کراچی سمیت ملک کے بیشتر شہروں میں دعوتِ اسلامی کے زیرِ اہتمام جامعات المدینہ للبنین میں 19 اکتوبر 2019ء سے ششماہی امتحانات شروع ہوگئے ہیں جس میں  16230 طلبہ شریک ہورہے ہیں۔ مجلس جامعۃ المدینہ کی جانب سے ملنے والی اطلاعات کے مطابق ملک بھر میں 199امتحانی مراکز قائم کئے گئے ہیں۔ یہ امتحانات19 اکتوبر سے 24 اکتوبر تک جاری رہیں گے۔ یہ امتحانات ، اسلام آباد ، سیالکوٹ،کشمیر گوجرانوالہ ، ملتان میں بھی ہورہے ہیں۔

کیوں رضا آج گلی سُونی ہے         اُٹھ مرے دھوم مچانے والے

25صفر المظفر 1441ہجری کو اعلیٰ حضرت امامِ اہلِ سنّت رحمۃ اللہ تعالٰی علیہ کا 101 سالہ عُرس مبارک ہے۔ اسلامی تاریخ میں بے شمار ایسی ہستیاں گزریں جنہوں نے دینِ اسلام کی ایسی خدمت کی جس کے اثرات اُن کے دنیا سے چلے جانے کے بعد بھی کسی نہ کسی شکل میں باقی ہیں۔ ماضی قریب میں دیکھا جائے تو آقائے نعمت، اِمامِ اَہلِ سُنّت، عظیمُ البَرَکَت، عظیمُ المَرْتَبت،پروانۂِ شَمْعِ رِسالت،مُجدد دین وملت، حامیِ سنّت، ماحِیِ بِدعت، عالِمِ شَرِیْعَت ، پیرِ طریقت،باعثِ خَیْر وبَرَکت، حضرتِ علّامہ مولانا الحاج الحافِظ القاری شاہ امام اَحمد رَضا خان علیہ رحمۃ الرَّحمٰن ایسی ہی ہستی ہیں کہ ان کے وصال شریف کے 100سال بعد بھی ان کی مختلف علوم وفنون جیسےتفسیر،اصولِ تفسیر، حدیث، اصولِ حدیث، فقہ، اصولِ فقہ، منطق، فلسفہ، کلام، ریاضی، ہیئات، توقیت، کیمسٹری، فزکس، نجوم، ہندسہ، لوگارتھم اور دیگر کئی علوم میں مہارت کی قدر افزائی اور ان کی اصلاحی کاوشوں کی پذیرائی ہے نیز ان کا خوفِ خدا، عشقِ رسول ،تقویٰ اورمسلمانوں سے خیرخواہی کا انداز لائقِ پیروی ہے۔

اَلْحَمْدُ لِلّٰہِ عَزَّ وَجَلَّ گزشتہ سال اعلیٰ حضرت امامِ اہلِ سنّت رحمۃ اللہ تعالٰی علیہ کے صدسالہ عرس مبارک کے موقع پر مجلس ”ماہنامہ فیضانِ مدینہ“(دعوتِ اسلامی)کی جانب سے اعلیٰ حضرت رحمۃ اللہ تعالٰی علیہ کی سیرت مبارکہ کے مختلف گوشوں پر نئے انداز سے روشنی ڈالتا ہو ا 60 مضامین اور 252صفحات پر مشتمل خصوصی شمارہ ”فیضان امام اہلِ سنت“ شائع کیا گیا تھا۔

اس شمارے کی اہمیت اور امامِ اہل سنت رحمۃ اللہ علیہ کے عرس مبارک کی مناسبت سے اس سال اس شمارے کا دوسرا ایڈیشن شائع ہوچکا ہے۔ جلدی کیجئے اور آپ بھی اپنے لئے یہ شمارہ مکتبۃ المدینہ سے حاصل کرلیجئے۔

پچھلے دنوں مولانا سیف الرحمن چشتی  صاحب کا رضائے الہی سے انتقال ہوگیا تھا۔ ان کے ایصالِ ثواب کے سلسلے میں گزشتہ روز 22 اکتوبر 2019ء کو دارالعلوم محمدیہ غوثیہ نیو لیبر کالونی سائٹ ایریا کراچی میں محفل نعت کا انعقاد گیا جس میں دعوتِ اسلامی کی مرکزی مجلسِ شوریٰ کے رکن حاجی ابوماجد محمد شاہد عطاری مدنی اور نگران مجلس رابطہ بالعلماء سمیت مدرسے کے بچوں اور دیگر اسلامی بھائیوں نے شرکت کی سعادت حاصل کی۔ رکنِ شوریٰ نے محفلِ پاک میں اظہارِ خیال کیا اور مرحوم مولانا سیف الرحمن چشتی صاحب کے بھائی مولانا خلیل الرحمن چشتی صاحب سے ملاقات بھی کی۔ محفل میں حاضرین کو امیر اہلِ سنت مولانا محمد الیاس عطار قادری دَامَتْ بَرَکَاتُہُمُ الْعَالِیَہ کا تعزیتی پیغام بھی سنایا گیا۔

شعبہ دعوتِ اسلامی کے شب و روز میں اپنی خدمات انجام دینے والے سید محمد شعیب عطاری کے والد محترم محمد ضیاءالحق کچھ عرصے علیل رہنے کے بعد22 اکتوبر 2019ء کو کراچی میں انتقال کرگئے، مرحوم کی نمازِ جنازہ  جامع مسجد معظم میں رکنِ شوریٰ حاجی ابو ماجد محمد شاہد عطاری مدنی کی امامت میں ادا کی گئی۔ رکنِ شوریٰ نے نمازِ جنازہ کے بعد دعا فرمائی اور مرحومین کے لوحقین سے ملاقات کرتے ہوئے تعزیت کا اظہار کیا۔

دعوت اسلامی کے تحت 20اکتوبر 2019ء کو پنجاب کے شہر چونڈہ میں اعلیٰ حضرت رحمۃ اللہ علیہ کے عرس کے سلسلے میں اجتماع پاک کا انعقاد کیا گیا جس میں سیاسی ،سماجی ، اور مذہبی شخصیات کے علاوہ دیگر عاشقانِ رسول نے کثیر تعداد میں شرکت کی۔نگرانِ کابینہ نے” اعلیٰ حضرت کی دینی خدمات اور عشق ِرسول “کے موضوع پر سنّتوں بھرا بیان کرتے ہوئے دعوت اسلامی کا تعارف پیش کیا ۔(رپورٹ:محمد امجد رضا عطاری، نگران کابینہ پسرور)

بچہ ایک خالی صفحے کی طرح ہوتا ہے، جو دیکھا، سنتا ہے وہی اس کے دماغ پر ہمیشہ کے لئے نصب ہوجاتا ہے۔اس لئے ہر شخص کی یہی تمنا ہوتی ہے کہ اس کی اولاد کی بچپن سے ہی اسلامی اقدار کے مطابق تربیت ہو تاکہ اس کی اولاد کے دین و ایمان اور عقائد کی حفاظت یقینی ہوسکے۔

اس ضرورت کو محسوس کرتے ہوئے دعوتِ اسلامی ایک خصوصی چینل ”مدنی چینل کِڈز“ کھولنے جارہی ہے۔ مدنی چینل کِڈز کو آفیشل لاؤنچ کرنے سے پہلے اس کی ابتدائی ٹرانسمیشن یکم ربیع الاول سے مدنی چینل پر مخصوص وقت کے لئے شروع کی جارہی ہیں۔ عاشقانِ رسول اس ٹرانسمیشن کے متعلق نیچے دیئے گئے میل ایڈریس پر ہمیں اپنا فیڈ بیک ضرور دیں۔

feedback4bmc@madanichannel.tv

لائیو مدنی چینل دیکھنے کے لئے اس لنک پر کلک کیجئے

https://www.dawateislami.net/islam/streaming/watch-live-madani-channel.htm

کتابوں کی اہمیت  سے کوئی ذی شعور انکار نہیں کرسکتا کیونکہ یہ کتابیں علمِ دین کے حصول کا ایک اہم ترین ذریعہ ہوتی ہیں۔ ہمارے بزرگانِ دین رحمہم اللہ المبین نے فائدۂ عامہ کے لئے ایسی بہت سی کتابیں تحریر فرمائی ہیں جن کی اہمیت کے پیشِ نظر انہیں درسِ نظامی کے نصاب میں شامل کیا گیا ہے۔ان میں ایک ”القطبی“ بھی ہے جسے ابو عبداللہ محمد بن محمد قطب الدین الرازی الشافعی رحمۃ اللہ علیہ نے تحریر فرمایا ہے۔

طلبۂ کرام کی آسانی کے لئے مجلس المدینۃ العلمیہ کے شعبہ درسی کتب نے اس کتاب پر بہت خوبصورت کام کیا ہے۔ ٭استاذالحدیث مولانا کامران احمد عطاری مدنی نے اس کتاب کا آسان حاشیہ تحریر فرمایا ہے ٭متن اور شرح کا متعدد نسخوں کے ساتھ تقابل کیا گیا ہے٭جدید عربی رسم الخط کا التزام کیا گیا ہے٭متن کو سرخ رنگ کے ساتھ ممتاز کیا گیا ہے٭آیاتِ قرآنی اور احادیثِ مبارکہ کی تخریج بھی کردی گئی ہے۔یہ کتاب مکتبۃ المدینہ سے 226 روپے میں ہدیۃً حاصل کی جاسکتی ہے۔

20 اکتوبر 2019ء کو دعوتِ اسلامی کےمدنی مرکز فیضانِ مدینہ مانسہرہ میں ماہانہ مدنی مشورہ ہوا جس میں ہزارہ زون کے کابینہ سطح کے ذمّہ داران نےشرکت کی۔نگرانِ زون  نے شرکا کی تربیت کی اور ماہانہ کارکردگی کا جائزہ لیتے ہوئےعرس اعلیٰ حضرت رحمۃ اللہ علیہ اور 24نومبر 2019ء کو ہونے والے ٹیلی تھون کے حوالے سے بات چیت کی۔نگرانِ زون نے ماہ ربیع الاوّل 1441ھ میں اجتماع میلاد اور شہر بھر میں مدنی پرچم لگانے کی ترغیب دلائی۔ 

20اکتوبر2019ءکو مدنی مرکز فیضانِ مدینہ صابرین مسجد اوتھل بلوچستان میں مدنی مشور ہ ہوا جس میں ڈویژن مشاورت کے اسلامی بھائیوں نے شرکت کی۔نگرانِ ڈویژن نے شرکا کی تربیت کی  اوردعوت اسلامی کے12 مدنی کام اور یکم نومبر2019ء کو عالمی مدنی مرکز فیضان مدینہ کراچی میں بلوچستان سطح پر ہونے والے تین دن کےاجتماع کی تیاریوں کے حوالے سے بات چیت کی ۔ (رپورٹ: جہانزیب عطاری،مجلس نشرواشاعت )

رکن ڈویژن مشاورت کورنگی نمبر ساڑھے تین محمد طارق بدرعطاری کے چھوٹے بھائی محمد شاہد بدر عطاری گردوں کی بیماری کے باعث انتقال کرگئے، ان کی نماز جنازہ جامع مسجد غوثیہ لال این کورنگی میں ادا کی گئی۔ نمازِ جنازہ کی امامت دعوتِ اسلامی کی مرکزی مجلس شوریٰ کے رکن حاجی ابو ماجد محمد شاہد عطاری مدنی نے فرمائی جس کے بعد مرحوم کے لئے فاتحہ و دعا کا سلسلہ ہوا۔ نمازِ جنازہ میں اہلِ محلہ اور مرحوم کے عزیز و اقرباء نے بڑی تعداد میں شرکت کی۔

دعوتِ اسلامی کے تحت 20اکتوبر2019ء کو سہنسہ کشمیر میں سنتوں بھرے اجتماع کا انعقاد کیا گیا جس میں مقامی اسلامی بھائیوں سمیت کئی علمائے کرام نے شرکت کی۔رکن شوریٰ حاجی محمد اسد عطاری  مدنی نے سنتوں بھرا بیان کیا اور شرکا کو دعوتِ اسلامی کے تحت دنیا بھر میں ہونے والے مدنی کاموں سے متعلق آگاہی فراہم کرتے ہوئے دعوتِ اسلامی کے مدنی ماحول سے وابستہ رہنے ، ہفتہ وار اجتماع میں شرکت کرنے ، ہفتہ وار مدنی مذاکرہ دیکھنے اور قافلوں میں سفر کرنے کا ذہن دیا۔

بعد ازاں رکنِ شوریٰ نے مقامی مدرسۃ المدینہ کا وزٹ بھی کیا اور وہاں پر ہونے والے کاموں کا جائزہ لیا۔(رپورٹ،محمد عماد عطاری،کشمیر)

پچھلے دنوں کورنگی کراچی کے رہائشی محمد طاہر عطاری(ذمہ دار علاقائی مشاورت،مجلس مدنی انعامات) کا رضائے الٰہی سے انتقال ہوگیا تھا۔18اکتوبر2019ء کو رکن شوریٰ حاجی محمد امین عطاری نےمرحوم کے گھر جاکر ان کے بھائی شاہد عطاری اور بیٹوں سے تعزیت کی اورمرحوم کے ایصالِ ثواب کے لئے فاتحہ خوانی ودعا فرمائی۔(رپورٹ،محمد ریاض عطاری، کراچی)