پچھلے دنوں دعوت اسلامی کے تحت       کوٹ مومن میں ہونے والے ہفتہ وار اجتماع میں صدر پریس کلب کوٹمومن اور رانا الماس حنیف سمیت مختلف شخصیات نے شرکت کی ۔

واضح رہے ہفتہ وار اجتماع میں رکن شوریٰ حاجی رفیع عطاری نے سنتوں بھرا بیان کیا اس موقع پر صدر پریس کلب کوٹ مومن اور رانا الماس حنیف سمیت مختلف شخصیات نے رکن شوری و ریجن نگران اور نگران بھلوال زون سے ملاقات کی سعادت حاصل کی۔ رکن شوریٰ نے شخصیات کو دعوت اسلامی کی دینی و فلاحی خدمات سے آگاہ کرتے ہوئے مختلف مدنی پھول دیئے۔(رپورٹ:ارسلان عطاری ریجن ذمہ دار میڈیا ڈیپارٹمنٹ آف دعوت اسلامی)

دعوت اسلامی کی مجلس میڈیا ڈیپارٹمنٹ کےتحت 14 اکتوبر 2020ءبروزبدھ سرگودھا میں صحافیوں  سے ملاقات کا سلسلہ ہوا اور صحافیوں نے مدنی مرکز فیضان مدینہ کا وزٹ کیا ریجن ذمہ دار محمد ارسلان عطاری نے ان کو دعوت اسلامی کے شعبہ جات کا تعارف کروایا ۔

اس موقع پر رکن شوری حاجی وقارالمدینہ سے بھی ملاقات کاسلسلہ ہوا رکن شوری نے صحافیوں کو نیکی کی دعوت دیتے ہو ئے میلاد اجتماع میں شرکت کرنے اور مدنی چینل دیکھنے کی ترغیب دلائی جس پر انہوں نے اپنی اچھی اچھی نیتوں کا اظہار کیا ۔(رپورٹ:ارسلان عطاری ریجن ذمہ دار میڈیا ڈیپارٹمنٹ آف دعوت اسلامی)

دعوت اسلامی  کی مجلس مدرسۃ المدینہ بالغان کے تحت 14اکتوبر 2020ء بروز بدھ لاہور ریجن فیروز پور روڈ کابینہ میں مختلف مقامات پر میلاد اجتماعات کا سلسلہ ہوا جس میں مدرسۃ المدینہ بالغان کے عاشقان رسول نے شرکت کی ۔

میلاد اجتماع میں مبلغ دعوت اسلامی محمد فہیم عطاری رکن زون شمالی لاہور ریجن نے آقا ﷺکی آمد کا جشن منانے کے موضوع پر بیان کرتے ہوئے شرکا کو گھر گھر میں عید میلاد النبی کے اجتماعات کرنے کے متعلق مدنی پھول دیئے ۔( محمد سلیمان عطاری مجلس مدرسہ المدینہ بالغان)

دعوت اسلامی  کی مجلس تحفظ اوراق مقدسہ کہ تحت11 اکتوبر2020ء بروز اتوار محمد طفیل ناصر عطاری رکن زون فیصل آباد و جڑانوالا زون نے کھرڑیانوالا شہر کا وزٹ کیا اور مقدس اوراق کے تحفظ کے لگے بکسز کا جائزہ لیا نیز کلاتھ مارکیٹ میں مدنی حلقہ لگایا ۔

ذمہ دار دعوت اسلامی نے مختلف مارکیٹس میں تاجران و شخصیات سے ملاقاتیں کرکے دعوت اسلامی اور مقدس اوراق کے شعبہ کے ساتھ تعاون کرنے کا ذہن دیا جبکہ شعبہ ذمہ داران سے مدنی مشورہ کیا اور کارکردگی کا جائزہ لینے اور آئندہ کے اہداف کے متعلق ذمہ داران سے کلام کیا ۔

اسلام آباد ریجن کے زون واہ کینٹ میں رکن شوری حاجی وقار المدینہ عطاری کی آمد ہوئی۔  اس موقع پر انہوں نے اسپیشل اسلامی بھائیوں سے خصوصی ملاقات فرمائی اور ان کو اپنی دعاؤں سے نوازا۔ (رپورٹ: محمد سمیر عطاری میڈیا ڈیپارٹمنٹ اسپیشل افراد دعوت اسلامی)

واہ کینٹ زون میں نگرانِ مجلس پروفیشنلز ثوبان عطاری کی آمد ہوئی۔ اس موقع پر مجلس اسپیشل افراد دعوت اسلامی کے تحت ایک پروگرام کا سلسلہ ہوا جس میں ثوبان عطاری نے خصوصی بیان فرماتے ہوئے  اسپیشل اسلامی بھائیوں کو مجلس اسپیشل افراد اور دعوت اسلامی کی دینی اور فلاحی خدمات کے بارے میں بریفنگ دی ۔ بعد از بیان انہوں نے اسپیشل اسلامی بھائیوں سے خصوصی ملاقات بھی فرمائی۔ (رپورٹ: محمد سمیر عطاری میڈیا ڈیپارٹمنٹ اسپیشل افراد دعوت اسلامی)

رکن ایسٹ ملیر زون کراچی محمد شاہد عطاری نے لانڈھی کابینہ کا دورہ فرمایا جس میں انہوں نے اسپیشل افراد اور ان کے سر پرستوں سے ملاقاتیں کیں اور انہیں ہفتہ وار اجتماع اور مدنی مذاکرے کی دعوت پیش کی۔  

بعد ازاں ہفتہ وار اجتماع میں شرکت فرمائی اور ڈیف اسلامی بھائیوں میں ہفتہ وار اجتماع کے بیان کی اشاروں کی زبان میں ترجمانی فرمائی۔ انہوں نے مدرسۃ المدینہ بالغان برائے اسپیشل افراد میں بھی شرکت کی ۔ (رپورٹ: محمد سمیر عطاری میڈیا ڈیپارٹمنٹ اسپیشل افراد دعوت اسلامی)

پچھلے دنوں رکن ریجن اسلام آباد و نگران اسپیشل ایجوکیشن پاکستان محمد عمیر عطاری نے  مجلس اسپیشل افراد دعوت اسلامی کے تحت گورنمنٹ اسپیشل ایجوکیشن سینٹر میانوالی کا دورہ کیا۔

اس دوران انہوں نے اسپیشل ایجوکیشن سینٹر میانوالی کے پرنسپل اورا سٹاف سے ملاقات کی اور ان کو شعبے کا تعارف پیش کرتے ہوئے دعوت اسلامی کی دینی اور فلاحی خدمات کے بارے میں بریفنگ دی ۔ پرنسپل اورا سٹاف کو مکتبۃ المدینہ سے شائع ہونے والے رسائل تحفے میں دیئے۔ (رپورٹ: محمد سمیر عطاری میڈیا ڈیپارٹمنٹ اسپیشل افراد دعوت اسلامی)

16 اکتوبر بروز منگل بعد نماز عشاء مکہ مسجد ڈویژن تلک جاڑی حیدرآباد میں محفل نعت بسلسلہ اعراس مبارک  حضرت سید افسر علی شاہ نقشبندی قادری و والدۂ ماجدہ امیر اہل سنت کا انعقاد کیا گیا۔

محفلِ پاک میں جامعۃ المدینہ کے استاد مبلغ دعوت اسلامی مولانا سجّاد مدنی نے اولیاء کرام کی سیرت پر بیان فرمایا ۔

محفلِ پاک میں علماء ،آئمہ کرام اور کثیر عاشقان رسول کی شرکت رہی ۔ (رپورٹ: سہیل رضا حیدرآباد کابینہ )

ملتان میں قائم دعوت اسلامی کے جامعۃالمدینہ میں سنتوں بھرا اجتماع ہواجس میں ملتان ریجن کے اساتذہ کرام نے شرکت کی۔ اس اجتماع میں  جامعۃ المدینہ و مدرسۃ المدینہ کو خود کفیل بنانے اور ماہ نومبر 2020ء میں ہونے والے ٹیلی تھون مہم کے حوالے سے کلام ہوا۔ دوران اجتماع ماہ فروری سے تعلیمی کارکردگی کا جائزہ لیا گیااور لاک ڈاؤن میں ہونے والے تعلیمی نقصان کو پورا کرنے کے بارے میں گفتگو بھی کی گئی۔ مرکزی مجلس شوریٰ کے رکن حاجی محمد اسد عطاری مدنی نے ان اسلامی بھائیوں کی رہنمائی فرمائی۔ رکن شوریٰ نے شرکا کو یہ ذہن دیا وہ تعلیمی اوقات کار کے علاوہ طلباء کے ساتھ بیٹھے اور انہیں بھی مدنی کاموں کی ترغیب دلائیں۔

پچھلے دنوں عرس اعلیٰ حضرت و استقبال ربیع الاول  کے سلسلے میں تکونی مسجد ہیرہ آباد ڈویژن تلک چاڑی حیدرآباد کابینہ حیدرآباد زون میں محفل نعت کا انعقادکیا گیا جس میں مبلغ محمد احمد عطاری نے اعلیٰ حضرت کی سیرت پر سنتوں بھرا بیان فرمایا۔

محفلِ نعت میں نگران ڈویژن مشاورت سمیت عاشقان رسول کی کثیر تعداد نے شرکت کی ۔ (رپورٹ: سہیل رضا عطاری)