عاشقان رسول کی دینی تحریک دعوت اسلامی جہاں ظاہری طور پر لوگوں کی اصلاح کرتی ہے ۔ وہیں باطنی بیماری مثلاً جھوٹ، غیبت، چغلی، حسد، بہتان وغیرہ کی اصلاح کے لئے وقتاً فوقتاً پروگرام منعقد کرتی رہتی ہے جبکہ اس کے  ساتھ ساتھ مکتبۃ المدینہ سے کتابیں شائع کروانے کا سلسلہ بھی رہتا ہے۔

اسی سلسلے میں امیر اہلسنت حضرت علامہ مولانا محمد الیاس عطار قادری دَامَتْ بَرَکَاتُہُمُ الْعَالِیَہ نے اس ہفتے عاشقان رسول کو باطنی بیماریوں کی اصلاح کے لئے رسالہ ”6مُردوں کے واقعات“ پڑھنے/ سننے کی ترغیب دلائی ہے اور رسالہ پڑھنے سننے والوں کو اپنی دعاؤں سے بھی نوازا ہے۔

دعائے عطار

یااللہ کریم! جو کوئی 17 صفحات کا رسالہ ”6مُردوں کے واقعات“ پڑھ یا سن لے اُسے رزق حلال کھانے اور بچوں کو بھی حلال کھلانے کی توفیق عطا فرمااور اُس پر جہنم کی آگ حرام کردے۔ اٰمین

یہ رسالہ دعوتِ اسلامی کی ویب سائٹ سے ابھی مفت ڈاؤن لوڈ کیجئے

Download

رسالہ آڈیو میں سننے کے لئے کلک کریں

دعوتِ اسلامی کے شعبہ مدرسۃالمدینہ رہائشی بوائز   کے تحت4اگست 2021ء نگران مجلس رہائشی مدارس المدینہ پاکستان نے تلونڈی بھنڈراں نارووال رہائشی مدرسہ کا دورہ کیا ساتھ ہی نگران مجلس نے’’علم دین حاصل کرنے ‘‘کے موضوع پربیان کرتےہوے بچوں کی تعلیمی و اخلاقی تربیت کی اورآخر میں ناظم ومُدرسین کی رہنمائی کا سلسلہ ہوا۔(رپوٹ: فلک شیر عطاری نگران مجلس رہائشی مدارس المدینہ پاکستان)

دعوت اسلامی کے شعبہ FGRF کے زیر اہتمام یکم اگست 2021ءسے ملک بھر میں مختلف مقامات پر وقتاً فوقتاً شجر کاری کی جارہی ہے۔

اسی سلسلے میں 5 اگست 2021ء کو بار ایسوسی ایشن فتح جھنگ کے احاطے میں شجر کاری کی گئی جس میں وکلاء، صحافی برادری، تاجران اور سماجی شخصیات سمیت ذمہ دارانِ دعوت اسلامی نے پودے لگائے۔

بار کونسل میں دعوت اسلامی کے اعزاز میں ایک پروگرام کا انعقاد کیا گیا جس میں صدر بار کونسل فتح جھنگ ایڈوکیٹ عبد الناصر جمال نے دعوت اسلامی کے اس اقدام کو بے حد سراہا اور اپنے تاثرات کا اظہار کرتے ہوئے کہا کہ دعوت اسلامی جہاں دین متین کے لئے خدمت کررہی ہے وہی فلاحی کاموں میں بھی مصروف عمل ہے۔ پروگرام کے بعد شخصیات کو مکتبۃ المدینہ کی کتابیں تحفے میں پیش کی گئیں۔ (رپورٹ: مبشر حسن عطاری، شعبہ حج و عمرہ واہ کینٹ اٹک زون)

پچھلے دنوں جگر گوشۂ غزالی زماں رازی دوراں حضرت مولانا پروفیسرسید مظہر سعید شاہ کاظمی صاحب کی  مدنی مرکز فیضان مدینہ ملتان میں آمد ہوئی جہاں جامعۃ المدینہ کے علمائے کرام، اساتذہ اور ذمہ دارانِ دعوت اسلامی نے ان کا استقبال کیا۔

مولانا پروفیسر سید مظہر سعید کاظمی صاحب نے دورۃ الحدیث شریف کے طلبہ میں بیان کیا۔ بعد ازاں مولانا صاحب نے دار الافتاء اہلسنت، جامعۃ المدینہ اور مدرسۃ المدینہ کا وزٹ بھی کیا۔ اس موقع پر دار الافتاء کے مفتیان کرام نے بھی اُن سے ملاقات کی سعادت حاصل کی۔

دعوت اسلامی کے شعبہ فیضان آن لائن اکیڈمی کے تحت 4 اگست 2021ء کو اشاعت الاسلام ملتان برانچ میں مدنی مشورہ ہوا جس میں فیس ڈیپارٹمنٹ کےذمہ دار اور اسٹاف نے شرکت کی۔

اراکین شعبہ فیضان آن لائن اکیڈمی غلام عباس عطاری اور سلمان عطاری نے 12 دینی کاموں کے حوالے سے گفتگو کی او ر اسلامی بھائیوں کو دینی کاموں میں شرکت کرنے کی ترغیب دلائی۔ (رپورٹ: محمد فیضان عطاری، آفس ذمہ دار شعبہ فیضان آن لائن اکیڈمی)

شعبہ فیضان آن لائن اکیڈمی کے تحت 3 اگست 2021ء کو فیضان مدینہ برانچ میں مدنی مشورہ ہوا جس میں سوشل میڈیا ڈیپارٹمنٹ کے ذمہ داران نے شرکت کی۔

رکن شعبہ فیضان آن لائن اکیڈمی غلام الیاس عطاری نے سوشل میڈیا Content میں بہتری لانے اور سوشل میڈیا کےلئے New tools استعمال کرنے پر مختلف نکات بیان کئے نیز Designingمیں بہتری لانے اور مارکیٹنگ کے حوالے سے کلام کیا۔ مدنی مشورے میں سوشل میڈیا کے مزید پلیٹ فارمز کے استعمال پر بھی گفتگو ہوئی۔(رپورٹ: محمد فیضان عطاری، آفس ذمہ دار شعبہ فیضان آن لائن اکیڈمی)

دعوت اسلامی کے شعبہ فیضان آن لائن اکیڈمی کے تحت 3 اگست 2021ء کو فیضان مدینہ برانچ میں مدنی مشورہ ہوا جس  میں مدنی چینل عربی ڈیپارٹمنٹ کے ذمہ دار اسلامی بھائی اور رکن شعبہ فیضان آن لائن اکیڈمی غلام الیاس عطاری مدنی نے شرکت کی۔

مدنی مشورے میں عربی ڈیپارٹمنٹ کے ذمہ دار نے دیگر شعبہ جات سے متعلق مدنی چینل عربی ڈیپارٹمنٹ کی پالیسی سے آگاہ کیا جبکہ اس حوالے سے اگلا لائحہ عمل طے بھی کیا گیا۔ (رپورٹ: محمد فیضان عطاری، آفس ذمہ دار شعبہ فیضان آن لائن اکیڈمی)

شعبہ فیضان آن لائن اکیڈمی دعوت اسلامی کے تحت 2 اگست 2021ء کو فیضان مدینہ کراچی برانچ میں مدنی مشورہ ہوا جس میں برانچ کے ذمہ داران نے شرکت کی۔

رکن شعبہ غلام الیاس عطاری نے شرکا کو شخصیات کی آمد پر انہیں خوش آمدید کہنے، برانچ کا وزٹ کروانے، تحفے پیش کرنے اور انداز گفتگو کے متعلق مفید نکات فراہم کئے۔ (رپورٹ: محمد فیضان عطاری، آفس ذمہ دار شعبہ فیضان آن لائن اکیڈمی)

شعبہ فیضان آن لائن اکیڈمی دعوت اسلامی کے تحت 3 اگست 2021ء کو برانچ فیضان مدینہ کراچی میں مدنی مشورہ ہوا جس میں I.Tاور فنانس ڈیپارٹمنٹ کے ذمہ داران نے شرکت کی۔

رکن شعبہ فیضان آن لائن اکیڈمی غلام الیاس عطاری مدنی نے پچھلے کاموں کی کارکردگی کا جائزہ لیا ااور ان میں  مزید بہتری لانے اور طے شدہ اہداف کے مطابق کاموں کو پایۂ تکمیل تک پہچانے کے حوالے سے کلام کیا۔ (رپورٹ: محمد فیضان عطاری، آفس ذمہ دار شعبہ فیضان آن لائن اکیڈمی)

شعبہ ڈونیشن سیل ڈیپارٹمنٹ کے اسلامی بھائیوں کا ایک ماہ کا مدنی قافلہ لاہور جنوبی زون اوگی میں سفر کررہا ہے جس میں لاہور ریجن ذمہ دار شکیل عطاری، رکن زون غلام جیلانی عطاری اور دیگر عاشقان رسول نے  شریک ہیں۔

شرکائے قافلہ نے خیبر پختونخواہ کے پوش علاقوں میں جاکر نیکی کی دعوت دی اور انہیں مدنی قافلوں میں سفر کرنےاور مدنی کورسز کرنے کا ذہن دیا۔ (رپورٹ: غلام جیلانی عطاری، مفتش شعبہ ڈونیشن سیل ڈیپارٹمنٹ)

پچھلے دنوں ڈویژن سولجر بازار کراچی کے  علاقائی نگران عمیر عطاری کے والد صاحب رضائے الٰہی سے انتقال کرگئے۔

مرحوم کی نمازجنازہ جامع مسجد خزائن العرفان کےاحاطے میں عمیرعطاری نے پڑھائی۔ نمازجنازہ میں مقامی ذمہ داران، اہلِ علاقہ اور عزیز و اقارب نے شرکت کی۔

نماز جنازہ کے بعد مرحوم کے لئے فاتحہ خوانی کی گئی۔ رکنِ شوریٰ حاجی امین عطاری نے دعائے مغفرت کروائی جبکہ اس موقع پر اراکین شوریٰ حاجی علی عطاری ،امین مدنی قافلہ اورسید ابراہیم عطاری بھی موجود تھے۔

شعبہ جامعۃ المدینہ بوائز دعوت اسلامی کے زیر اہتمام 4 اگست 2021ء کو سرگودھا میں تربیتی اجتماع ہوا جس میں بھلوال زون میں قائم جامعات المدینہ کے اساتذۂ کرام نے شرکت کی۔

مرکزی مجلس شوریٰ کے رکن حاجی محمد اسد عطاری مدنی، نگران شعبہ جامعۃ المدینہ مولانا ظفر عطاری مدنی، رکن شعبہ فیصل آباد ریجن مولانا سید ناظم لطیف عطاری مدنی، ناظم اعلیٰ عبد اللہ عطاری مدنی، نگران شعبہ تعلیمی امور مولانا حاجی گُل رضا عطاری مدنی نے تعلیمی، تنظیمی اور انتظامی امور کے حوالے سے کلام کرتے ہوئے شرکا کی تربیت کی۔ رکن شوریٰ نے اپنے طلبہ کو دینی کاموں میں شرکت کروانے کا ذہن دیا۔ (رپورٹ: محمد امیر حمزہ عطاری، پروجیکٹ مینیجر آئی ٹی ڈیپارٹمنٹ آف جامعۃ المدینہ بوائز پاکستان)