دعوتِ اسلامی اسپیشل پرسنزڈیپارٹمنٹ  کے ذمہ داران کی دعوت پر 18 فروری 2023ء کو فیضانِ مدینہ ٹوبہ میں ہونے والے شب معراج اجتماع میں گونگے بہرے،نابینا اور معذور افراد کے سرپرستوں سمیت اسپیشل پرسنز کے اسکول ٹیچرز نے شرکت کی۔

ڈویژن ذمہ دارمحمد شاہد عطاری نے نگران پاکستان مشاورت رکنِ شوریٰ حاجی محمد شاہد عطاری کے بیان کی اسپیشل پرسنز کی آسانی کے لئے اشاروں کی زبان میں ترجمانی کی۔

نگرانِ پاکستان کی ترغیب پر ڈیف اسلامی بھائیوں نے عمامہ شریف سجانے کی نیت کی جبکہ 10اسلامی بھائیوں نے ایک ماہ رمضان المبارک کے اعتکاف کے لئے اپنے نام لکھوائے ۔ (رپورٹ : محمد رضوان عطاری مدنی اسپیشل پرسنز ڈیپارٹمنٹ پاکستان آفس، کانٹینٹ: رمضان رضا عطاری)

18 فروری2023ء کو معذور افراد ذ مہ دار خالد محمود عطاری اور اسپیشل ایجوکیشن ذمہ دار احمد اویس عطاری (پاکستان)نے گورنمنٹ انسٹیٹیوٹ فار بلائنڈ ایبٹ آباد کا دورہ کیا جہاں انہوں نے معذور اور نابینا افرادسمیت دیگر اسٹاف سے ملاقات کی۔

دورانِ ملاقات خالد محمود عطاری نے اتھارٹی پرسنز کو اسپیشل پرسنزڈیپارٹمنٹ دعوتِ اسلامی اور اس کے تحت شائع کردہ بریل بکس، آڈیو رسائل نیز اسپیشل پرسنز ایپلیکیشن کا تفصیلی تعارف کروایا اور ان کو دعوتِ اسلامی کے ہفتہ وار اجتماع میں شرکت کرنے کی دعوت دی۔ اس دورے میں ڈویژن ذمہ دار محسن فرید عطاری بھی ہمراہ تھے۔ (رپورٹ : محمد رضوان عطاری مدنی اسپیشل پرسنز ڈیپارٹمنٹ پاکستان آفس، کانٹینٹ: رمضان رضا عطاری)

10 فروری 2023ء کو  اسپیشل پرسنز ڈیپارٹمنٹ کے تحت کراچی میں اسپیشل پرسنز(گونگے بہرے، نابینا اور معذور) نے 3 دن کے مدنی قافلے میں سفر کیاجس میں صوبائی ذمہ دار محمد ارسلان عطاری نے شرکا کو وضو، غسل اورنماز کے فرائض و سنتیں سکھائیں ۔

اس کے علاوہ صوبائی ذمہ دار نے اسپیشل پرسنز کو رسالہ نیک اعمال پر عمل کرنے کا ذہن بھی دیا جبکہ ڈسٹرکٹ ذمہ دار محمد وسیم عطاری نے گونگے بہرے اسلامی بھائیوں کی آسانی کیلئے اشاروں کی زبان میں تمام سیشنز کی ترجمانی بھی کی۔(رپورٹ : محمد رضوان عطاری مدنی اسپیشل پرسنز ڈیپارٹمنٹ پاکستان آفس، کانٹینٹ: رمضان رضا عطاری)

15 فروری 2023ء  کو اسپيشل ایجوکيشن سینٹر،ملتان میں گونگے بہرے بچوں میں سیکھنے سکھانے کا حلقہ لگایا گیا جس میں صوبائی ذمہ دار محمد وقاص عطاری نے ’’درودِ پاک پڑھنےکے فضائل‘‘ کے موضوع پرسنتوں بھرا بیان کیااوراس کے بعد غسل کے فرائض اور اس کی احتیاطیں بتائیں۔

آخر میں بچوں کے ساتھ سوالات و جوابات کا سیشن بھی ہوا۔اس موقع پر ڈویژن ذمہ دار محمد عثمان عطاری مدنی اور ڈسٹرکٹ ذمہ دار محمد جمال عطاری(ملتان) بھی ہمراہ تھے۔(رپورٹ : محمد رضوان عطاری مدنی اسپیشل پرسنز ڈیپارٹمنٹ پاکستان آفس، کانٹینٹ: رمضان رضا عطاری)

14 فروری2023ء کو  عرسِ امیر معاویہ رضی اللہ عنہ پر صادق آباد پنجاب میں قائم دعوتِ اسلامی کے مدنی مرکز فیضانِ مدینہ میں گونگے بہرے اسلامی بھائیوں میں سیکھنے سکھانے کا حلقہ منعقد ہوا۔

اسپیشل پرسنز ڈیپارٹمنٹ کے تحت ڈویژن ذمہ دار عابد حسین عطاری (بہاولپور) نے اشاروں کی زبان میں ’’نماز کی اہمیت‘‘ کے موضوع پر سنتوں بھرا بیان کیا اور گونگے بہرے اسلامی بھائیوں کو پابندی وقت سے نماز سے پڑھنے کا ذہن دیا۔مزید غسل کے فرائض بھی سکھائے۔ (رپورٹ : محمد رضوان عطاری مدنی اسپیشل پرسنز ڈیپارٹمنٹ پاکستان آفس، کانٹینٹ: رمضان رضا عطاری)

14 فروری2023ءکو کراچی لیاری ٹاؤن میں اسپیشل پرسنزڈیپارٹمنٹ  کے تحت ڈسٹرکٹ ذمہ داران کامدنی مشورہ ہوا جس میں ڈسٹرکٹ ذمہ داران سمیت ٹاؤن ذمہ دار اور نابینا اسلامی بھائیوں نے شرکت کی۔

صوبائی ذمہ دار ارسلان عطاری نے اسپیشل پرسنز ڈیپارٹ کے تحت ہونے والے 12 دینی کاموں کا جائزہ لیا اور مزید دینی کاموں میں اضافہ کرنے کے حوالے سے اسلامی بھائیوں کو مدنی پھول دیئے جس پر انہوں نے اچھی اچھی نیتوں کااظہار کیا۔

اس کے علاوہ لیاری ٹاؤن میں نابینا اسلامی بھائیوں کا مدرسۃُ المدینہ بالغان شروع کرنے کا ہدف بھی دیا ۔اس مدنی مشورے میں نابینا افراد صوبائی ذمہ دار محمد جمیل عطاری بھی شریک تھے۔(رپورٹ : محمد رضوان عطاری مدنی اسپیشل پرسنز ڈیپارٹمنٹ پاکستان آفس، کانٹینٹ: رمضان رضا عطاری)

14 فروری2023ء کو اسپیشل پرسنزڈیپارٹمنٹ  کے تحت ڈسٹرکٹ و میٹروپولیٹن ذمہ دار محمد جمال عطاری مدنی(ملتان) نے ملتان کے علاقے شیر شاہ ٹاؤن میں واقع اسپيشل ایجوکيشن سینٹر کا دورہ کیا۔

جہاں اسپيشل بچوں میں سیکھنے سکھانے کا حلقہ لگایاجس میں بچوں کو وضو،غسل اور نماز پڑھنے کے فرائض سکھائے۔ بعدازاں اسکول انچارج سید منیر سمیت دیگر اسٹاف سے ملاقات کی اور ان کو دعوت اسلامی کے اسپيشل پرسنز ڈیپارٹمنٹ اور ڈیپارٹمنٹ کی اپلیکیشن کا تعارف کروایا۔ آخر میں پرنسپل صاحب کوماہنامہ فیضان مدینہ بھی تحفے میں دیا۔(رپورٹ : محمد رضوان عطاری مدنی اسپیشل پرسنز ڈیپارٹمنٹ پاکستان آفس، کانٹینٹ: رمضان رضا عطاری)

جڑانوالہ،پنجاب میں  13فروری2023ء کو اسپیشل پرسنزڈیپارٹمنٹ کے تحت علاقائی دورے کا سلسلہ ہوا جس میں ڈسڑکٹ ذمہ دار محمدنعمان بدر عطاری(فیصل آباد) نے ڈویژن ذمہ دار ارسلان عطاری کے ہمراہ جڑانوالہ سٹی میں مختلف مقامات پر اسپیشل پرسنز اوران کے سرپرستوں سے ملاقات کی۔

دورانِ ملاقات محمدنعمان بدر عطاری نے اسپیشل پرسنز سے ملاقات کی اور انہیں ہفتہ وار اجتماع میں شرکت کرنے کی دعوت دی جس پر انہوں نے نیک خواہشات کا اظہار کیا۔ (رپورٹ : محمد رضوان عطاری مدنی اسپیشل پرسنز ڈیپارٹمنٹ پاکستان آفس، کانٹینٹ: رمضان رضا عطاری)

دعوتِ اسلامی کے اسپیشل پرسنزڈیپارٹمنٹ  کے تحت 14فروری2023ء کو اطراف گاؤں جڑانوالہ،پنجاب میں گونگے بہرے اسلامی بھائیوں میں سیکھنے سکھانے کا حلقہ منعقد ہوا ۔

ڈیف ڈویژن ذمہ دار ارسلان عطاری (فیصل آباد) نےگونگے بہرے اسلامی بھائیوں کو اشاروں کی زبان میں غسلِ میت دینے کا طریقہ اور وضو کے فرائض واجبات بتائے نیز شرکا کو ہفتہ وار اجتماع میں شرکت کرنے کی دعوت بھی دی جس پر انہوں اچھی اچھی نیتوں کا اظہار کیا۔ اس حلقے میں فیصل آباد ڈسڑکٹ ذمہ دار محمدنعمان بدر عطاری بھی ہمراہ تھے۔ (رپورٹ : محمد رضوان عطاری مدنی اسپیشل پرسنز ڈیپارٹمنٹ پاکستان آفس، کانٹینٹ: رمضان رضا عطاری)

15 فروری  2023ء کو مردان، خیبر پختونخوا میں دعوت اسلامی کے شعبے اسپیشل پرسنز ڈیپارٹمنٹ کے ذمہ دار خالد محمود عطاری نے دیگر ذمہ داران کیساتھ جامعہ قادریہ کا وزٹ کیا اور جامعہ ہذا کے مہتمم مولانا مفتی فضلِ منان قادری سے ملاقات کی ۔

اس ملاقات میں ذمہ داران نے مفتی صاحب سے جامعہ قادریہ میں اشاروں کی زبان کے کورس کے لئے مشورہ کیا جس پر مفتی صاحب نے خوشی کا اظہار کیا اور امتحانات کے بعد شوال میں اشاروں کی زبان کے کورس کروانے کی اچھی اچھی نیتیں کیں ۔

مزید خیبر پختونخواہ میں دینی کاموں کے حوالے سے مدنی مشورہ کیا ۔ اس ملاقات میں اسپیشل ایجوکیشن ذمہ دار احمد اویس عطاری (پاکستان) اور ڈویژن ذمہ دار مولانا ہدایت اللہ خان عطاری (پشاور) بھی شریک تھے۔(رپورٹ: محمد رضوان عطاری مدنی (اسپیشل پرسنز ڈیپارٹمنٹ پاکستان آفس )/ کانٹینٹ : محمد مصطفیٰ انیس)

اسپیشل پرسنز ڈیپارٹمنٹ دعوتِ اسلامی  کے تحت معذور افراد ذمہ دار خالد محمود عطاری(پاکستان) نے 14 فروری 2023ء کوکوہاٹ خیبر پختونخوا میں نیشنل اسپیشل ایجوکیشن کمپلیکس کا دورہ کیا۔

جہاں خالد محمود عطاری نے پرنسپل اور وہاں موجود دیگر اسٹاف سے ملاقاتیں کیں اور انہیں اسپیشل پرسنز ڈیپارٹمنٹ دعوتِ اسلامی کے تحت ہونے والے دینی کاموں کے حوالے سے آگاہی دیں نیز دعوتِ اسلامی کے ساتھ ملکر دین کا کام کرنے کی دعوت بھی دی جس پر پرنسپل صاحب نے ہر قسم کے تعاون کرنے کی یقین دہانی کروائی۔

آخر میں ذمہ داران نے اتھارٹی پرسنز کو فروری 2023ء کا ”ماہنامہ فیضانِ مدینہ“ تحفے میں پیش کیا جبکہ اس ملاقات میں اسپیشل ایجوکیشن پاکستان ذمہ دار احمد اویس عطاری بھی ہمراہ تھے ۔ (رپورٹ : محمد رضوان عطاری مدنی اسپیشل پرسنز ڈیپارٹمنٹ پاکستان آفس، کانٹینٹ: رمضان رضا عطاری)

دعوتِ اسلامی  کے اسپیشل پرسنز ڈیپارٹمنٹ کے تحت 07 فروری2023ء کوفیضانِ مدینہ G11 اسلام آباد میں مدنی مشورہ ہوا جس میں راولپنڈی ڈویژن کے ذمہ دار اسلامی بھائیوں سمیت صوبائی ذمہ دار حافظ محمد وقاص عطاری نے شرکت کی۔

اس موقع پر نگران شعبہ سید عمیر اسلم ہاشمی نے سابقہ شعبہ کے دینی کاموں کی جائزہ لیا اور اسلامی بھائیوں کو رمضان المبارک میں 1ماہ اور 10 دن کے اعتکاف کروانے، ہفتہ وار اجتماع ،ہفتہ وار مدنی مذاکرہ، مدرسۃ المدینہ بالغان، درس، سرپرست ملاقات ، رہائشی اشاروں کی زبان کورس ،خودکفالت اور دیگر دینی کاموں کے اہداف دیئے جس پر ذمہ داران نے اچھی اچھی نیتوں کا اظہار کیا۔ (رپورٹ : محمد رضوان عطاری مدنی اسپیشل پرسنز ڈیپارٹمنٹ پاکستان آفس، کانٹینٹ: رمضان رضا عطاری)