پنجاب کے شہر لاہور کے علاقے شادمان ٹاؤن میں تھیلیسیمیا اور دیگر امراض میں مبتلا مریضوں کو خون فراہم کرنے والی این جی او سندس فاؤنڈیشن میں زیرعلاج تھیلیسیمیا کے مریض افراد میں جہاں دعوت اسلامی نے خون کی فراہمی کو یقینی بنایا وہاں ان میں نقد رقم کی تقسیم کا سلسلہ بھی ہوا۔

اس موقع پر دعوت اسلامی کی مرکزی مجلس شوریٰ کے رکن حاجی یعفور رضاعطاری، پاکستان ٹریڈرز الائنس کے سینئر نائب چیئرمین ملک محمد خالد، انجمن تاجران ہال روڈ کے صدر بابر محمود، چمبر آف کامرس کےممبران اور دیگر شخصیات بھی موجود تھیں اور انہوں نے دعوت اسلامی کے دیگر مدنی کاموں کے ساتھ ساتھ امدادی   کاموں کو سراہتے ہوئے مدنی چینل کو تاثرات دئیے۔

اس موقع پر سندس فاؤنڈیشن کے صدرغلام یاسین نے دعوت اسلامی اور امیر اہلسنت کاشکریہ ادا کیا جبکہ رکن شوریٰ حاجی یعفوررضاعطاری نے بھی دیگر مخیر حضرات سے امت کی خیرخواہی کی اپیل کی۔

ادھر پنجاب کے شہر سرگودھا میں کرونا ریلیف ویلفیئر کے تحت راشن تقسیم کا سلسلہ ہوا دعوت اسلامی کے ذمہ داران نے راشن کے پیکٹ بنائے اور اسے گھر گھر تقسیم کیا گیا۔ 

تھلیسیمیا ایک ایسی بیماری ہے جس میں مبتلا ننھے بچوں کو ہفتے دو ہفتے میں لازمی خون کی ضرورت پیش آتی ہے اور نہ ملنے پر ان کی جان کو خطرہ لاحق ہو جاتا ہے  حالیہ لاک ڈاؤن میں جہاں کاروباری و دیگر روزمرہ کاموں میں تعطل آیا ہے وہیں تھیلیسیمیا و دیگر خون کی بیماریوں مبتلا افراد کو بھی شدید مشکلات کا سامنا کرنا پڑ رہا ہے ۔

موجودہ حالات میں امیر اہلسنت بانی دعوت اسلامی نے خون کی بیماری میں مبتلا مریضوں کا درد محسوس کرتے ہوئے عاشقان رسول سے اپیل کی اور خون کے عطیات دینے کی ترغیب دلائی جس پر ہزاروں افراد نے خون کا عطیہ دیا۔ تھلیسیمیا کے مرض میں مبتلا ننھے پھولوں نے امیر اہلسنت اور دعوت اسلامی کا شکریہ ادا کیا۔

پی ڈی آر ٹی یکنیشن عدیل کا کہنا تھا کہ ایک خون کی بوتل تھیلیسیما کےتین مریضوں کو لگتی ہیں، مریض کی حالت کو دیکھتے ہوئے ہفتے میں ایک بار اور دو بار بھی خون لگتا ہے، دعوت اسلامی جس طرح خون کی کمی کو پورا کررہی ہے اس کا دل سے شکریہ ادا کرتے ہیں۔

تھیلیسیما کے مرض میں مبتلا بچے کے بھائی کا کہنا تھا کہ میں امیر اہلسنت کا شکریہ ادا کرتا ہوں اور لوگوں سے اپیل کرتا ہوں کہ وہ خون کے عطیات دیں تاکہ قیمتی جانیں بچ سکے۔

واضح رہے کہ عاشقان رسول کی عالمگیر غیر سیاسی تحریک دعوت اسلامی کے تحت ملک بھر میں بلڈ کیمپ لگانے کا سلسلہ جاری ہے اور اب تک الحمدللہ ساڑھے تیرہ ہزار سے زائد خون کی بوتلیں جمع ہوچکی ہیں۔

دعوت اسلامی کے تحت راولپنڈی شہر میں بلڈ کیمپ لگایا گیا جہاں عاشقان رسول نے  خون کے عطیات دئیے۔ اس بلڈ کیمپ کا صوبائی وزارت ریونیو پنجاب کے پارلیمانی سیکریٹری چوہدری محمدعدنان نے دورہ کیا اور دعوت اسلامی کی کاوشوں کو سراہتے ہوئے مدنی چینل کو تاثرات بھی دئیے۔

ادھر کینٹ میں بھی کیمپ لگایاگیا جہاں عاشقان رسول نے اپنے خون کے عطیات اور مدنی چینل کو اپنے تاثرات بھی دئیے۔

عالمی مدنی مرکزفیضان مدینہ میں بھی تھیلیسیمیا کے مریضوں کے لئے خون کے عطیات جمع کرنے کا سلسلہ ہوا جہاں عالمی مدنی مرکزفیضان مدینہ اور مدنی چینل کے اجیر اسلامی بھائیوں نے بھی خون کے عطیات دئیے۔

اسلام آباد ریجن کے ڈویژن مری میں بھی بلڈکیمپ لگایا۔ اس کیمپ کے حوالے سے ڈاکٹرخرم شبیر اور دیگر اسلامی بھائیوں نےدعوت اسلامی کی کاوشوں کو سراہتے ہوئے کہا کہ یہ دعوتِ اسلامی کا بہت زبردست اقدام ہے۔

جبکہ لاہور کے علاقے شاہدرہ میں لگائے گئے بلڈ کیمپ میں بھی کئی اسلامی بھائیوں نے خون کے عطیات جمع کرائے جن میں میڈیاسے تعلق رکھنے والے اسلامی بھائیوں اور سیاسی و سماجی شخصیات نے بھی شرکت کی جبکہ مبلغ دعوت اسلامی محمد ثوبان عطاری نے کیمپ کا دورہ کیا اور وہاں انتظامات کا جائزہ بھی لیا۔

پنجاب کے شہر واربرٹن اور ماناوالا میں بھی دعوت اسلامی کے تحت بلڈ کیمپ لگایاگیا۔ امیر اہلسنت کے فرمان پر میڈیاپرسنز،سیاسی و سماجی رہنماؤں اور دیگر عاشقان رسول نے خون کے عطیات جمع کرائے اور مدنی چینل کو تاثرات دیتے ہوئے دعوت اسلامی کی خدمات کو بھی سراہا۔

پنجاب کے ہی شہر صادق آباد میں بھی تھیلیسیمیا کے مریضوں کو خون کے عطیات دینے کیلئے دعوت اسلامی کے تحت بلڈ کیمپ لگایاگیا جہاں عاشقان رسول نے امیر اہلسنت کے فرمان پر لبیک کہتے ہوئے خون کے عطیات جمع کرائے۔ مقامی اخبار کے چیف ایڈیٹر اکبر شاہد اکمل کنگ نے دعوت اسلامی کی کاوشوں کو سراہا اور مدنی چینل کو اپنے تاثرات بھی دئیے۔

جلالپور بھٹیاں میں بھی دعوت اسلامی کے بلڈکیمپ کا انعقاد ہوا جہاں عاشقان رسول نے خون کے عطیات جمع کرائے اور مدنی چینل کو اپنے تاثرات بھی دئیے۔

ڈسکہ پنجاب میں بھی تھیلیسیمیا اور دیگر امراض میں مبتلا مریضوں کےلئے خون کے عطیات جمع کرانے کا سلسلہ ہوا جہاں عاشقان رسول نے خون کے عطیات جمع کرائے۔

میرپورکشمیر کے قریبی علاقے کھڑی شریف میں بھی دعوت اسلامی کے تحت بلڈ کیمپ لگایاگیا جہاں اسلامی بھائیوں نے خون کے عطیات جمع کرائے۔

ملتان کے علاقے چوک شاہ عباس میں بھی بلڈکیمپ لگایا گیا جہاں اسلامی بھائیوں نے خون کے عطیات جمع کرائے۔ دعوت اسلامی کی مرکزی مجلس شوریٰ کے رکن قاری محمد سلیم عطاری نے بلڈکیمپ کا دورہ کیا اور وہاں کے انتظامات کا جائزہ بھی لیا۔

ماہرِ علومِ حج و  تجارت مفتی علی اصغر عطا ری مدنی مَدَّظِلُّہُ الْعَالِی کی دعوت اسلامی کے ذ مہ دا ران کے ہمراہ میر پور خاص کے نزدیک واقع سمن گوٹھ میں آمد ہو ئی جہاں انہوں نے نیو مسلم آ باد ی کا دو رہ کیا اور ان مسلما نوں میں راشن تقسیم کیا۔اس دوران مفتی علی اصغر عطا ری نے مبلغ دعوت اسلامی کو مسلم آ بادی کے درمیان جائے نماز کے قیام کی ہدایت فرمائی تا کہ مسلمان با آ سا نی نماز کی ادئیگی کرسکیں اور احکام شریعہ سیکھ سکیں۔

سندھ کے شہر حیدرآباد تلک چاڑی کے علاقے ہیرہ آباد میں دعوت اسلامی کی مجلس رابطہ  بالعلماء کے ذمہ داران اور نگران زون نے سابق ایم این اے ڈاکٹر صاحبزادہ ابوالخیرمحمد زبیرسے ان کی رہائش گاہ پر ملاقات کی اور انہیں لاک ڈاؤن کی صورت حال میں دعوت اسلامی کے تحت ملک و بیرون ملک ہونے والے امدادی کاموں کے حوالے سے بتایا۔ نگران زون نے ڈاکٹر صاحبزادہ ابوالخیرمحمد زبیر کو تھیلیسیمیا اور دیگر امراض میں مبتلا مریضوں کے لئے خون کی کمی کو پورا کرنے کیلئے دعوت اسلامی کے تحت لگنے والے بلڈ کیمپس کے حوالے سے بھی بتایا جس پر ڈاکٹر صاحبزادہ ابوالخیرمحمد زبیر نے دعوت اسلامی کی کاوشوں کو سراہا اور دعوت اسلامی اور امیر اہلسنت کو دعاؤں سے اور مدنی چینل کو اپنے تاثرات بھی دئیے۔

دعوت اسلامی کی مرکزی مجلس شوریٰ کے رکن  حاجی قاری محمد سلیم عطاری نے نگران کابینہ اور دیگر ذمہ داران کے ہمراہ پنجاب کے شہر ملتان کے علاقے سن سٹی میں دعوت اسلامی کے تحت زیر تعمیر مسجد کا دورہ کیا اور وہاں جاری تعمیراتی کاموں کا جائزہ لیا۔

دعوت اسلامی کے تحت ملک بھر میں فصلوں کے عشر جمع کرنے کا سلسلہ جاری ہے۔ اسی سلسلے میں سندھ کے شہر تھانہ بولا خان، ٹھٹھہ اور ساکرو میں بن قاسم زون کے نگران اور دیگر ذمہ داران نے کسانوں اور زمینداروں سے ملاقاتیں کیں اور انہیں عشر دعوت اسلامی کو دینے کی ترغیب دلائی۔ ہاتھوں ہاتھ عشر اور عطیات جمع کرنے کا سلسلہ بھی ہوا۔ کسانوں اور زمینداروں نے مدنی چینل کو اپنے تاثرات بھی دئیے۔

ادھر پنجاب کے شہر جڑانوالہ کے اطراف سید والا صوفی دی کوٹھی اور کوٹ فاضل میں رکن شوریٰ حاجی جنید مدنی نے زمینداروں اور کسانوں سے ملاقاتیں کیں اور انہیں اپنا عشر دعوت اسلامی کو دینے کی ترغیب دلائی۔ رکن شوریٰ نے ان اسلامی بھائیوں میں عشر کے فضائل اور دیگر موضوع پر بیانات بھی کئے۔اس موقع پر کسانوں اور زمینداروں نے اپنا عشر دعوت اسلامی کودینے کی نیتیں کیں اور مدنی چینل کو اپنے تاثرات بھی دئیے۔

رکن شوریٰ حاجی رفیع العطاری نے دیگر ذمہ داران کے ہمراہ پنجاب کے شہر بصیر پور کے اطراف میں عشر کے حوالے سے زمینداروں سے ملاقاتیں کیں اور عشر کے فضائل پر بیان کرتے ہوئے انہیں اپنا عشر دعوت اسلامی کو دینے کی ترغیب دلائی جس پر انہوں نے اپنی نیتوں کااظہار کیا۔

نگران گوجرانوالہ زون نے حافظ آباد کے مختلف اطراف گاؤں میں کسانوں اور زمینداروں سے ملاقات کیں اور انہیں عشر کے فضائل بتاتے ہوئے اپنا عشر دعوت اسلامی کو دینے کی ترغیب دلائی۔ نگران گوجرانوالہ زون نے نگران کابینہ و عشر کے ذمہ داران کے ہمراہ علی پورچٹھہ کے اطراف گاؤں میں کسانوں اور کاشتکاروں سے ملاقاتیں کیں اور انہیں دعوت اسلامی کے مدنی کاموں کے حوالے سےبتایا اور اپنا عشر دعوت اسلامی کو دینے کی ترغیب دلائی جس پر ان اسلامی بھائیوں عشر دعوت اسلامی کو دینے کی نیتیں کیں۔

18 اپریل بروز ہفتہ ریجن نگران رکن شوریٰ حاجی  امین عطاری نے بعد نماز فجر مدنی حلقہ لگایا جس میں اورنگی ٹاؤن کراچی کے اسلامی بھائیوں نے بالخصوص شرکت کی سعادت حاصل کی۔ مدنی حلقے میں رکن شوریٰ نے بعد فجر مدنی حلقے کے جدول کے مطابق (تلاوت ترجمہ و تفسیر، شجرہ عطاریہ ، استغفار کے مدنی پھول ،مدنی کاموں کی ترغیب ، اوراد و وظائف ، مدنی عطیات ، اشراق و چاشت) کے حوالے سے بھی مدنی پھول عطا فرمائے۔ (رپورٹ: مجلس تاجران کراچی ریجن)

18 اپریل بروز ہفتہ ریجن نگران رکن شوریٰ حاجی  امین عطاری نے بعد نماز فجر مدنی حلقہ لگایا جس میں مجلس تاجران کے اسلامی بھائیوں نے بالخصوص شرکت کی سعادت حاصل کی۔ مدنی حلقے میں رکن شوریٰ نے بعد فجر مدنی حلقے کے جدول کے مطابق (تلاوت ترجمہ و تفسیر، شجرہ عطاریہ ، استغفار کے مدنی پھول ،مدنی کاموں کی ترغیب ، اوراد و وظائف ، مدنی عطیات ، اشراق و چاشت) کے حوالے سے بھی مدنی پھول عطا فرمائے۔ (رپورٹ: مجلس تاجران کراچی ریجن)

17  اپریل بروزجمعۃ المبارک رکن شوریٰ و ریجن نگران حاجی امین عطاری نے بلخصوص بن قاسم کابینہ و شعبہ مجلس مزارات اولیاء کے اسلامی بھائیوں کے درمیان مدنی حلقہ لگایا ۔مدنی حلقے میں رکن شوریٰ نے بعد فجر مدنی حلقے کے جدول (تلاوت ترجمہ و تفسیر، شجرہ عطاریہ ، استغفار کے مدنی پھول ،مدنی کاموں کی ترغیب ، اوراد و وظائف ، مدنی عطیات ، اشراق و چاشت) کے حوالے سے بھی مدنی پھول عطا فرمائے۔حلقے میں کم و بیش 35 اسلامی بھائیوں نے شرکت کی۔ (رپورٹ:بن قاسم کابینہ مدنی انعامات)

16 اپریل بروز جمعرات رکن شوری ونگران کراچی ریجن حاجی امین عطاری نےکھارادرکابینہ کےاسلامی بھائیوں میں بذریعہ انٹرنیٹ بعدفجرمدنی حلقہ لگایا جس میں نگران کابینہ سمیت 43 اسلامی بھائیوں نےشرکت کی۔ خصوصی طورپرشعبہ رابطہ برائے تاجران کےاسلامی بھائیوں نے بھی شرکت کی۔رکن شوری نے صوتی پیغام  کےذریعےکھارادرکابینہ کےاسلامی بھائیوں کی کوششوں کوسراہا۔