معاشرے کے خصوصی افراد (اسپیشل پرسنز) کی دینی و اخلاقی تربیت اور اُن کی فلاح و بہبود کے عزم کو برقرار رکھتے ہوئے دعوتِ اسلامی کے اسپیشل پرسنز ڈیپارٹمنٹ کے زیرِ اہتمام پاکپتن میں سنتوں بھرے اجتماع کا انعقاد کیا گیا۔

تفصیلات کے مطابق 30 اکتوبر 2026ء کو مدنی مرکز فیضانِ مدینہ پاکپتن میں اسپیشل پرسنز (نابینا افراد) کے لیے خاص طور پر اس اجتماع کا اہتمام کیا گیا جس میں شہر اور مختلف علاقوں سے کثیر تعداد میں اسپیشل پرسنز (نابینا افراد) نے شرکت کی۔

اجتماع کے دوران نگرانِ تحصیل پاکپتن حافظ محمد امین عطاری نے سنتوں بھرا بیان کیا اور شرکائے اجتماع کو نیکی کی دعوت پیش کی۔

دینی و سائنسی علوم کے مابین مطابقت اور جدید و قدیم تحقیقات سے آراستہ کرنے کے سلسلے میں دعوتِ اسلامی کے شعبہ فلکیات و شعبہ رابطہ بالعلماء کے وفد نے جامعہ فیضانِ شریعت اور دارالافتاء سیلانی کے علماء و مفتیانِ کرام سے اہم ملاقات کی۔

تفصیلات کے مطابق کراچی سٹی کے ذمہ دار سید تحسین شاہ عطاری مدنی اور نگرانِ شعبہ فلکیات مولانا وسیم عطاری مدنی سمیت دیگر اراکین نے ملاقات کے دوران شعبہ فلکیات کے تعارف اور دعوتِ اسلامی کے تحت مختلف اداروں میں جاری مختصر”فلکیات کورس“ کے حوالے سے تبادلۂ خیال کیا ۔

اس موقع پر دارالافتاء سیلانی کے مہتمم مفتی وسیم اختر المدنی صاحب نے دعوتِ اسلامی کی فلکیاتی و سائنسی خدمات کو سراہا۔ انہوں نے جامعہ فیضانِ شریعت کے کم و بیش 109 متخصصین (یعنی تخصص کرنے والوں) کو دعوتِ اسلامی کے زیرِ اہتمام یہ مختصر ”فلکیات کورس“کروانے کی باقاعدہ اور بخوشی اجازت مرحمت فرمائی۔(رپورٹ: شعبہ فلکیات دعوتِ اسلامی، کانٹینٹ:غیاث الدین عطاری)

دعوتِ اسلامی کے عالمی مدنی مرکز فیضانِ مدینہ کراچی میں 20 جمادی الاولیٰ 1448ھ بمطابق 31 اکتوبر 2026ء  کو ہفتہ وار مدنی مذاکرے کا انعقاد کیا گیاجس میں ملکی و بین الاقوامی سطح پر عاشقانِ رسول کی بڑی تعداد نے شرکت کر کے علمِ دین حاصل کیا۔

تفصیلات کے مطابق فیضانِ مدینہ کراچی میں منعقدہ اس ہفتہ وار مدنی مذاکرے میں شیخِ طریقت، امیرِ اَہلِ سنّت، بانیِ دعوتِ اسلامی حضرت علّامہ مولانا ابوبلال محمد الیاس عطّاؔر قادری رضوی دامت بَرَکَاتُہمُ العالیہ خصوصی طور پر موجود تھے۔ نیز مدنی مذاکرے میں نہ صرف فیضانِ مدینہ کراچی میں موجود حاضرین نے حصہ لیا بلکہ مدنی چینل کے ذریعے دنیا بھر سے لاکھوں عاشقانِ رسول براہِ راست اس علمی نشست سے منسلک رہے۔

مدنی مذاکرے کے دوران امیرِ اہلِ سنت دامت بَرَکَاتُہمُ العالیہنے عاشقانِ رسول کی جانب سے پوچھے گئے مختلف شرعی، اخلاقی، تربیتی اور روزمرہ زندگی سے متعلق سوالات کے علم و حکمت سے بھرپور جوابات ارشاد فرمائے۔

مدنی مذاکرے کے بعض سوال و جواب

سوال: ترکیہ کی ایک خوبصورت کہاوت ہے، اگر روٹی نمک کے ساتھ بھی کھانی پڑ جائے تو کھا لینا مگر اس شخص سے بچنا جو لوگوں کو بتاتا پھرے کہ روٹی میں نے کھلائی ہے، اس بارے میں آپ کیا فرماتے ہیں ؟

جواب: اس میں خُود داری کا درس دیا گیا ہے کہ ہلکا پھلکا سادہ کھانا کھا لینا ،کسی شخص کے اچھے کھانے سے بہتر ہے کہ اچھا کھانا کھلانے والا لوگوں کے سامنے اس احسان کو جتلاتا رہے۔ سخت مجبوری نہ ہو تو کسی سے سوال نہ کرے ،بندہ ایک وقت کا فاقہ تو برداشت کر لے لیکن کسی کا احسان نہ لے۔

سوال: کیا آخَر یعنی ”خ“ پر زَبر اور آخِر یعنی ”خ“ پر زِیر کے معنیٰ میں فرق ہے ؟

جواب: جی ہاں !آخَر کا معنی دُوسرا اور آخِرکا معنی سب کے بعد، نبیِ کریم صلَّی اللہ علیہ واٰلہٖ وسلَّم کے لیے آخِری نبی کہا جائے ۔

سوال: مسجد سے محبت ہونا کیسا ہے؟

جواب: اللہ پاک جس پر فضل و کرم فرماتا ہے، اُسے مسجد سے محبت ہو جاتی ہے ،مؤمن کو مسجد میں سکون و قرار ملتا ہے۔

سوال: نماز کے بارے میں آپ کیا فرماتے ہیں ؟

جواب: نماز کو مضبوطی سے تھام لیں ،دُنیا اِدھر سے اُدھر ہو جائے مگر آپ کی نماز قائم رہے ،پانچوں نمازیں مسجد کی پہلی صف میں باجماعت پڑھیں، نمازِ ظہر کی سنتِ قبلیہ(یعنی فرضوں سے پہلے والی 4سنتیں) سُنّتِ مؤکدہ ہیں اور ان سُنّتوں کو ظہر کے فرضوں سے پہلے پڑھنا بھی سُنّتِ مؤکدہ ہے۔

سوال: جو عاشقانِ رسول ہر ماہ 3 دن راہِ خدا میں قافلے میں سفر کرتے ہیں،اُن کے بارے میں آپ کیا فرماتے ہیں؟

جواب: ہر مہینے 3 دن گویا مجھے دے دیں، بقیہ 27دن اپنے لیے رکھیں ، اِن 3دنوں میں دعوتِ اسلامی کے عاشقانِ رسول کے ساتھ سفر کریں ۔

سوال: جو دعوتِ اسلامی کے دِینی ماحول سے دُور ہو جاتے ہیں ،انہیں آپ کیا نصیحت کریں گے ؟

جواب: جودُنیاوی مصروفیت ،شادی ہو جانے کی وجہ سے دعوتِ اسلامی کے دِینی ماحول سے دُور ہو جاتے ہیں ،انہیں غور کرنا چاہئے کہ کسی دُنیاوی مصروفیت کی وجہ سے دِینی مصروفیت کی کٹوتی کرنا عقلمندی نہیں ،جتنا جہاں رہنا ہو تو اس کے مطابق تیاری کرنی چاہئے ،آخرت تو ہمیشہ کے لیے ہے،اس کے لیے بہت نیکیاں کرنی چاہئیں ،نیک اعمال کا رسالہ لے کر روزانہ اس کے مطابق اپنا جائزہ لیں ،عاشقانِ رسول کے ساتھ قافلے میں سفر کریں ،دعوت ِاسلامی کے ہفتہ وار اجتماع میں باقاعدگی سے شرکت کریں ۔

سوال: اِس ہفتے کارِسالہ ”اللہ پاک سے ملاقات کا شوق‘‘ پڑھنے یا سُننے والوں کو امیر اہل سنت دامت بَرَکَاتُہمُ العالیہ نے کیا دُعا دی ؟

جواب:یا ربّ المصطفٰے! جو 20 صفحات رسالہ(Booklet)’’اللہ پاک سے ملاقات کا شوق‘‘ پڑھ یا سُن لے، اُس سے ہمیشہ کے لئے راضی ہو جا اور اس کو اپنی ملاقات کا شوق عطا فرما اور ماں باپ سمیت بخش دے۔اٰمِیْن بِجَاہِ خاتم النَّبیین صلَّی اللہ علیہ واٰلہٖ وسلَّم

سوال: گناہوں سے بچنے کا وظیفہ بتا دیں ؟

جواب: گناہوں کا روحانی علاج

يَا عَفُوُّ (یعنی اے معاف کرنے والے) اُٹھتے بیٹھتے چلتے پھرتے وُضو بے وُضو پڑھتے رہئے۔اِنْ شَآءَ اللّٰہ الکریم دل میں گناہوں سے نفرت پیدا ہو جائے گی۔

تاکید: کسی قاری صاحب کو سنا دیجئے۔

یقیناً: اللہ پاک چاہے تو ہی کام بنے۔

اسلام ایک مکمل ضابطہ حیات ہے جس کی بنیاد توحید پر قائم ہے، توحید کا مطلب یہ ہے کہ اللہ تعالیٰ کو ایک مانا جائے اور صرف اسی کی عبادت کی جائے، یہی وہ بنیادی عقیدہ ہے جس کی دعوت نبی کریم صلّی اللہ علیہ واٰلہٖ وسلّم نے پوری انسانیت کو دی ہے۔ آپ صلّی اللہ علیہ واٰلہٖ وسلّم نے نہ صرف اپنے اقوال بلکہ اپنے اعمال کے ذریعے بھی توحید کو واضح فرمایا اور لوگوں کو ہر قسم کے شرک سے بچنے کی تلقین کی ہے ۔ نبوی تعلیمات میں توحید کو مرکزی حیثیت حاصل ہے کیونکہ یہی عقیدہ انسان کو اللہ تعالیٰ کے قریب کرتا اور اس کی زندگی کو صحیح سمت عطا کرتا ہے۔اب ہم دیکھتے ہیں کہ توحید کے کیا معنی ہیں اور نبی کریم صلّی اللہ علیہ واٰلہٖ وسلّم نے اسے کس طرح بیان فرمایا:

توحید کیا ہے؟توحید کا معنی یہ ہے کہ اللہ تعالیٰ کی ذات کو اس کی ذات اور صفات میں یکتا مانا جائے، یعنی نہ اس کی ذات میں کوئی شریک ہے اور نہ اس کی صفات میں۔ اگر کوئی شخص اللہ تعالیٰ کے علاوہ کسی اور کو معبود سمجھے تو وہ شرک کا مرتکب ہوتا ہے۔ اسی طرح علم، سمع، بصر اور دیگر صفاتِ الٰہی میں کسی کو شریک ٹھہرانا بھی شرک ہے۔

اس حدیث سے معلوم ہوتا ہے کہ دین کے احکام کو سمجھنا اور ان پر عمل کرنا بھی توحید کا تقاضا ہے۔

(1)اسلام کی بنیاد پانچ چیزوں پر ہے:حضرت عبداللہ بن عمر رضی اللہ عنہما سے روایت ہے کہ رسول اللہ صلّی اللہ علیہ واٰلہٖ وسلّم نے فرمایا:"اسلام کی بنیاد پانچ چیزوں پر ہے: اس بات کی گواہی دینا کہ اللہ کے سوا کوئی معبود نہیں اور محمد صلّی اللہ علیہ واٰلہٖ وسلّم اللہ کے رسول ہیں، نماز قائم کرنا، زکوٰۃ دینا، بیت اللہ کا حج کرنا اور رمضان کے روزے رکھنا۔"

(صحیح مسلم، کتاب الایمان، حدیث: 113)

(2)حدیث جبریل اور عقیدہ توحید:حضرت عمر بن خطاب رَضِیَ اللہ تَعَالٰی عَنْہُ نے فرمایا کہ ایک روز ہم رسولِ خداصَلَّی اللہ تَعَالٰی عَلَیْہِ وَاٰلہٖ وَسَلَّم کی خدمت میں حاضر تھے کہ اچانک ایک شخص حاضر ہوا جس کے کپڑے بہت سفید تھے اور بال نہایت سیاہ تھے ، نہ اس شخص پر سفر کا کوئی نشان تھا اور نہ ہم میں سے کوئی اسے پہچانتا تھا یہاں تک کہ وہ حضورصَلَّی اللہ عَلَیْہِ وَسَلَّمَ کے سامنے بیٹھ گیا اور دو زانو ہو کر اپنے گھٹنے حضورصَلَّی اللہ تَعَالٰی عَلَیْہِ وَاٰلِہٖ وَسَلَّم َکے گھٹنے سے ملا دیئے اور اپنے دونوں ہاتھ اپنی رانوں پر رکھ لیے اور عرض کیا اے محمد ﷺ مجھ کو اسلام کی حقیقت کے بارے میں آگاہ فرمائیے حضور ﷺ نے فرمایا اسلام یہ ہے کہ تو گواہی دے اس امر کی کہ خدائے تعالیٰ کے سوا کوئی معبود نہیں، اور محمد ﷺ خدائے تعالیٰ کے رسول ہیں اور تو نماز ادا کرے ، زکوۃ دے رمضان کے روزے رکھے اور خانۂ کعبہ کا حج کرے اگر تو اس کی استطاعت رکھتا ہو اس شخص نے ( یہ سن کر) عرض کیا آپ نے سچ فرمایا (راوی کہتے ہیں کہ) ہم لوگوں کو تعجب ہوا کہ یہ شخص دریافت بھی کرتا ہے اور ( خود ہی) تصدیق بھی کرتا ہے پھر اس نے پوچھا ایمان کی حقیقت بیان فرمائیے ۔ آپ نے فرمایا۔ ( ایمان یہ ہے ) کہ تو خدا تعالیٰ اور اس کے فرشتوں نیز اس کی کتابوں اور اس کے رسولوں اور قیامت کے دن پریقین رکھے اور تقدیر کی بھلائی اور برائی کو دل سے مانے ۔( اشعۃ اللمعات ،کتاب الایمان، الفصل الأول،ج1، ص:50 سے 51 )

(3)توحید کی گواہی کی فضیلت:حضرت عبادہ بن صامت رضی اللہ عنہ سے روایت ہے کہ رسول کریم صلّی اللہ علیہ واٰلہٖ وسلّم نے فرمایا:"جو شخص اس بات کی گواہی دے کہ اللہ کے سوا کوئی معبود نہیں اور محمد صلّی اللہ علیہ واٰلہٖ وسلّم اللہ کے رسول ہیں تو اللہ تعالیٰ اس پر جہنم کی آگ حرام فرما دیتا ہے۔"(مرقاۃ المفاتیح، کتاب الایمان، حدیث: 7)

ان احادیث سے واضح ہوتا ہے کہ توحید اسلام کی بنیاد اور اصل ہے، اس کے بغیر کوئی بھی عمل اللہ تعالیٰ کے ہاں مقبول نہیں ہوتا۔ نبی کریم صلّی اللہ علیہ واٰلہٖ وسلّم نے اپنی تعلیمات کے ذریعے بار بار یہی درس دیا کہ ہم صرف ایک اللہ کی عبادت کریں اور ہر قسم کے شرک سے بچیں۔آخر میں ہم یہ نتیجہ اخذ کرتے ہیں کہ توحید ہی نجات کا راستہ اور کامیابی کی کنجی ہے۔ نبی کریم صلّی اللہ علیہ واٰلہٖ وسلّم نے اپنی پوری زندگی میں توحید کی دعوت دی اور ہمیں بھی یہی سبق دیا کہ ہم خالص اللہ تعالیٰ کی عبادت کریں، لہٰذا ہر مسلمان پر لازم ہے کہ وہ توحید کو سمجھے، اس پر کامل ایمان رکھے اور اپنی عملی زندگی میں اسے نافذ کرے۔ اللہ تعالیٰ ہمیں سچی توحید پر قائم و دائم رکھے اور ہمیں ہر قسم کے شرک سے محفوظ فرمائے، آمین بجاہ النبی الامین صلّی اللہ علیہ واٰلہٖ وسلّم۔

ہماری خوش قسمتی کہ اللہ تعالیٰ نے ہمیں مسلمانوں کے گھروں میں پیدا فرما کر ایمان کی دولت عطا فرمائی ہمارا سب سے پہلا جو عقیدہ ہے وہ عقیدۂ توحید ہے اللہ پاک عقیدۂ توحید کے بارے میں ارشاد فرماتا ہے :

قُلْ هُوَ اللّٰهُ اَحَدٌۚ(۱)ترجمۂ کنزالایمان : تم فرماؤ وہ اللہ ہے وہ ایک ہے ۔(سورۃ الاخلاص:1)

حضور خاتم النبیین صلی اللہ علیہ والہ و سلم نے فرمایا:

(1) دیلمی ابو سعید رضی اﷲ تعالیٰ عنہ سے راوی، کہ حضور (صلی اﷲ تعالیٰ علیہ وسلم) نے فرمایا: ’’اﷲ تعالیٰ نے کوئی ایسی چیز فرض نہ کی، جو توحید و نماز سے بہتر ہو۔ اگر اس سے بہتر کوئی چیز ہوتی تو وہ ضرور ملائکہ پر فرض کرتا ،ان میں کوئی رکوع میں ہے، کوئی سجدے میں ۔( الفردوس بمأثور الخطاب ، الحدیث : ۶۱۰ ، ج ۱ ، ص ۱۶۵۔)

اللہ اکبر تو معلوم ہوا کہ توحید سے بہتر کوئی چیز نہیں ہے اسی طرح ایک اور حدیث شریف میں ہے :

(2)محمد بن عبداللہ ابن نمیر الہمدانی، ابوخالد یعنی سلیمان بن حیان الاحمر، ابومالک الاشجعی، سعد بن عبیدہ، ابن عمر سے روایت ہے کہ رسول اللہ ﷺ نے ارشاد فرمایا اسلام کی بنیاد پانچ چیزوں پر ہے: اللہ تعالیٰ کی توحید کا اقرار، پابندی سے نماز قائم کرنا، زکوٰۃ ادا کرنا، رمضان کے روزے رکھنا اور حج کرنا۔ ایک شخص نے راوی سے کہا کہ اصل حدیث میں الحج وصیام رمضان یعنی حج کا ذکر رمضان سے مقدم ہے راوی نے جواب میں کہا کہ نہیں صیام رمضان والحج ہے میں نے رسول اللہ ﷺ سے اسی طرح سنا ہے۔(صحیح مسلم ،ایمان کا بیان،باب: اسلام کے بڑے بڑے ارکان اور ستونوں کے بیان میں،حدیث نمبر: 111)

تو پتہ چلا کہ اسلام کی بنیاد ہی عقیدۂ توحید پر ہےاسی طرح ایک اور حدیث پاک میں ہے ۔

(3) امیہ بن بسطام عیشی، یزید بن زریع، روح یعنی ابن قاسم، اسماعیل بن امیہ، یحییٰ بن عبداللہ صیفی، ابی معبد، ابن عباس سے روایت ہے کہ رسول اللہ ﷺ نے جب حضرت معاذ کو یمن کا حاکم بنا کر بھیجا تو فرمایا تم اہل کتاب کی قوم کی طرف جا رہے ہو پہلے تم انہیں اس چیز کی دعوت دینا کہ عبادت صرف اللہ تعالیٰ کی کریں اگر وہ توحید کا اقرار کرلیں تو ان کو بتانا کہ اللہ تعالیٰ نے دن رات میں پانچ نمازیں فرض فرمائی ہیں اگر وہ اس کی بھی تعمیل کرنے لگیں تو ان کو بتانا کہ اللہ تعالیٰ نے ان پر زکوٰۃ فرض کی ہے جو دولت مند لوگوں سے لے کر انہی کے محتاجوں کو دی جائے گی اب اگر وہ یہ بات بھی مان لیں تو ان سے وصول کرنا مگر ان کے اعلی درجہ کے مال سے پرہیز رکھنا۔(صحیح مسلم،ایمان کا بیان،باب: تو حید ورسالت کی گواہی کی طرف دعوت دینا اور اسلام کے ارکان کا بیان ،حدیث نمبر: 123)

تو اس سے بھی پتہ چلا کہ عقیدۂ توحید کی بہت زیادہ اہمیت ہے ۔

اللہ پاک ہم سب کو عقیدۂ توحید پر موت عطا فرمائے اور ہم سب کو عقیدۂ توحید کا داعی بنائے ۔( آمین ثم آمین)

عقیدہ توحید دین اسلام کی بنیاد ہے اس کی درستگی کے بغیر انسان اللہ کی رحمت اور حضور کی سچی محبت و شفاعت کا مستحق نہیں ہو سکتا۔ اور توحید کا معنی ہے اللہ پاک کو ایک ماننا اور ایک سے زیادہ ماننے سے انکار کرنا شریعت کی اصطلاح میں توحید اس کو کہتے ہیں کہ اللہ تعالی اپنی ذات و صفات اور جملہ اوصاف و کمالات میں یکتا و بے نظیر ہے اس کا کوئی برابر یا شریک نہیں کوئی اس کا ہم پلہ نہیں ۔

فرامین مصطفی ﷺ درج ذیل ہیں:

(1)وَعَنِ ابْنِ عُمَرَ رَضِیَ اللہُ عَنْہُمَا قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : بُنِيَ الْإِسْلَامُ عَلَى خَمْسٍ: شَهَادَةُ أَنْ لَا إِلَهَ إِلَّا اللَّهُ وَأَنَّ مُحَمَّدًا عَبْدُهُ وَرَسُولُهُ وَإِقَامُ الصَّلَاةِ وَإِيتَاءُ الزَّكَاةِ وَالْحَجُّ وَصَوْمُ رَمَضَانَ

ترجمہ : روایت ہے حضرت ابن عمر سے فرماتے ہیں کہ فرمایا نبی ﷺ نے اسلام پانچ چیزوں پرقائم کیا گیا (1)اس کی گواہی کہ اللہ کے سوا کوئی معبود نہیں،محمد( ﷺ )اس کےبندےاور رسول ہیں(2) اورنمازقائم کرنا(3)زکوۃ دینا(4)حج کرنا(5)رمضان کے روزے۔(مرآۃ المناجیح شرح مشکوٰۃ المصابیح جلد:1 , حدیث نمبر:4)

(2) وَعَنْ أَبِي هُرَيْرَةَ رَضِیَ اللہُ عَنْہُ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ الْإِيمَانُ بِضْعٌ وَسَبْعُوْنَ شُعْبَةً فَأَفْضَلُهَا: قَولُ لَا إِلَهَ إِلَّا اللَّهُ وَأَدْنَاهَا إِمَاطَةُ الْأَذٰى عَنِ الطَّرِيقِ وَالْحَيَاءُ شُعْبَةٌ مِنَ الْإِيْمَانِ

ترجمہ:حضرت ابوہریرہ( رضی اللہ عنہ )سے فرماتے ہیں کہ فرمایا نبی ﷺ نے ایمان کی چند اور ستّر شاخیں ہیں ان سب میں اعلٰی یہ کہنا ہے کہ اللہ کے سوا کوئی معبود نہیں سب سے ادنیٰ تکلیف دہ چیز کا راستہ سے ہٹانا ہےغیرت بھی ایمان کی شاخ ہے۔(مرآۃ المناجیح شرح مشکوٰۃ المصابیح جلد:1 , حدیث نمبر:5 )

(3) وَعَنِ الْعَبَّاسِ بْنِ عَبْدِ الْمُطَّلِب ِقَالَ: قَالَ رَسُولُ اللهِ صَلَّى اللّٰهُ عَلَيْهِ وَسَلَّمَ :ذَاقَ طُعْمَ الْإِيمَانِ مَنْ رَضِيَ بِاللّٰهِ رَبًّا وَبِالْإِسْلَامِ دِينًا وَبِمُحَمَّدٍ رَسُولًا

ترجمہ: روایت ہے عباس ابن عبدالمطلب سے فرماتے ہیں کہ فرمایا نبی ﷺ نے اس نے ایمان کا مزہ چکھ لیاجو الله کے رب ہونے،اسلام کے دین ہونے،محمد ﷺ کے نبی ہونے سے راضی ہوگیا ۔(مرآۃ المناجیح شرح مشکوٰۃ المصابیح جلد:1 , حدیث نمبر:9)

(4) وَعَنِ ابْنِ عُمَرَ رَضِيَ اللّٰهُ عَنْهُمَا قَالَ: قَالَ رَسُولُ الله صَلَّى اللّٰهُ عَلَيْهِ وَسَلَّمَ : أُمِرْتُ أَنْ أُقَاتِلَ النَّاسَ حَتَّى يَشْهَدُوْا أَنْ لَا إِلَهَ إِلَّا اللّٰهُ وَأَنَّ مُحَمَّدًا رَسُولُ اللهِ وَيُقِيْمُوا الصَّلَاةَ وَيُؤْتُوْا الزَّكَاةَ فَإِذَا فَعَلُوْا ذٰلِكَ عَصَمُوْا مِنِّيْ دِمَاءَهُمْ وَأَمْوَالَهُمْ إِلَّا بِحَقِّ الْإِسْلَامِ وَحِسَابُهُمْ عَلَى اللهِ. مُتَّفَقٌ عَلَيْهِ إِلَّا أَنَّ مُسْلِمًا لَمْ يَذْكُرْ إِلَّا بِحَقِّ الْإِسْلَامِ۔

ترجمہ: روایت ہے ابن عمر رضی اللہ عنہما سے فرماتے ہیں کہ فرمایا رسول الله ﷺ نے کہ مجھے حکم دیا گیا کہ لوگوں سے جنگ کروں تاکہ گواہی دیں کہ رب کے سواکوئی معبود نہیں اور محمد الله کے رسول ہیں اور نماز قائم کریں زکوۃ دیں جب یہ کرلیں گے تو مجھ سے اپنے خون و مال بچالیں گے سواء اسلامی حق کے اُن کا حساب الله کے ذمہ ہے اس میں بخاری مسلم کا اتفاق ہے مگر مسلم نے اسلامی حق کا ذکر نہ کیا۔(مرآۃ المناجیح شرح مشکوٰۃ المصابیح جلد:1 , حدیث نمبر:12)

(5) عَنْ عُبَادَةَ ابْنِ الصَّامِتِ قَالَ: سَمِعْتُ رَسُولَ اللهِ صَلَّى اللهُ عَلَيْهِ وَسَلَّمَ يَقُولُ:مَنْ شَهِدَ أَنْ لَا إِلَهَ إِلَّا اللهُ وَأَنَّ مُحَمَّدًا رَسُولُ الله ِ حَرَّمَ اللهُ عَلَيْهِ النَّارُ ترجمہ:روایت ہے عبادہ ابن صامت سے فرماتے ہیں کہ میں نے حضور ﷺ کو فرماتے ہوئے سنا جو گواہی دے کہ الله کے سوا کوئی لائق عبادت نہیں اور یقینًا محمد الله کے رسول ہیں الله تعالٰی اس پر آگ حرام کرے گا۔(مرآۃ المناجیح شرح مشکوٰۃ المصابیح جلد:1 , حدیث نمبر:36)

دینِ اسلام کی اصل اور ہر نبی کو بھیجنے کا مقصد مخلوق کو خالق کی طرف راغب کرنا اور اس کی وحدانیت کا اقرار کروانا ہے۔ اللہ تعالیٰ نے جتنے انبیا و رسل مبعوث فرمائے ان سب نے اپنی اپنی امتوں کو یہ یقین کروایا کہ اس کائنات کا ایک ہی خالق و مالک ہے وہی ہے جس کی تمام کائنات میں بادشاہت ہے، وہی کائنات کا حقیقی مُدَبّر ہے، وہ اَحَد ہے، صَمَد ہے اور حقیقت میں مستحقِ عبادت ہے۔ اللہ تعالی نےارشاد فرمایا:

وَ مَاۤ اَرْسَلْنَا مِنْ قَبْلِكَ مِنْ رَّسُوْلٍ اِلَّا نُوْحِیْۤ اِلَیْهِ اَنَّهٗ لَاۤ اِلٰهَ اِلَّاۤ اَنَا فَاعْبُدُوْنِ(۲۵)

ترجمۂ کنزُالعِرفان: اور ہم نے تم سے پہلے کوئی رسول نہ بھیجا مگر یہ کہ ہم اس کی طرف وحی فرماتے رہے کہ میرے سوا کوئی معبود نہیں تو میری ہی عبادت کرو۔ (سورۃ الانبیاء:25)

اسی طرح اللہ تعالی ارشاد فرماتا ہے:

وَ لَقَدْ بَعَثْنَا فِیْ كُلِّ اُمَّةٍ رَّسُوْلًا اَنِ اعْبُدُوا اللّٰهَ وَ اجْتَنِبُوا الطَّاغُوْتَۚ-فَمِنْهُمْ مَّنْ هَدَى اللّٰهُ وَ مِنْهُمْ مَّنْ حَقَّتْ عَلَیْهِ الضَّلٰلَةُؕ-فَسِیْرُوْا فِی الْاَرْضِ فَانْظُرُوْا كَیْفَ كَانَ عَاقِبَةُ الْمُكَذِّبِیْنَ(۳۶)

ترجمۂ کنزُالعِرفان: اور بیشک ہر امت میں ہم نے ایک رسول بھیجا کہ (اے لوگو!) اللّٰہ کی عبادت کرو اور شیطان سے بچو تو ان میں کسی کو اللّٰہ نے ہدایت دیدی اور کسی پر گمراہی ثابت ہوگئی تو تم زمین میں چل پھر کر دیکھو کہ جھٹلانے والوں کا کیسا انجام ہوا؟ (سورۃ نحل:25)

انبیاء کرام صرف توحید کی دعوت ہی نہیں دیتے بلکہ ان تمام باطل خداؤں کی نفی بھی کرتے تھے جنہیں ان کی قوم نے اپنے گمان سے خدا بنا دیا تھا۔حضرت ابراہیم علیہ السلام نے ستاروں اور چاند سورج کی عبادت کرنے والوں کے سامنے توحید کی دعوت پیش کی اور حضرت موسی علیہ السلام نے فرعون کے اس دعوے کا رد فرمایا جس میں وہ خدائی کا دعوی کرتا تھا ـتمام انبیاء کرام کو توحید کی دعوت عام کرنے میں بہت سی مخالفتوں کا سامنا کرنا پڑا حضرت ابراہیم علیہ السلام کو آگ میں ڈالا گیا حضرت نوح علیہ السلام کا مذاق اڑایا گیا لیکن ان تمام مشکلات اور سختیوں کے باوجود بھی انبیاء کرام علیہم الصلوۃ والسلام نے اپنے پیغام کو نہیں بدلا ـ تمام انبیاء کرام علیہم الصلوۃ والسلام کی دعوت کا مقصد اپنی امت کو ان تمام معبودان باطلہ کی عبادت سے روکنا تھا جن میں وہ لگ گئے تھے اور انہیں معبود برحق اللہ رب العزت کی عبادت اور اس کی غلامی میں لانا تھا یہی تمام انبیاء کرام کا بنیادی مقصد تھا۔

دعوتِ اسلامی کے شعبہ قافلہ کے تحت 5 اکتوبر 2026ء سے ڈسٹرکٹ منڈی بہاؤالدین میں منعقدہ 26 دن کا ”قافلہ کورس“ 30 اکتوبر 2026ء کو اختتام پذیر ہو گیا۔

اس کورس میں گجرات ڈویژن کے نگران اور دیگر ذمہ دار اسلامی بھائیوں نے شرکت کی جبکہ کورس کے دوران شرکا کی مختلف موضوعات پر تربیت کی گئی جن میں انفرادی کوشش، علاقائی دورہ برائے نیکی کی دعوت کا پریکٹیکل، قافلے کا شیڈول، 12 دینی کام اور مبلغ کا کردار و اوصاف شامل تھے۔

کورس کے اختتام پر شرکا کے لیے ٹیسٹ کا انعقاد کیا گیا جس کے بعد اللہ والی مسجد (تحصیل ملکوال) میں اختتامی نشست اور تقسیمِ اسناد کا اجتماع منعقد کیا گیا۔

توحید اسلام کی اساس اور ایمان کی روح ہے، یہی وہ حقیقت ہے جس پر پورا دین قائم ہے۔ اللہ تعالیٰ کی وحدانیت کا اقرار صرف زبانی دعویٰ نہیں بلکہ دل کی گہرائیوں میں یقین اور عمل میں اس کا عکس ہونا ضروری ہے۔ حضور نبی کریم ﷺ نے اپنی پوری حیاتِ مبارکہ میں توحید کے پیغام کو نہایت واضح، جامع اور دلنشین انداز میں بیان فرمایا، تاکہ انسان ہر قسم کے شرکِ جلی و خفی سے بچ کر خالص اللہ کی عبادت کرے۔ توحید انسان کو بندگیِ رب کی حقیقت سے روشناس کراتی ہے اور اسے مخلوق کی غلامی سے نکال کر خالق کی اطاعت میں داخل کرتی ہے۔

توحید کی دعوت کا آغاز:نبی کریم ﷺ نے ارشاد فرمایا: أُمِرْتُ أَنْ أُقَاتِلَ النَّاسَ حَتَّى يَشْهَدُوا أَنْ لَا إِلٰهَ إِلَّا اللَّهُ یعنی مجھے حکم دیا گیا ہے کہ میں لوگوں سے قتال کروں یہاں تک کہ وہ گواہی دیں کہ اللہ کے سوا کوئی معبود نہیں۔ (صحیح البخاری، کتاب الایمان، حدیث نمبر 25)

اس حدیث سے معلوم ہوتا ہے کہ توحید دین کی سب سے بنیادی دعوت ہے۔

کلمۂ توحید کی فضیلت:نبی کریم ﷺ نے ارشاد فرمایا: مَنْ كَانَ آخِرُ كَلَامِهِ لَا إِلٰهَ إِلَّا اللَّهُ دَخَلَ الْجَنَّةَ یعنی جس کا آخری کلام لا الہ الا اللہ ہو وہ جنت میں داخل ہوگا۔ (سنن ابی داؤد، کتاب الجنائز، حدیث نمبر 3116)

یہ حدیث توحید کی عظمت اور اس کی برکت کو واضح کرتی ہے۔

شرک سے بچنے کی تاکید:اللہ تعالیٰ ارشاد فرماتا ہے: اِنَّ اللّٰهَ لَا یَغْفِرُ اَنْ یُّشْرَكَ بِهٖ ترجمۂ کنز الایمان: بے شک اللہ اسے نہیں بخشتا کہ اس کے ساتھ کفر کیا جائے ۔(سورۃ النساء: 48)

اس آیت میں توحید کی اہمیت اور شرک کی سنگینی کو نہایت واضح انداز میں بیان کیا گیا ہے۔

اخلاص کے ساتھ عبادت کا حکم:اللہ تعالیٰ فرماتا ہے: وَ مَاۤ اُمِرُوْۤا اِلَّا لِیَعْبُدُوا اللّٰهَ مُخْلِصِیْنَ لَهُ الدِّیْنَ ترجمۂ کنز الایمان: اور ان لوگو ں کو تو یہی حکم ہوا کہ اللہ کی بندگی کریں نِرے اسی پر عقیدہ لاتے ۔(سورۃ البینہ: 5)

یہ آیت توحید کے عملی پہلو یعنی اخلاص کو بیان کرتی ہے۔

توحید اور نجات کا تعلق:نبی کریم ﷺ نے ارشاد فرمایا: مَنْ قَالَ لَا إِلٰهَ إِلَّا اللَّهُ خَالِصًا مِنْ قَلْبِهِ دَخَلَ الْجَنَّةَ یعنی جس نے دل کے اخلاص کے ساتھ ‘لا الہ الا اللہ’ کہا وہ جنت میں داخل ہوگا۔ (مسند احمد، حدیث نمبر 16636)

اس حدیث سے معلوم ہوتا ہے کہ توحید صرف زبان کا اقرار نہیں بلکہ دل کی سچائی کے ساتھ ہونا ضروری ہے۔

توحید کا نبوی بیان انسان کو یہ سبق دیتا ہے کہ وہ ہر حال میں اللہ تعالیٰ کی طرف متوجہ رہے، اسی سے امید وابستہ کرے اور اسی پر کامل بھروسہ رکھے۔ جب انسان کے دل میں توحید راسخ ہو جاتی ہے تو وہ خوف، لالچ اور دنیاوی وابستگیوں سے آزاد ہو کر صرف اپنے رب کا ہو جاتا ہے۔ یہی وہ نور ہے جو انسان کی زندگی کو سنوارتا، اس کے اعمال کو خالص بناتا اور اسے دنیا و آخرت کی کامیابی سے ہمکنار کرتا ہے۔ جو شخص توحید کو سمجھ کر اس پر عمل پیرا ہو جائے وہ حقیقی آزادی اور سکون حاصل کر لیتا ہے، اور یہی وہ عظیم حقیقت ہے جسے پڑھ کر ہر صاحبِ دل بے اختیار رشک کرنے لگتا ہے۔

عاشقانِ رسول کی دینی تحریک دعوتِ اسلامی کے شعبہ تحفظِ اوراقِ مقدسہ کے تحت 25 اکتوبر 2026ء کو لاہور سٹی کے ذمہ دار اسلامی بھائیوں نے وزیر آباد، پنجاب میں واقع کارخانے اور قرآن محل کا وزٹ کیا۔

اس وزٹ میں لاہور سٹی کے ذمہ دار محمد رضا عطاری نے شعبے کے دینی کاموں کا جائزہ لیا اور اوراقِ مقدسہ کی دیکھ بھال کے عمل کو مزید بہتر بنانے کے حوالے سے ذمہ داران کی ذہن سازی کی۔

واضح رہے کہ وزیر آباد سٹی، پنجاب میں دعوتِ اسلامی کے زیرِ انتظام 5 قرآن محل موجود ہیں جہاں اوراقِ مقدسہ کو شرعی طریقۂ

کار کے مطابق محفوظ کرنے کا اہتمام کیا جاتا ہے۔(رپورٹ: شعبہ تحفظِ اوراقِ مقدسہ ، کانٹینٹ:غیاث الدین عطاری)

اسلام کا بنیادی عقیدہ توحید ہے۔ توحید کا مطلب یہ ہے کہ اللہ تعالیٰ ایک ہے، اس کا کوئی شریک نہیں، نہ ذات میں، نہ صفات میں، نہ عبادت میں۔ تمام انبیاء کرام علیہم السلام نے اپنی امتوں کو سب سے پہلے اسی عقیدے کی دعوت دی۔ حضرت محمد ﷺ نے بھی اپنی نبوت کے آغاز سے لے کر آخری وقت تک توحید ہی کا پیغام عام فرمایا۔ آپ ﷺ کی تعلیمات، ارشادات اور عملی زندگی توحید کے نور سے روشن تھی۔

توحید کا مفہوم:توحید کے معنی ہیں اللہ تعالیٰ کو ایک ماننا اور اسی کی عبادت کرنا۔ یہ عقیدہ انسان کو ہر قسم کے شرک، بت پرستی اور غیر اللہ کی عبادت سے بچاتا ہے۔ قرآن مجید میں ارشاد ہے:قُلْ هُوَ اللّٰهُ اَحَدٌۚ(۱)

ترجمۂ کنزالایمان: تم فرماؤ وہ اللہ ہے وہ ایک ہے ۔(سورۃ الاخلاص :1)

یہ آیت توحید کی واضح اور جامع دلیل ہے ۔

(1) سب سے بڑا حق:حضرت معاذسے روایت ہے کہ نبی ﷺ نے فرمایا:حق الله على العباد أن يعبدوه ولا يشركوا به شيئًابندوں پر اللہ کا حق یہ ہے کہ وہ صرف اسی کی عبادت کریں اور اس کے ساتھ کسی کو شریک نہ ٹھہرائیں۔(صحیح بخاری، حدیث 2856)

(2)شرک سب سے بڑا گناہ:رسول اللہ ﷺ سے پوچھا گیا: سب سے بڑا گناہ کون سا ہے؟آپ ﷺ نے فرمایا:أن تجعل لله ندًّا وهو خلقكیہ کہ تم اللہ کا شریک ٹھہراؤ حالانکہ اسی نے تمہیں پیدا کیا۔(صحیح بخاری، حدیث 4477)

رسول اللہ ﷺ نے فرمایا:قل هو الله أحد تعدل ثلث القرآنسورہ اخلاص ایک تہائی قرآن کے برابر ہے۔ (صحیح بخاری، حدیث 5013)

خلاصۂ کلام یہ ہے کہ توحید اسلام کی بنیاد اور نبی کریم ﷺ کی دعوت کا اصل پیغام ہے۔ رسول اللہ ﷺ نے اپنی پوری زندگی لوگوں کو ایک اللہ کی عبادت اور شرک سے بچنے کی تعلیم دی۔ صحیح احادیث سے واضح ہوتا ہے کہ توحید ایمان کی اصل، نجات کا ذریعہ اور جنت کا راستہ ہے۔ لہٰذا ہر مسلمان پر لازم ہے کہ وہ اللہ تعالیٰ کی وحدانیت پر کامل ایمان رکھے اور اپنی زندگی اسی عقیدے کے مطابق گزارے۔

شعبہ مدنی کورسز  دعوتِ اسلامی کے تحت 9 اکتوبر 2026ء کو جامع مسجد غوثیہ (صدر بازار، تحصیل علی پور، ضلع مظفرگڑھ، پنجاب) میں جاری 37 دن کے رہائشی ”اخلاقِ مصطفیٰ کورس“ کے دوران ایک سیشن کا انعقاد کیا گیا۔

تلاوت و نعت کے بعد اس سیشن میں مبلغِ دعوتِ اسلامی ڈاکٹر جمشید عطاری نے شرکا سے گفتگو کرتے ہوئے ”استقامت“ کے اہم موضوع پر سنتوں بھرا بیان کیا اور انہیں دعوتِ اسلامی کے دینی ماحول سے ہر دم وابستہ رہنے کی ترغیب دلائی۔(رپورٹ: مولانا غلام یسین عطاری مدنی، معلم شعبہ مدنی کورسز ، کانٹینٹ:غیاث الدین عطاری)