لاہور ریجن گوجرانوالہ زون کے حافظ آباد کابینہ میں 16 جون 2020 ءبروز منگل بلڈ ڈونیشن کیمپ فیز 3 کے حوالے سے مدنی مشورہ  ہوا۔جس میں ڈویژن نگران اور علاقائی نگرانوں سمیت دیگر عاشقان رسول نے شرکت کی ۔

اس مدنی مشورہ میں مبلغ دعوت اسلامی نگران کابینہ محمد وسیم عطاری کا کہنا تھا کہ تھلیسمیا کے ننھے بچے خون کے منتظر ہیں اور الحمد اللہ عزوجل دعوت اسلامی یہ خدمات سر انجام دینے میں پیش پیش ہے، تو آپ بھی اس نیک کام میں تعاون فرمائیں نیز اس حوالے سے نگران کابینہ نے بلڈ دینے کے فوائد اورموجودہ صورت حال میں دلچسپی کے ساتھ اس فلاحی کام میں خوب کوشش کرنے کے حوالے سے ذمہ داران کی تربیت فرمائی۔

اُن کا مزید کہنا تھا کہ اِنْ شَآءَ اللہ عَزَّ وَجَلَّ 21 جون 2020ءبروز اتوار کو صبح 9 تا دن 1 بجے تک فارابی لاء کالج گوجرانوالہ روڈ حافظ آباد میں بلڈ کیمپ کا اہتمام کیا جا ئے گا۔ مقامی عاشقانِ رسول سے اپیل ہے کہ اس نیک کام میں اپنا حصہ ضرور ملائیں۔ 

دعوت اسلامی کے زیر اہتمام آج مورخہ 18 جون 2020ء شام 5:30بجے Comsats University Sahiwal کے اسٹوڈنٹس کے لئے آن لائن ورکشاپ کا انعقاد کیا جائیگا جس میں مبلغ دعوت اسلامی و موٹیویشنل اسپیکر محمد ثوبان عطاری”How To Make Online Learning Effective“ کے موضوع پر خصوصی بیان فرمائیں گے۔

Comsats University Sahiwalکے اسٹوڈنٹس اس ورکشاپ میں شرکت کے لئے نیچے دیئے گئے لنک پر کلک کیجئے:

https://www.facebook.com/cnncomsats

پنجاب کے شہر فیصل آباد کے کینال روڈ پر واقع واسا آفس میں  مجلس مدنی چینل عام کریں کے تحت نیکی کی دعوت کا سلسلہ ہوا۔ نگران مجلس نے مختلف ڈیپارٹمنٹس میں جاکر اسلامی بھائیوں کو مدنی چینل اور دیگر شعبہ جات کا تعارف پیش کیا بالخصوص ان اسلامی بھائیوں کو دعوت اسلامی کی ڈیجیٹل ایپ کے حوالے سے بتایا اور ان کے موبائل فونز میں ایپ انسٹال بھی کی۔ نگران مجلس نے ان اسلامی بھائیوں کو مختلف وظائف کا ذہن دیا اور انہیں کاؤنٹر تسبیح بھی پیش کیں۔

پچھلے دنوں مجلس رابطہ بالعلماء لاہور ریجن کے ذمہ دار نےاچھرہ لاہور  میں مولانا فیاض سعیدی صاحب سے ملاقات کی اور دعو ت اسلامی کا تعارف پیش کیا۔ دوران ملاقات مولانا فیاض سعیدی صاحب نے اپنے صاحبزادے احمد رضا کو جامعۃ المدینہ میں داخلہ کروانے کی خواہش کا اظہار کیا جس پر لاہور ریجن کے ذمہ دار نے مولانا فیاض سعیدی صاحب کے صاحبزادے احمد رضا کا جامعۃ المدینہ میں داخلے کیلئے آن لائن فارم پر کیا۔

پچھلے دنوں نگران زون میرپور کشمیر نے دیگر ذمہ داران کے ہمراہ کشمیر کے علاقے کوٹلی گلہار شریف کوٹلی میں صاحبزادہ پیر حافظ زاہد سلطانی صاحب سے ملاقات کی اور ان کے سسر پیر طریقت رہبر شریعت عبد اللہ جان صاحب کے انتقال پر تعزیت کی۔ذمہ داران نے عبد اللہ جان رحمۃ اللہ علیہ کےایصالِ ثواب کے لئے فاتحہ خوانی کی اور درجات کی بلندی کے لئے دعائیں کیں۔ بعد ازاں نگرانِ زون نے ذمہ داران کے ہمراہ حضرت خواجہ صادق رحمۃ اللہ علیہ کےمزار شریف پرحاضری بھی دی۔

16 جون 2020ء کو لاہور میں مجلس مدرسۃ المدینہ کے تحت مدنی مشورہ ہوا جس میں رکن شوریٰ حاجی یعفور رضا عطاری اور مدرسۃ المدینہ کے ریجن ذمہ دار نے شرکت کی۔ریجن ذمہ دار نے مدرسۃ المدینہ کی کارکردگی پیش کی۔ رکن شوریٰ نے 12 مدنی کام ، ادارے کو خود کفیل بنانے، اجیر اسلامی بھائیوں کی صحت اور میڈیکل کے معاملات پر گفتگو کی اور  مدنی پھول ارشاد فرمائے۔

دعوت اسلامی کی مجلس قانونی مشاورت کے زیر اہتمام 16 جون 2020ء کو بذریعہ ویڈیو لنک مدنی مشورہ ہوا جس میں مجلس قانون مشاورت کے اسلامی بھائیوں نے شرکت کی۔ مرکزی مجلس شوریٰ کے رکن حاجی مولانا عبد الحبیب عطاری نے شرکا کی تربیت کی اور شعبے کے مدنی کاموں کے حوالے سے مدنی پھول دیئے۔

آج بروز بدھ مورخہ 17 جون 2020ء رات 8:00 بجے  دارالافتاء اہل سنت کے مفتی جمیل عطاری مدنی صاحب مدنی چینل کے آفیشل Facebookپر لائیو ہونگے جس میں عاشقان رسول اپنے سوالات کے ذریعے شرعی مسائل کا حل جان سکیں گے ۔

اس سلسلے میں شرکت کرنےکے لئے اس لنک پر کلک کیجئے:

خدمت انسانیت اور تھیلسیمیاکے مریضوں  کےساتھ ساتھ دیگر امراض میں مبتلا مریضوں کے لئے 12 ، 13اور 14 جون 2020ء کو دعوت اسلامی کے تحت پاکستان کے100 سے زائد شہروں میں بلڈ کیمپس کا انعقاد کیا گیا جس میں مختلف شخصیات، اراکین شوریٰ اور دعوت اسلامی کے ذمہ داران سمیت کثیر تعداد میں عاشقان رسول نے خون کے عطیات پیش کئے۔

بلڈ ڈونیشن رپورٹ:مقامات332، بلڈ بیگز کی تعداد 23128

واضح رہے کہ 25مارچ 2020کو لاک ڈاؤن کے بعد بانی دعوت اسلامی امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ اورمرکزی مجلس شوریٰ کی جانب سے ملک بھر میں تھیلیمیسیا اور دیگر امراض میں مبتلا مریضوں کو خون کے عطیات دینے کا اعلان کیاگیا جس کے بعد بڑے پیمانے پر بلڈ کیمپس لگائے گئے اور خون کی کمی کو پوراکرنے کی کوشش کی گئی۔ تاہم وقتاً فوقتاً دعوت اسلامی کے تحت ملک کے مختلف شہروں میں یہ بلڈکیمپ لگائے جارہے ہیں اور تھیلیسیمیا اور دیگر امراض کے مریضوں میں خون کی کمی کو پورا کیاجارہاہے۔

تھیلیسیمیا ایک جان لیوا مرض ہے۔ مشکل کی اس گھڑی میں دعوت اسلامی کا ساتھ دیجیے۔

18 جون بروز جمعرات شام سوا 5 بجے سےفیضان مدینہ (ڈھوکڑی روڈ) میں تھیلیسیمیا کے مریضوں اور دیگر مریضوں کے لئے بلڈ ڈونیشن سیل لگایا جائے گا ۔ آپ بھی خون عطیہ کرنے کے لئےان نمبر پر رابطہ کریں۔

03115141598/03015194080

گزشتہ روز نگرانِ چشتیاں کابینہ محمد ناصر عطاری اور رکن بہاولپور زون کورسز مجلس محمد رمضان عطاری نے مولانا حافظ محمد اکرم سعیدی رحمۃاللہ علیہ کے صاحبزادے مولانا قاری محمد صفدر صاحب سے ملاقات کی اور مولانا حافظ محمد اکرم سعیدی صاحب ( سابق خطیب جامع مسجد محبوب سبحانی محبوب کالونی چشتیاں ) کےلئے دعائے مغفرت کی۔

اس موقع پر مولانا قاری محمد صفدر صاحب نے دعوت اسلامی کے بارے میں اپنے خیالات کا اظہار کرتے ہوئے کہا کہ اس وقت دعوت اسلامی عالمگیر تحریک بن کر دین اسلام کی خدمت کر رہی ہے اور دعوت اسلامی کے جس شعبے کے بارے میں جانتے ہیں دل خوش ہوجاتا ہے ، ہر شعبہ اپنی اہمیت رکھتا ہے، امیر دعوت اسلامی مولانا الیاس قادری صاحب نےمسلکِ حق اہل سنت کا جو کام کیا وہ اپنی مثال آپ ہے، دنیا بھر میں مسلک ِاعلی حضرت امام احمد رضا خان کے ڈنکے بجا دیئےہیں، ان کی خدمت انسانیت کی بھی مثال نہیں ملتی خاص کر تھلیسیمیا کے مریضوں کو جو خون کے عطیہ پیش کئے گئے اس پر ہم ان کو سلام پیش کرتے ہیں۔ اللہ پاک ہمارے امیر اہل سنت مولانا الیاس قادری صاحب کے علم و عمل میں برکت عطا فرمائے آمین۔( رپورٹ:رمضان عطاری مجلس مدنی قافلہ رضوی ریجن)

دعوت اسلامی کے شعبہ تعلیم و ڈاکٹر مجلس کے تحت  فیصل آباد ریجن کے مختلف شہروں( لیہ،جھنگ زون لالیاں، ساہیوال زون سادھنلیاں والی، سرگودھا ذون جوہر آباد، شورکوٹ، ماموکاجن، تاندیلیاں والا) میں اَلْحَمْدُ لِلّٰہِ عَزَّ وَجَلَّ 12،13،14 جون 2020ء کودعوت اسلامی کے امیر، شیخ طریقت حضرت علامہ محمد الیاس عطار قادری رضوی دَامَتْ بَرَکَاتُہُمُ الْعَالِیَہ کے فرمان پر تھلیسیمیا کے مریضوں کے لیئے بلڈ ڈونیٹ کیمپ کا اہتمام کیا گیا جس میں کثیر عاشقان رسول اسلامی بھائیوں نے تھلیسیمیا کے مریضوں کے لیے369 بوتل خون کا عطیہ پیش کیا ۔

واضح رہے کہ تاندیلیاں والا میں لگنے والے اس بلڈکیمپ میں معروف خطیب مولانا ثمر عباس قادری صاحب نےبھی اپنا بلڈ ڈونیٹ کیا اور مدنی چینل کو تاثرات دیتے ہوئے عوام اہل سنت سے اپیل کی کہ وہ بھی تھلیسیمیا کے مریضوں کو اپنا خون عطیہ کریں۔ (رپورٹ: ریجن ذمہ دار سید محمد عاصم عطاری شعبہ تعلیم)