دعوت اسلامی کے زیرِ اہتمام 16 اپریل کی شب ہفتہ وار اجتماع منعقد کیا جائے گا جس میں امیراہلِ سنت دَامَتْ بَرَکَاتُہُمُ الْعَالِیَہ سنتوں بھرا بیان فرمائیں گے۔ واضح رہے کہ ملکی حالات کے پیشِ نظر یہ اجتماع گیدرنگ کی صورت میں نہیں ہوگا بلکہ مدنی چینل پر لائیو ہوگا۔ تمام اسلامی بھائی اپنے اپنے گھروں میں رہتے ہوئے اس اجتماع میں بذریعہ مدنی چینل شرکت کریں۔

نوٹ:یہ خبر سابقہ ایام کو مد نظر رکھتے ہوئے ترتیب دی گئی ہے، لاک ڈاون ختم ہونے کی صورت میں مرکزی مجلس شوریٰ کے حکم کے مطابق عمل کریں۔

 لاک ڈاؤن کی وجہ سے ہر قسم کی تعلیمی سرگرمیاں معطل ہیں تاہم دعوت اسلامی کی کاوشوں سے مجلس مدنی کورسز، مدرسۃ المدینہ اور جامعۃ المدینہ لائن کے تحت بذریعہ انٹر نیٹ یہ سلسلہ جاری و ساری ہے۔ اساتذہ کرام اپنے گھروں سے آن لائن پڑھا رہے ہیں جبکہ طلبہ اپنے اپنے گھروں میں رہ کر انٹرنیٹ کے ذریعے آن لائن یہ کورسز کررہے ہیں۔ 

دنیا بھر میں قرآن وسنت کی تعلیمات کو عام کرنے والی عاشقان رسول کی مدنی تحریک دعوت اسلامی کے تحت 27 مارچ سے 08 اپریل تک ملک کے مختلف شہروں میں بلڈ کیمپس کا انعقاد کیاگیا جس کا مقصد تھیلیسیمیا اور دیگر امراض میں مبتلا مریضوں کو لاک ڈاؤن کی وجہ سے خون کی کمی کا سامنا نہ ہو۔ اسی سلسلے میں پنجاب کے شہر چوآسیدن شاہ چکوال میں لگنے والے کیمپ میں بھی عاشقان رسول نے خون کے عطیات جمع کرائے ۔ خون دینے آنے والوں کا جوش و جذبہ دیدنی تھا، ان کا کہنا تھا کہ ہم امیر اہل سنت کی ترغیب پر خون کا عطیہ دینے آئے ہیں تاکہ تھیلیسیمیا کے مریضوں کو آسانی ہو۔

دعوت اسلامی کے مدنی کاموں کا سلسلہ بھی لاک ڈاؤن کی وجہ سے کم ہوگیا ہے تاہم دین اسلام کی خدمت میں مصروف عمل دعوت اسلامی نیکی کا کوئی موقع ہاتھ سے جانے نہیں دیتی۔کرونا وائرس اور لاک ڈاؤن کے باعث مشکلات میں گھری امت مسلمہ کی خدمت میں مصروف ہوکر نیکیوں کو عام کرنے کا سلسلہ جاری رکھا ہوا ہے۔ مستحقین اور ضرورت مندوں میں رقم اور راشن کا سلسلہ جاری ہے۔

اسی سلسلے میں پنجاب کے شہر اٹک میں دعوت اسلامی کے ذمہ داران نے امیر اہلِ سنت کی ترغیب پر مستحقین اور حاجت مندوں میں امدادی رقم تقسیم کی جبکہ دوسری جانب پنجاب کے ہی شہربورے والا میں ذمہ دار اسلامی بھائیوں نے راشن کی پیکنگ کی اور مستحق افراد کے گھروں تک پہنچایا۔

لیہ پنجاب کے علاقے رفیق آباد میں دعوت اسلامی کی مرکزی مجلس شوریٰ کے رکن حاجی رفیع العطاری نے مختلف مقامات پر زمینداروں اور کسانوں سے ملاقات کیں اور نیکی کی دعوت پیش کرتے ہوئے عشر کی ترغیب دلائی۔ رکن شوریٰ نے ان اسلامی بھائیوں کو دعوت اسلامی کے مختلف مدنی کاموں کا تعارف پیش کیا جس پر زمینداروں اور کسان اسلامی بھائیوں نے عشر دعوت اسلامی کو دینے کی نیتیں کیں۔

دوسری جانب نگران گوجرانوالہ زون نے بھی حافظ آباد کے مختلف گاؤں دیہاتوں میں زمینداروں اور کسانوں سے ملاقات کیں انہیں نیکی کی دعوت پیش کرتے ہوئے عشر کے فضائل بتائے اور دین اسلام کی خدمت اور مدنی کاموں کے لئے اپنی فصلوں کا عشر دعوت اسلامی کو دینے کی ترغیب دلائی جس پر ان عاشقان رسول نے اپنی نیتوں کااظہار کیا اور مدنی چینل کو اپنے تاثرات بھی دئیے۔

دوسری جانب سندھ کے مختلف اطراف گاؤں دیہاتوں میں بھی زمینداروں اور کسانوں سے ذمہ داران کی ملاقاتوں کا سلسلہ رہا اور ان میں نیکی کی دعوت عام کی گئی۔ ذمہ داران نے ان اسلامی بھائیوں کو عشردعوت اسلامی کو دینے کی ترغیب دلائی جس پر انہوں نے اپنی نیتوں کااظہار کیا اور مدنی چینل کو اپنے تاثرات دئیے۔

دعوت اسلامی کی مرکزی مجلس شوریٰ کے رکن حاجی رفیع العطاری نے دیگر ذمہ داران کے ہمراہ پنجاب کے شہر لالیاں میں رکن قومی اسمبلی مہر غلام محمد لالی سے ان کے گھر جاکر ملاقات کی اور انہیں دعوت اسلامی کے مختلف شعبہ جات کا تعارف پیش کیا۔ ریلیف فنڈ اور بلڈ کیمپس کے حوالے سے بھی بتایا اور انہیں دین اسلام کی خدمت اور دعوت اسلامی کے مدنی کاموں میں شرکت کا ذہن دیا جس پر  مہر غلام محمد لالی نے دعوت اسلامی کی کاوشوں کو سراہا۔

دعوت اسلامی کی مجلس کفن دفن کے زیرِ اہتمام 16 اپریل  سے سات دن کا آن لائن کفن دفن کورس شروع ہورہا ہے۔ کورس کا دورانیہ روزانہ 30 منٹ ہوگا۔ کورس میں زوم لنک، واٹس ایپ اور کال کے زریعے شرکت کی جاسکے گی۔ مذکورہ کورس میں غسلِ میت کا طریقہ، کفن بنانے اور پہنانے کا طریقہ ، جنازہ کا طریقہ، تدفین کا طریقہ، فاتحہ کا طریقہ اور مختلف دعائیں سکھائی جائیں گی۔

کراچی اور حیدرآباد کے اسلامی بھائی ان نمبرز پر رابطہ کریں

03168676926

03032314842

ملتان اور فیصل آباد کے اسلامی بھائی ان نمبرز پر رابطہ کریں

03127851226

03145905099

لاہور اور اسلام آباد کے اسلامی بھائی ان نمبرز پر رابطہ کریں

03224126412

03154876924

دعوتِ اسلامی نے ان مشکل حالات میں عوام کی سہولت کی خاطر ایک او ر بڑا اعلان کردیا۔ ان ناساز حالات میں  اللہ نہ کرے اگر کسی کے گھر فوتگی ہوجائے تو دعوتِ اسلامی ہرممکن کوشش کرکے غسلِ میت اور کفن دفن کے معاملات کے لئے اپنے رضا کار فی سبیل اللہ بھیجے گی۔

دعوتِ اسلامی کی خدمات حاصل کرنے کے لئے اس نمبر پر واٹس اپ کیجئے

دین ِ متین کی خدمت میں کوشاں عالمی مذہبی تحریک دعوتِ اسلامی کی جانب سے 15 اپریل کو  مدنی چینل پر مدنی عطیات مہم ٹیلی تھون کا سلسلہ ہونے جارہا ہے جس کا آغاز صبح 9:00 سے ہوگا اور یہ سلسلہ شام 6:30 تک جاری رہے گا۔ دعوتِ اسلامی کی جانب سے ایک یونٹ 10 ہزار یا 12 من گندم کا رکھا گیا ہے۔ تمام عاشقانِ رسول سے مدنی التجا ہے کہ عشر و نفلی صدقات کے ذریعے دینی خدمات میں دعوتِ اسلامی کا ساتھ دیجئے۔

تفصیلات کے لئے کلک کیجئے

More Detail

ان دنوں دنیا بھر میں لاک ڈاؤن کی صورتحال کے سبب لوگ گھروں میں ہیں،  دعوت اسلامی کے تحت مسلمانوں کی سہولت کے لئے مختلف شعبہ جات کے تحت آن لائن کورسز کروائے جارہے ہیں۔

13اپریل سےمجلس جامعات المدینہ کے تحت 12 دن کا صرف و نحو کورس اور12دن کا علم المیراث کورس کروایاجارہاہےجس میں آپ گھر بیٹھے شرکت کرسکتے ہیں۔ یہ کورس جمعہ کے علاوہ بقیہ تمام دن 11 بجے سے ایک بجے تک بذریعہ لنک آن لائن کر سکتے ہیں۔ 12 دن کے صرف و نحو کورس میں قواعد نحو وصرف کا مکمل اجراء، عرب عبارت کو حل کرنے کے آسان طریقے، عربی عبارت کا مختلف انداز سے درست ترجمہ کرنے کے طریقے، مشکل ابحاث کو آسان کرنے کے قواعد، فن نحو و اصول نحو کی کتب کا تعارف اور قواعد کی معرفت، عربی کتب پڑھنے اور پڑھانے کے مختلف انداز، حل عبارت پر موجود کتب کی معرفت و تمارین کا حل اور عربی عبارت پڑھنے، لکھنے اور ترجمہ کرنے میں کمزوری کے اسباب اور ان کا علاج شامل ہیں۔ آپ بھی اگر اس کورس میں شرکت کرناچاہتے ہیں ہمارے اس ویب ایڈریس پر رابطہ کرسکتے ہیں۔

http://www.facebook.com/Jamia-tul-madina-19858188907/?referrer=whatsapp

جامعۃ المدینہ آن لائن کے تحت 12 دن کا علم المیراث آن لائن کورس کا بھی آغاز ہورہاہے جس میں مفتٰی بہ اقوال کی نشاندہی، ہرسبق کے بعد مشق، فتویٰ میراث کے رہنما اصول اور مختلف طریقوں سے میراث تقسیم  کرنے کے طریقوں کی مشق شامل ہے۔ آپ یہ کورس 13اپریل سے علاوہ جمعہ باقی تمام دنوں میں صبح 10 بجے تا 11 بجے تک سیکھ سکتے ہیں۔ ویب ایڈریس درج ذیل ہے۔

دعوت اسلامی کی مرکزی مجلس شوریٰ کے رکن حاجی محمد اظہر عطاری نے دیگر ذمہ داران کے ہمراہ پنجاب کے شہر  منڈی واربرٹن میں زیر تعمیر فیضان زم زم مسجد کا دورہ کیا اور وہاں جاری تعمیراتی کاموں کا جائزہ لیا۔ رکن شوریٰ نے اس موقع پر مقامی ذمہ داران اور مسجد کی تعمیرات میں حصہ لینے والے اسلامی بھائیوں کو مسجد کی تعمیرات کے حوالے سے مدنی پھول دئیے۔