دعوتِ اسلامی کے تحت سندھ کے شہر سکھر میں ذمہ داران کا  سنتوں بھرا اجتماع ہوا جس میں سکھر، ڈھرکی، جیکب آباد، لاڑکانہ، کشمور، گمبٹ، میرپورماتھیلو اور دیگر زونز کے کابینہ ذمہ داران، علاقائی مشاورت کے ذمّہ داران، ڈویژن مشاورت کے ذمّہ داران، اراکین کابینہ اور دیگر اسلامی بھائیوں نے شرکت کی۔اجتماعِ پاک میں رکنِ شوریٰ حاجی محمد فاروق جیلانی عطاری نے سنتوں بھرا بیان فرمایا اور تمام شرکا کودعوتِ اسلامی کے 12 مدنی کام کو بڑھانے کے حوالے سے ترغیب دلائی جبکہ انہیں 8، 9 اور 10 محرم الحرام 1441ھ کو قافلوں میں خود بھی سفر کرنے اور دیگر اسلامی بھائیوں سفر کروانے کا ذہن دیا ۔

آج  بروز جمعرات 29 اگست2019ء مدنی چینل پر دعوت اسلامی کا ہفتہ وار سنتوں بھرا اجتماع رضائے مصطفی مسجد کورنگی نمبر چار کراچی سے براہ راست نشر کیا جائے گا جس میں رکن شوریٰ محمد اطہر عطاری شان فاروق اعظم رضی اللہ عنہ کے موضوع پرسنتوں بھرا بیان فرمائیں گے ۔ آپ بھی اپنے قریبی ہفتہ وار سنتوں بھرے اجتماعِ پا ک میں شرکت فرمائیں اور دوسروں کو ترغیب دلا کر ساتھ لانے کی کوشش فرمائیں۔

مدنی چینل عام کریں مجلس کے ذمہ دار اسلامی بھائی  مدنی کاموں کے سلسلے میں نے داتا نگر لاہور کے علاقے بادامی باغ میں قائم دعوت اسلامی کے مدرسۃ المدینہ کا دورہ کیا۔ دورے کے موقع پر بچوں کو خوشخبری سناتے ہوئے ذمہ دار اسلامی بھائی کا کہنا تھا کہ دعوت اسلامی بچوں کی تربیت کیلئے ایک بہت ہی پیارا بچوں کا مدنی چینل لارہی ہے جو بچوں کی کردار سازی، اور ان میں دین کا جذبہ بڑھانے کیلئے کارگر ثابت ہوگا۔ اور بچوں کو گھر میں مدنی چینل دیکھنے کی ترغیب دلائی۔ جس پر بچوں نے نئےکڈز مدنی چینل کے آنے پر خوشی کا اظہار کیا۔ ذمہ دار اسلامی بھائی نے بچوں کو حضرت سیدنا ابراہیم اور حضرت سیدنا اسماعیل علیہماالسَّلام کی قربانی کا واقعہ بیان کیا اور انہیں اپنے والدین کا ادب و احترام کرنے کا ذہن دیا۔

کراچی کی نیوکراچی کابینہ میں سیدنا حضرت عثمان غنی رضی اللہ عنہ اور ابو عطار ‫حاجی عبد الرحمٰن کے ایصال ثواب کے سلسلے میں سنتوں بھرا اجتماع منعقد کیا گیا جس میں جامعۃ المدینہ کے طلبائے کرام ، اساتذۂ کرام، مدرسۃ المدینہ کے مدرسین، ذمہ داران اور دیگر اسلامی بھائیوں نے کثیر تعداد میں شرکت کی۔رکن شوریٰ سید ابراہیم عطاری نے اجتماع پاک میں سنتوں بھرا بیان فرمایا اور دونوں شخصیات کی زندگی پر روشنی ڈالی۔

دعوت اسلامی کی مرکزی مجلس شوریٰ کے رکن حاجی محمد امین عطاری نے نیو لیاری سیکٹرE 51 گڈاپ ٹاؤن نیک محمد گوٹھ میں واقع بلال مسجد کا دورہ کیا۔ اس موقع پر نگران کابینہ، مجلس مدرسۃ المدینہ کورسز ریجن ذمہ داراور دیگر ذمہ داران بھی حاجی محمد امین عطاری کے ہمراہ موجود تھے۔نگران کابینہ نے رکن شوری کو اس جگہ کے حوالے سے تفصیلاً آگاہ کیا اور مختلف شعبہ جات کے حوالے سے بتایا۔ یاد رہے اِنْ شَآءَ اللہ عَزَّ وَجَلَّ اس مسجد میں عنقریب قاعدہ ناظرہ کورس کا آغاز کیا جائے گا۔رکن شوریٰ نے گوٹھ کے آئمہ کرام کے درمیان مدنی حلقہ لگایا اور انہیں دعوت اسلامی کے مدنی کاموں کو مزید بہتر بنانے کے حوالے سے مدنی پھول دئیے۔

دعوتِ اسلامی کے تحت راولپنڈی کی جامع مسجد فیضانِ عطار میں سنّتوں بھرا اجتماع ہوا جس میں ذمّہ داران اسلامی بھائیوں نے شرکت کی۔سٹی کابینہ  کے نگران اور نگران زون نے سنّتوں بھرے بیا نات کئے اور شرکا کی تربیت کی اور عیدقرباں پر کھالیں جمع کرنے میں نمایاں کارکردگی والے اسلامی بھائیوں کو تحائف دیئے۔

دعوتِ اسلامی کی مجلس اسپیشل افراد کے تحت راجن پور اور کشمیر کے  مقامی اسکول میں مدنی حلقہ منعقد ہوا جس میں اسکول کے اسٹوڈنٹس نے شرکت کی۔ نگرا نِ مجلس اسپیشل افراد نے اشاروں کی زبان میں سنّتوں بھرا بیان کیا۔

٭مجلس اسپیشل افراد کے تحت کشمیر میں سنّتوں بھرے اجتماع کا انعقاد کیا گیا جس میں اسپیشل افراد اور ذمّہ داران نے شرکت کی۔مبلغ دعوتِ اسلامی نے سنّتوں بھرا بیان کیا جس کی اشاروں کی زبان میں ترجمانی کی جاتی رہی۔ اجتماع کے اختتام پر اسپیشل افراد کو نماز کا عملی طریقہ بھی سکھایا گیا۔ نگرانِ مجلس نے اسپیشل افراد کے مدرسۃ المدینہ بالغان میں بھی شر کت کی۔

دعوتِ اسلامی کی مجلس اطراف گاؤں کے تحت تلونڈی کے ایک گاؤں ملوک پور میں ایک ڈیرے پر مدنی حلقے کا انعقاد کیا گیا جس میں زمینداروں اور علاقے کی شخصیات نے شرکت کی ۔مبلغ دعوتِ اسلامی نے ”جوانی کیسے گزارنی ہے “ کے موضوع پر سنّتوں بھرا بیا ن کرتے ہوئے دعوتِ اسلامی کا تعارف پیش کیا۔

دعوتِ اسلامی کی مرکزی مجلس شوریٰ کے اراکین حاجی محمد اسد عطاری اور حاجی محمد رفیع العطاری نےحضرت منظور احمد شاہ صاحب رحمۃ اللہ علیہکی رہائش گاہ جاکرمرحوم کے صاحبزادے مظہر فرید شاہ صاحب سے ملاقات کی اور تعزیت کا اظہار کرتے ہوئے فاتحہ خوانی کی۔ 

دعوتِ اسلامی کی مجلس  مدنی چینل عام کریں کے تحت لاڑکانہ میں ریجن اور کابینہ سطح کے ذمّہ داران نے کیبل نیٹ ورک آفس کا دورہ کیا جس میں انہوں نے مشہد حسین، غلام صابر اور منیر احمد عباسی سے ملاقات کی اور دعوت ِاسلامی کا تعارف پیش کرتے ہوئے مدنی چینل کا ڈیٹا فراہم کیا اور اسے کیبل پر چلانے کے حوالے سے ذہن دیا جبکہ ذمّہ دار اسلامی بھائی نے مکتبۃالمدینہ کا شائع کردہ رسالہ تحفے میں دیا ۔

دعوتِ اسلامی کی مجلس مدرسۃالمدینہ کے تحت پنجاب کے شہر  لَیہ اور سرگودھا کے مدرسۃ المدینہ میں تربیت کا سلسلہ ہوا جس میں ریجن ناظم، زون ناظمین اور کابینہ ناظمین نے شرکت کی۔ نگرانِ مجلس مدرسۃالمدینہ نے اولاد کے حقوق پر سنّتوں بھرا بیان کرتے ہوئے شرکا کی تربیت کی اور نمایاں کارکردگی والے اسلامی بھائی کو تحائف بھی دیئے۔ 

دعوتِ اسلامی کی مجلس  اطراف گاؤں کے تحت راولپنڈی کے ایک گاؤں میں مدنی حلقہ کا انعقاد کیا گیا جس علاقے کے اسلامی بھائیوں نے شرکت کی۔مبلغ دعوت ِاسلامی نے شرکاکو دعوت اسلامی کے تحت چلنے والے شعبہ جات کے حوالے سے تفصیلی بریفنگ دی اور انہیں مدنی مذاکرہ میں شرکت اور نیکی کی دعوت عام کرنے کے حوالے سے ترغیب دلائی۔

اسی طرح مجلس تعمیرات کے تحت راولپنڈی چک بیلی جھر کی گاؤں میں کے ذمّہ داران کی کوششوں سے پانچ کنال کا پلاٹ دعوت ِاسلامی کووقف کیا گیا جس پر ڈیڑ ھ کنال میں مدرسۃالمدینہ اور ڈیڑ ھ کنال میں جامعۃ المدینہ جبکہ دو کنال میں جامع مسجد غزالہ تبسم کی تعمیرات جاری ہے جس کا اطراف گاؤں کے ذمّہ داران نےدورہ کیا۔

یادرہے چکوال روڈ، چک بیلی اور چکری روڈ پر اس سے قبل دعوتِ اسلامی کا مدنی مرکز نہیں تھا ۔