہ سے  پی ایچ ڈی ڈاکٹرز اسلامی بھائیوں نے شرکت کی۔ مشورے میں نگران کابینہ ڈاکٹر ذیشان عطاری نے شرکا کو مدنی پھول عطا فرمائےاور پی ایچ ڈی ڈاکٹرز اسلامی بھائیوں کو دعوت اسلامی کے مدنی کاموں میں شرکت اور اجتماع میں آنے کی دعوت دی۔ شعبہ چائنیز لینگویج کے ایک ذمہ دار اسلامی بھائی مولانا نظر زمان عطاری مدنی انہیں شعبہ چائنیز لینگویج کا تعارف پیش کیا اور اس میں ہونے والے دینی کاموں کے متعلق بریف کیا۔( محمد انیس رضا مدنی،چائنیز ڈپارٹمنٹ مدنی چینل چائنیز)

محبوب عطار مرحوم رکنِ شوریٰ حاجی محمد زم زم عطاری رحمۃ اللہ علیہ کے صاحبزادے محمد جنید رضا عطاری مدنی کا نکاح جانشین امیر اہل سنت مولانا حاجی عبید رضا عطاری مدنی مَدَّظِلُّہُ الْعَالِی 28 جون 2021ء بروز پیر نماز مغرب کے فوراً بعد عالمی مدنی مرکز فیضان مدینہ باب المدینہ کراچی میں پڑھائیں گے۔

ہفتہ وار مدنی مذاکرہ میں امیر اہل سنت دامت برکاتھم العالیہ کسی ایک رسالے کے مطالعے کی ترغیب ارشاد فرماتے ہیں اور رسالہ پڑھنے/سننے والوں کو اپنی خاص دعاؤں سے بھی نوازتے ہیں۔ مطالعہ کرنے یاسننے والے خوش نصیبوں کی کارکردگی امیر اہل سنت دامت برکاتہم العالیہ کی بارگاہ میں پیش کی جاتی ہے..

پچھلے ہفتے امیر اہل سنت دامت برکاتہم العالیہ نے رسالہ” امام ما لک کا عشقِ مدینہ“پڑھنے یا سننے کی ترغیب دلائی۔

اسی سلسلے میں نارتھ امریکہ ریجن (امریکہ +کینیڈا) کی کم و بیش 1ہزار81 اسلامی بہنوں نے رسالہ” امام ما لک کا عشقِ مدینہ“پڑھنے/سننے کی سعادت حاصل کی۔