دعوت اسلامی کے تحت 3 مارچ 2020ء کو جامع مسجد محمدی دادو کھوہ دریا خان میں کسان اجتماع کا انعقاد کیا گیا جس میں مقامی کسان اسلامی بھائی اور دیگر عاشقان رسول نے شرکت کی۔ رکن شوریٰ حاجی محمد رفیع العطاری نے سنتوں بھرا بیان کیا اور عشر کے حوالے سے مدنی پھول پیش کئے۔

دعوتِ اسلامی کی مجلس فیضان مدینہ کے تحت 3مارچ2020ء بروز منگل  شاہ رکن عالم کالونی ملتان میں مدنی مشورہ ہوا۔ مدنی مشورے میں ملتان زون کے تمام نگران کابینہ اور تمام اراکین زون نے شرکت کی۔ اس موقع پر نگرانِ زون نے ظاہر و باطن یکساں بنانے کے حوالے سے مدنی پھول دیئے اور 12 مدنی کاموں کا جائزہ لیتے ہوئے مدنی کاموں میں مزید بہتری لانے کا ذہن دیا۔(رپورٹ: شفیق مدنی، رکن زون مجلس فیضان مدینہ)

دعوت اسلامی کے تحت 3مارچ 2020ء کو مدنی مرکز فیضان مدینہ دُلے والا لیہ زون کا سنگ بنیاد رکھ دیا گیا۔ اس موقع پر سنتوں بھرے اجتماع کا انعقاد کیا گیا جس میں مقامی عاشقان رسول نے شرکت کی۔ رکنِ شوریٰ حاجی محمد رفیع العطاری نے سنتوں بھرا بیان کیا اور شرکا کو مدنی مرکز جلد تعمیر کروانے کی ترغیب دلائی۔

دعوتِ اسلامی کے تحت گزشتہ دنوں مدنی مرکز فیضانِ مدینہ سوئی کشمور زون حیدرآباد ریجن  میں حضرت خواجہ معین الدین چشتی اجمیری رحمۃ اللہ علیہ کی چھٹی شریف کے سلسلے میں اجتماعِ ذکر و نعت کا سلسلہ ہوا۔ اجتماع میں مقامی عاشقانِ رسول نے شرکت کی۔ اس موقع پر مبلغِ دعوت نے سنتوں بھرا بیان کیا۔(رپورٹ:محمد شعیب عطاری،مجلس رابطہ رکن سوئی کابینہ)

دعوتِ اسلامی کے زیرِ اہتمام5مارچ 2020ء بروز جمعرات  صبح 10:00بجے قومی کرکٹر محمد عامر کی والدہ مرحومہ کے ایصالِ ثواب کے لئے ان کی رہائش گاہ(چنگا بنگیال گوجر خان) پر اجتماعِ ذکر و نعت کا اہتمام کیا جارہا ہے۔اجتماع میں زون قافلہ نگران شکیل احمد عطاری سنتوں بھرا بیان فرمائیں گے اور نگرانِ کابینہ گوجر خان نعتِ رسول پیش کریں گے۔ مقامی عاشقانِ رسول سے اجتماع میں شرکت کی درخواست کی جاتی ہے۔

کراچی(اسٹاف رپورٹر) دعوتِ اسلامی کے زیر اہتمام  ہر جمعرات کو بعد نمازِ مغرب ہفتہ وار سنتوں بھرے اجتماعات کا انعقاد کیا جاتا ہے۔ اسی سلسلے میں آج 04 مارچ2020ء کو بھی دنیا بھر میں ہفتہ وار اجتماعات منعقد کئے جائیں گے۔

تفصیلات کے مطابق شیخ الحدیث والتفسیر مفتی محمد قاسم عطاری مُدَّظِلُّہُ الْعَالِیْ فیضان اسلام مسجد3/84 خیابانِ سحر، لین 10، فیز 7، ڈی ایچ اے ڈیفنس کراچی، نورانی مسجد نشترا سکوائر ملیر میں رکن شوریٰ حاجی محمد عقیل عطاری مدنی، میمن مسجد میمن نگر15 اے گلزار ہجری میں رکن شوریٰ حاجی ابوماجد محمد شاہد عطاری مدنی اورفیضانِ مدینہ کاہنہ نو فیروز پورمیں رکنِ شوریٰ حاجی یعفور رضا عطاری بیان فرمائیں گے۔تمام عاشقانِ رسول سے گزارش کی جاتی ہے کہ آپ بھی اپنے شہر میں ہونے والے سنتوں بھرے اجتماع میں ضرور شرکت فرمائیں۔

‫40سے زائد علمی ، دینی، دنیاوی، معاشرتی، اخلاقی اور اصلاحی موضوعات پر مشتمل دعوتِ اسلامی کا آفیشل میگزین”ماہنامہ فیضانِ مدینہ“ (رجب المرجب 1441ھ) ویب سائٹ پر اپلوڈ کردیا گیا ہے۔ آپ خود بھی اس علمی خزانےکا مطالعہ کریں اور دوسروں کو بھی مطالعے کی ترغیب دلائیں۔

ڈاؤن لوڈ کرنے کے لئے اس لنک پر کلک کیجئے

Manamah Faizan-e-Madina

رکن شوریٰ و نگران ریجن فیصل آباد حاجی رفیع العطاری نے 28،29 فروری اور یکم مارچ کو جھنگ میں  عاشقانِ رسول کے ہمراہ قافلہ میں سفر فرمایا، رکن شوریٰ نے ان ایام میں مختلف مساجد میں بیانات، علاقائی دورہ، اجتماعی مدنی مذاکرہ میں شرکت، شخصیات سے ملاقات، ذمہ داران کے مدنی مشورے اور بیمار اسلامی بھائیوں کے گھروں پر جا کر ان کی عیادت و خیر خواہی کی۔

جبکہ یکم مارچ کو قافلہ اجتماع ہواجس میں بڑی تعداد میں شخصیات و دیگر عاشقانِ رسول نے شرکت کی سعادت حاصل کی۔ اس موقع پر رکنِ شوریٰ حاجی رفیع العطاری نے سنتوں بھرا بیان فرماتے ہوئے عاشقانِ رسول کو قافلوں میں سفر کرنے کی ترغیب دلائی جس پر مختلف شعبہ جات سے وابستہ 102 اسلامی بھائیوں نے 03 دنوں، 14عاشقانِ رسول نے 12دن اور 31اسلامی بھائیوں نے 1ماہ کے لئے ہاتھوں ہاتھ راہِ خدا میں سفر کرنے کی سعادت حاصل کی جبکہ 12ماہ کے لئے41 سے زائد ، ایک ماہ کے لئے 54 سے زائد اور 03 دنوں کے لئے 130سے زائد اسلامی بھائیوں نے راہِ خدا میں سفر کرنے کی نیتیں لکھوائیں۔