کراچی والوں کے لئے خوشخبری، مدنی چینل کے مقبول عام سلسلے ”ذہنی آزمائش سیزن 11“ کے لئے کراچی کی ٹیم کی سلیکشن کے سلسلے  میں 1 دسمبر 2019ء بروز اتوار دوپہر 2:00 بجے عالمی مدنی مرکز فیضانِ مدینہ کراچی میں آڈیشن ہوگا۔ خواہش مند اسلامی بھائی وقت کی پابند کا خیال رکھتے ہوئے آڈیشن میں حصہ لے سکتے ہیں۔

دعوت اسلامی کے تحت 22نومبر 2019ء کو شاہ پور صدر میں  مدنی مشورہ ہوا جس میں علاقائی ذمّہ داران نے شرکت کی۔ڈویژن نگران نے شرکا کی تربیت کی اور شرکا سے 12مدنی کاموں کی کارکردگی کا جائزہ لیا اور عالمی مدنی مرکز فیضانِ مدینہ کراچی روانگی کی تیاری کے حوالے سے کلام کیا۔(رپورٹ: محمد عامر عطاری،ڈویژن نگران مجلس مدنی انعامات)

دعوتِ اسلامی کے تحت 23نومبر2019ء کو بہاولپور پنجاب میں سنّتوں بھرے اجتماع کا انعقاد کیا گیا جس میں پنجاب کالج بہاولپور یزمان روڑ کے پروفیسر اور پرنسپل سمیت دیگر اسٹاف اور اسٹوڈنٹس نے شرکت کی۔ نگران بہاولپور کابینہ نے” سیرت مصطفٰی “ کے موضوع پر سنّتوں بھرا بیان کیا اور شرکا کو دعوتِ اسلامی کے تحت دنیابھر میں ہونے والے مدنی کاموں سے متعلق آگاہی فراہم کرتے ہوئے دعوتِ اسلامی کے مدنی ماحول سے وابستہ رہنے،ہفتہ وار اجتما ع میں شرکت کرنے اور قافلوں میں سفر کر نے کی ترغیب دلائی۔(رپورٹ،محمد رمضان عطاری، نگران بہاولپور کابینہ)

23نومبر2019ء کو دعوتِ اسلامی کے مدنی مرکز فیضانِ مدینہ ڈیرہ غازی خان میں مولانا سید عتیق الرحمان باروی صاحب کی آمد ہوئی۔ مجلس رابطہ بالعلماء و مزاراتِ اولیاء کے  ذمہ داران نے انہیں خوش آمدید کہا اور انہیں دعوتِ اسلامی کے مدنی کاموں سے متعلق بریفنگ دیتے ہوئے جامعۃ المدینہ اور چند شعبہ جات کا وزٹ کروایا۔ مولانا سید عتیق الرحمان باروی صاحب نے دعوت اسلامی کے جملہ مدنی کاموں اور دینی خدمات پر دلی مسرت کا اظہار فرمایا اور امیرِ اہلِ سنّت دَامَتْ بَرَکَاتُہُمُ الْعَالِیَہ کے لئے دعائیں کیں۔(رپورٹ،عمار عطاری،مجلسِ رابطہ با لعلماء)

دعوتِ اسلامی کے تحت 20نومبر2019ء کو ڈویژن شاہ پور صدر محلہ ڈپٹی والا اندر میں سنّتوں بھرے اجتماع  کا انعقاد کیا گیا جس میں اہلِ علاقہ سمیت کثیر عاشقانِ رسول نے شرکت کی۔مبلغِ دعوتِ اسلامی نے ”محبتِ مصطفیٰﷺ“ کے موضوع پر سنّتوں بھرا بیان کیا اور شرکا کو دعوتِ اسلامی کے مدنی کاموں سے متعلق آگاہی فراہم کرتے ہوئے دعوتِ اسلامی کے مدنی ماحول سے وابستہ ہونے ،ہفتہ وار اجتماع میں شرکت کرنے اور ٹیلی تھون میں اپنا حصہ شامل کرنے کا ذہن دیا۔ (رپورٹ، عامر عطاری،ڈویژن نگران و رکن کابینہ، مجلس مدنی انعامات )

گزشتہ دنوں دعوتِ اسلامی کے تحت شاہ پور میں محفل نعت  کا انعقاد کیا گیا جس میں مقامی اسلامی بھائیوں نے شرکت کی۔ رکن کابینہ نے ”عشق ِرسولﷺ“ کے موضوع پرسنّتوں بھرابیان کیا اور شرکا کو عشقِ رسول ﷺ کے تقاضوں کو سمجھنے اور اس کے مطابق زندگی گزارنے کا ذہن دیا۔(رپورٹ:ڈویژن نگران و رکن کابینہ مدنی انعامات عامر عطاری)

(اسٹاف رپورٹر: کراچی)دعوتِ اسلامی کی مرکزی مجلس شوریٰ کے نگران مولانا محمد عمران عطاری اور  مجلس رابطہ کے یوسف سلیم عطاری پر مشتمل دعوتِ اسلامی کے وفد نے آل پاکستان میمن فیڈریشن کا دورہ کیا۔

آل پاکستان میمن فیڈریشن پہنچنے پر صدر جناب حنیف موٹلانی، چیئرمین سپریم کونسل حنیف ہارون ، عبدالعزیز میمن ، عمر موٹلانی ، غنی بھانرہ عبید چامڈیا اور دیگر نے دفد کا پُرتپاک استقبال کیا۔

حاضرین کے درمیان سنتوں بھرا بیان کرتے ہوئے نگرانِ شوریٰ کا کہنا تھا کہ برادری میں پیش آنے والے مسائل کو قرآن و سنّت کی تعلیمات کی روشنی میں حل کرنا چاہئے۔

اس موقع پر آل پاکستان میمن فیڈریشن کی طرف سے نگرانِ شوری مولانا محمد عمران عطاری اور مبلغِ دعوتِ اسلامی محمد یوسف سلیم عطاری کو شیلڈ بھی دی گئی۔

(کراچی) ناظم و رکنِ مجلس المدینۃ العلمیہ محمد آصف خان عطاری مدنی کے والد محترم حاجی حبیب خان کی نمازِ جنازہ  رکنِ شوریٰ حاجی ابو ماجد محمد شاہد عطاری مدنی کی امامت میں ادا کردی گئی۔نمازِجنازہ میں مرحوم کے عزیز و اقربا کے علاوہ رکنِ شوریٰ حاجی عماد عطاری مدنی اور المدینۃ العلمیہ کے مدنی اسلامی بھائیوں سمیت دیگر افراد نے شرکت کی۔ مرحوم کو عابدآباد قبرستان بلدیہ ٹاؤن کراچی میں سپرد خاک کیا گیا۔

عاشقانِ رسول کی مدنی تحریک دعوتِ اسلامی  کی مجلس اسپیشل افراد کے تحت 6 تا 8 سمبر 2019ء کو عالمی مدنی مرکز فیضان مد ینہ کراچی میں گو نگے، بہرے، نابینا اور معذور اسلامی بھائیوں کا سنتوں بھرا اجتماع منعقد ہونے جارہا ہے۔جس میں پاکستان بھر سے گو نگے، بہرے، نابینا اور معذور اسلامی بھائی شرکت کی سعادت حاصل کریں گے۔ اجتماعِ پاک میں امیر اہلِ سنت مولانا محمد الیاس عطار قادری دَامَتْ بَرَکَاتُہُمُ الْعَالِیَہ مدنی مذاکرے اور مبلغینِ دعوتِ اسلامی سنتوں بھرے بیانات و تربیتی حلقوں کے ذریعے شرکا کی تربیت فرمائیں گے۔

مزید تفصیلات کے لئے رابطہ کیجئے

03133226126