اللہ پاک کی بہت ساری نعمتیں ہیں جن کو بندہ شمار ہی نہیں کرسکتا ،اس میں سے ایک بہت بڑی نعمت نماز بھی ہے ۔ اسی طرح جماعت کے ساتھ نماز پڑھنا بھی اللہ پاک کی عَظیْم نعمت ہے ،جس کا قراٰنِ پاک میں خود اللہ پاک نے تَذکِرہ کیا ہے۔ چنانچہ سورۃ البقرہ آیت نمبر 43 میں ارشاد فرماتا ہے: وَ ارْكَعُوْا مَعَ الرّٰكِعِیْنَ(۴۳) ترجمۂ کنز الایمان: اور رکوع کرنے والوں کے ساتھ رکوع کرو۔ (پ1،البقرۃ: 43) حضرت مفتی احمد یار خان نعیمی رحمۃُ اللہ علیہ فرماتے ہیں: اس ( یعنی اور رکوع کرنے والوں کے ساتھ رکوع کرو) کا مطلب یہ ہے کہ جماعت سے نماز پڑھا کرو، کیونکہ جماعت کی نما ز تنہا نماز پرستائیس درجے افضل ہے۔(تفسیر نعیمی، 1/292)

لیکن ! افسوس اس نعمت کی ہمیں قَدَر نہیں ہے ، اس نعمت کی اہمیت سے ہم نا واقف ہیں ،اگر ہم اس کے ثَوابَات کی طرف دیکھیں تو ثواب ہی ثواب اور فضائل ہی فضائل ہیں ، آئیے اس حوالے سے پانچ فرامینِ مصطفیٰ صلَّی اللہ علیہ واٰلہٖ وسلَّم پیشِ خدمت ہیں ۔

(1) حضرت سیِّدُنا ابو سعید خدرِی رضی اللہ عنہ بیان کرتے ہیں کہ اللہ پاک کے آخری رسول صلَّی اللہ علیہ واٰلہٖ وسلَّم کافرمانِ عالی شان ہے: جب بندہ باجماعت نماز پڑھے پھر اللہ پاک سے اپنی حاجت(یعنی ضرورت) کا سُوال کرے تو اللہ پاک اس بات سے حیا فرماتا ہے کہ بندہ حاجت پوری ہونے سے پہلے واپس لوٹ جائے۔ (فیضانِ نماز ،ص 141)

(2) حضرت عثمانِ غنی رضی اللہ عنہ کے غلام حضرت حمران رضی اللہ عنہ سے روایت ہے،حضور اقدس صلَّی اللہ علیہ واٰلہٖ وسلَّم نے ارشاد فرمایا: جس نے کامل وضو کیا، پھر فرض نماز کے لیے چلا اور امام کے ساتھ نماز پڑھی، اس کے گناہ بخش دئیے جائیں گے۔(صراط الجنان، 1/114)

(3) امیرالمؤمنین حضرتِ سیِّدُنا عمرفاروقِ اَعظم رضی اللہ عنہ فرماتے ہیں کہ میں نے دو جہاں کے سردار صلَّی اللہ علیہ واٰلہٖ وسلَّم کو فرماتے سنا کہ اللہ پاک باجماعت نماز پڑھنے والوں کو محبوب(یعنی پیارا) رکھتا ہے۔ (فیضانِ نماز، ص140)

(4)فرمانِ مصطفیٰ صلَّی اللہ علیہ واٰلہٖ وسلَّم: مرد کی نماز مسجد میں جماعت کے ساتھ، گھر میں اور بازار میں پڑھنے سے پچیس(25) دَرَجے زائد ہے۔(فیضانِ نماز، ص 141)

(5)حضرت ابوہریرہ رضی اللہ عنہ سے روایت ہے،حضور پر نور صلَّی اللہ علیہ واٰلہٖ وسلَّم نے ارشاد فرمایا: جو اچھی طرح وضو کرکے مسجد کو جائے اور لوگوں کو اس حالت میں پائے کہ وہ نماز پڑھ چکے ہیں تو اللہ پاک اسے بھی جماعت سے نمازپڑھنے والوں کی مثل ثواب دے گا اور اُن کے ثواب سے کچھ کم نہ ہوگا۔ (صراط الجنان،1 / 115)

بزرگانِ دین رحمہم اللہ علیہم کے نزدیک نمازِ باجماعت کی بڑی اہمیت تھی ۔ آئیے اس حوالے سے ایک حکایت پڑھتے ہیں ۔ چنانچہ حضرت عبداللہ بن عمر رضی اللہ عنہما فرماتے ہیں کہ حضرت عمر فاروق رضی اللہ عنہ اپنے ایک باغ کی طرف تشریف لے گئے، جب واپس ہوئے تو لوگ نمازِ عصر ادا کر چکے تھے ،یہ دیکھ کر آپ رضی اللہ عنہ نے اِنَّا لِلہِ وَ اِنَّاۤ اِلَیۡہِ رٰجِعُوۡنَ پڑھا اور ارشاد فرمایا : میری عصر کی جماعت فوت ہو گئی ہے، لہٰذا میں تمہیں گواہ بناتا ہوں کہ میرا باغ مساکین پر صدقہ ہے تاکہ یہ اس کام کا کفارہ ہو جائے۔(صراط الجنان، 1/ 115)

جماعت سے گر تو نمازیں پڑھے گا

خدا تیرا دامَن کرم سے بھرے گا

اللہ پاک سے دعا ہے کہ ہمیں بھی پانچوں نمازیں باجماعت ادا کرنے کی توفیق عطا کرے۔ اٰمین بجاہ النبی الامین صلَّی اللہ علیہ واٰلہٖ وسلَّم

نماز جماعت کے ساتھ ادا کرنا وہ عظیم الشان عبادت ہے جس کی تاکید احادیث کریمہ میں آئی ہے۔ ایک بار تاکید نہیں بلکہ کئی بار آئی ہے اور جماعت کے ساتھ نماز ادا نہ کرنے کی بنا پر وعیدیں ہیں۔ لیکن آج کل ہمارے مسلمان بھائیوں کو کیا ہو گیا ہے کہ نماز تو پڑھتےہیں اور جماعت کی پروا ہ نہیں كرتے۔ نماز پڑھنا ‎ فرض ہے یہ تو جانتے ہیں لیکن لا علمی کی وجہ سے جماد ت کو واجب نہیں جانتے۔ حالانکہ ہمارے علماء کرام نے بیان بھی کیا ہے اور بیان بھی کرتے ہیں کہ باجماعت نماز کی تاکید احادیث مبارکہ میں بہت سخت آئی ہے لیکن ہمارے مسلمان بھائی توجہ نہیں دیتے انہیں کیا ہو گیا ہے کہ اس طرف توجہ نہیں دیتے۔ یاد رکھو کل قیامت کے دن اس حوالے سے نہایت سخت گرفت ہو گا۔

الله پاک قراٰن مجید فرقان حمید میں ارشاد فرماتا ہے: وَ ارْكَعُوْا مَعَ الرّٰكِعِیْنَ(۴۳) ترجمۂ کنز الایمان: اور رکوع کرنے والوں کے ساتھ رکوع کرو۔ (پ1،البقرۃ: 43)

جماعت کے متعلق چند احادیث کریمہ ملاحظہ ہو:۔

میرے مصطفےٰ جان رحمت صلَّی اللہ علیہ واٰلہٖ وسلَّم کا فرمان عالیشان ہے: جس نے باجماعت عشا کی نماز پڑھی گویا آدھی رات قیام کیا۔ (فیضانِ نماز،ص154)

نبیوں کے سردار صلَّی اللہ علیہ واٰلہٖ وسلَّم کا ارشاد خوشبو دار ہے: جس نے کامل وضو کیا پھر نماز فرض کے لئے چلا اور امام کے ساتھ نماز پڑھی، اس کے گناہ بخش دیئے جائیں گے۔ (فیضانِ نماز،ص187)

الله کریم کے آخری نبی صلَّی اللہ علیہ واٰلہٖ وسلَّم کا فرمان عالی شان ہے: نماز کے معاملے میں سب سے زیادہ ثواب پانے والا وہ شخص ہے جو زیادہ دور سے نماز کیلئے چل کر آئے پھر اس کے بعد وہ شخص زیادہ ثواب پاتا ہے جو اس سے کم لیکن دوسروں سے زیادہ قدم چلے اور جو نماز کا انتظار کرتا رہتا ہے حتی کہ امام کے ساتھ نماز پڑھتا ہے اس کو اس شخص سے زیادہ اجر ملتا ہے جو نماز پڑھ کر سو جاتا ہے۔ (فیضانِ نماز،ص185)

حضرت سیدنا جابر بن عبداللہ بیان کرتے ہیں سرور کائنات صلَّی اللہ علیہ واٰلہٖ وسلَّم ہمارے پاس تشریف لائے اور ارشاد فرمایا: تم جب تک نماز کا انتظار کرتے رہو گے خیر یعنی بھلائی پر رہوگے۔ (فیضانِ نماز،ص188)

میرے میٹھے اور پیارے اسلامی بھائیوں ! جیسا کہ احادیث طیبہ سے معلوم ہوا کہ باجماعت نماز ادا کرنے کے اتنے سارے فضائل ہیں، تو ہمیں چاہئے کہ ہم با جماعت نماز ادا کریں۔

اللہ پاک سے دعا ہے کہ پر ور دگار عالم ہمیں ہمیشہ جماعت کے ساتھ پہلی صف میں تکبیر اولیٰ کے ساتھ نماز پڑھنے کی توفیق و رفیق عطا فرمائے۔ اٰمین

اے عاشقاں نماز اللہ پاک کے فضل وکرم سے ہمیں جو بے شمار انعامات عطا ہوئے ہیں الحمد لله ان میں سے نماز بھی ایک عظیم الشان انعام ہے۔ اسی طرح جماعت کے ساتھ نماز پڑھنے کی دولت بھی کوئی معمولی انعام نہیں اللہ پاک کی رحمت سے یہ بھی ہمارے لیے بے شمار نیکیاں حاصل کرنے کا ایک بہترین ذریعہ ہے۔ یاد رکھئے جماعت کے ساتھ نماز ادا کرنا ہر عاقل، بالغ آزاد اور قادر مسلمان پر واجب ہے بغیر کسی شرعی مجبوری کے ایک بار بھی جماعت کو ترک کرنے والا سخت گنہگار اور عذاب نار کا حقدار ہے اور کئی بار ترک کرنے والا فاسق ہے اور وہ گواہی کے قابل نہیں رہتا۔ خود ہمارے پیارے آقا صلَّی اللہ علیہ واٰلہٖ وسلَّم نمازوں کو جماعت کے ساتھ ادا کرنے کا بہت ہی زیادہ اہتمام کیا کرتے تھے اور بغیر مجبوری کے جماعت کو ترک نہ فرماتے تھے۔ میرے پیارے بھائیو ! آج وہ دور آگیا ہے کہ بے شمار نمازی بھی جماعت کو ترک کر دیتے ہیں اور اب عشق رسول کے دعوے بلند دعوے رہ گئے ہیں افسوس صحت کے باوجود لوگ چھوٹے چھوٹے کاموں کی وجہ سے جماعت تو جماعت فرض نمازیں تک چھوڑ دیتے ہیں۔ حالانکہ احادیثِ کریمہ میں جگہ جگہ اس کی تاکید آئی اور اس کے تارکین پر وہ وعید فرمائی ہے۔ باجماعت نماز پڑھنے کا جذبہ پانے کیلئے چند حدیثیں ذکر کی جاتی ہے کہ مسلمان اپنے نبی صلَّی اللہ علیہ واٰلہٖ وسلَّم کے ارشادات سنیں اور اس کی توفیق سے ان پر عمل کریں۔

(1) غیب داں نبی صلَّی اللہ علیہ واٰلہٖ وسلَّم نے ارشاد فرمایا : جس نے با جماعت عشاء کی نماز پڑھی گویا آدھی رات قیام کیا اور جس نے فجر کی نمازِ باجماعت پڑھی گویا پوری رات قیام کیا۔(مشکوٰۃ:ص 62 )

مفتی احمد یار خان رحمۃُ اللہِ علیہ اس حدیث پاک کے تحت لکھتے ہیں اس کے دو مطلب ہو سکتے ہیں ایک یہ کہ عشاء کی باجماعت نماز کا ثواب آدھی رات کی عبادت کے برابر ہے اور فجر کی باجماعت نماز کا ثواب باقی آدھی رات کی عبادت کے برابر ،تو جو یہ دونوں نمازیں جماعت سے پڑھ لے اسے ساری رات عبادت کا ثواب۔ دوسرے یہ کہ عشاء کی جماعت کا ثواب آدھی رات کے برابر ہے اور فجر کی جماعت کا ثواب ساری رات عبادت کے برابر، کیونکہ یہ ( فجر کی جماعت عشاء کی جماعت سے) نفس پر زیادہ بھاری ہے پہلے معنی زیادہ قوی ہے۔ جماعت سے مراد تکبیر اولیٰ پانا ہے جیسا کہ بعض علما نے فرمایا۔(مرآۃ المناجیح ،2/386)

(2) آخری نبی صلَّی اللہ علیہ واٰلہٖ وسلَّم نے فرمایا کہ جب نماز کی تکبیر ہو تو سوائے فرائض کے اور کوئی نماز نہیں۔ (مشکوة ،ص 196)یعنی تکبیر نماز کے بعد جماعت سے متصل دوسری نماز پڑھنا حرام ہے۔ لہٰذا فجر کی سنتیں اس حالت میں جماعت سے دور ہٹ کر پڑھ سکتا ہے جبکہ جماعت مل جانے کی امید ہو کیونکہ یہ سنتیں بہت اہم ہیں۔( مرآۃ المناجیح ،2/154)

(3) دونوں عالم کے مالک و مختار صلَّی اللہ علیہ واٰلہٖ وسلَّم نے فرمایا : جو مسجد جماعت میں چالیس راتیں نماز عشاء پڑھے کہ رکعت اولیٰ فوت نہ ہو اللہ پاک اس کے لئے دوزخ سے آزادی لکھ دیتا ہے ۔( بہار شریعت، 1/441)

(4) ساقی کوثر مالک جنت صلَّی اللہ علیہ واٰلہٖ وسلَّم نے ارشاد فرمایاکہ جس بستی یا جنگل میں تین آدمی ہوں اور ان میں نماز کی جماعت نہ کی جائے تو ان پر شیطان غالب آ جاتا ہے۔ تم پر جماعت لازم ہے بھیڑیا دور والے جانور ہی کو کھاتا ہے ۔( مشکوٰۃ:ص 96 )

(5) حضور اکرم صلَّی اللہ علیہ واٰلہٖ وسلَّم نے بعض نمازوں میں کچھ لوگوں کو غیر حاضر پایا تو ارشاد فرمایا: میں چاہتا ہوں کہ کسی شخص کو حکم دوں کہ وہ لوگوں کو نماز پڑھائے پھر میں ان لوگوں کی طرف جاؤں جو نماز (با جماعت) سے پیچھے رہ جاتے ہیں اور ان پر ان کے گھر جلا دوں ۔( احیاء العلوم ،1/ 462 )

اس سے چھوٹے بچے، عورتیں، معذور، بیمار علیحدہ ہیں۔ یہاں روئے سخن منافقین کی طرف ہے کیونکہ کوئی صحابی بلا وجہ جماعت اور مسجد کی حاضری نہیں چھوڑتے تھے لہذا روافض کا یہ کہنا کہ صحابہ فاسق یا تارک جماعت تھے غلط ہے۔ رب نے ان کے تقوی اور جنتی ہونے کی گواہی دی اگر یہاں صحابہ مراد ہوں تو حدیث قراٰن کے خلاف ہوگی ۔( مرآۃ المناجیح ،2/152)

مسلمانوں کی پیدائش کا واحد مقصد اللہ پاک کی عبادت و ریاضت ہے ۔لیکن اسلامی بھائیوں کی ایک بڑی تعداد اپنے دنیوی مشاغل و معمولات میں مصروف عمل ہیں اور بعض لوگ نماز پڑھتے ہیں لیکن ساتھ یہ ہے کہ وہ گھر یا دکان یا آفس یا اپنے کسی کا روباری جگہ میں تنہا نماز پڑھ لیتے ہیں اور باجماعت مسجد میں جاکر نماز نہیں پڑھتے اور اب یہ ان کا معمول بن چکا ہے اور بعض لوگ باجماعت نماز پڑھتے ہیں لیکن کبھی کبھی وہ کاروباری بہانہ بنا کر گھر یا دکان ہی میں ملا عذر تنہا نماز پڑھ لیتے ہیں۔ ایسے لوگ بھی بڑی غلطی پر ہیں اور سخت گنہگار ہیں ، جبکہ احادیث مبارکہ میں آیا ہے کہ باجماعت نماز اکیلے شخص کی نماز سے ستائیس درجے زیادہ فضیلت رکھتی ہے اور جماعت میں شریک نہ ہو کر گھر میں تنہا نماز پڑھنے والوں کے حوالے سے رسول کریم نے ارشاد فرمایا کہ میں ان کے گھروں کو جلادوں۔

پیارے پیارے اسلامی بھائیو! ہمیں باجماعت نماز مسجد میں ادا کرنا چاہیئے کیوں کہ باجماعت نماز پڑھنے کے فضائل احادیث کریمہ میں بے شمار مذکور ہیں۔ اب ہم چند احادیث مبارکہ ذکر کرنے کی سعادت حاصل کرتے ہیں:

(1) رسول اللہ صلَّی اللہ علیہ واٰلہٖ وسلَّم نے فرمایا: جو شخص اللہ پاک کی رضا کی خاطر چالیس روز تکبیر اولیٰ کے ساتھ باجماعت نماز پڑھتا ہے،اس کے لیے دو چیزوں۔ یعنی جہنم اور نفاق سے براءت لکھ دی جاتی ہے۔ (مشکوۃ المصابیح ،حدیث : 1144 )

(2) جس شخص نے نماز عشا با جماعت ادا کی تو گویا اس نے نصف شب کا قیام کیا اور جس نے نماز صبح باجماعت ادا کی تو گویا اس نے پوری رات کا قیام کیا۔ (مشکوۃ المصابیح، حدیث : 630)

(3) رسول اللہ صلَّی اللہ علیہ واٰلہٖ وسلَّم نے فرمایا : جو شخص اچھی طرح وضو کر کے نماز کے لیے جائے، لیکن وہ لوگوں کو پائے کہ وہ نماز پڑھ چکے ہوں، تو اللہ پاک اسے باجماعت نماز پڑھنے والوں کے مثل اجر عطا فرماتا ہے اور اس سے ان کے اجرمیں بھی کوئی کمی واقع نہیں ہوتی ہے۔ (مشکوۃ المصابیح، حدیث : 145)

(4) رسول اللہ صلَّی اللہ علیہ واٰلہٖ وسلَّم نے فرمایا : جو شخص اذان سن کر بلا عذر باجماعت نماز پڑھنے نہ آئے تو وہ جو اکیلا نماز پڑھتا ہے وہ قبول نہیں ہوتی صحابہ کرام نے عرض کیا۔ عذر کیا ہے ؟ آپ صلَّی اللہ علیہ واٰلہٖ وسلَّم نے ارشاد فرمایا : خوف یا مرض۔ (مشکوۃ المصابیح ،حدیث: 1068)

(5) رسول اللہ صلَّی اللہ علیہ واٰلہٖ وسلَّم نے فرمایا : جس بستی اور جنگل میں تین تین آدمی ہوں اور وہاں باجماعت نماز کا اہتمام نہ ہو تو پھر یہ سمجھ لیں کہ ان پر شیطان غالب آچکا ہے ۔ تم جماعت کے ساتھ لگے رہو۔ بھیڑیا الگ اور دو رہنے والی بکری کو کھا جاتا ہے۔ (مشکوۃ المصابیح، حدیث : 107 )

پیارے پیارے اسلامی بھائیو ! ان مذکورہ تمام احادیث کریمہ سے یہ بالکل واضح ہو جاتا ہے کہ باجماعت نماز پڑھنے کی بڑی فضیلت واہمیت ہے اور ترک نماز پر ثواب عظیم سے محرومی ہے۔ لہذا ہمیں جماعت کی پابندی کرنا چاہئے اور بلا عذر جماعت نہیں چھوڑنا چاہئے ۔ جب مسجد میں اذان ہو تو اسی وقت سے باجماعت نماز پڑھنے کی تیاری شروع کر دینا چاہئے۔ تاکہ پہلی صف میں تکبیرِ اولیٰ کے ساتھ باجماعت نماز مل سکے۔ اللہ پاک سے دعا ہے کہ ہمیں باجماعت نماز پڑھنے کی توفیق عطا فرمادے ۔ اٰمین بجاہ النبی الامین صلَّی اللہ علیہ واٰلہٖ وسلَّم 

اللہ پاک کا ہم پر احسان ہے کہ اس نے ہمیں اشرف المخلوقات بنایا اور کرم بالائے کرم یہ کہ ہمیں اپنے محبوب کی امت میں پیدا کیا اللہ پاک کا جتنا شکر ادا کیا جائے اتنا ہی کم ہے۔ اللہ پاک نے ہم پر بہت احسان کئے ہمیں کئی نعمتیں عطا فرمائی ان میں سے ہاتھ، کان، ناک، زبان وغیرہ اور ہم پر اپنی عبادت بھی فرض کی تاکہ ہمیں اپنا قرب عطا کریں ان میں سے بہت اہم عبادت نماز ہے۔ نماز ہمیں کئی سارے گناہوں سے بچاتی ہے جیسا کہ اللہ کریم قراٰنِ پاک پارہ 21 سورۃ العنکبوت کی آیت نمبر 45 میں ارشاد فرماتا ہے اِنَّ الصَّلٰوةَ تَنْهٰى عَنِ الْفَحْشَآءِ وَ الْمُنْكَرِؕ ترجمۂ کنزالایمان: بےشک نماز منع کرتی ہے بے حیائی اور بُری بات سے ۔(پ21، العنکبوت:45) اور باجماعت نماز پڑھنے کے تو کیا کہنے احادیث مبارکہ میں کئی مقامات پر باجماعت نماز پڑھنے کا حکم ہے اور کثیر فضائل بھی بیان ہوئے ہیں۔ آئیے 5 احادیث نبوی سنئے اور باجماعت نماز پڑھنے کی پکی نیت کر لیجئے۔

(حدیث : 1) طبرانی ابو امامہ رضی اللہ عنہ سے راوی، کہ حضور صلَّی اللہ علیہ واٰلہٖ وسلَّم فرماتے ہیں: اگر یہ نماز جماعت سے پیچھے رہ جانے والا جانتا کہ اس جانے والے کے ليے کیا ہے؟، تو گھسٹتا ہوا حاضر ہوتا۔ (المعجم الکبير،8/224، حديث: 7886)

(حدیث : 2) حضرت عثمانِ غنی رضی اللہ عنہ کے غلام حضرت حمران رضی اللہ عنہ سے روایت ہے،حضور اقدس صلَّی اللہ علیہ واٰلہٖ وسلَّم نے ارشاد فرمایا:جس نے کامل وضو کیا، پھر فرض نماز کے لیے چلا اور امام کے ساتھ نماز پڑھی، اس کے گناہ بخش دئیے جائیں گے۔ (شعب الایمان، باب العشرون من شعب الایمان وہو باب فی الطہارۃ، 3/9، حدیث: 2727)

(حدیث : 3) حضرت سیِّدُنا ابو سعید خدرِی رضی اللہ عنہ بیان کرتے ہیں کہ اللہ پاک کے آخری رسول صلَّی اللہ علیہ واٰلہٖ وسلَّم کافرمانِ عالی شان ہے: جب بندہ باجماعت نماز پڑھے پھر اللہ پاک سے اپنی حاجت(یعنی ضرورت) کا سُوال کرے تو اللہ پاک اس بات سے حیا فرماتا ہے کہ بندہ حاجت پوری ہونے سے پہلے واپس لوٹ جائے۔ (حلیۃ الاولیاء، 7/299،حدیث: 10591)

( حدیث : 4 ) صحابی ابنِ صحابی حضرتِ سیِّدُنا عبدُ اللہ بن عمر رضی اللہ عنہما سے رِوایت ہے ، تاجدارِ مدینہ صلَّی اللہ علیہ واٰلہٖ وسلَّم فرماتے ہیں: نمازِ باجماعت تنہا پڑھنے سے ستائیس(27) دَرجے بڑھ کرہے۔ (بخاری، 1/232،حدیث:645)

( حدیث : 5 ) سرکار مدینہ صلَّی اللہ علیہ واٰلہٖ وسلَّم نے حضرت عثمان بن مظعون(رضی اللہ عنہ ) سے فرمایا: جس نے فجر کی نماز با جماعت پڑھی، پھر بیٹھ کر اللہ پاک کا ذکر کرتا رہا یہاں تک کہ سورج نکل آیا اس کے لئے جنت الفردوس میں ستر (70 ) در جے ہوں گے ، ہر دو درجوں کے درمیان اتنا فاصلہ ہوگا جتنا ایک سدھایا ہوا(Trained) تیز رفتار عمدہ نسل کا گھوڑا ستر (70) سال میں طے کرتا ہے، اور جس نے ظہر کی نمازِ باجماعت پڑھی اس کے لئے جنات عدن میں پچاس (50) درجے ہوں گے ، ہر دو درجوں کے درمیان اتنا فاصلہ ہوگا جتنا ایک سدھایا ہوا ( یعنی Trained) تیز رفتار عمد نسل کا گھوڑا پچاس(50) سال میں طے کرتا ہے، اور جس نے عصر کی نمازِ باجماعت پڑھی اس کے لئے اولادِ اسماعیل میں سے ایسے آٹھ غلام آزاد کرنے کا ثواب ہوگا جو بیت اللہ کی دیکھ بھال کرنے والے ہوں ، اور جس نے مغرب کی نمازِ باجماعت پڑھی اس کے لئے حجِ مبرور اور مقبول عمرے کا ثواب ہوگا ، اور جس نے عشا کی نمازِ باجماعت پڑھی اس کے لیے لیلۃُ القدر میں قیام ( یعنی عبادت ) کرنے کے برابر ثواب ہوگا۔ (شعب الایمان، 7/ 137 حدیث : 9761)

پیارے پیارے اسلامی بھائیوں ! دیکھا آپ نے نمازِ باجماعت کی کتنی فضیلت ہے لیکن آج ہماری اکثریت اولاً تو نماز ہی نہیں پڑھی اور جو نماز پڑھتے بھی ہیں ان میں اسلامی بھائیوں کی ایک تعداد ہے جو گھروں میں نماز پڑھتی نظر آتی ہے ہم سب کو چاہئے کہ ہم سب ہر نمازِ باجماعت مسجد کی پہلی صف میں ادا کریں۔

اللہ پاک ہمیں پنچگانہ نمازِ باجماعت مسجد کی پہلی صف میں ادا کرنے کی توفیق عطا فرمائے۔ اٰمین

میں پانچوں نمازیں پڑھو باجماعت

ہو توفیق ایسی عطا یا الہی

تمام تعریفیں اللہ کے لئے جس نے ہمیں ایمان جیسی دولت عطا کیا! اللہ پاک رحمت سے ہمیں بےشمار انعامات ملی ہے اسی انعامات میں سے ایک انعام جو اللہ پاک نے ہمارے پیارے آقا صلَّی اللہ علیہ واٰلہٖ وسلَّم کو آپ کی امت کے لئے عنایت فرمایا ہے وہ نماز ہے اور اسی طرح نماز کی جماعت بھی ایک عظیم انعام ہے یہ ہمارے لئے ڈھیروں ثواب کمانے کا ذریعہ ہے چنانچہ اللہ پاک قراٰن مجید میں ارشاد فرماتا ہے : وَ ارْكَعُوْا مَعَ الرّٰكِعِیْنَ(۴۳) ترجمۂ کنز الایمان: اور رکوع کرنے والوں کے ساتھ رکوع کرو۔ (پ1،البقرۃ: 43)

مفتی احمد یار خان نعیمی رحمۃُ اللہِ علیہ فرماتے ہیں: اس سے مراد جماعت کے ساتھ نماز پڑھنے والوں کے ساتھ نماز پڑھو۔

چنانچہ اس کے فضیلت کے بارے میں کچھ احادیث پیشِ خدمت ہے:

(1) حضرتِ سیِّدُنا عبدُ اللہ بن عمر رضی اللہ عنہما سے رِوایت ہے ، تاجدارِ مدینہ صلَّی اللہ علیہ واٰلہٖ وسلَّم فرماتے ہیں: نمازِ باجماعت تنہا پڑھنے سے ستائیس(27) دَرجے بڑھ کرہے۔ (بخاری، 1/232،حدیث:645)

(2) حضرت ابو امامہ رضی اللہ عنہ سے راویت ہے، کہ حضور صلَّی اللہ علیہ واٰلہٖ وسلَّم فرماتے ہیں: اگر یہ نماز جماعت سے پیچھے رہ جانے والا جانتا کہ اس جانے والے کے ليے کیا ہے؟، تو گھسٹتا ہوا حاضر ہوتا۔ (المعجم الکبير،8/224، حديث: 7886)

(3) حضرت انس رضی اللہ عنہ سے روایت ہے کہ نبی کریم صلَّی اللہ علیہ واٰلہٖ وسلَّم نے ارشاد فرمایا کہ جو اللہ کے لئے چالیس دن باجماعت (نماز) پڑھے اور تکبیرِ اولی پائے ،اس کے لئے دو آزادیاں لکھ دی جائے گی ،ایک نار سے ،ایک نفاق سے ۔( جامع الترمذی ،1/273)

(4) امیرالمؤمنین حضرتِ سیِّدُنا عمرفاروقِ اَعظم رضی اللہ عنہ فرماتے ہیں کہ میں نے دو جہاں کے سردار صلَّی اللہ علیہ واٰلہٖ وسلَّم کو فرماتے سنا کہ اللہ پاک باجماعت نماز پڑھنے والوں کو محبوب(یعنی پیارا) رکھتا ہے۔ (مسند احمد بن حنبل، 2/309 ،حدیث:5112)

(5) رسول اللہ صلَّی اللہ علیہ واٰلہٖ وسلَّم نے حضرت عثمان بن مظعون رضی اللہ عنہ سے ارشاد فرمایا کہ: اےعثمان! جو شخص فجر کی نمازِ باجماعت ادا کرے پھر طلوعِ آفتاب تک اللہ پاک کا ذکر کرتا رہے اس کے لئے حج مبرور اور مقبول عمرہ کا ثواب ہے ۔(شعب الایمان،7/138)

جماعت کے دینی و دنیوی فائدے:۔

(1) شیطان سے محفوظ رہے گا۔ (2) اللہ پاک کی حفاظت میں رہے گا۔ (3) بروزِ قیامت عرش کا سایہ نصیب ہو گا۔ (4) آپس میں محبت بڑھے گی۔ ( فیضانِ نماز،ص139) (5) جماعت سے آپس کا اتفاق بڑھتا ہے۔ (6) اگر جماعت میں سے کسی ایک نماز قبول گئی تو سب کی نماز قبول ہو گئی۔ (7) جماعت سے لوگوں کو دینی پیشوا اور علماء صوفیا کا ادب سکھایا جاتا ہے۔ (اسرار الاحکام مع رسائلِ نعیمیہ ،ص 288)

خدا سب نمازیں پڑھوں با جماعت ،

کرم ہو پئے تاجدارِ رسالت

( وسائل بخشش)

اللہ پاک ہم مسلمانوں کو باجماعت ،صف اول میں ، تکبیرِ اولی اور پابندیِ وقت کے ساتھ نماز پڑھنے کی توفیق عطا فرمائے۔ اٰمین بجاہ النبی الامین صلَّی اللہ علیہ واٰلہٖ وسلَّم 

ایمان اور عقیدے کے صحیح ہونے کے بعد نمازیں باجماعت تمام فرائض میں سب سے اہم ہے۔ نبی کریم صلَّی اللہ علیہ واٰلہٖ وسلَّم نے احادیث میں اس کی فضیلت و فوائد بیان فرمائی ہے یہاں پانچ حدیثیں ذکر کی جاتی ہیں تاکہ مسلمان اپنے نبی کریم صلَّی اللہ علیہ واٰلہٖ وسلَّم کے ارشادات سنیں اور اس پر عمل کرنے کی کوشش کریں۔

(1) امیرالمؤمنین حضرتِ سیِّدُنا عمرفاروقِ اَعظم رضی اللہ عنہ فرماتے ہیں کہ میں نے دو جہاں کے سردار صلَّی اللہ علیہ واٰلہٖ وسلَّم کو فرماتے سنا کہ اللہ پاک باجماعت نماز پڑھنے والوں کو محبوب(یعنی پیارا) رکھتا ہے۔ (مسند احمد بن حنبل، 2/309 ،حدیث:5112)

(2) صحابی ابنِ صحابی حضرتِ سیِّدُنا عبدُ اللہ بن عمر رضی اللہ عنہما سے رِوایت ہے ، تاجدارِ مدینہ صلَّی اللہ علیہ واٰلہٖ وسلَّم فرماتے ہیں: نمازِ باجماعت تنہا پڑھنے سے ستائیس(27) دَرجے بڑھ کرہے۔ (بخاری، 1/232،حدیث:645)

(3) حضرت سیِّدُنا ابو سعید خدرِی رضی اللہ عنہ بیان کرتے ہیں کہ اللہ پاک کے آخری رسول صلَّی اللہ علیہ واٰلہٖ وسلَّم کافرمانِ عالی شان ہے: جب بندہ باجماعت نماز پڑھے پھر اللہ پاک سے اپنی حاجت(یعنی ضرورت) کا سُوال کرے تو اللہ پاک اس بات سے حیا فرماتا ہے کہ بندہ حاجت پوری ہونے سے پہلے واپس لوٹ جائے۔ ( فیضان نماز ،ص 141 )

اے عاشقان نماز ! آج بہت لوگوں کو شکایت ہوتی ہے کہ میری دعا قبول نہیں ہوتی ان کے لیے بہترین وظیفہ نبی کریم صلَّی اللہ علیہ واٰلہٖ وسلَّم نے عطا فرمایا کہ باجماعت نماز پڑھ کر دعا کریں انشاءاللہ قبول ہوگی۔

(4) حضرت عثمان غنی رضی اللہ عنہ سے روایت ہے نبی کریم صلَّی اللہ علیہ واٰلہٖ وسلَّم کا فرمان جس نے باجماعت عشاء کی نماز پڑھی گویا آدھی رات قیام کیا جس نے فجر کی نمازِ باجماعت پڑھی گو یا پوری رات قیام کیا۔(مسلم شریف 258 حدیث 1491 )حضرت مفتی احمد یار خان رحمۃُ اللہ علیہ اس کے تحت لکھتے ہیں کہ دو مطلب ہو سکتے ہیں ایک یہ کہ عشاء کی با جماعت نماز کا ثواب آدھی رات کے عبادت کے برابر ہے اور فجر کی باجماعت نماز کا ثواب باقی آدھی رات کے عبادت کے برابر ہے۔ تو جو یہ دونوں نمازیں جماعت سے پڑھ لے اسے ساری رات عبادت کا ثواب ملے گا۔ دوسرے یہ کہ عشاء کی جماعت کا ثواب آدھی رات کے برابر ہے اور فجر کی جماعت کا ثواب ساری رات عبادت کے برابر ہے کیونکہ یہ فجر کی نماز عشاء کی نماز سے زیادہ نفس پربھاری ہے پہلے معنی زیادہ قوی ہے۔ جماعت سے مراد تکبیر اولی پانا ہے جیسا کہ بعض علما نے ارشاد فرمایا ہے۔

پیارے پیارے اسلامی بھائیو ! سبحان اللہ اگر آپ پانچوں نمازیں باجماعت پڑھنے کی عادت بنائیں تو نہایت عظیم الشان اجر و ثواب کے حقدار بن سکتے ہیں اور زہے نصیب اس کے ساتھ ساتھ اگر دوسروں کو بھی نیکی کی دعوت دیکر اپنے ساتھ مسجد میں لے جایا کریں تو آپ کے اجرو ثواب میں اضافہ ہو جائے گا۔ فرمان مصطفی صلَّی اللہ علیہ واٰلہٖ وسلَّم ہے نیکی کی راہ دکھانے والا نیکی کرنے والے کی طرح ہے۔(فیضان نماز ص 154 / 155)

(5) سرکار مدینہ صلَّی اللہ علیہ واٰلہٖ وسلَّم نے فرمایا: جس نے ظہر کی نمازِ باجماعت پڑھی اس کے لیے اس جیسی پچیس (25) نمازوں کا ثواب اور جنت الفردوس میں 70درجات (Ranks) کی بلندی ہے۔ ( فیضان نماز، ص 153)

جماعت گرتو نماز نمازیں پڑھے گا

خدا تیرا دامن کرم سے بھرے گا

پیارے پیارے اسلامی بھائیوں : ہم سب کونمازِ باجماعت ادا کرنے کی کوشش کرنی چاہیے. کیونکہ نمازِ باجماعت ادا کرنے کے بہت سے فائدے ہیں: (1) اللہ اور اس کے رسول کے فرمان پر عمل (2) اللہ پاک باجماعت نماز پڑھنے والوں کو محبوب رکھتا ہے (3) اللہ پاک اور اس کے فرشتے باجماعت نماز پڑھنے والوں پر درود بھیجتے ہیں (4)آنے والے کو ہر قدم پر ثواب ملتا ہے (5)اللہ پاک کی خوشنودی کا ذریعہ ہے (6)بروز قیامت عرش کا سایہ ملے گ (7)جہنم، غفلت، منافقت سے نجات ہوگی (8)باجماعت نمازکی تکبیر اولیٰ پانا یہ سو اونٹنیاں پانے سے بہتر ہے۔ ان تمام فائدوں کو حاصل کرنے کے لیے ہم سب کو نمازِ باجماعت ادا کرنے کی کوشش کرنی چاہیے۔ اللہ پاک سب کو نمازِ باجماعت پڑھنے کی توفیق عطا فرمائے۔

خدا سب نمازیں پڑھو باجماعت

کرم ہو پئے تاجدار رسالت

نماز مسلمانوں پر مقررہ وقت میں فرض ہے ۔ اِس کے ساتھ اس کو جماعت سے پڑھنا نہایت ضروری ہے۔ جماعت سے نماز پڑھنے کی فضیلت اور اس کو ترک کرنے پر شدید وعیدیں وارد ہوئی ہیں۔ حضرت عبداللہ بن عمر رضی اللہ عنہما سے روایت ہے، نبی اکرم صلَّی اللہ علیہ واٰلہٖ وسلَّم نے ارشاد فرمایا: جماعت کے ساتھ نماز پڑھنا تنہا پڑھنے سے ستائیس درجہ زیادہ فضیلت رکھتا ہے۔(بخاری،کتاب الاذان، باب فضل صلاۃ الجماعۃ،1/232، حدیث: 645)

حضرت عثمانِ غنی رضی اللہ عنہ کے غلام حضرت حمران رضی اللہ عنہ سے روایت ہے، حضور اقدس صلَّی اللہ علیہ واٰلہٖ وسلَّم نے ارشاد فرمایا:جس نے کامل وضو کیا، پھر فرض نماز کے لیے چلا اور امام کے ساتھ نماز پڑھی، اس کے گناہ بخش دئیے جائیں گے۔ (شعب الایمان، باب العشرون من شعب الایمان وہو باب فی الطہارۃ، 3/9، حدیث: 2727)

امیرالمؤمنین حضرتِ سیِّدُنا عمرفاروقِ اَعظم رضی اللہ عنہ فرماتے ہیں کہ میں نے دو جہاں کے سردار صلَّی اللہ علیہ واٰلہٖ وسلَّم کو فرماتے سنا کہ اللہ پاک باجماعت نماز پڑھنے والوں کو محبوب(یعنی پیارا) رکھتا ہے۔ (مسند احمد بن حنبل، 2/309 ،حدیث:5112)

جماعت سے گر تو نمازیں پڑھے گا

‌ خدا تیرا دامن کرم سے بھرے گا

ہمارے اسلاف کی بھی جماعت سے کیسی محبت تھی سبحان اللہ

چنانچہ حضرت حاتم اَصم رحمۃُ اللہِ علیہ فرماتے ہیں :ایک مرتبہ میری با جماعت نماز فوت ہو گئی تو حضرت ابو اسحاق بخاری رحمۃُ اللہِ علیہ کے علاوہ کسی نے میری تعزیت نہ کی اور اگر میرا بچہ فوت ہو جاتا تودس ہزار ( 10,000) سے زیادہ افراد مجھ سے تعزیت کرتے کیونکہ لوگوں کے نزدیک دینی نقصان دنیوی نقصان سے کم تر ہے۔ ( احیاء علوم الدین۔۔ الخ، 1 / 203)

ہمارے اسلاف ایسے بھی گزرے ہیں جن کی حالت یہ تھی کہ اگر ان میں سے کسی کی تکبیر اولیٰ فوت ہو جاتی تو تین دن اور اگر جماعت چھوٹ جاتی تو سات دن تک غم مناتے اللہ اکبر۔(مکاشفۃالقلوب، ص 268)

اسی طرح تابعی بزرگ حضرت سیدنا عمر بن عبدالعزیز رحمۃ اللہ علیہ کی جب جماعت نکل جاتی تو اپنی داڑھی مبارک کو پکڑ کر رونے بیٹھ جاتے۔(ابن عساکر، ج21/203)

پیارے پیارے اسلامی بھائیوں ! پڑھا آپ نے۔؟ احادیث مبارکہ میں جماعت سے نماز پڑھنے کے فضائل اور ہمارے اسلاف کی جماعت سے کیسی محبت تھی۔ لیکن افسوس ہماری اکثریت اولاً تو نماز پڑھتی نہیں ہے اور جو پڑھتے ہیں ان میں سے جماعت کی پابندی کتنا کرتے ہیں ، کتنے ٹائم کی کرتے ہیں۔ وہ ہم میں سے ہر ایک اپنا اپنا جائزہ لے لے اور خدارا نیت فرما لیں با جماعت نماز پڑھنے کا اہتمام کریں گے۔ ان شاء اللہ

بھائی مسجد میں جماعت سے نمازیں پڑھ سدا

ہوں گے راضی مصطفیٰ ہو جائے گا راضی خدا

اے خالقِ کائنات ہم سب مسلمانوں کو باجماعت نماز پڑھنے کی توفیق مرحمت فرما۔اٰمین یارب العالمین

باجماعت نماز کی فضیلت بہت زیادہ ہے حتی کہ اگر دو آدمی بھی ہوں تو جماعت قائم کی جائے، ان میں ایک امام بنے اور دوسرا مقتدی۔ جیسا کہ حضرت ابوموسیٰ اشعری رضی اللہ عنہ سے مروی ہے کہ حضور نبی اکرم صلَّی اللہ علیہ واٰلہٖ وسلَّم نے ارشاد فرمایا:إِثْنَانِ فَمَا فَوْقَهُمَا جَمَاعَةٌ. (سنن ابن ماجہ، کتاب اِقامۃ الصلاة)

احکام فقہیہ: عاقِل، بالغ، حر، قادر پر جماعت واجب ہے، بلاعذر ایک بار بھی چھوڑنے والا گنہگار اور مستحق سزا ہے اور کئی بار ترک کرے، تو فاسق مردود الشہادۃ اور اس کو سخت سزا دی جائے گی، اگر پروسیوں نے سکوت کیا تو وہ بھی گنہگار ہوئے۔ (درمختار، ردالمحتار، غنیہ )

(1) بخاری و مسلم و مالک و ترمذی و نَسائی ابن عمر رضی اللہ عنہما سے راوی، کہ رسول اللہ صلَّی اللہ علیہ واٰلہٖ وسلَّم فرماتے ہیں :نماز جماعت، تنہا پڑھنے سے ستائیس درجہ بڑھ کر ہے۔

(2) امام احمد و طبرانی ابوامامہ رضی اللہ عنہ سے راوی، کہ حضور (صلَّی اللہ علیہ واٰلہٖ وسلَّم ) فرماتے ہیں : کہ اللہ اور اس کے فرشتے صفِ اوّل پر درود بھیجتے ہیں، لوگوں نے عرض کی اور دوسری صف پر، فرمایا: اللہ اور اس کے فرشتے صفِ اوّل پر درود بھیجتے ہیں، لوگوں نے عرض کی اور دوسری پر، فرمایا: اور دوسری پر اور فرمایا: صفوں کو برابر کرو اور مونڈھوں کو مقابل کرو اور اپنے بھائیوں کے ہاتھوں میں نرم ہو جاؤ اور کشادگیوں کو بند کرو کہ شیطان بھیڑ کے بچے کی طرح تمہارے درمیان داخل ہو جاتا ہے۔

(3) مسلم و ابو داود و نَسائی و ابن ماجہ جابر بن سمرہ رضی اللہ عنہ سے راوی، کہ حضور (صلَّی اللہ علیہ واٰلہٖ وسلَّم ) فرماتے ہیں : کیوں نہیں اس طرح صف باندھتے ہو جیسے ملائکہ اپنے ربّ کے حضور باندھتے ہیں ، عرض کی، یا رسول اللہ (صلَّی اللہ علیہ واٰلہٖ وسلَّم ) کس طرح ملائکہ اپنے ربّ کے حضور صف باندھتے ہیں ؟ فرمایا: اگلی صفیں پوری کرتے ہیں اور صف میں مِل کر کھڑے ہوتے ہیں ۔

( 4 ) بُخاری کے علاوہ دیگر صحاح ستّہ میں مروی، نعمان بن بشیر رضی اللہ عنہما کہتے ہیں : کہ رسول اللہ صلَّی اللہ علیہ واٰلہٖ وسلَّم ہماری صفیں تیر کی طرح سیدھی کرتے یہاں تک کہ خیال فرمایا کہ اب ہم سمجھ لیے، پھر ایک دن تشریف لائے اور کھڑئے ہوئے اور قریب تھا کہ تکبیر کہیں کہ ایک شخص کا سینہ صف سے نکلا دیکھا، فرمایا: اے اللہ کے بندو! صفیں برابر کرو یا تمہارے اندر اللہ پاک اختلاف ڈال دے گا۔بخاری نے بھی اس حدیث کے جزا خیر کو روایت کیا۔

(5) طبرانی ابو امامہ رضی اللہ عنہ سے راوی، کہ حضور صلَّی اللہ علیہ واٰلہٖ وسلَّم فرماتے ہیں: اگر یہ نماز جماعت سے پیچھے رہ جانے والا جانتا کہ اس جانے والے کے ليے کیا ہے؟، تو گھسٹتا ہوا حاضر ہوتا۔ (المعجم الکبير،8/224، حديث: 7886)

اللہ کریم اپنے پیارے نبی صلَّی اللہ علیہ واٰلہٖ وسلَّم کے صدقے ہمیں نمازِ باجماعت ادا کرنے کی توفیق عطا فرمائے۔

نماز اللہ پاک کی ایک بہت بڑی نعمت ہے اور اس عظیم الشان نعمت کو اسی نے اپنے پیارے حبیب صلَّی اللہ علیہ واٰلہٖ وسلَّم کو بطورِ تحفہ عطا فرمایا۔ آپ صلَّی اللہ علیہ واٰلہٖ وسلَّم ہمیشہ باجماعت نماز ادا فرماتے اور اس کی ترغیب بھی دلاتے تھے ۔ باجماعت نماز پڑھنے میں بہت ساری حکمتیں ہیں: ان میں سے ایک حکمت یہ ہے کہ با جماعت نماز ہی کے سبب ہمیں اپنے مسلمان بھائیوں سے ملاقات کا شرف حاصل ہوتا ہے وغیرہ ۔

باجماعت نماز کے متعلق بہت ساری قراٰنی آیات بھی نازل ہوئیں ہیں جس میں اللہ پاک نے ایمان والوں کو جماعت نماز قائم کرنے کا حکم ارشاد فرمایا ہے : چنانچہ اللہ پاک قراٰنِ کریم میں ارشاد فرماتا ہے: وَ ارْكَعُوْا مَعَ الرّٰكِعِیْنَ(۴۳) ترجمۂ کنز الایمان: اور رکوع کرنے والوں کے ساتھ رکوع کرو۔ (پ1،البقرۃ: 43)

اور دوسری جگہ باجماعت نماز میں صف باندھنے والوں کی قسم کھاتے ہوئے ارشاد فرماتا : وَ الصّٰٓفّٰتِ صَفًّاۙ(۱) ترجمہ کنزالایمان: قسم ان کی کہ باقاعدہ صف باندھیں ۔ (پ23، الصّٰٓفّٰت : 1)

اسی طرح باجماعت نماز قائم کرنے والوں کے متعلق کثیر احادیث مبارکہ وارد ہوئیں ہیں۔ جن میں سے چند احادیث مبارکہ درج ذیل ہیں :

(1) عن عبداللہ بن عمر رضی اللہ عنہما ان رسول اللہ صلى اللہ علیہ وسلم قال صلاة الجماعة تفضل صلاة الفذ بسبع و عشرين درجة. متفق عليه و في رواية: بخمس و عشرين درجة ترجمہ حضرت عبداللہ بن عمر رضی اللہ عنہماسے روایت ہے، نبی اکرم صلَّی اللہ علیہ واٰلہٖ وسلَّم نے ارشاد فرمایا: جماعت کے ساتھ نماز پڑھنا تنہا پڑھنے سے ستائیس درجہ زیادہ فضیلت رکھتا ہے۔(بخاری،کتاب الاذان، باب فضل صلاۃ الجماعۃ،1/232، حدیث: 645)

(2) عمر بن الخطاب رضی اللہ عنہ عن النبي صلى اللہ عليه وسلم انه كان يقول: من صلى في مسجد جماعة اربعين ليله لا تفوته الركعة الاولى من صلاة العشاء كتب اللہ له بها عتقا من النار ترجمہ حضرت عمر بن خطاب رضی اللہ عنہ کا بیان ہے کہ رسول اللہ صلَّی اللہ علیہ واٰلہٖ وسلَّم نے ارشاد فرماتے تھے جو شخص مسجد میں جماعت سے چالیس روز تک نماز پڑھے کہ اس کی عشاء کی پہلی رکعت بھی فوت نہ ہو تو اللہ پاک اس کے لئے دوزخ سے نجات لکھ دیتا ہے ۔ (النجاۃ فی اقامۃ الصلاة،ص 63)

(3) عن عبد اللہ بن عمر رضی اللہ عنہما قال: رسول اللہ صلى اللہ عليه وسلم يقول: ان اللہ ليعجب من الصلاه في الجميع ترجمہ حضرت عبداللہ بن عمر رضی اللہ عنہما کا بیان ہے کہ میں نے رسول اکرم صلَّی اللہ علیہ واٰلہٖ وسلَّم کو فرماتے ہوئے سنا کہ اللہ پاک نمازِ باجماعت کو بہت زیادہ پسند فرماتا ہے ۔ (النجاۃ فی اقامۃ الصلاة،ص 64)

(4) عن عبد اللہ بن عمر رضی اللہ عنہما ان رسول اللہ صلى اللہ عليه وسلم قال : من وصل صفا وصله اللہ ،ومن قطع صفا قطعه اللہ .ترجمہ حضرت عبداللہ بن عمر رضی اللہ عنہما سے روایت ہے کہ رسول اللہ صلَّی اللہ علیہ واٰلہٖ وسلَّم نے فرمایا : جوصف کو ملاتا ہے اللہ پاک اسے ملاتا ہے اور جو صف توڑتا ہے اللہ پاک اسے توڑ دیتا ہے ۔ (النجاۃ فی اقامۃ الصلاة،ص 65)

(5) عن عاىٔشه رضی اللہ عنہا عن رسول اللہ صلى اللہ عليه وسلم قال: ان اللہ وملائكته يصلّون على الذين يصلون الصفوف ومن سد فرجة رفعه اللہ بها درجة ترجمہ حضرت عائشہ رضی اللہ عنہا سے روایت ہے کہ رسول اللہ صلَّی اللہ علیہ واٰلہٖ وسلَّم نے فرمایا: اللہ تعالی صفوں کو ملانے والوں پر رحمت نازل فرماتا ہے اور اس کے فرشتے ان لوگوں کے لیے رحمت کی دعا کرتے ہیں ۔اور جو شخص صف کا خلا پُر کرتا ہے اللہ پاک اس کے بدلے میں اس کا درجہ بلند فرما دیتا ہے ۔ (النجاۃ فی اقامۃ الصلاة،ص 67)

پیارے پیارے اسلامی بھائیو ابھی ابھی ہم نے نمازِ باجماعت کے متعلق احادیث مبارکہ ذکر کی جس میں جماعت سے نماز پڑھنے والوں کے لئے بہت ساری فضیلتیں بیان کی گئیں ہیں ۔ مگر افسوس صد کروڑ افسوس! آج کل مسلمانوں کی ایک تعداد ہے جسے جماعت کی بالکل بھی پرواہ نہیں ہے ، بغیر کسی عذر کے جماعت کو ترک کرکے گھر ، دفتر ، دوکان وغیرہ میں نماز پڑھ لیتے ہیں ۔ یاد رہے جان بوجھ کر بلا عذر شرعی جماعت کو ترک کرنے والے کو حدیث پاک میں فاسق کہا گیا ہے ۔ لہذا ہمیں چاہیے کہ بغیر کسی عذر شرعی کے جماعت کو ترک نہ کریں اور دوسروں کو بھی باجماعت نماز پڑھنے کی ترغیب دلائیں ۔

حدیث پاک میں ہے : ان الدال على الخير کفاعله . یعنی بے شک نیکی کی راہ دکھانے والا نیکی کرنے والے کی طرح ہے ۔ (ترمذی، 4 / 305 ،حدیث: 2679)

یا اللہ پاک ہم تمام مسلمان بھائیوں کو پانچوں نمازیں باجماعت تکبیراولیٰ کے ساتھ ادا کرنے کی توفیق عطا فرما ۔ اٰمین بجاہ نبی الامین صلَّی اللہ علیہ واٰلہٖ وسلَّم

میں پانچوں نمازیں پڑھوں باجماعت

ہو توفیق ایسی عطا یا الہی

پیارے پیارے بھائیو! قراٰن و حدیث میں باجماعت نماز پڑھنے کے بے شمار فضائل و برکات بیان کیے گئے ہیں اللہ پاک نے ہمیں بے شمار انعامات عنایت فرمائے ہیں ان میں سے ایک عظیم الشان انعام باجماعت نماز پڑھنا بھی ہے جماعت کے ساتھ نماز پڑھنا کوئی معمولی انعام نہیں ہے اس کے ذریعہ ہمیں بے شمار نیکیاں حاصل ہوتی ہیں۔ باجماعت نماز پڑھنے کے متعلق پانچ حدیث رسول صلَّی اللہ علیہ واٰلہٖ وسلَّم سنتے ہیں:۔

باجماعت نماز پڑھنے کا حکم: عاقل،بالغ، آزاد اور قادر پر جماعت واجب ہے بلا عذر ایک بار چھوڑنے والا گنہگار اور مستحق سزا ہے اور کئی بار ترک کرے تو فاسق مردودالشہادۃ ۔(الدرالمختار و ردالمحتار،کتاب الصلاۃ ، باب الامامۃ، مطلب شروط الامامۃ الکبری ،2/340 )

حدیث (1) حضرت عبداللہ بن عمر رضی اللہ عنہماسے روایت ہے،نبی اکرم صلَّی اللہ علیہ واٰلہٖ وسلَّم نے ارشاد فرمایا:جماعت کے ساتھ نماز پڑھنا تنہا پڑھنے سے ستائیس درجہ زیادہ فضیلت رکھتا ہے۔(بخاری،کتاب الاذان، باب فضل صلاۃ الجماعۃ،1/232، حدیث: 645)

حدیث (2)امیر المؤمنین حضرت سیدنا عمر فاروق اعظم رضی اللہ عنہ فرماتے ہیں کہ میں نے دو جہاں کے سردار صلَّی اللہ علیہ واٰلہٖ وسلَّم کو فرماتے سنا کہ اللہ پاک باجماعت نماز پڑھنے والوں کو محبوب (یعنی پیارا) رکھتا ہے ۔(مسند احمد بن حنبل، 2/309،حدیث:5112)

حدیث(3) حضرت سیِّدُنا اَنس رضی اللہ عنہ سے رِوایت ہے کہ تاجدارِ مدینہ صلَّی اللہ علیہ واٰلہٖ وسلَّم ارشاد فرماتے ہیں : جو کوئی اللہ پاک کے لیے چالیس دن ’’تکبیر اُولیٰ‘‘ کے ساتھ باجماعت نماز پڑھے اُس کے لیے دو آزادیاں لکھی جائیں گی، ایک نار سے دوسری نفاق سے ۔ (ترمذی،1/274، حديث: 241)حضرت مفتی احمد یار خان رحمۃ اللہ علیہ اس حدیث پاک کے تحت لکھتے ہیں یعنی اس عمل کی برکت سے یہ شخص دنیا میں منافقین کے اعمال سے محفوظ رہے گا ، اسے اخلاص نصیب ہوگا، قبر و آخرت میں عذاب سے نجات پائے گا۔(مراۃ المناجیح، 2/211)

حدیث(4)حضرت سیدنا ابو ہریرہ رضی اللہ عنہ سے مروی ہے کہ حضور صلَّی اللہ علیہ واٰلہٖ وسلَّم نے بعض نمازوں میں کچھ لوگوں کو غیر حاضر پایا تو ارشاد فرمایا :میں چاہتا ہوں کسی شخص کو حکم دوں کہ وہ لوگوں کو نماز پڑھائے پھر میں ان لوگوں کی طرف جاؤں جو نماز (باجماعت) سے پیچھے رہ جاتے ہیں اور ان پر ان کے گھر جلادوں۔(صحیح مسلم )

حدیث (5)ہمارے آقا صلَّی اللہ علیہ واٰلہٖ وسلَّم کا فرمان عبرت نشان ہے : جس کو یہ پسند ہو کہ کل اللہ پاک سے مسلمان ہو کر ملے تو وہ ان پانچ نمازوں (کی جماعت) پر وہاں پابندی کرے جہاں اذان دی جاتی ہے کیوں کہ اللہ پاک نے تمہارے نبی کریم صلَّی اللہ علیہ واٰلہٖ وسلَّم کے لئے سنن ھدی مشروع کیں اور یہ (با جماعت)نمازیں بھی سنن ھدی سے ہیں اور تم اپنے نبی کی سنت چھوڑ دوگے تو گمراہ ہوجاؤ گے۔(مسلم شریف، جلد 1)

پیارے بھائیو! اگر ہم سب پانچوں نمازیں باجماعت پڑھنے کی عادت بنائیں تو نہایت عظیم الشان اجروثواب حاصل کرنے میں کامیاب ہو سکتے ہیں۔ ہمارے اسلاف جماعت کے ساتھ نماز پڑھنے بہت اہمیت دیتے تھے اگر کسی کی جماعت فوت ہو جاتی تو اس کا سات دن تک غم مناتے تھے۔

میرے شیخ حضرت الیاس قادری صاحب مدظلہ العالی نے ہم سب کو ایک عظیم تحفہ دیا ہے نیک اعمال کا رسالہ۔ اس بھی باجماعت تکبیر اولیٰ کے ساتھ نماز پڑھنے کی ترغیب دی ہے ہمیں چاہیے کہ ہم سب اعمال کے رسالہ پر بھی عمل کریں ۔اللہ پاک ہم سب کو باجماعت نماز ادا کرنے کی توفیق عطا فرمائے ۔اٰمین

اللہ پاک کا ہمارے اوپر یہ احسان ہے کہ اس نے ہمیں مسلمان بنایا اور اپنے پیارے حبیب صلَّی اللہ علیہ واٰلہٖ وسلَّم کو معراج کے ذریعے ہمارے ایک خاص تحفہ بھیجا جو کہ نماز ہے۔ نماز ہر مسلمان عاقل بالغ پر فرض اور نمازوں کو جماعت کے پڑھنے کی بڑی فضیلتیں ہیں اور ہمارے پیارے نبی صلَّی اللہ علیہ واٰلہٖ وسلَّم بھی جماعت کا خوب احتمام فرمایا کرتے تھے چنانچہ،

اُمُّ المؤمنین حضرتِ سیِّدَتنا عائشہ صدیقہ رضی اللہ عنہا بیان کرتی ہیں : جب سرکارِ مدینہ صلَّی اللہ علیہ واٰلہٖ وسلَّم کی بارگاہِ عالی میں سخت بیماری حاضر خدمت تھی، حضرتِ بلال رضی اللہ عنہ آپ صلَّی اللہ علیہ واٰلہٖ وسلَّم کو نماز کی اطلاع دینے کے لیے حاضر ہوئے تو ارشاد فرمایا:ابوبکر سے کہو کہ لوگوں کو نماز پڑھائیں ۔ پھر جب حضرتِ سیِّدُنا ابوبکر صدیق رضی اللہ عنہ نماز پڑھا نے میں مشغول تھے اِس دَوران آپ صلَّی اللہ علیہ واٰلہٖ وسلَّم نے اپنی مبارک طبیعت میں کچھ بہتری محسوس فرمائی تو اٹھ کر دو شخصوں کو سہارا دینے کی سعادت عنایت فرما کر مسجد کی جانب اِس طرح تشریف لے چلے کہ آپ صلَّی اللہ علیہ واٰلہٖ وسلَّم کے مبارک قدم زمین پر لگ رہے تھے ، حضرتِ سیِّدُنا ابوبکر صدّیق نے آپ صلَّی اللہ علیہ واٰلہٖ وسلَّم کی آہٹ(یعنی مبارک قدموں کی آواز) محسوس کی تو پیچھے ہٹنے لگے، آپ صلَّی اللہ علیہ واٰلہٖ وسلَّم نے انہیں اشارہ کیا(کہ پیچھے نہ ہٹو) پھر آپ صلَّی اللہ علیہ واٰلہٖ وسلَّم حضرتِ سیِّدُنا ابوبکر صدّیق کی بائیں (Left) جانب بیٹھ گئے، حضرتِ سیِّدُنا ابوبکر صدّیق کھڑے ہو کر اور آپ صلَّی اللہ علیہ واٰلہٖ وسلَّم بیٹھ کر نماز پڑھ رہے تھے، حضرتِ سیِّدُنا ابوبکر صدیق آپ صلَّی اللہ علیہ واٰلہٖ وسلَّم کی اقتدا میں (یعنی پیچھے نماز ادا) کر رہے تھے اور لوگ حضرتِ سیِّدُنا ابوبکر صدیق کی (اِقتدا کر رہے تھے)۔(بخاری، 1/254، حدیث:713 ملخّصاً)

تو دیکھا آپ نے کہ حضور صلَّی اللہ علیہ واٰلہٖ وسلَّم کس طرح نمازوں کو جماعت کے ساتھ پڑھنے کا احتمام فرمایا کرتے تھے اور نماز کو جماعت کے ساتھ پڑھنے کے کئی فضائل احادیث مبارکہ میں وارد ہوئے ہیں چنانچہ

امیرالمؤمنین حضرتِ سیِّدُنا عمرفاروقِ اَعظم رضی اللہ عنہ فرماتے ہیں کہ میں نے دو جہاں کے سردار صلَّی اللہ علیہ واٰلہٖ وسلَّم کو فرماتے سنا کہ اللہ پاک باجماعت نماز پڑھنے والوں کو محبوب(یعنی پیارا) رکھتا ہے۔ (مسند احمد بن حنبل، 2/309 ،حدیث:5112)

فرمان مصطفے صلَّی اللہ علیہ واٰلہٖ وسلَّم : مرد کی نماز مسجد میں جماعت کے ساتھ، گھر میں اور بازار میں پڑھنے سے پچیس(25) دَرَجے زائد ہے۔ (بخاری، 1/233،حدیث: 647)

صحابی ابنِ صحابی حضرتِ سیِّدُنا عبدُ اللہ بن عمر رضی اللہ عنہما سے رِوایت ہے ، تاجدارِ مدینہ صلَّی اللہ علیہ واٰلہٖ وسلَّم فرماتے ہیں: نمازِ باجماعت تنہا پڑھنے سے ستائیس(27) دَرجے بڑھ کرہے۔ (بخاری، 1/232،حدیث:645)

ابوہریرہ (رضی اللہ عنہ) روایت کرتے ہیں کہ رسول اللہ صلَّی اللہ علیہ واٰلہٖ وسلَّم نے فرمایا کہ جو شخص نماز کی ایک رکعت پالے تو اس نے پوری نماز پالی۔ (بخاری، ج1، حدیث 580)

ابوسعید روایت کرتے ہیں کہ انہوں نے رسول اللہ صلَّی اللہ علیہ واٰلہٖ وسلَّم کو فرماتے ہوئے سنا کہ جماعت کی نماز اکیلے کی نماز سے پچیس درجے زیادہ فضیلت رکھتی ہے۔( بخاری، ج1، حدیث 646)

ہمیں بھی چاہیے کہ ہم بھی نمازوں کو جماعت کے ساتھ پڑھنے کا معمول بنائیں اللہ پاک ہم سب کو جماعت کے ساتھ نمازیں ادا کرنے کی توفیق عطا فرمائے۔ اٰمین

جماعت سے گر تو نمازیں پڑھے گا

خدا تیرا دامن کرم سے بھرے گا