اسلام کی نظر میں دینی تعلیم مرد وعورت دونوں کے لئے یکساں طور پر مطلوب ہے، بنیادی عقائد، فرائض اورحلال  وحرام کا جاننا ہرمرد وعورت پر فرض ہے۔ ایک بیٹی رحمت اس وقت بن سکتی ہے جب وہ فاطمی کردار و گفتار کا پیکر ہو ، ایک عورت مرد کے لئے اچھی شریکِ حیات اس وقت بن سکتی ہے جب اس کا دل سیرتِ خدیجہ رضی اللہ تعالٰی عنہا سے سر شار ہو ، وہ ایک مشفق اور ہر درد کا دَرْمَاں، مصائب کی گرم ہواؤں میں نسیمِ صبح کی صورت میں اچھی ماں اس وقت ثابت ہو سکتی ہے جب اس کی گود بچے کے لئے پہلا اسلامی مکتب ثابت ہو، وہ بھائیوں کی محبتوں کا مرکز و ملجا اسی وقت ہوسکتی ہے جب اس کے جذبات و احساسات ایسے ہوں جیسے حضرت سیدتنا عائشہ صدیقہ رضی اللہ تعالٰی عنہا کے جذبات ، اپنے بھائی حضرت عبدالرحمن رضی اللہ تعالٰی عنہ کی وفات کے بعد امت کے سامنے آئے ۔

خواتین میں دینی شعور بیدار کرنے کی غرض سے مجلس مدرسۃ المدینہ بالغات کے تحت یکم نومبر 2019ء بروز جمعۃ المبارک سے اسلامی بہنوں کے لئے شہر سطح پر ”26 دن کا مدنی قاعدہ کورس (غیر رہائشی)“ شروع ہورہاہے جس میں شریک اسلامی بہنوں کو تجوید کے ساتھ مدنی قاعدہ پڑھایا جائے گا اور قرانِ کریم کو پڑھنے کی بنیادی باتیں سکھائی جائیں گی۔

مجلس کی جانب سے جاری کردہ شرائط کے مطابق وہ اسلامی بہنیں ”جو کم از کم ایک بار بغیر تجوید کے ناظرہ قرانِ مجید پڑھ چکی ہوں“ یا ”مدنی قاعدہ پڑھ چکی ہوں مگر تجوید کے ساتھ نہیں پڑھا“ اور ”عمر کم از کم 14 سال ہو“ اس کورس میں داخلہ لے سکتی ہے۔کورس کا دورانیہ روزانہ دو گھنٹے ہوگا۔

مزید معلومات کے لئے رابطہ کیجئے
ib.madrasabaligat@dawateislami.net

mdrsatulmadinaattarikabinat26@gmail.com

دعوت اسلامی کے تحت رکنِ شوریٰ حاجی محمد امین عطاری نے جامع مسجد عالمگیر کے خطیبِ حاجی ریحان عطاری کے انتقال پر ان کے گھر جاکر اہلِ خانہ سے تعزیت کی اور صبر کی تلقین کرتے ہوئے مرحوم کے ایصالِ ثواب کے لئے فاتحہ خوانی کی ۔(رپورٹ: محمد یونس عطاری، ڈویژن نگران)

دعوت اسلامی کے تحت پسرور کابینہ میں چپڑاڑ ڈویژن کے ذمّہ داران کا مدنی مشورہ ہوا جس میں نگرانِ کابینہ نے شرکا کی تربیت اور کارکردگی کا جائزہ لیتے ہوئے 12مدنی کاموں کو مضبوط کرنے اور عرس اعلیٰ حضرت رحمۃ اللہ علیہ کےموقع پر عاشقانِ رسول کو تین دن کے قافلوں میں سفر کروانے کے اہداف دیئے۔(رپورٹ:محمد امجد رضا عطاری، نگرانِ کابینہ )

دعوت اسلامی  کےمدنی مرکز فیضانِ مدینہ کھرانہ موڑ سیالکوٹ کے اطراف میں علاقائی دورہ ہوا جس میں ذمّہ داران نے اہلِ علاقہ کو نیکی کی دعوت دی اور انفرادی کوشش کرتے ہوئے ہفتہ وار اجتماع اور مدنی مذاکرے میں شرکت کرنے کی ترغیب دلائی۔(رپورٹ:محمد امجد رضا عطاری، نگرانِ کابینہ )

دعوتِ اسلامی کےتحت سیالکوٹ پسرور کنگرہ میں مدنی مشورہ ہو اجس میں ڈویژن سطح  کے ذمّہ داران نے شرکت کی ۔نگرانِ کابینہ نےشرکا کی تربیت کی اور 12 مدنی کاموں میں عملی طور پر شرکت کرنے اور بالخصوص ہفتہ وار اجتماع اور مدنی مذاکرے میں شرکا کی تعداد بڑھانے اور علاقائی دورہ کو مضبوط کرنے کا ذہن دیا۔

دعوتِ اسلامی  کے تحت گڈاپ زون میں ذمّہ داران کا مدنی مشورہ ہوا جس میں صحرائے مدینہ گڈاپ کابینہ کے ذمہ داران نے شرکت کی۔ نگرانِ زون نے شرکا کی کارکردگی کا جائزہ لیتے ہوئے 12مدنی کام ، تقرری جائزہ سے متعلق نکات دئیے۔(رپورٹ،محمد اکبر عطاری،نگرانِ زون گڈاپ کراچی)

دعوتِ اسلامی کی مرکز ی مجلسِ شوریٰ کے رکن حاجی محمد امین عطاری اور رکن شوریٰ حاجی محمد اطہر عطاری نے  گلشن معمار کابینہ کے گارڈن سٹی کراچی میں ایک مسجد کے پلاٹ کا وزٹ کیا اور وہاں کے ذمّہ داران کو جلد تعمیرات کے حوالے سے نکات دئیے۔

دعوتِ اسلامی کے عالمی مدنی مرکز فیضانِ مدینہ کراچی میں ذمّہ داران کا مدنی مشورہ ہوا جس میں گوادر زون کے ذمّہ داران نے شرکت کی۔رکنِ شوریٰ حاجی محمد امین عطاری نے شرکا کی تربیت کی اور کارکردگی کا جائزہ لیتے ہوئے دعوت اسلامی کے مدنی کاموں کے حوالے سے اہم نکات فراہم کئے۔ 

پچھلے دنوں کشمیر میں آنے والے زلزلے سے کشمیر کے چند شہروں میں بہت زیادہ مالی و جانی نقصان ہوا، اس موقع پر امیر اہل سنّت دَامَتْ بَرَکَاتُہُمُ الْعَالِیَہ کے فرمان پر لبیک کہتے ہوئے دعوتِ اسلامی کے ذمّہ داران نے جاتلاں کشمیر میں متاثرین کی گھر گھر جا کرا مداد کی، متاثرین کو راشن، کپڑے، دالیں، چاول اور پانی کی بوتلیں دیں۔ اب تک صرف ایک شہر جاتلاں کشمیر میں ہی تقریبا 300 سے زائد خاندانوں کی دعوتِ اسلامی نے خیر خواہی کی۔

دعوت ِاسلامی کے تحت حب چوکی بلوچستان میں لسبیلہ کابینہ کے ذمّہ داران کا ماہانہ مدنی مشورہ ہواجس میں اراکینِ کابینہ اور ڈویژن ذمّہ داران نے شرکت کی۔ نگرانِ زون نے شرکا کی تربیت کی اور اپنے اپنے علاقوں میں12مدنی کاموں کو مضبوط کرنے  ،ہر ماہ قافلے میں سفر اور اپنے علاقے کی مساجد میں درس کی تعداد میں اضافہ کرنے کے حوالے سے ذہن دیا ۔(رپورٹ: محمد جہانزیب عطاری، مجلس نشرو اشاعت)

دعوتِ اسلامی کے عالمی مدنی مرکز فیضانِ مدینہ کراچی میں ذمّہ داران کا مدنی مشورہ  ہواجس میں مجلس آئمہ مساجد ، مجلس قافلہ اور مجلس مدنی انعامات کے ذمّہ داران نےشرکت کی۔رکنِ شوریٰ حاجی محمد امین عطاری نے شرکا کی تربیت کی اور کارکردگی کاجائزہ لیتے ہوئے 13اکتوبر 2019ءکو ہونے والے نگرانِ شوریٰ کے مدنی مشورے کے حوالے سے اہم نکات فراہم کئے۔

دعوتِ اسلامی کے تحت 2اکتوبر 2019ء کو بحریہ ٹاؤن کراچی میں مدنی حلقہ ہوا جس میں مختلف شخصیات نے شرکت کی ۔نگرانِ زون نے معافی و درگزراور عشقِ مصطفیٰ صلَّی اللہ علیہ واٰلہٖ وسلَّم کے موضوع پر سنّتوں بھرا بیان کیا اور شرکا کو دعوت ِاسلامی کا تعارف پیش کرتے ہوئے سنّتِ مصطفیٰ صلَّی اللہ علیہ واٰلہٖ وسلَّم کے حوالے سے اہم نکات فراہم کئے۔ اس موقع پر نگران کابینہ بھی موجود تھے ۔(محمد خالد عطاری ، نگرانِ کابینہ )