ملتان، پنجاب کے علاقے پیپلز کالونی،  موسیٰ پاک ٹاؤن میں واقع جامع مسجد انوار مدینہ میں شعبہ کفن دفن دعوتِ اسلامی کے تحت 30 اکتوبر 2026ء کو ”نمازِ جنازہ کورس“ کا انعقاد کیا گیا جس میں مقامی اسلامی بھائیوں کے ساتھ ساتھ جامع مسجد کے امام و خطیب قاری محمد اکمل صاحب نے بھی شرکت کی۔

ذرائع سے ملنے والی معلومات کے مطابق کورس کے دوران حاضرین کی رہنمائی کرتے ہوئے شعبہ کفن دفن کے نگران محمد صابر علی عطاری نے نمازِ جنازہ کے موضوع پر گفتگو کی۔

نگرانِ شعبہ نے نمازِ جنازہ پڑھنے کے درست طریقے، اس کے فرائض، سنتِ مؤکدہ، تکبیرات کی تعداد اور سلام پھیرنے کے شرعی و مسنون طریقے پر تفصیلی کلام کیا۔

علاوہ ازیں عملی طور پر (پریکٹیکل) طریقہ سکھایا گیا اور عوام الناس میں نمازِ جنازہ کے حوالے سے پائی جانے والی عام غلطیوں کی نشاندہی اور اصلاح کی گئی۔کورس کے اختتام پر نگرانِ شعبہ نے دعا کروائی۔(رپورٹ: محمد وسیم عطاری شعبہ کفن دفن ملتان سٹی ، کانٹینٹ:غیاث الدین عطاری)

ملتان سٹی میں واقع جامع مسجد غوثیہ، پل براراں میں شعبہ کفن دفن دعوتِ اسلامی کے تحت 19 اکتوبر 2026ء کو میت کے غسل و کفن کورس کا انعقاد کیا گیا جس میں قرب و جوار سے آئے ہوئے مختلف شعبہ ہائے زندگی سے تعلق رکھنے والے اسلامی بھائیوں نے شرکت کی۔

اس کورس میں خصوصی طور پر شعبہ کفن دفن کے یوسی و ٹاؤن سطح کے ذمہ داران، ٹاؤن نگران اور بنگلہ دیش سے آئے ہوئے اسلامی بھائیوں سمیت دیگر عاشقانِ رسول بھی موجود تھے۔

اس موقع پر شعبہ کفن دفن ملتان سٹی کے ذمہ دار مولانا محمد وسیم عطاری مدنی نے شرکا کی تربیت کی اور میت کے غسل و کفن سے متعلق اہم شرعی مسائل بیان کیے۔

کورس کے دوران شرکا کو درج ذیل امور کے بارے میں رہنمائی فراہم کی گئی:

31 اکتوبر 2026ء کو جامعۃ المدینہ اشاعت الاسلام ملتان میں شعبہ کفن دفن دعوتِ اسلامی کے زیرِ اہتمام امامت کورس کے طلبۂ کرام کے درمیان ’’میت کے غسل و کفن کا عملی طریقہ‘‘ کے عنوان سے ایک کورس کا انعقاد کیا گیا جس میں امامت کورس کے اساتذۂ کرام نے بھی شرکت کی۔

اس موقع پر شعبہ کفن دفن ملتان سٹی کے ذمہ دار نے شرکائے کورس کو میت کے غسل و کفن کے شرعی اور عملی طریقے کی تربیت فراہم کی جس میں درج ذیل اہم موضوعات بیان کیے گئے:

٭غسلِ میت کے مراحل اور ان کی ترتیب٭میت کو غسل دینے کا درست طریقہ٭غسلِ میت میں مستعمل پانی کا شرعی حکم٭غسلِ میت کا شرعی حکم٭کفن کاٹنے اور میت کو کفنانے کا طریقہ٭عوام الناس میں پائی جانے والی عام غلطیوں کی نشان دہی اور ان کی اصلاح۔

کورس کے دوران شرکا کو عملی طور پر میت کے غسل و کفن کا طریقہ سکھایا گیا اور پریکٹیکل کروایا گیا تاکہ وہ اس اہم دینی خدمت کو درست انداز میں انجام دے سکیں۔

کورس میں سوال و جواب کا خصوصی سیشن بھی منعقد ہوا جس میں شعبہ ذمہ دار نے شرکا کے سوالات کے جوابات دیے۔ بعد ازاں طلبۂ کرام سے ٹیسٹ لیا گیا جس میں انہوں نے نمایاں کارکردگی کا مظاہرہ کیا۔

شعبہ کفن دفن دعوتِ اسلامی کے تحت 31 اکتوبر 2026ء کو ملتان سٹی کے موسیٰ پاک ٹاؤن میں واقع ممتاز آباد مارکیٹ کے قادری کلاتھ ہاؤس پر ”تدفین کورس“ کا انعقاد کیا گیا جس میں دکان کے مالک اور ورکرز کے ساتھ دیگر تاجر حضرات سمیت شعبہ کفن دفن کے ٹاؤن و یوسی ذمہ داران نے شرکت کی۔

کورس کے دوران شعبہ کفن دفن کے ڈویژن ذمہ دار اسلامی بھائی نے شرکا کی تربیت کی اور درج ذیل اہم موضوعات پر روشنی ڈالی:

٭تدفین کا شرعی حکم٭قبر پر مٹی ڈالنے کا شرعی حکم اور اس کا مسنون طریقہ٭قبر کی اقسام اور قبر بنانے کا طریقہ٭قبرستان میں حاضری کے آداب اور طریقہ٭عوام الناس میں پائی جانے والی عام غلطیوں کی نشان دہی اور ان کی اصلاح۔

کورس کے دوران شرکا کی جانب سے پوچھے گئے سوالات کے جوابات فراہم کیے گئے ۔کورس کے اختتام پر شعبہ کفن دفن ملتان سٹی کے ذمہ دار نے دعا کروائی۔(رپورٹ: شعبہ کفن دفن ، کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے شعبہ جامعۃ المدینہ بوائز کے تحت 31 اکتوبر 2026ء کو عالمی مدنی مرکز فیضانِ مدینہ کراچی میں ایک عظیم الشان سنتوں بھرے اجتماع کا انعقاد کیا گیا۔

اس روح پرور اجتماع میں جامعۃ المدینہ بوائز کے طلبۂ کرام، اساتذہ ٔکرام اور اسٹاف ممبران کی کثیر تعداد نے شرکت کی جبکہ شعبے کے اہم ذمہ داران بھی موقع پر موجود تھے۔

اجتماع کے دوران نگرانِ مرکزی مجلسِ شوریٰ مولانا حاجی محمد عمران عطاری سلمہ الباری نے سنتوں بھرا بیان کیا اور حاضرین کی دینی و اخلاقی اور تنظیمی اعتبار سے تربیت کرتے ہوئے انہیں اہم مدنی پھولوں سے نوازا۔

دعوتِ اسلامی کے تحت شعبہ رابطہ برائے شخصیات (بلوچستان) کے صوبائی ذمہ دار محمد وقار عطاری نے دیگر ذمہ داران کے ہمراہ ڈومکی ہاؤس لہڑی کا دورہ کیا جہاں انہوں نے معروف قبائلی، سیاسی و سماجی شخصیت سردارزادہ میر حیر بیار خان ڈومکی سے ملاقات کی۔

ملاقات کے دوران صوبائی ذمہ دار محمد وقار عطاری نے سردارزادہ میر حیر بیار خان ڈومکی کی عیادت و مزاج پرسی کی اور ان کی جلد و مکمل صحت یابی کے لیے دعائے خیر کرتے ہوئےانہیں دعوتِ اسلامی کے اشاعتی ادارے ”مکتبۃ المدینہ“کی مطبوعہ کتاب بھی انہیں بطور تحفہ پیش کی ۔

اس کے علاوہ سبی، بختیار آباد ڈومکی، لہڑی، نصیر آباد، کچھی، جعفر آباد سمیت بلوچستان اور سندھ کے مختلف علاقوں سے آئے ہوئے معزز شخصیات، قبائلی عمائدین اور علاقائی معتبرین سے بھی تفصیلی ملاقاتیں کی گئیں۔(رپورٹ: شعبہ رابطہ برائے شخصیات بلوچستان ، کانٹینٹ:غیاث الدین عطاری)

دعوتِ اسلامی کے تحت شعبہ تحفظ اوراقِ مقدسہ لاہور سٹی کے ذمہ داران نے 29 اکتوبر 2026ء کو جامعہ شاہ ابو البرکات کا دورہ کیا جس دوران انہوں نے جامعہ کے ناظم محمد محسن عطاری سے اہم ملاقات کی اور تحفظ اوراقِ مقدسہ کے حوالے سے عملی اقدامات پر تبادلہ خیال کیا۔

ملاقات کے دوران صوبائی ذمہ دار حاجی محمد رضا عطاری نے اوراقِ مقدسہ کی حفاظت اور ان کی بے حرمتی سے روک تھام کے پیش نظر دفتر میں رکھنے کے لیے خصوصی طور پر تیار کردہ اسپیشل باکس ناظم صاحب کو پیش کیا۔

علاوہ ازیں اوراقِ مقدسہ کے احترام اور ان کو محفوظ طریقے سے جمع کرنے کی سہولت کو عام کرنے کے لیے جامعہ شاہ ابو البرکات کے باہر ایک نیا بڑا ڈرم بھی نصب کر دیا گیا ۔(رپورٹ: محمد رضا عطاری شعبہ تحفظ اوراقِ مقدسہ، کانٹینٹ:غیاث الدین عطاری)

پنجاب  پاکستان کے شہر لاہور میں 28 اکتوبر 2026ء کو دعوتِ اسلامی کے شعبہ فیضان آن لائن اکیڈمی بوائز کے تحت ایک مدنی مشورے کا انعقاد کیا گیا جس میں لاہور ڈویژن کے برانچ ناظمین، شفٹ ناظمین، ڈویژن تعلیمی ذمہ دار اور ٹرینر نے شرکت کی۔

اس موقع پر شعبہ فیضان آن لائن اکیڈمی بوائز لاہور سٹی کے نگران مولانا محمد رضوان عطاری مدنی نے شرکاکی رہنمائی کرتے ہوئے شعبے کی مزید بہتری اور ترقی کے حوالے سے نکات بیان کیے۔

اس کے علاوہ مولانا محمد رضوان عطاری مدنی نے ناظمین کو دعوتِ اسلامی کے دینی کاموں میں بھرپور حصہ لینے اور اپنے ماتحت اسلامی بھائیوں کو بھی ان دینی کاموں میں شامل رکھنے کی ترغیب دلائی۔

مدنی مشورے کے اختتام پر تمام ناظمین اور ذمہ دار اسلامی بھائیوں نے دینی کاموں کے حوالے سے اچھی اچھی نیتوں کا اظہار کیا۔(رپورٹ:مولانا محمد وقار یعقوب عطاری مدنی برانچ منیجر شعبہ فیضان آن لائن اکیڈمی بوائز ، کانٹینٹ:غیاث الدین عطاری)

معاشرے کے دینی و اخلاقی نظام کو مضبوط بنانے اور مساجد کے ائمہ و خطبا کی رہنمائی کے لیے دعوتِ اسلامی کے شعبہ امام مساجد کے تحت صوبائی دارالحکومت لاہور، پنجاب میں ”ائمہ و خطبا کورس“ کا انعقاد کیا گیا۔

تفصیلات کے مطابق 25 اکتوبر 2026ء کو بعد نمازِ عشاء مدنی مرکز فیضانِ مدینہ جوہر ٹاؤن لاہور میں اس اہم کورس کا اہتمام کیا گیا جس میں لاہور شہر اور اس کے مضافاتی علاقوں سے مساجد کے ائمہ، خطبا اور جید علمائےکرام نے کثیر تعداد میں شرکت کی۔

کورس کے دوران مرکزی مجلسِ شوریٰ کے رکن حاجی یعفور رضا عطاری اور دارالافتاء اہلسنت کے مفتی محمد شاہد عطاری مدنی نے ”منصبِ امامت کے تقاضے“ کے اہم و حساس عنوان پر حاضرین کی رہنمائی کی۔ انہوں نے موجودہ دور کے دینی، اخلاقی اور معاشرتی حالات کے تناظر میں ائمہ مساجد کی ذمہ داریوں پر روشنی ڈالتے ہوئے زور دیا کہ امتِ مسلمہ کی درست سمت میں رہنمائی اور معاشرے کی اصلاح کے لیے منصبِ امامت کے تقاضوں کو احسن طریقے سے پورا کرنا وقت کی اہم ضرورت ہے۔

کورسز کے اختتامی مرحلے میں رکنِ مرکزی مجلسِ شوریٰ مولانا حاجی محمد عقیل عطاری مدنی نے رقت انگیز دعا کروائی اور کورس کے اختتام پر شرکائے اجتماع سے خصوصی ملاقات بھی کی ۔(رپورٹ:مولانا محمد عابد عطاری مدنی معاون رکن شوری حاجی محمد عقیل عطاری مدنی ، کانٹینٹ:غیاث الدین عطاری)

معاشرے کی دینی و اخلاقی اصلاح اور ائمہ مساجد کی علمی و عملی تربیت کے سلسلے دعوتِ اسلامی کے  شعبہ امام مساجد کے زیرِ اہتمام پنجاب کے شہر ملتان میں ایک دن کے ”ائمہ و خطبا کورس“ کا انعقاد کیا گیا۔

تفصیلات کے مطابق 28 اکتوبر 2026ء کو بعد نمازِ ظہر مدنی مرکز فیضانِ مدینہ شاہ رکن عالم کالونی، ملتان میں اس کورس کا اہتمام کیا گیا جس میں ملتان شہر اور اس کے مضافاتی علاقوں سے کثیر تعداد میں مساجد کے ائمہ، خطبا اور جید علمائے کرام نے شرکت کی۔

کورس کے دوران دارالافتاء اہلسنت (ملتان) کے مفتی محمد بلال نیاز عطاری مدنی نے ”منصبِ امامت کے تقاضے“ کے اہم عنوان پر تربیت کرتے ہوئے موجودہ دور کے دینی، اخلاقی اور معاشرتی چیلنجز کے تناظر میں ائمہ مساجد کی رہنمائی کی۔

بیرونِ ملک مقیم خواتین کو دینی علوم سے آراستہ کرنے کے سلسلے کو آگے بڑھاتے ہوئے دعوتِ اسلامی کے شعبہ فیضان آن لائن اکیڈمی گرلز کے تحت کینیڈا کے معروف شہروں ہیملٹن اور مونٹریال میں دینی تعلیم حاصل کرنے والی اسلامی بہنوں کے لیے 25 اور 28 اکتوبر 2026ء کو تقسیمِ اسناد کے اجتماعات کا انعقاد کیا گیا۔

تفصیلات کے مطابق فیضانِ مدینہ ہیملٹن اور فیضانِ مدینہ مونٹریال میں سنتوں بھرے اجتماعات منعقد کیے گئے۔ اِن اجتماعات کے دوران شعبہ فیضان آن لائن اکیڈمی گرلز کے تحت درسِ نظامی، فیضان الشریعت کورس، ناظرہ قرآن اور دیگر مختصر دینی کورسز کامیابی سے مکمل کرنے والی طالبات میں اسناد (Certificates) تقسیم کی گئیں۔

اس موقع پر اسناد حاصل کرنے والی طالبات نے خوشی کا اظہار کرتے ہوئے دعوتِ اسلامی اور امیرِ اہلِ سنت دامت بَرَکَاتُہمُ العالیہ کا شکریہ ادا کیا۔ طالبات کا کہنا تھا کہ کینیڈا میں رہتے ہوئے بھی فیضان آن لائن اکیڈمی گرلز کے ذریعے گھر بیٹھے بااعتماد انداز میں دینی علوم سیکھنے کا بہترین موقع میسر آیا ہے۔ انہوں نے قرآنِ کریم کی تعلیم خود حاصل کرنے کے ساتھ ساتھ اسے آگے عام کرنے کے لیے اپنی خدمات پیش کرنے کی نیتیں بھی کیں۔

دکھی انسانیت کی خدمت اور اُن کے طبی و روحانی مسائل کے حل کے سلسلے کو جاری رکھتے ہوئے  دعوتِ اسلامی کے شعبہ روحانی علاج کے زیرِ اہتمام گلگت بلتستان کے ضلع اسکردو میں ”دعائے شفاء اجتماع“ کا انعقاد کیا گیا۔

تفصیلات کے مطابق 30 اکتوبر 2026ء کو مدنی مرکز فیضانِ مدینہ اسکردو میں منعقدہ اس روحانی اجتماع کا باقاعدہ آغاز تلاوتِ قرآنِ پاک اور بارگاہِ رسالت مآب صلَّی اللہ علیہ واٰلہٖ وسلَّم میں ہدیہ نعت شریف سے ہوا۔نیز اجتماع میں علاقے بھر سے عاشقانِ رسول کی کثیر تعداد اور دیگر مقامی ذمہ داران نے شرکت کی۔

اجتماع میں بیان کرتے ہوئے نگرانِ اسکردو ڈویژن مشاورت مولانا فیضان علی عطاری مدنی نے بیماری اور مصائب پر صبر کرنے کے فضائل، اجرِ عظیم اور ہر حال میں اللہ رب العزت کا شکر ادا کرنے کی اہمیت پر روشنی ڈالی۔

بیان کے اختتام پر صلوٰۃ الحاجات کی ادائیگی کی گئی جس کے بعد امتِ مسلمہ کی صحتیابی اور پریشانیوں کے خاتمے کے لیے رقت انگیز دعا مانگی گئی۔ اس موقع پر جادو، جنات، نظرِ بد، بے روزگاری اور مختلف بیماریوں و پریشانیوں سے نجات کے لیے باقاعدہ ”کاٹ“ کا عمل کیا گیا، جبکہ مریضوں میں فی سبیل اللہ ”تعویذاتِ عطاریہ“ بھی تقسیم کیے گئے۔

اجتماع کے آخر میں شرکا کو دعوتِ اسلامی کے ہفتہ وار سنتوں بھرے اجتماع میں باقاعدگی سے شرکت کرنے اور دعوتِ اسلامی کے ”12 دینی کاموں“ میں عملی طور پرحصہ لینے کی ترغیب دلائی گئی۔

الحمدللہ دعوتِ اسلامی کا یہ شعبہ جہاں ایک طرف عوام الناس کے مسائل کا روحانی حل پیش کر رہا ہے، وہیں معاشرے میں نیکی کی دعوت کو عام کرنے میں بھی اپنا بہترین کردار ادا کر رہا ہے۔(رپورٹ: سمیر علی عطاری ، دفتر ذمہ دار شعبہ روحانی علاج ، کانٹینٹ:غیاث الدین عطاری)