جامع مسجد شاہ عباس (دربار والی مسجد) پتوکی میں17 فروری 2023ء بروز جمعرات سحری اجتماع کا انعقاد ہواجس میں ڈسٹرکٹ نگران حاجی محمد نعیم خان عطاری ، تحصیل نگران محمد امتیاز عطاری ، ڈسٹرکٹ ذمہ دار سمیت سب تحصیل نگران اور ذمہ داران نے شرکت کی۔

سحری اجتماع میں اسلامی بھائیوں نے نمازِ تہجد باجماعت ادا کی۔ بعد ازاں سحری کی اور اذانِ فجر کے بعد مسجد کے باہر جاکر اہلِ علاقہ کو نمازِ فجر کے لئے جگایا۔

عاشقان رسول نے نفل روزہ رکھنے کی سعادت حاصل کی۔بعدنمازِ فجر سب تحصیل پتوکی کے ذمہ داران کا مدنی مشورہ ہواجس میں نگران ڈسٹرکٹ حاجی محمد نعیم خان عطاری نے 12 دینی کاموں کا فالو اپ لیتے ہوئے اسلامی بھائیوں کو علاقے میں ہونے والے دینی کاموں کو بڑھانے کا ذہن دیا۔(رپورٹ: علی ریاض عطاری تحصیل ذمہ دار سیکیورٹی ڈیپارٹمنٹ ، کانٹینٹ:رمضان رضا عطاری)

دعوتِ اسلامی کے شعبہ کفن دفن کی جانب سے15 فروری 2023ء کو ناظم آباد ٹاؤن گول مارکیٹ میں کفن دفن کورس کا اہتمام کیا گیا جس میں مارکیٹ کے اسلامی بھائیوں نے شرکت کی ۔

ایسٹ ڈسٹرکٹ ذمہ دار محمدعزیر عطاری نے شرکا کو غسلِ میت دینے کی فضیلت و اہمیت بیان کرتے ہوئے نمازِ جنازہ پڑھنے کا طریقہ سکھایا۔اس کے علاوہ کورس میں شریک اسلامی بھائیوں کو غسلِ میت دینے، کفن کاٹنے اور پہنانے کا طریقہ بتایا نیز اس سے متعلق چند ضروری مسائل بھی بتائے۔(رپورٹ:شعبہ کفن دفن، کانٹینٹ:رمضان رضا عطاری) 

دعوتِ اسلامی کے زیرِ اہتمام 16 فروری 2023ء  کو جڑانوالہ سیون سیز مارکی میں ہفتہ وار سنتوں بھرے اجتماع کا انعقاد ہواجس میں جامعۃالمدینہ کے طلبہ و اساتذہ ٔ کرام کے علاوہ کثیر اسلامی بھائیوں نے شرکت کی۔

اجتماع کی ابتدا تلاوت قراٰن پاک اور نعت رسول ﷺ سے ہوئی، نگرانِ پاکستان مشاورت حاجی محمد شاہد عطاری نے’’فیضانِ جنید بغدادی رحمۃ اللہ علیہ‘‘ کے موضوع پر سنتوں بھرا بیان کیا جس میں اسلامی بھائیوں کو نیکی کرنے اور نیکی کے کاموں میں حصہ لیتے رہنے کے بارے میں ذہن دیا نیز دعوتِ اسلامی کے دینی کاموں میں حصہ لیتے رہنے کی ترغیب بھی دلائی ۔

بیان کے بعد ذکرو دعا کا سلسلہ ہوا ۔ نگران پاکستان مشاورت نے دعا کروائی۔ بعد ِاجتماع اسلامی بھائیوں نے نگرا ن پاکستان مشاورت سے ملاقات بھی کی ۔(رپورٹ: عبدالخالق عطاری، کانٹینٹ:رمضان رضا عطاری)

16 فروری2023ء بروز جمعرات دعوتِ اسلامی کے عالمی مدنی مرکز فیضانِ مدینہ کراچی میں مدنی مشورہ ہوا جس میں کراچی سٹی شعبہ ڈونیشن سیل کے سٹی و ڈسٹرکٹ ذمہ داران نے شرکت کی۔

رکنِ شوریٰ حاجی امین عطاری نے پریزنٹیشن کے ذریعے شرکا کی تربیت کی اور انہیں سال نو2023ء کے حوالے سے اہداف دیئےجس پر اسلامی بھائیوں نے عمل پیرا ہونے کی اچھی اچھی نیتیں کیں۔( کانٹینٹ:رمضان رضا عطاری)

دعوتِ اسلامی کے زیرِ اہتمام رکنِ شوری حاجی بغداد رضا عطاری نے مقامی  ذمہ داران کے ہمراہ مؤرخہ 17 فروری 2023ء کو فیضانِ مدینہ دینہ کے پلاٹ کا دورہ کیا اور ذمہ داران کو اس کی تعمیرات کے حوالے سے مدنی پھول دیئے۔( کانٹینٹ:رمضان رضا عطاری)

گزشتہ روز شعبہ رابطہ برائے شخصیات دعوتِ اسلامی کے تحت ذمہ دار اسلامی بھائیوں نے اسلام آباد میں  ایئر مارشل جنرل ریٹائرڈ آفتاب حسین، سندس فاؤنڈیشن اسلام آباد کے چیف ایڈمنسٹریٹر اور سندس فاؤنڈیشن کے ڈائریکٹر سے اُن کے آفس میں ملاقات کی۔

اس دوران ذمہ داران نے مختلف امور پر گفتگو کرتے ہوئے چند اہم امور پر کلام کیا نیز دعوتِ اسلامی کے دینی و فلاحی کاموں کے بارے میں شخصیات کو بریفنگ دی جس پر انہوں نے دعوتِ اسلامی کی خدمات کو سراہا۔

ضلع لسبیلہ کے اوتھل شہر میں دعوتِ اسلامی کے تحت پچھلے دنوں شعبہ رابطہ برائےشخصیات کے ذمہ دار اسلامی بھائیوں کی SSP لسبیلہ اسرار احمد عمرانی سے ملاقات ہوئی۔

دورانِ ملاقات ذمہ داران نے SSP لسبیلہ سے 18 فروری 2023ء بروز ہفتہ دعوتِ اسلامی کے زیرِ اہتمام ضلع بھر میں ہونے والے شبِ معراج کے اجتماعات کی سیکیورٹی کے بارے میں میٹنگ کی جس پر SSP لسبیلہ نے اوتھل اور بیلہ کے تھانوں میں اس حوالے سے اطلاع دی نیز سیکیورٹی دینے کی یقین دہانی کروائی۔

بعدازاں ذمہ داران نے SSP لسبیلہ اسرار احمد عمرانی کو دعوتِ اسلامی کی عالمی سطح پر ہونے والے دینی و فلاحی کاموں کے متعلق آگاہ کیا اور گزشتہ سال سیلاب متأثرین میں شعبہ FGRF کے فلاحی کاموں کے بارے میں بتایا جبکہ SSP لسبیلہ کو دعوتِ اسلامی کا ماہنامہ فیضانِ مدینہ تحفے میں پیش کیا۔

اس موقع پرٹاؤن نگران مولانا شاہد رضا عطاری مدنی، یوسی نگران عبد الحکیم عطاری، شعبہ رابطہ برائے شخصیات کے ذمہ داران جہانزیب عطاری اور غلام یاسین عطاری موجود تھے ۔(رپورٹ:شعبہ رابطہ برائے شخصیات، کانٹینٹ:غیاث الدین عطاری)

پاک و ہند سمیت دنیا کے کئی ممالک میں آج رات” شب معراج“ ہوگی۔ اس مناسبت سے عاشقانِ رسول محافل کا انعقاد کرتے اور سفرِ معراج کے متعلق ہونے والے بیانات میں شرکت کرتے ہیں۔ دعوتِ اسلامی کے زیرِ اہتمام بھی دنیا بھر میں آج رات عشاء کی نماز کے بعد اجتماعات منعقدہوں گے ۔

تفصیلات کے مطابق دعوتِ اسلامی کا مرکزی اجتماع عالمی مدنی مرکز فیضان مدینہ کراچی میں ہوگا جس کا آغاز 8بجکر 45 منٹ پر تلاوت و نعت سے ہوگا۔ بعد ازاں مبلغ دعوتِ اسلامی سنتوں بھرا بیان فرماتے ہوئے واقعہ معراج پر روشنی ڈالیں گے ۔ اس موقع پر مدنی مذاکرے کا سلسلہ بھی ہوگا جس میں شیخ طریقت امیر اہلسنت علامہ محمد الیاس عطار قادری دامت بَرَکَاتُہمُ العالیہ سوالات کے جوابات ارشاد فرماتے ہوئے معراج مصطفٰے صلَّی اللہ علیہ واٰلہٖ وسلَّم کے حوالے سے گفتگو فرمائیں گے۔

دورانِ اجتماع ”قصیدۂ معراجیہ“ بھی پڑھا جائے گا۔ اختتام پر عاشقانِ رسول کے لئے لنگر کا بھی اہتمام ہوگا۔ 

دعوتِ اسلامی کی جانب سے 16 فروری  2023ء بروز جمعرات پھول نگر تحصیل پتوکی میں ریسکیو 1122 کے آفس میں سیکھنے سکھانے کے حلقے کا انعقاد ہوا جس میں ریسکیو 1122 کےا سٹاف نے شرکت کی۔

نگرانِ ڈسٹرکٹ قصور حاجی محمد نعیم خان عطاری نے سنتوں بھرا بیان کیا اور شرکا کو دعوتِ اسلامی کے شعبہ جات کا تعارف پیش کرتے ہوئے انہیں دینی ماحول سے وابستہ ہونے کا ذہن دیا جس پر انہوں نے خدماتِ دعوتِ اسلامی کو سراہتے ہوئے خوشی کا اظہار کیا۔

اس موقع پر تحصیل نگران محمد امتیاز عطاری اور ڈسٹرکٹ ذمہ دار شعبہ رابطہ برائے شخصیات حاجی غلام یاسین عطاری بھی موجود تھے۔(رپورٹ : علی ریاض عطاری،تحصیل ذمہ دار سیکیورٹی ڈیپارٹمنٹ ، کانٹینٹ: رمضان رضا عطاری)

فیضانِ مدینہ فیصل آباد  میں نگرانِ پاکستان مشاورت حاجی محمد شاہد عطاری نے شعبہ ڈونیشن سیل کے ذمہ داران کا مد نی مشورہ فرمایا۔ معلومات کے مطابق اس مدنی مشورے میں فیصل آباد اور ساہیوال ڈویژنز کے مختلف سطح کے ذمہ داراسلامی بھائیوں نے شرکت کی ۔

اس موقع پر نگرانِ پاکستان مشاورت حاجی محمد شاہد عطاری نے سنتوں بھرا بیان کیا۔بیان کے بعد اسلامی بھائیوں کا مدنی مشورہ فرمایا جس میں شعبے کی کار کر دگی کا جائزہ لیا ۔

علاوہ ازیں نگرانِ پاکستان مشاورت نے ذمہ داران کی رہنمائی کرتے ہوئے انہیں قیمتی مدنی پھولوں سے نوازا نیز شعبان اور رمضان المبارک میں مختلف مقامات پر ڈونیشن سیل کے بستے لگانے کی ترغیب دلائی ۔مزیدفطرہ و زکو ٰۃ کی وصولی اور ڈونر کے ساتھ ڈیلنگ کے انداز کے بارے میں بتایا۔

آخر میں بہترین کارکردگی والے ذمہ داران کو انعامات دیئے اور دعا کروائی جبکہ ذمہ داران نے نگرانِ پاکستان مشاورت سے ملاقات بھی کی۔(رپورٹ : عبد الخالق عطاری، کانٹینٹ: رمضان رضا عطاری)

مسلمان کے ایمان اور عقائد و نظریات  کی حفاظت کرنے والی عاشقانِ رسول کی دینی تحریک دعوتِ اسلامی کی جانب سے 16 فروری 2023ء کو لاہور کے علاقے گڑھی شاہو میں سنتوں بھرا اجتماع منعقد ہوا جس میں مدرسۃ ُ المدینہ بوائز کے قاری صاحبان شریک ہوئے۔

مرکزی مجلسِ شوریٰ کے رکن حاجی یعفور رضا عطاری نے ’’ زوال کے اسباب ‘‘کے موضوع پر بیان کیا جس میں اسلامی بھائیوں کو ہفتہ وار سنتوں بھرے اجتماع میں باقاعدگی سے شرکت کرنے اور مدنی مذاکرہ سننے کا ذہن بھی دیا جس پر انہوں نے اچھے خیالات کا اظہار کیا۔واضح رہے کہ !اجتماع گاہ کے متصل قریبی مقام میں پردے کی حالت میں موجود اسلامی بہنوں نے بھی اس بیان میں شرکت کی۔)کانٹینٹ: رمضان رضا عطاری)

15 فروری  2023ء بروز بدھ دعوتِ اسلامی کے عالمی مدنی مرکز فیضانِ مدینہ کراچی میں شعبہ مدنی قافلہ کے سٹی و ڈسٹرکٹ ذمہ داران کا مدنی مشورہ ہوا۔

مدنی مشورے میں مرکزی مجلسِ شوریٰ کے رکن حاجی محمد امین عطاری نے شعبے کے دینی کاموں کی سابقہ کارکردگی کا جائزہ لیتے ہوئے کراچی سٹی مدنی قافلہ ذمہ داران کو شعبے کے دینی کاموں میں مزید اضافہ کرنے کے سلسلے میں مدنی پھول دیئے جس پر اسلامی بھائیوں نے عمل پیرا ہونے کی اچھی اچھی نیتیں کیں۔)کانٹینٹ: رمضان رضا عطاری)