دعوتِ اسلامی کے زیر اہتمام 6اور7اکتوبر 2020 ء کو سینٹرل افریقہ ریجن کے ملک کینیا کی دو کا بینہ نیروبی اور ممباسا میں بذریعہ اسکائپ سنتوں بھرے اجتماع کا انعقاد کیا گیا جس میں  تقر یبا38 اسلامی بہنوں نے شرکت کی۔

ہفتہ وار مدنی مذاکرے میں امیر اہل سنت دامت برکاتہم العالیہ ہر ہفتے ایک رسالہ پڑھنے، سننے اور سنانے کی ترغیب دلاتے ہیں خوش نصیب اسلامی بھائیوں اور اسلامی بہنوں کی کارکردگی امیر اہل سنّت دامت برکاتہم العالیہ کی خدمت میں بھی پیش کی جاتی ہے

دعوتِ اسلامی کے زیر اہتمام ہند ممبئی ریجن ،  تھانے زون ، ممبرا کابینہ اور بھیونڈی کابینہ میں 7 اکتوبر 2020 ء کو ہفتہ وار سنتوں بھرا اجتماع ہوا جس میں زون نگران اور زون شارٹ کورسز ذمہ دار اسلامی بہن سمیت کل 64 اسلامی بہنوں نے شرکت کی ۔

مبلغۂ دعوتِ اسلامی کے زیرِ اہتمام اعلیٰ حضرت اور تصوف پر بیان ہوا جس میں ان کی عبادات و اطوار پر کئی نئی باتیں شرکا کو معلوم ہوئیں۔اسلامی بہنوں نے دعوت اسلامی کے مدنی ماحول سے وابستہ رہنے اور اعلیٰ حضرت کی تعلیمات پر عمل کی نیتیں کیں۔

دعوتِ اسلامی کے زیر اہتمام  8 اکتوبر 2020 ء کو کراچی سرجانی ٹاؤن میں ماہانہ مدنی مشورہ ہوا جس میں کابینہ اور ڈویژن نگران اور ان کی مشاورتوں نے شرکت کی۔ مشورے میں مدنی کاموں کو مزید بہتر بنانے کے بارے میں کلام ہوا۔

خود کو با ہمت بنائيں۔ تاکہ دین کا کام اچھے انداز سے کر سکیں۔ اس طرح کے اہم نکات بھی دئیے۔ فعال اسلامی بہنوں کی حوصلہ افزائی کی، غیر فعال اسلامی بہنوں کو مزید بہتری کا ذہن دیا۔ ذمہ داران کے مسائل سن کر اسے حل کرنے کی کوشش کی گئی۔ آخر میں ذمہ داران نے اچھی اچھی نیتوں کے ساتھ مدنی کام بہتر بنانے کا اظہار کیا۔

 دعوت اسلامی کے زیر اہتمام 8 اکتوبر 2020 کراچی گڈاپ میں زون نگران اسلامی بہن نے ماہانہ مدنی مشورہ کیا جس میں زون مشاورت اور کابینہ نگران اسلامی بہنوں نے شرکت کی۔

دعوت اسلامی کے زیرِ اہتمام  8 اکتوبر2020 ء کو کراچی رنچھوڑلائن میں کابینہ نگران اسلامی بہن نے مدنی مشورہ کیاجس میں کابینہ اور ڈویژن مشاورت ذمہ داران نے شرکت کی۔

اپنے کاموں کو کس طرح بہتر انداز میں کیا جاسکتا ہے سمجھایاگیا نیز ذمہ داران سے ٹیلی تھون کے اہداف بھی لئے اور تقرریاں مکمل کرنے پر کلام ہوا۔ مشاورتوں سے ان کے مسائل سن کر حل بتائے۔

دعوت اسلامی کے تحت7 اکتوبر 2020 ء کو کراچی دھوارجی کالونی کے جامعۃ المدینہ (عطائے عطار) کا کراچی ریجن نگران اسلامی بہن نے وزٹ کیا ۔ ناظمہ نے جامعۃ المدینہ کے درجات کاوزٹ کر وایا۔ ہفتہ وار اجتماع کے موقع پر جامعۃالمدینہ میں اعلیٰ حضرت کی سیرت کے موضوع پر بیان بھی ہوا۔ بیان میں اعلیٰ حضرت کی نماز اور روزہ سے محبت کا بھی ذکر ہوا۔ اس موقع پر شرکائے اجتماع نے نماز اور سنتوں پر عمل کی نیتوں کا بھی اظہار کیا۔

 شیخ طریقت امیر اہل سنت دامت برکاتہم العالیہ کے عطا کردہ 63 نیک اعمال کو اپنی زندگی میں عملی طور پر نافذ کرنے کے لئے اسلامی بہنوں کی مجلس نیک اعمال کے زیر اہتمام پچھلے دنوں قطرفیضانِ قطب مدینہ کے ڈویژن مدنی میں بذریعہ اسکائپ نیک اعمال اجتماع کا انعقادکیا گیا جس میں مقامی اسلامی بہنوں نے شرکت کی۔

اسلامی بہنوں کی مجلس علاقائی دورہ  کے زیر اہتمام پچھلے دنوں پاک سطح علاقائی دورہ ذمہ دار اسلامی بہن نے گوجرانوالہ زون، تمام کابینہ علاقائی دورہ ذمہ دار اسلامی بہنوں کے ساتھ مدنی مشورہ کیا جس میں کابینہ علاقائی دورہ ذمہ دار اسلامی بہنوں نے شرکت کی۔

دعوتِ اسلامی کے زیر اہتمام  پچھلے دنوں ریجن ذمہ دار اسلامی بہن نے جنوبی لاہور زون اور شمالی لاہور زون کی تمام بستہ مجلس ذمہ دار اسلامی بہنوں کے ساتھ مدنی مشورہ کیا جس میں شعبہ کی اہمیت اور اس کو مضبوط کرنے اور مجلس کی طرف سے اہداف دینے کے حوالے سے مدنی پھول دئیے گئے ، بہترین کارکردگی پر حوصلہ افزائی کی گئی، چندہ کرنے کی شرعی احتیاطیں اور اسکے ٹیسٹ، کفن دفن،مدنی بہار اور مدنی قاعدہ ان سب کے ٹیسٹ دینے کے لیے ترغیب دی گئی۔

10اکتوبر2020ء کی شب عالمی مدنی مراکز فیضان مدینہ کراچی سے براہ راست مدنی چینل پر مدنی مذاکرے کا انعقاد کیا گیا جس میں کثیر تعداد میں  عاشقان رسول نے شرکت کی۔

عاشقان رسول کی جانب سے کئے گئے سوال (جلوسِ مِیلادمیں کیا کیا احتیاطیں کرنی چاہئے؟) کے جواب میں امیر اہل سنت علامہ محمد الیاس عطار قادری دامت نے فرمایا کہ جلوسِ مِیلادمیں باوضورہیں ،نعتیں سنیں،نگاہ نیچی رکھیں ،عشق ِرسول میں ڈوب اورگُم ہو کرشرکت کریں،جب جب موقعہ ملےنیکی کی دعوت بھی دیتے جائیں ،اُچھل کودنہیں ہونی چاہئے ،اشتعال انگیزی نہ کی جائے ،پرامن طریقے پر جلوس میلادگزرائیے،عاشقانِ رسول پُرامن رہتے ہیں ، اپنےجلُوس کی حفاظت کریں ،انتظامیہ کے ساتھ تعاوُن کریں ،انہیں بُرابھلانہ کہیں ،اِنْ شَآءَ اللہ عَزَّ وَجَلَّ ان احتیاطوں کے ساتھ جلُوس نکالیں گے تو ہوسکتاہے غیرمسلم اسلام قبول کرلیں۔ایک غیرمسلم نےدعوتِ اسلامی کے جلوس میں مدنی منےکی نیکی کی دعوت سن کر دین اسلام قبول کرلیا تھا ۔

مدنی مذاکرے کے چند مدنی پھول ملاحظہ کیجئے

سوال:ہمدردیِ مُسلِم سے کیا مُرادہے اوریہ کیسے حاصل ہو؟

جواب: مسلمانوں کا بھلاچاہنا،ان کے دکھ درد کو سمجھنا ،ان کی خیرخواہی وہمدردی کرنا ،ان غم گساری وخبرگیری کرنا سب ہمدردیِ مسلم کی صورتیں ہیں ، اس کے کئی ذریعے اور صورتیں ہیں مثلاکوئی مسلمان بھوکا ہو تواُسے کھانا کھلانا ،کپڑوں کی ضرورت ہوتو کپڑے دینا ،کوئی دکھ یا تکلیف یا بیماری ہوتو دعاکرنا ، کوئی مشکل میں ہوتو اُس کی مشکِل دُورکرنا وغیرہ

سوال:ناراض رشتہ دارسے ہمدردی کرنے کا ذہن نہیں بنتا،اس کے بارے میں آپ کیافرماتے ہیں ؟

جواب:اپنے نفس کے لیے ناراضی ہوتو نفس کی مخالفت کرتے ہوئے ہمدردی کرنی چاہئے یادرکھئے !رشتہ دارسے ہمدردی کرنا دوسرں سے ہمدردی کرنے سے افضل ہے اورناراض رشتہ دارسے ہمدردی کرنا تو زیادہ ثواب کا کام ہے۔

سوال: ہم بارہ (12) ربیع الاول کے جلوس میں لوگ کو پانی ،دودھ اورشربت پلاتے ہیں اس میں کیا نیتیں اوراحتیاطیں کرنی چاہئے؟

جواب:اللہ پاک کی رضا کی نیّت سے دُودھ شربت پلایا جائے ،اپنی تعریف کروانے کی نیّت نہ ہو،پلاتے ہوئےاحتیاط کرنی چاہئےکہ اسراف نہ ہو،پانی ہویا شربت یادُودھ کوئی چیز ضائع نہ ہونے پائے ،ناسمجھ یا غیرسنجیدہ لڑکوں کو پلانے کی ذمہ داری دینے کے بجائے سمجھداریہ کام خودکریں،اپنی نگرانی میں دوسروں کوبھی کھڑاکیا جاسکتاہے ،اگرلوگ کچھ بچادیں تو اسے ضائع نہ کریں ،ترکیب سے دوسروں کوپلا دیں اوراس کا خاص خیال رکھیں ،لوگ کھڑے کھڑے پیتے ہیں ،اگرپلاسٹک کے اسٹول یا کرسیاں لگادی جائیں تو لوگ بیٹھ کرپی سکیں گے ،سبیل پر پانی پینے کی سنتیں اورآداب لکھ کرلگادیں ،اس کی وجہ سے لوگ سنت کے مطابق پیں گے اورثواب کا حقدارہوں گے ۔

سوال:اِس ہفتے کارِسالہ ” شانِ امام احمد رضا “ پڑھنے یاسُننے والوں کو امیرِاہلِ ِسُنّت دَامَتْ بَرَکاتُہُمُ الْعَالِیَہ نے کیا دُعا دی ؟

جواب: یا اللہ پاک! جو کوئی 17 صفحات کا رسالہ ”شانِ امام احمد رضا“ پڑھ یا سن لے اُس کو سچا عاشق رسول بنا اور اس کی بے حساب مغفرت فرما۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم