دعوتِ اسلامی کی مجلس اسپیشل افراد کے تحت نیو کراچی میں سنّتوں بھرا اجتماع کا انعقاد کیا گیا جس میں گونگے ،بہرےاور نابینا اسلامی بھائیوں نے شرکت کی ۔رکنِ شوریٰ حاجی محمد علی عطاری اور ساؤتھ زون کے نگران  نے قیامت میں حساب دینے کے متعلق سنّتوں بھرا بیان کیا اور نماز، وضو، غسل اور دیگر فرض علوم سیکھنے کے حوالے سے ذہن بنایا۔

یادرہے کہ اسپیشل افراد کے لئے کورنگی میں یکم ستمبر 2019ءکو سنّتوں بھرے اجتماع کا انعقاد کیا جائیگا۔ 

دعوتِ اسلامی کی مجلس  شعبہ تعلیم کے تحت ذمّہ داران نے کراچی میں ڈاکٹر مسرور احمد شیخ (ٹیکنیکل بورڈ کے چیئرمین ) سے ان کے آفس میں ملاقات کرتےہوئے دعوتِ اسلامی کا تعارف پیش کیا اور تعلیمی اداروں میں ہونے والے مدنی کاموں سے آگاہ کیانیز ذمّہ دار اسلامی بھائی نے شخصیت کو ہفتہ وار سنّتوں بھرے اجتماع اور مدنی مذاکرے میں شرکت کرنے کی دعوت پیش کی۔

دعوتِ اسلامی کی مجلس تقسیمِ رسائل کے تحت فیصل آباد کی مکی مارکیٹ ،ریل بازار، کارخانہ بازار اور صابن والا گول مارکیٹ میں مدنی حلقوں کا سلسلہ ہوا جس میں مختلف تاجر اور دکانداروں نے شرکت کی۔ مبلغ دعوتِ اسلامی نے شرکا کی تربیت کرتے ہوئے مدنی رسائل پڑھنے اور خوشی و غم کے موقع پر مدنی رسائل تقسیم کرنے کی بھی ترغیب دلائی نیز مبلغ دعوتِ اسلامی نے مختلف دکانوں پر مدنی رسائل باکس بھی رکھوائے۔

اسی طرح مجلس تقسیمِ رسائل کے تحت اسلام آباد کی ایک مارکیٹ میں مختلف دکانوں پر دعوتِ اسلامی کی مجلس تقسیم رسائل کے تحت مدنی رسائل باکس رکھنے کا سلسلہ ہوا۔ مبلغ دعوت ِاسلامی نے دکانوں پر موجود اسلامی بھائیوں کو ان رسائل کے فوائد بیان کئے اور انہیں خود بھی رسائل پڑھنے اور دکانوں پر آنے والے دیگر اسلامی بھائیوں کو بھی مدنی رسائل کےپڑھنے اورتقسیم کرنےکی ترغیب دلائی۔

دعوتِ اسلامی کی مجلس  ڈاکٹرز کے تحت لاہور اور فیصل آباد کے ہاسٹل میں سنّتوں بھرے اجتماع کا انعقاد کیا گیا جس میں ایم بی بی ایس کے طلبہ اور ڈاکٹر نے شرکت کی ۔مبلغ دعوتِ اسلامی نے سنّتوں بھرا بیان کرتے ہوئے دعوتِ اسلامی کا تعارف پیش کیا اور شرکا کو مدنی ماحول سے وابستہ ہونے اور مدنی قافلوں میں سفر کرنے کا ذہن دیا نیز مبلغ دعوتِ اسلامی نےشرکا کو ”ماہنامہ فیضانِ مدینہ“تحفے میں پیش کیا۔

دعوتِ اسلامی کی مجلس کفن دفن کے تحت  جہلم کے علاقے نکودرکے جامعۃ المدینہ میں ویڈیو اجتماع کا انعقاد کیاگیا جس میں طلبہ و اساتذہ کرام نے شرکت کی۔ ذمّہ دار اسلامی بھائی نے شرکا کومیت غسل اور کفن دفن کے درست احکامات سکھائےنیز اس موقع پر 5 رکن مجلس بنائی گئی اور ٹیسٹ بھی کروائے گئے۔

اسی طرح مجلس کفن دفن کے تحت سکھر کے علاقے میں ویڈیو اجتماع کا انعقاد کیاگیا جس میں اہل ِعلاقہ اور دیگر اسلامی بھائیوں نے شرکت کی۔ مبلغ دعوتِ اسلامی نے شرکا کو بذریعہ ویڈیو میت کے غسل اور کفن دفن کا طریقہ بتایا۔

صلہ کے معنٰی ہیں۔ اِ یْصَالُ نَوْعٍ مِّنْ اَنْوَاعِ الْاِ حْسَان یعنی کسی بھی قِسم کی بھلائی اور احسان کرنا۔ (اَلزّواجِر ج۲ص۱۵۶) اور رحم سے مراد: قرابت، رشتہ داری ہے۔ (لِسانُ العَرب ج۱ص۱۴۷۹)’’بہارِشریعت‘‘ میں ہے۔ صِلَۂ رحْم کے معنیٰ رِشتے کو جوڑنا ہے یعنی رشتے والوں کے ساتھ نیکی اور سُلوک (یعنی بھلائی) کرنا۔(بہار شریعت ج۱۳ص۵۵۸) رِضائے الٰہی کے لیے رشتے داروں کے ساتھ صِلۂ رحمی اور ان کی بدسلوکی پر انہیں در گزر کرنا ایک عظیم اَخلاقی خوبی ہے اور اللہ عَزَّوَجَلَّ کے یہاں اس کا بڑا ثواب ہے ۔صلہ رحمی کے حوالے سے بخاری شریف کی حدیث پاک میں فرمانِ مصطَفےٰ صلَّی اللہ تعالٰی علیہ واٰلہٖ وسلَّم ہے کہ رِشتہ کاٹنے والا جنت میں نہیں جائے گا ۔ ( بُخاری ج۴ ص۹۷ حدیث۵۹۸۴) حضرت علامہ علی قاری علیہ رحمۃ اللہ الہادِی اس حدیثِ پاک کے تحت لکھتے ہیں جو شخص بغیر کسی سبب اور بغیر کسی شبہ اورقطع رحمی کے حرام ہونے کے علم کے باوجود اسے حلال اور جائز سمجھتا ہووہ کافرہے ،ہمیشہ جہنم میں رہے گا اور جنت میں نہیں جائے گا ، یا یہ مراد ہے کہ پہلے جانے والوں کے ساتھ جنت میں نہیں جائے گا یا یہ مراد ہے کہ عذاب سے نجات پانے والوں کے ساتھ بھی نہیں جائے گا(یعنی پہلے سزا پائے گا پھر جائے گا )۔ (مرقاۃ ج۷ تحت الحدیث۴۹۲۲) 

دعوت اسلامی کی مجلس رابطہ کے تحت ذمّہ داران نے نگرانِ کراچی اور  زونل ذمّہ دار کے ہمراہ کراچی کے علاقہ تھانہ احمد خان میں سردار ملک اسد سکندر ( ایم پی اے سندھ )سے ان کی والدہ کے انتقال پر تعزیت کی اور مرحومہ کے درجات کی بلندی کے لئے دعا فرمائی اور انہیں امیر اہلِ سنّت دَامَتْ بَرَکَاتُہُمُ الْعَالِیَہ کی تصنیف ”غیبت کی تباہ کاریاں“ بھی پیش کی۔

دعوتِ اسلامی کی مجلس آئی ٹی کی جانب سےمجلس کفن دفن کے تحت ایک ایپلی کیشن لاؤنچ کردی گئی ہے۔ کفن دفن کے معاملات میں شرعی رہنمائی فراہم کر نے وا لی اس ایپلی کیشن میں دنیا بھر کے کئی مبلغینِ دعوتِ اسلامی اور مجلس کفن دفن کے ذمّہ دا ران کے رابطہ نمبر ز بھی شامل کئے گئے ہیں۔عاشقانِ رسول ان مبلغین سے رابطہ کرکے مردے کے کفن دفن کے معاملا ت شرعی تقاضوں کے عین مطابق ادا کرسکتے ہیں ۔