دعوتِ اسلامی کی مجلس رابطہ برائے تاجران کے تحت فیصل آباد کے علاقے ڈی گراؤنڈ میں ایک تاجر اسلامی بھائی کے گھر مدنی حلقے کا سلسلہ ہوا جس میں مقامی تاجر، شخصیات اور دیگر اسلامی بھائیوں نے شرکت کی۔ رکنِ شوریٰ مولانا حاجی عبدالحبیب عطاری نے درود پاک کی فضیلت اور واقعہ کربلا کے حوالے سے سنّتوں بھرا بیان کیا۔

دعوتِ اسلامی کے تحت رکنِ شوریٰ مولانا حاجی عبدالحبیب عطاری نے پنجاب کے مختلف شہروں کا دورہ کیا۔ اپنے دورے کے دوران آپ نے فیصل آباد ریجن کے زون چیچہ وطنی بلاک نمبر2 میں ایک تاجر اسلامی بھائی کے گھرمدنی حلقہ ہوا جس میں مقامی تاجر اور اسلامی بھائیوں نے شرکت کی۔ رکنِ شوریٰ نے شرکا کو دعوت ِاسلامی کے مدنی کاموں کا تعارف پیش کیا اور انہیں مدنی ماحول سے وابستہ ہونے، مدنی کاموں میں بڑھ چڑھ کر حصہ لینے، اجتماع میں شرکت کرنے اور قافلوں میں سفر کرنے کی ترغیب دلائی۔

دعوتِ اسلامی کے تحت سندھ کے شہر نواب شاہ میں تمام شعبہ جات کے رکن کابینہ و نگران کابینہ  اور ذمہ داران کا سنّتوں بھرا اجتماع ہوا جس میں رکن شوریٰ حاجی محمد فاروق جیلانی عطاری نے سنّتوں بھرا بیان کیا اور ذمہ داران کو دعوتِ اسلامی کے 12 مدنی کاموں کو مزید بہتر بنانے اور نیک کام کے رسالے پُرکرکے جمع کرانے کا ذہن دیا۔رکن شوریٰ نے ان اسلامی بھائیوں کو 8، 9 اور 10 محرم الحرام 1441 ھ کو 3 دن کے قافلوں میں خود بھی سفر کرنے اور دیگر اسلامی بھائیوں کو بھی اس کی ترغیب دلانے کا ذہن دیانیزماہ ذوالحجۃ الحرام میں اچھی کارکردگی پر ذمہ داروں میں تحائف تقسیم کئے۔

دعوتِ اسلامی کی مجلس تعمیرات کے تحت سندھ کے ضلع خیرپور میرس کے ایک  گاؤں میں مدنی مرکزفیضانِ مدینہ کا سنگ بنیاد رکھا گیا۔ نگران کابینہ، ڈویژن نگران اور دیگر اسلامی بھائی موقع پر موجود تھے۔ نگرانِ کابینہ اور  ڈویژن نگران نے اینٹیں لگاکر مدنی مرکزفیضانِ مدینہ کا سنگ بنیاد رکھا اور اس کی جلد تعمیر اور مدنی کام شروع ہونے کے حوالے سے دعا بھی کی۔

دعوتِ اسلامی کی مجلس وکلاکے تحت ریجن ذمّہ دار اور زون ذمّہ داران نے راولپنڈی اور فیصل آباد کے مختلف دفاتر میں وکلاسے ملاقات کی اور مدنی حلقے لگائے ذمّہ دار اسلامی بھائی نے وکلا کو نیکی کی دعوت دی اور دعوتِ اسلامی کا تعارف پیش کرتے ہوئے ہفتہ وار اجتماع میں شرکت اور 8،9،10، محرم الحرام 1441ھ کو مدنی قافلے میں شرکت کرنے کی ترغیب دلائی۔مختلف وکلا کے نام یہ ہے۔تنویر سہیل (صدر ڈسٹرکٹ بار راولپنڈی)، راجا عابد رضا(اٹارنی جنرل)،الطاف حسین(ایڈوکیٹ سابق صدر بار ایسوسی ایشن سمندری)، ارشاد احمد شاد(ایڈوکیٹ)اور انوارالحق(ایڈوکیٹ)۔

اسی طرح مجلس وکلا کے تحت مری میں فیضانِ نماز کورس کا سلسلہ ہوا جس میں کورٹ اسٹاف کے اسلامی بھائیوں نے شرکت کی۔مبلغینِ دعوتِ اسلامی نے مختلف موضوعات پر شرکا کی تربیت کی اوردعوتِ اسلامی کے مدنی کاموں کے عملی طریقوں کے ساتھ ساتھ نماز کا عملی طریقہ بھی سکھایا گیا۔

دعوتِ اسلامی کی مجلس رابطہ کے تحت ریجن ذمّہ داران نے ملتان اور اسلام آباد میں مختلف شخصیات سے ملاقات کی اور دعوتِ اسلامی کے تحت چلنے والے شعبہ جات کے حوالے سے تفصیلی بریفنگ دی اور عالمی مدنی مرکز فیضانِ مدینہ کراچی میں تشریف لانے کی دعوت دی نیز ذمّہ دار اسلامی بھائی نےشخصیات کومکتبۃ المدینہ کے کتب تحائف میں دیئے۔ مختلف شخصیات کے نام یہ ہیں۔سردارزبیر احمد(C.P.Oملتان)،محمد اقبال بلوچ(D.S.Pہیڈ کوارٹر)،محمد رضوان (J.J.T.Tکے انچارج)،راجا وقار ممتاز(سیاسی شخصیت) اورسینیٹر راجا ظفرالحق۔

دعوتِ اسلامی کی مجلس مدنی چینل عام کریں کے تحت 06ستمبر2019ء سے مدنی مرکزفیضانِ مدینہ کمپنی باغ مری میں پانچ دن کے فیضانِ نماز کورس کا انعقاد کیاجارہاہے۔اسی سلسلے میں مجلس مدنی چینل عام کریں کے ذمّہ داران نے ریجن ذمّہ دار کے ہمراہ حیدرآباد کے مختلف علاقوں میں کیبل نیٹ ورک کے دفتر میں مالکان اور دیگر اسٹاف سے ملاقاتیں کیں۔ذمّہ دار اسلامی بھائی نے نیکی کی دعوت دیتے ہوئے دعوتِ اسلامی اور خصوصًا مجلس مدنی چینل عام کریں کاتعارف پیش کیا اورفیضانِ نماز کورس میں شر کت کرنے کی دعوت دی۔

اسی طرح مجلس مدنی چینل عام کریں کے تحت ذمّہ داران نے حیدرآباد صدر میں موبائل شاپ کے مالکان اور موبائل مارکیٹ ایسوسی ایشن کے صدر فرحان بابا سے ان کے آفس میں جاکر ملاقات کی اورانہیں مجلس مدنی چینل عام کریں کا تعارف پیش کرتےہوئے نیکی کی دعوت دی۔ریجن ذمّہ دار نے انہیں فیضان ِنماز کورس میں شرکت کرنے کی دعوت دی جس پر شرکا نےبھر پور شرکت کرنے اور دوسروں کو بھی شرکت کروانے کی نیت کی۔

دعوت ِاسلامی کی مجلس شعبۂ تعلیم کے تحت سندھ کے شہر جامشورو کی سندھ یونیورسٹی میں نیکی کی دعوت کا سلسلہ ہوا۔مجلس کے ذمّہ داران نے ہاسٹل پرویسٹ کے انچارج ثاقب رضا برڑو،اسٹوڈنٹس اور  دیگر اسٹاف ممبران سے ملاقات کی اور انہیں دعوتِ اسلامی کے مختلف شعبہ جات کا تعارف پیش کیا۔مبلغ دعوت اسلامی نے اسلامی بھائیوں کو دعوت ِاسلامی کے ہفتہ وار اجتماع میں شرکت اور قافلوں میں سفر کرنے کا ذہن دیتے ہوئےامیر اہلِ سنّت دَامَتْ بَرَکَاتُہُمُ الْعَالِیَہ کے رسائل اور ماہنامہ فیضانِ مدینہ تحفے میں دیا۔

دعوتِ اسلامی کی مجلس جدول وجائزہ کے تحت رکنِ شوریٰ حاجی محمد امین عطاری نے پاکستان کے سب سے بڑے صوبے، صوبہ بلوچستان کے مختلف شہروں کا دورہ کیا اور یہاں ہونے والے مدنی کاموں کا جائزہ لیا۔رکن ِشوریٰ نے مختلف مساجد میں مجلس آئمہ کرام ، مجلس مدرسۃ المدینہ بالغان ،مدرسۃ المدینہ اور جامعۃ المدینہ کے طلبہ ، اساتذۂ کرام ، اراکینِ کابینہ اور ذمّہ داران کی تربیت کی اور سنّتوں بھرا بیان کرتے ہوئے محر م الحرام 1441ھ کے قافلے میں خود بھی شرکت کرنے اور دوسروں کو سفر کروانے کی ترغیب دلائی ۔

مجلس نیک کام کے تحت فیصل آباد کے علاقے رسالہ والا روڈ پر واقع جامع مسجد پیر فضل محمدی میں فیضان تجوید و قراٰن کورس اسلامی بھائیوں کی تربیت کا سلسلہ ہوا۔ مبلغ دعوتِ اسلامی نے سنتوں بھرا بیان کیا اور ان عاشقان رسول کو ’’72 نیک کام‘‘ پر عمل کرنے کی ترغیب دلاتے ہوئےخصوصی طور پر تہجد اور اشراق و چاشت کے نوافل پڑھنے کا ذہن دیا۔آخر میں مبلغ دعوت اسلامی نے 12نیک کام پر عمل کرنے والے عاشقان رسول اور دیگر اسلامی بھائیوں میں مٹی کی پلیٹس اور پیالے تقسیم کئے اور انہیں مٹی کے برتن میں کھانا کھانے کی ترغیب بھی دلائی۔

دعوتِ اسلامی کے تحت سندھ کے شہر سکھر میں ذمہ داران کا  سنتوں بھرا اجتماع ہوا جس میں سکھر، ڈھرکی، جیکب آباد، لاڑکانہ، کشمور، گمبٹ، میرپورماتھیلو اور دیگر زونز کے کابینہ ذمہ داران، علاقائی مشاورت کے ذمّہ داران، ڈویژن مشاورت کے ذمّہ داران، اراکین کابینہ اور دیگر اسلامی بھائیوں نے شرکت کی۔اجتماعِ پاک میں رکنِ شوریٰ حاجی محمد فاروق جیلانی عطاری نے سنتوں بھرا بیان فرمایا اور تمام شرکا کودعوتِ اسلامی کے 12 مدنی کام کو بڑھانے کے حوالے سے ترغیب دلائی جبکہ انہیں 8، 9 اور 10 محرم الحرام 1441ھ کو قافلوں میں خود بھی سفر کرنے اور دیگر اسلامی بھائیوں سفر کروانے کا ذہن دیا ۔