دعوتِ اسلامی کے مختلف مدنی کاموں کے سلسلے میں نگران و اراکینِ شوریٰ ملک وبیرونِ ملک سفر کرتے رہتے ہیں۔ اسی سلسلے میں نگرانِ شوریٰ مولانا محمدعمران عطاری مَدَّظِلُّہُ الْعَالِی ان دنوں پنجاب کے دورے پر ہیں۔ اپنے دورے میں آپ نے اسلام آباد میں مشہور کالم نگار اور کئی کتابوں کے مصنف”اوریا مقبول جان“ سے ان کی رہائش گاہ جاکر ملاقات کی ۔ نگرانِ شوریٰ کے ہمراہ نگرانِ پاکستان انتظامی کابینہ حاجی شاہد عطاری ، حاجی امین عطاری، حاجی یعفور رضا عطاری، حاجی برکت علی عطاری بھی موجود تھے۔نگرانِ شوریٰ نے اوریا مقبول جان کو دعوتِ اسلامی کی دنیا بھر میں جاری دینی خدمات کا تعارف پیش کیا اور مختلف دینی امور پر تبادلہ ٔخیال کیا۔ 

سابق وفاقی سیکرٹری اسلام آباد، چیئرمین سی ڈی اے اور کمشنر اسلام آباد کامران لاشاری سے نگرانِ شوریٰ مولانا محمد عمران عطاری کی خوشگوار ملاقات

رکن شوریٰ حاجی شاہد عطاری، حاجی امین عطاری اور الحاج یعفور رضا عطاری بھی آپ کے ہمراہ موجود تھے۔

دعوتِ اسلامی کی مرکزی مجلس شوریٰ کے رکن حاجی مولانا عبدالحبیب عطاری کے والد محترم حاجی یعقوب گنگ کافی دن بیمار رہنےکے سبب آج مورخہ30ستمبر 2019ء بروز پیر رضائے الہٰی سے انتقال کر گئے ۔اِنَّا لِلہِ وَاِنَّا اِلَیْہِ رٰجِعُوْن

مرحوم کی نماز ِجنازہ عالمی مدنی مرکز فیضانِ مدینہ کراچی میں بعد نمازِ عشاء ادا کی جائے گی۔ عشاء کی نماز 8:00 ہے۔

27ستمبر2019ء بروز جمعہ کو گجو ضلع ٹھٹھہ میں دعوتِ اسلامی کی مرکزی مجلس شوریٰ کے رکنِ حاجی امین عطاری نے نمازِ جمعہ میں سنّتوں بھرا بیان کیا اور شرکا کو دعوتِ اسلامی کےتحت دنیا بھر میں ہونے والے مدنی  کاموں سے متعلق آگاہی فراہم کرتے ہوئے دعوتِ اسلا می کے مدنی ماحول سے وابستہ ہونے کی ترغیب دلائی۔ علاوہ ازیں ایک تربیتی اجتماع کا انعقاد کیا گیا جس میں ذیلی تا کابینہ سطح کے تمام ذمّہ داران سمیت دیگر عاشقانِ رسول نے شرکت کی۔ اراکینِ شورٰی حاجی محمد امین عطاری اور حاجی محمد امین قافلہ نے سنّتوں بھرے بیانات کئے اور شرکا کو اہم نکات دئیے۔(رپورٹ،محمد ریاض عطای،کراچی آفس)

دعوت ِ اسلامی کی مجلس مدرسۃ المدینہ بالغان کے تحت سکھر زون میں اجلاس ہوا جس میں مدرسۃالمدینہ بالغان کے ذمّہ داران نے شرکت کی ۔نگرانِ مجلس مدرسۃ المدینہ نے شرکا کی تربیت کی اور امتحانات اور ماہانہ کارکردگی کا جائزہ لیتے ہوئے آئندہ کے اہداف طے کئے۔(رپورٹ: غلام عابد عطاری، مجلس مدرسۃالمدینہ بالغان)

دعوت ِ اسلامی کے تحت رکنِ شوریٰ حاجی محمد امین عطاری نے دیگر ذمّہ داران کے ہمراہ بحریہ ٹاؤن کراچی کا دورہ کیا،  دورانِ دورہ مدنی حلقے کا سلسلہ ہوا جس میں مختلف شخصیات نے شرکت کی۔رکنِ شوریٰ نے دعوت ِ اسلامی کاتعارف پیش کرتے ہوئے شرکا کونیکی کی دعوت دی ۔

دعوتِ اسلامی کے تحت مدنی مرکز فیضانِ مدینہ جوہر ٹاؤن میں اجلاس ہوا جس میں مجلس تعمیرات، خدام المساجد اور اثاثہ جات کے ذمّہ داران نے شرکت کی۔ رکن ِشوری حاجی یعفور رضا عطاری نے شرکاکی تربیت کی اور کارکردگی کا جائزہ لیتے ہوئے آئندہ کے اہداف طے کئے۔

دعوتِ اسلامی کی مجلس مدرسۃ المدینہ للبنات  کے تحت نگران مجلس نےنگرانِ زون کے ہمراہ میر پور خاص میں مدارس المدینہ کا وزٹ کیا اور انتظامی معاملات کا جائزہ لیتے ہوئے ذمّہ داران کو نیو مدارس کھولنے کے اہداف دیئےنیز اس موقع پر حیدرآبادکے مجلس مدرسۃ المدینہ للبنات کے ریجن ذمّہ داربھی موجود تھے ۔(رپورٹ:انورالحق عطاری،نگرانِ مجلس مدرسۃ المدینہ للبنات )

(کراچی رپورٹ) شہرِ کراچی کو موسلا دار بارش نے جل تھل کر دیا، مختلف علاقوں میں کرنٹ لگنے سے 4 افراد زندگی سے ہاتھ دھو بیٹھے،کئی مقامات پر بجلی غائب ہوگئی۔

تفصیلات کے مطابق27 ستمبر 2019ء جمعۃ المبارک کی دوپہر کراچی میں موسلادھار بارش کے باعث نشیبی علاقوں میں پانی جمع ہوگیا، لوگوں کو آمدورفت میں مشکلات کا سامنا ہے، سڑکیں تالاب بن گئیں، سرجانی ٹاؤن، ملیر، گلشن حدید، گلشن اقبال، اورنگی ٹاون، کورنگی، ملیر، اسٹیڈیم روڈ سمیت شہر کے مختلف علاقوں میں ہر طرف پانی ہی پانی ہو گیا ۔

ذرائع کے مطابق کراچی میں بارش سے مختلف علاقوں میں کرنٹ لگنے سے 4 افراد جاں بحق ہوئے۔ سائٹ ایریا میں 2 جبکہ لیاری اور کلفٹن میں ایک، ایک شخص جاں بحق ہوا۔ عاشقانِ رسول سے درخواست کی جاتی ہے کہ ان قیمتی جانوں کے ضیاع پر مرحومین کے لئے دعائے مغفرت کیجئے۔ اللہ پاک مرحومین کی مغفرت فرمائے اور لواحقین کو صبرِ جمیل عطا فرمائے۔

دوسری جانب زلزلے سے متاثرہ علاقوں میں آفٹر شاکس کا سلسلہ جاری ہے۔

تفصیلات کے مطابق آفٹرشاکس کے بعد لوگ کلمہ طیبہ کا ورد کرتے ہوئے گھروں اور دفاتر سے باہر نکل آئے جبکہ نماز جمعہ کے موقع پر مساجد میں اللہ کے حضور استغفار کا ورد کیا گیا۔واضح رہے کہ گزشتہ روز وزیراعظم کشمیر راجہ فاروق حیدر نے قوم سے اپیل کی تھی کہ جمعہ کو یوم استغفار منایا جائے، علمائے کرام نماز جمعے کے بعد خصوصی طور پر دعائیں کروائیں۔

نیشنل ڈیزاسٹر مینجمنٹ اتھارٹی کے مطابق زلزلے کے باعث میر پور کشمیر میں مختلف حادثات کے دوران 49 افراد جاں بحق جبکہ چھ سو چودہ زخمی ہوئے، جبکہ پنجاب میں ایک شخص جاں بحق اور سات زخمی ہوئے۔این، ڈی، اے کے مطابق زلزلے کے باعث مجموعی طور پر 450 گھروں کو نقصان پہنچااور کوٹلی کے کئی علاقوں میں بجلی کا نظام جزوی طور پر تباہ ہواہے۔

واضح رہے کہ امیر اہلِ سنت دَامَتْ بَرَکَاتُہُمُ الْعَالِیَہ نے بھی زلزلہ زدگان کے لئے خصوصی دعا فرمائی تھی اور دعوتِ اسلامی کوان کی جانی و مالی امداد کی خصوصی ہدایات جاری فرمائی تھیں۔ امیر اہلِ سنت کی ہدایات پر دعوتِ اسلامی کی جانب سے زلزلہ زدہ علاقوں میں امدادی کاروائیاں کا سلسلہ شروع ہوچکا ہے۔ تمام عاشقانِ رسول دعوتِ اسلامی کا بھرپور ساتھ دیں اور مصیبت کی اس گھڑی میں اپنے بھائیوں کی امداد کریں۔

امیر اہلِ سنت کا زلزلہ زدگان کے نام پیغام جاننے کے لئے نیچے دیئے گئے لنک پر کلک کیجئے۔

https://news.dawateislami.net/zalzala-amer-e-ale-sunnat-izhar-e-afsos

مبلغِ دعوتِ اسلامی اور  لاہور زون کے شعبۂ تعلیم و مجلس ڈاکٹرز کے رکن محمد ثوبان عطاری کے والد صاحب شہان مرشد 71 سال کی عمر میں آج 25 ستمبر 2019ء بروز بدھ صبح 10 بجے انتقال کرگئے۔اِنَّا لِلہِ وَاِنَّا اِلَیْہِ رٰجِعُوْن۔ دعوتِ اسلامی کے شب و روز کی پوری ٹیم ثوبان سے ان کے والد صاحب کے انتقال پر تعزیت کرتی ہے۔ اللہ پاک مرحوم کو غریقِ رحمت فرمائے۔

دعوتِ اسلامی کے تحت پچھلے دنوں حافظ آباد گوجرانوالہ زون لاہور ریجن میں ذمّہ داران کا اجلاس ہو جس میں ڈویژن نگران،ارکین کابینہ،اطراف کابینہ ذمہ داران اور اطراف ڈویژن ذمہ دارن نے شرکت کی ۔نگرانِ زون نے ذمّہ دارن کی کارکردگی کا جائزہ لیتے ہوئے انہیں اپنے اپنے علاقوں میں دعوتِ اسلامی کے مدنی کاموں کو مضبوط کرنے کے حوالے سے آگاہی فراہم کی  اورمدنی کاموں میں مزید بہتری لانے کے متعلق نکات دئیے۔(رپورٹ،محمد جواد عطاری ، ابینہ کار کردگی ذمہ دار)