ہمارا پیارا ملک پاکستان 27 رمضان المبارک کو وجود میں آیا اور اس کے شہر اپنی اپنی روایتوں کے حساب سے ایک منفرد مقام رکھے ہوئے ہیں جبکہ اس کا سب سے بڑا شہر اور صنعتی حب کراچی جو آزادی کے وقت ملک کا ”دارُالخلافہ“ ہوا کرتا تھا اور اس وقت کیماڑی سے شروع ہو کر ٹکری یعنی چھوٹی سی پہاڑی جہاں اب بانیِ پاکستان کا مقبرہ ہے وہاں پر ختم ہوجاتا تھا لیکن آج بہت کم لوگ جانتے ہیں کہ کراچی کا پرانا نام” کولاچی“ تھا جس کی اصل تاریخ کولاچی جو گوٹھ سے شروع ہوتی ہے، جہاں سمندر کے کنارے کولاچی نامی بلوچ قبیلہ آباد تھا پھر جیسے جیسے وقت گزرتا گیا نام بھی تبدیل ہوتا رہا لیکن اس کے باوجود آج بھی مائی کلاچی کے نام سے کراچی میں علاقہ موجود ہے۔ جو کولاچی نامی بلوچ قبیلہ کی یاد دلاتا ہے۔

اس وقت کراچی کی ٹرانسپورٹ میں ٹرام، ڈبل ڈیکر بس، کار، سائیکل اور موٹر سائیکل کے علاوہ تانگوں، چار پہیوں والی بگھیوں، اونٹ گاڑیوں کی بہتات ہوتی تھی اور لوگ ایک علاقے سے دوسرے علاقوں میں اسی میں سفر کیا کرتے تھے۔ بندر روڈ جو آج ایم اے جناح روڈ کے نام سے مشہور ہے، گبول کالونی جو اب بڑا بورڈ پاک کالونی، پٹیل پارک اور کرکٹ گراؤنڈ نشتر پارک کے نام سے جانا جاتا ہے جبکہ رنچھوڑ لائن، کھارادر، بولٹن مارکیٹ، ٹاور،برنس روڈ، لی مارکیٹ، صدر، ایمپریس مارکیٹ و دیگر آج بھی اپنے پرانے نام سے پہچانے جاتے ہیں۔

پرانا کراچی اور نیا کراچی کے سوالات نہ صرف جنر یشن گیپ کی نشاندہی کرتے ہیں بلکہ کمیونی کیشن گیپ کی بھی نشاندہی کرتے ہیں۔ لہٰذا ہم نے اس تحریر میں آپ کو چند ایسے مشہور علاقوں کے پرانے نام بتائے ہیں جو اب صرف تاریخ کی کتابوں میں زندہ ہیں۔

کراچی کے علاقے سائٹ ایریا میں کپڑا تیار کرنے والی فیکٹری میں اچانک آگ بھڑک اٹھی جس نے دیکھتے ہی دیکھتے فیکٹری کے اندرونی حصے میں قائم گودام کو اپنی لپیٹ میں لے لیا۔ آگ کی اطلاع ملتے ہی فائر بریگیڈ کی دو گاڑیاں جائے وقوعہ پر روانہ کی گئیں ۔ تاہم آگ کی شدت کے باعث مزید گاڑیاں روانہ کی گئیں۔ شدید دھوئیں کے باعث فائر بریگیڈ کے عملے کو ابتدا میں آگ لگنےکے مقام تک پہنچنے میں  دشواری کا سامنا کرنا پڑا، تاہم فیکٹری کی عقبی دیوار اور لوہے کی گرل کاٹ کر آگ لگنے کےمقام تک پہنچا گیا اور آگ کو مزید پھیلنے سے روک دیا گیا اور کئی گھنٹوں کی جدوجہد کے بعد آگ پر قابو پاتے ہی فیکٹری میں کولنگ کا عمل شروع کیا گیا۔ آگ لگنے کے نتیجے میں فیکٹری میں موجود کروڑوں روپے کا سامان جل کر خاکستر ہوگیا جبکہ کسی قسم کے جانی نقصان کی اطلاع نہیں ملی۔

دعوتِ اسلامی کی مرکزی مجلس شوریٰ کے رکن حاجی منصور رضا عطاری کے تایا جان میاں معراج دین کا رضائے الہٰی سے انتقال ہوگیا اِنَّا لِلہِ وَاِنَّا اِلَیْہِ رٰجِعُوْن۔ ان کی نماز جنازہ لاہور میں واقع دربار میراں حسین زنجانی پر رکنِ شوریٰ حاجی منصور رضا عطاری کی امامت میں ادا کی گئی جس میں مقامی اسلامی بھائیوں سمیت دیگرعاشقانِ رسول نے شرکت کی۔

پچھلے دنوں پنجاب کے شہر ڈھنگ شاہ منڈی عثمان والا روڈ پر دعوتِ اسلامی کے سنّتوں بھرے  اجتماع سے واپس آنے والے مدرسۃ المدینہ بالغان کے قاری محمد جاوید عطاری ڈاکوؤں کی فائرنگ سے زخمی ہوگئے تھے جنہیں فوری طبی امداد کے لئے لاہور کے جنرل اسپتال منتقل کیاگیا۔ رکنِ شوریٰ حاجی یعفور رضاعطاری نےدیگر ذمّہ داران کے ہمراہ اسپتال جا کر ان کی عیادت کی اور جلد صحتیابی کےلئے دعا بھی فرمائی۔

عاشقانِ رسول کی مدنی تحریک دعوتِ اسلامی اپنے ہفتہ وار سنّتوں بھرے اجتماعات کے ذریعے دینِ اسلام  کی ترویج و اشاعت میں ایک اہم کردار ادا کررہی ہے۔ ان سنّتوں بھرے اجتماعات میں ہونے والے اصلاحی بیانات ،ذکر و دعا اور مدنی حلقوں میں سنّتیں اور آداب سیکھنے اور سکھانے کا جو سلسلہ ہوتا ہے ان میں شرکت کرنے والے کئی اسلامی بھائیوں کی قسمت کو بدلتے دیکھا گیا ہے۔ ان ہفتہ وار سنّتوں بھرے اجتماعات کو مزید مضبوط بنانے اور رات نفلی اعتکاف کرنے کے حوالے سے عالمی مدنی مرکزفیضانِ مدینہ کراچی میں برکاتی زون کے ذمّہ داران کا مدنی مشورہ ہوا جس میں نگران ِزون،نگرانِ کابینہ اور دیگر ذمّہ داران نے شرکت کی ۔ رکنِ شوریٰ حاجی محمد امین عطّاری نے ذمّہ داران کی کارکردگی کا جائزہ لیتے ہوئے ان کی مدنی تربیت کی اور آئندہ کے اہداف طے کرتے ہوئے مدنی پھول دئیے۔

اَلْحَمْدُ لِلّٰہِ عَزَّ وَجَلَّ دعوت ِاسلامی کے تحت عازمینِ حج وعمرہ کی راہنمائی اور تربیت کے لئے ایک مجلس بنام ”مجلس حج وعمرہ“ قائم ہے جس کے تحت بالخصوص ایّامِ حج میں حج تربیتی اجتماعات کا انعقاد کیا جاتا ہے ۔اسی سلسلے میں پرائیویٹ ٹورآپریٹر کے تحت کراچی کے علاقے سی بی ا برار سوسائٹی کے ایک ہال میں حج تربیتی اجتماع کا انعقاد کیا گیا جس میں نگرانِ مجلسِ حج و عمرہ نے سنّتوں بھرا بیان کیا اور شرکا کو احرام باندھنے کا طریقہ، حج و عمرہ کا طریقے ،اور حاضریِ مدینہ زاد ہَااللہ شرفاً وَّ تعظیماً کے آداب بھی بیان کئے۔

ہماری زندگی کے لمحات نہایت قیمتی ہے اگر ہم نے ان کو بے کار ضائع کر دیا تو حسرت و ندامت کے سوا کچھ ہاتھ نہ آئے گا۔یوں تو ہر لمحہ اور ہر دن ہی ہمارے لئے قیمتی ہےلیکن جمعۃ المبارک  کے دن کو وہ خصوصیت و فضلیت حاصل ہےجو کسی اور دن کو حاصل نہیں۔اس کی فضلیت کا اندازہ اس بات سے باخوبی لگایا جا سکتا ہے کہ اللہ پاک نے قراٰنِ پاک میں ایک پوری سورت ”سُوْرَۃُ الجُمعَۃ“کے نام سے نازل فرمائی ہے۔

افسوس! ہم نا قدرے جمعۃ المبارک کوبھی عام دنوں کی طرح غفلت میں گزار دیتے ہیں حالانکہ جمعہ یومِ عید ہے*سب دنوں کا سردار ہے*اس دن جہنَّم کی آگ نہیں سُلگائی جاتی*ہر جمعہ 1 کروڑ 44 لاکھ افراد جہنَّم سے آزاد کیے جاتے ہیں*اس دن انتقال کر جانے والا خوش نصیب مسلمان شہید کا رتبہ پاتا ہے اور عذابِ قبر سے محفوظ ہو جاتا ہے*اللہ پاک جمعۃ المبارک کے دن والدین کی قبر پر حاضر ہونے والے کے گناہ بخش دیتا ہے*نمازِ جمعہ کے بعد مجلسِ علم میں شرکت کرنامُستحَب ہے*اس دن عصر تا مغرب میں ایک ایسی گھڑی ہے جس میں دعا قبول ہوتی ہے۔

ہمیں چاہیے کے بطورخاص اس دن درود و سَلام، تلاوت،نوافل و دعا کا اہتمام کریں اور اپنے آپ کو گناہوں سے محفوظ رکھیں کیونکہ اس دن کی ایک نیکی کا ثواب ستّر70گناثواب کے برابر ہے۔

جمعۃ المبارک کے مزید فضائل جاننے کے لئے امیر اہلِ سنّت دَامَتْ بَرَکَاتُہُمُ الْعَالِیَہ کا رسالہ” فیضانِ جمعہ“ کاضرور مطالعہ فرمائے ۔

 عاشقانِ رسول کی مدنی تحریک دعوتِ اسلامی کے تحت خیابانِ راحت ڈیفنس کراچی میں سنّتوں بھرے اجتماع کا انعقاد کیا گیا جس میں مختلف شخصیات اوراہلِ علاقہ سمیت دیگر عاشقانِ رسول نے شرکت کی۔ رکنِ شوریٰ مولانا حاجی عبد الحبیب عطاری نے سنّتوں بھرا بیان کیا اور شرکا کو دعوتِ اسلامی کے مدنی ماحول سے وابستہ رہنے اور دعوتِ اسلامی کے تحت ہونے والے ہفتہ وار سنّتوں بھرے اجتماعات میں شرکت کر نے کی ترغیب دلائی۔

خوشخبری

”دعوتِ اسلامی کے شب و روز“کا قیام

اللہ کریم کے فضل و کرم سے عاشقانِ رسول کی مدنی تحریک دعوتِ اسلامی تقریباً دنیا بھر میں اپنا مدنی پیغام پہنچاچکی ہے،اس کے 107شعبوں اوردیگرمدنی کاموں کی خبروں(اپ ڈیٹس) کوتحریری صورت میں عام کرنے کے لئے ایک نیا شعبہ بنام”دعوتِ اسلامی کے شب و روز“ قائم کیا گیا ہے۔دئیے گئے لنک کو کلک کرنے سےآپ بذریعہ ویب سائٹ دعوتِ اسلامی کی اپ ڈیٹس سے آگاہ ہوسکتے ہیں ۔news.dawateislami.net

آپ بھی اپنے حلقے،ڈویژن،کابینہ ،زون ،ریجن اورشعبے کی اپ ڈیٹس اس واٹس اپ نمبریا میل آئی ڈی پر روانہ فرمائیں:

واٹس اپ نمبر:0303-2369286

میل آئی :shaboroz@dawateislami.net

دعوتِ اسلامی کے تحت زم زم نگر حیدر آباد کی جامع مسجد خضراء میں سنّتوں بھرے اجتماع کا انعقاد کیاگیا جس میں اہل، علاقہ، شخصیات اور دیگر اسلامی بھائیوں نے شرکت کی۔ اجتماع ِپاک میں نگرانِ امجدی زون نے سنّتوں بھرا بیان کیا اور شرکا کی مدنی تربیت کرتے ہوئے انہیں ذہن دیاکہ ہمیں دعوتِ اسلامی کے ہفتہ وارسنّتوں بھرے اجتماع میں شرکت اور مدنی قافلوں میں سفر کرناہے۔

اللہپاک کی رحمت سے ملک پاکستان سے اس سال دو لاکھ عاز مین حج فریضۂ حج ادا کررہے ہیں، ان حجاجِ کرام کی رہنمائی کے دعوتِ دعوتِ اسلامی کی مجلس حج و عمرہ قائم ہے جس کے تحت ان حجاج کرام کے لئے وقتاً فوقتاً حج تربیتی اجتماعات منعقد کئے جاتے ہیں جبکہ مجلس تقسیمِ رسائل کی جانب سے انہیں دوران حج آسانی کے لئے امیرِ اَہلِ سنّت علامہ محمد الیاس عطّاؔر قادری دَامَتْ بَرَکَاتُہُمُ الْعَالِیَہ کی مایہ ناز تصنیف ”رفیق الحرمین“ تحفے میں پیش کی جاتی ہے۔جس میں حج و عمرہ کے بنیادی مسائل،زیارات اور حج و عمرہ کے دوران پڑھی جانے والی دعائیں،احرام باندھنے کا طریقہ اور بہت کچھ ہے۔

مجلس تقسیمِ رسائل کے تحت اس کتاب کو حاجیوں میں تقسیم کروانے میں آپ بھی ہمارا ساتھ دیجئے۔اس کارِ خیر میں حصہ ملانے کے لئے اس نمبر پر رابطہ فرمائیں۔ 0313-1139278

پاکستان سے پہلی حج پرواز عازمینِ حج کو لیکر روانہ ہوگئی، لاہور ائیرپورٹ سے 216 عازمین لیکر نجی ائیرلائن کی پرواز صبح 4:45 پر  مدینہ منورہ زاد ہَااللہ شرفاً وَّ تعظیماً روانہ ہوئی۔ وزارتِ مذہبی امور کے حکام نے عازمینِ حج کو رخصت کرتے ہوئے کہا کہ عازمینِ حج پاکستان کی سلامتی کےلئے خصوصی دعائیں کریں۔