دعوتِ اسلامی کی مجلس وُکلا ایبٹ آباد کے زیر اہتمام 22 فروری 2020 بروز ہفتہ دن11 تا 1 بجے بمقام بار کلب فوارہ چوک ، ایبٹ آباد میں عظیم الشان وکلا اجتماع بسلسلہ سیرت النبی ﷺ منعقد ہورہا ہے جس میں دعوتِ اسلامی کی مرکزی مجلسِ شوریٰ کے رکن ، مبلّغ دعوتِ اسلامی حاجی یعفور رضا عطاری سنتوں بھرا بیان فرمائیں گے۔ وکلا اسلامی بھائی اس اجتماع میں شرکت فرمائیں اور برکات حاصل فرمائیں۔

مزید معلومات کےلیے ان نمبرز پر رابطہ کیجیے

0311-5695911, 03085298031

۔۔۔۔۔۔۔۔۔۔۔۔۔۔۔۔۔۔۔۔۔

دعوتِ اسلامی کے تحت گزشتہ شب ڈویژن داروغہ والا کے ذمہ دار اسلامی بھائیوں کا ماہانہ مدنی مشورہ ہوا۔ مدنی مشورے میں نگرانِ ‫ واہگہ ٹاؤن کابینہ محمد ندیم عطاری نے12 مدنی کاموں کے حوالے سے ذمہ دار اسلامی بھائیوں کی تربیت فرمائی اور 12مدنی کاموں کی بہتری کے لئے نکات بھی پیش فرمائے۔ 

19 فروری 2020ء  کو رات 8:15 بجے مولانا محمد عرفان عطاری مدنی دارالافتاء اہلِ سنت کے آفیشل Facebook پیج پر لائیو ہونگے جس میں عاشقانِ رسول شرعی مسائل کا حل قراٰ ن و حدیث کی روشنی میں جان سکیں گے۔

17 فروری 2020ء کو دعوت اسلامی کے زیر اہتمام پشاور کابینہ نوشہرہ  ڈویژن میں مدنی مشورہ ہوا جس میں ذمہ داران دعوت اسلامی نے شرکت کی ۔ نگرانِ کابینہ نے شرکا کی تربیت کی اور مدنی کاموں کی کارکردگی کا جائزہ لیتے ہوئے مدنی پھول پیش کیا۔ 

دعوتِ اسلامی کے زیرِ انتظام 16فروری2020ء بروز اتوار فیروز پور ناگرہ ڈسکہ کابینہ میں سحری اجتماع  ہوا ۔ اجتماع میں علاقے کے تمام ذمہ داران نے شرکت کی۔ اس موقع پر نگران کابینہ ڈسکہ عثمان طاہر عطاری نے نفلی روزے کی فضیلت پر بیان کیا اور 12 مدنی کام کرنےکے حوالے سےاسلامی بھائیوں کی تربیت بھی فرمائی۔(رپورٹ: عثمان طاہر عطاری ، نگران کابینہ ڈسکہ )

کراچی(اسٹاف رپورٹر) دعوتِ اسلامی کے زیر اہتمام ہر جمعرات کو بعد نمازِ مغرب ہفتہ وار سنتوں بھرے اجتماعات کا انعقاد کیا جاتا ہے۔ اسی سلسلے میں 20فروری2020ء بروز جمعرات مغرب کی نماز کے بعد دنیا بھر میں ہفتہ وار اجتماعات منعقد کئے جائیں گے۔

تفصیلات کے مطابق جامع مسجد فیضانِ جیلان کلفٹن کراچی میں شیخ الحدیث والتفسیر مفتی محمد قاسم عطاری مَدَّظِلُّہُ الْعَالِی، کورنگی کی جامع مسجد رضا میں رکنِ شوریٰ حاجی محمد فضیل عطاری، فیضانِ اسلام مسجد84/3، خیابان سحر، لین 10، فیز 7، ڈی ایچ اے، ڈیفنس میں رکنِ شوریٰ حاجی محمد علی عطاری، واہگہ ٹاؤن کابینہ جامع مسجد انوارِ مدینہ، نایاب پارک، سلامت پورہ ، لاہور میں حاجی یعفور عطاری سنتوں بھرے بیانات فرمائیں گے جبکہ عالمی مدنی مرکز فیضانِ مدینہ کراچی میں دعوتِ اسلامی کی مرکزی مجلسِ شوریٰ کے نگران مولانا محمد عمران عطاری سلمہ الباری سنتوں بھرابیان فرمائیں گےجسے مدنی چینل پر پاکستانی وقت کے مطابق رات 8:00 بجے براہِ راست نشر کیا جائے گا۔

تمام عاشقانِ رسول سے گزارش کی جاتی ہے کہ آپ بھی اپنے شہر میں ہونے والے سنتوں بھرے اجتماع میں ضرور شرکت فرمائیں

اپنے قریبی ہفتہ وار سنتوں بھرے اجتماع کی لوکیشن جاننے کے لئے درج ذیل لِنک پر کلک کیجئے

https://www.dawateislami.net/map/ijtema

ذہنی آزمائش کا پہلا سیمی فائنل کراچی کی ٹیم نے جیت لیا

فائنل 21 فروری بروز جمعہ داتا دربار کے صحن میں ہوگا

تفصیلات کے مطابق معروف مذہبی اسکالر مولانا حاجی عبد الحبیب عطاری کی میز بانی میں ہونے والے مدنی چینل کے مشہور و معروف پروگرام ذہنی آزمائش سیزن 11 کا پہلا سیمی فائنل گزشتہ رات 16 فروری 2020 کو عالمی مدنی مرکز فیضانِ مدینہ کے وسیع و عریض صحن میں ہوا جس میں کراچی اور مظفر آباد کی ٹیموں نے شرکت کی ۔ پروگرام کا آغاز تلاوتِ قراٰن مجید سے کیا گیا جس کے بعد بچوں نے بارگاہِ سرورِ کونین ﷺ میں عربی نعتوں کا گلدستہ پیش کیا۔ دورانِ مقابلہ چھوٹے بچوں نے تصور مدینہ بھی کروایا اور ایسا سماں باندھا کہ بڑوں کے ساتھ ساتھ بچے بھی مدینے کی یاد میں اشک بار ی کرتے دکھائی دیئے۔ نگرانِ شوریٰ مولانا محمد عمران عطاری مَدَّظِلُّہُ الْعَالِی نے بھی سلسلے میں اپنے مدنی پھول ارشاد فرمائے اور شرکاکو شانِ صدیق اکبر رضی اللہ عنہ بیان کی۔ مقابلے کے دوران چھ مختلف زبانوں (عربی، پنجابی، سندھی،پشتو، سرائیکی، اردو )میں نعتوں کا حسین گلدستہ آقا کریم ﷺ کی بارگاہ میں پیش کیا گیا۔ زبردست اور دلچسپ مقابلے کے بعد کراچی کی ٹیم نے سیمی فائنل اپنے نام کرلیا اور فائنل میں پہنچ گئی۔اس موقع پر اراکینِ شوریٰ حاجی امین عطاری، حاجی رفیع العطاری، حاجی یعفور رضا عطاری، حاجی برکت علی عطاری، حاجی وقارالمدینہ عطاری، حاجی اسلم عطاری اور حاجی فاروق جیلانی عطاری بھی موجود تھے۔

سیمی فائنل کی رنراپ ٹیم مظفر آباد کے اسلامی بھائیوں کی مدینے سے محبت، الفت اور سچی تڑپ کام آگئی اور اسلامی بھائیوں کی جانب سے انہیں بھی مدینے کا ٹکٹ پیش کردیا گیا، صلاۃ و سلام، حضرت سیدنا صدیق اکبر رضی اللہ عنہ کے لئے فاتحہ خوانی اور دعا پر پہلے سیمی فائنل کا اختتام ہوا۔

یاد رہے! دوسرا سیمی فائنل 19 فروری کو فیضانِ مدینہ، مدینہ ٹاؤن فیصل آباد سے متصل گراؤنڈ میں ہوگا جبکہ گرینڈ فائنل 21 فروری کو لاہور شہر میں واقع حضرت سیدنا داتا گنج بخش رحمۃ اللہ تعالٰی علیہ کے دربار کے صحن میں ہوگا۔

گزشتہ دنوں ذمہ دار اسلامی بھائی نے پاکپتن زون پاکپتن کابینہ کے شہر عارف والا میں مفتی نظام الدین جامی صاحب سے ملاقات کی۔ دورانِ ملاقات انہیں دعوتِ اسلامی کے مدنی کاموں کا تعارف پیش کیا اور قافلوں میں سفر کرکے عاشقانِ رسول کی تربیت کرنے کے حوالے سے عرض پیش کی جس پر انہوں نے خود اور ساتھ کثیر تعداد میں عاشقانِ رسول کو بھی قافلے میں سفر کروانے کی نیت کا اظہار فرمایا۔

دعوت اسلامی کی مجلس کورسز  کے تحت گوجرانوالہ میں اصلاح اعمال کورس جاری ہے ۔ دورانِ کورس تجہیز و تکفین اجتماع کا اہتمام ہوا جس میں شرکا کو بذریعہ ویڈیو غسلِ میت اور کفن دفن کا طریقہ سکھایا گیا۔ اجتماع کے اختتام پر مدنی حلقہ ہوا جس میں مجلس تجہیز و تکفین کا تعارف پیش کیاگیا۔

دعوت اسلامی کی مجلس مدرسۃ المدینہ کے تحت ایبٹ آباد پرائیویٹ ہاسٹل روم میں مدرسۃ المدینہ بالغان کا آغاز ہوچکا ہےجس میں ایوب میڈیکل کالج، فرنٹیئر میڈیکل کالج اور ادھیانہ انسٹیٹیوٹ آف میڈیکل سائنسز کے اسٹوڈنٹس درست مخارج کے ساتھ قراٰن پاک کی تعلیم حاصل کررہے ہیں۔

پچھلے دنوں مرکزی مجلس شوریٰ کے رکن حاجی یعفور رضا عطاری نے مدرسۃ المدینہ مریالی میں جاری تعمیراتی کاموں کا جائزہ لیا اور مجلس تعمیرات  ومدرسۃ المدینہ کے ذمہ داران کو مدنی پھول ارشاد فرمائے۔

اس موقع پر مدرسۃ المدینہ کے بچوں کا مدنی حلقہ ہوا جس میں رکنِ شوریٰ حاجی یعفور رضا عطاری نےنمایاں کارکردگی والے بچوں اور جن کے سرپرست ہفتہ وار اجتماع میں شرکت کرتے ہیں انہیں تحائف بھی دیئے۔