دعوتِ اسلامی کی مجلس جامعۃالمدینہ کے تحت بھمبہ کلاں گاؤں مصطفٰی آباد رائیونڈمیں جامعۃ المدینہ جوہر ٹاون کے ایک مدرِّس

کی والدہ کے ایصالِ ثواب کے سلسلے میں اجتماعِ پاک کا انعقاد کیا گیا جس میں مرحومہ کے رشتہ دار، عزیزو اقارب، اہلِ علاقہ سمیت دیگر عاشقانِ رسول نے شرکت کی۔رکنِ شورٰی حا جی محمد اسد رضا عطاری مدنی نے فکر ِآخرت پرسنّتوں بھرا بیان کیا اور شرکا کو اپنا محاسبہ کرتےہوئے تقویٰ اور پرہیزگاری اختیار کرنے کا ذہن دیا۔علاوہ ازیں مرحومہ کے لئے دعائے مغفرت بھی کی گئی۔

ذوالحج اسلامی سال کا بارہواں مہینہ ہے جو حرمت والے مہینوں میں شامل ہے ۔حرمت یعنی احترام والے مہینے چار ہیں۔ذوالقعدہ،ذوالحجہ،محرم  الحرام اور رجب ،ان چار مہینوں میں سب سے افضل ذوالحجہ ہے ،باالخصوص اس کے پہلے دس دن اور راتوں کے فضائل تو بہت زیادہ ہیں ۔قراٰ ن کریم میں بھی اس مہینے کی پہلی دس راتوں کی قسم ارشاد فرمائی ہے ۔

PIA نے کامیابی سے قبل از حج آپریشن مکمل کرلیا، پی آئی اے نے ایک ماہ طویل قبل ازحج آپریشن میں292 پروازوں کے ذریعے82300 عازمین کو حجازِ مقدّس پہنچایا۔PIA کی آخری حج پرواز لاہور سے جدہ روانہ ہوئی، پرواز پی کے739 کے400 سے زائد عازمین کو اسٹیشن مینجر نے رخصت کیا،اس حوالے سے ادارے کے CEO نے بتایا کہ PIAنے دس مقامات سے عازمین حج کو حجاز مقدّس پہنچایا انہوں نے مزید کہا کہ حج کے بعد حجّاج کرام کی وطن واپسی کےلئے آپریشن17 اگست 2019ءسے شروع ہو کر14 ستمبر2019ء کو اختتام پذیر ہو گا۔اس سلسلے میں جدہ اور مدینہ کے حج ٹرمینل پر حجّاج کرام کی واپسی کےلئے خصوصی انتظامات کیے گئے ہیں۔

دعوتِ اسلامی کی مجلس ازدیاد حب کے تحت فیصل آباد سرگودھاروڈ کے قریب ایک آفس اور غلام محمد آباد کی ایک مارکیٹ میں دکان پرمدنی حلقے کا سلسلہ ہواجس میں آفس کے اسٹاف سمیت دیگر عاشقانِ رسول نے شرکت کی ۔ مبلغ دعوت اسلامی نے نیکی کی دعوت دی اور شرکا کو دعوتِ اسلامی کے مدنی کاموں میں حصّہ لینے کا ذہن دیا۔

دعوتِ اسلامی کی مجلس مدنی کورسز کے تحت ملتان میں معلّم مدنی قاعدہ کورس کےاختتام پر مدنی حلقے کا انعقاد کیا گیاجس میں مختلف شہروں سے کورس کرنے آئے ہوئے عاشقانِ رسول نے شرکت کی ۔نگرانِ مجلس نے سنّتوں بھرا بیان کیا اور شرکا کو اپنے اپنے علاقوں کی مساجد میں مدرسۃ المدینہ بالغان پڑھانے کی ترغیب دلائی۔