دعوت اسلامی کی مجلس مدرسۃ المدینہ آن لائن کے زیر اہتمام ”Special personality Development sessions“ ورکشاپ کا انعقاد کیا جارہا ہے ۔ یہ کورس 19، 20 اور 21 جون 2020ء کو شروع ہوگا جس کا دورانیہ رات 8:00 سے 8:30 بجے تک ہوگا۔ اس کورس میں مبلغِ دعوتِ اسلامی و موٹیویشنل اسپیکر محمد ثوبان عطاری Time management, meeting Goals & Deadlines, Be more presentable, Self confidence پر گفتگو فرمائیں گے۔

اس ورکشاپ میں شرکت کے لئے نیچے دیئے گئے لنک پر کلک کیجئے:

https://www.facebook.com/OnlineMadrasatulMadina

کراچی: لیاقت آباد انڈرپاس کے قریب پتنگ کی ڈور پھرنے سے موٹر سائيکل سوار حافظ بلال قادری گلہ کٹنے کے سبب انتقال کرگئے۔ 24 سالہ مرحوم بلال حافظ قرآن اور نعت خواں تھے۔

مرحوم کی نمازِ جنازہ گزشتہ روز عرشی مسجد اورنگی ٹاؤن میں ادا کی گئی، نمازِ جنازہ دعوتِ اسلامی کی مرکزی مجلس شوریٰ کےرکن حاجی امین عطاری نے پڑھائی۔ جنازے میں مفتی عابد مبارک صاحب سمیت مرحوم کے لواحقین اور عاشقانِ رسول کی بڑی تعداد نے شرکت کی۔

اس حوالے سےمیڈیا سے گفتگو کرتے ہوئے اہل خانہ نے بتایا کہ حافظ بلال قادری کی عمر 24 سال تھی، وہ حافظ قرآن اور نعت خواں تھے، بلال کی نیشنل ریفائنری میں ملازمت حال ہی میں مستقل ہوئی تھی۔

اہل خانہ نے مزید کہا کہ پابندی کے باوجود کھلے عام پتنگ بازی ہورہی لوگوں کی جان جارہی ہے، انہوں نے مطالبہ کیا کہ پتنگ بازی کرنے والوں کے خلاف سخت قانونی کارروائی کی جائے تاکہ کسی اور بے گناہ کی موت سے اس کا گھر برباد نہ ہو۔

دعوت اسلامی کے زیر اہتمام 12 جون 2020ء کو مجلس طبی علاج کا  ویڈیو لنک کے ذریعے مدنی مشورہ ہوا جس میں مرکزی مجلس شوریٰ کے رکن حاجی مولانا عبد الحبیب عطاری نے کرونا وبا سےبچنے کے لئے احتیاطی تدابیر اختیار کرنے کے حوالے سے تربیت کی اور شعبے کی کارکردگی کے بارے میں کلام فرمایا۔ اس مدنی مشورے میں مجلس طبی علاج کے اراکین نے شرکت کی۔

دعوت اسلامی کی مرکزی مجلس شوریٰ کے رکن و کراچی ریجن کے نگران حاجی محمد امین عطاری، رکن شوریٰ حاجی محمد علی عطاری اور دیگر ذمہ داران کے ہمراہ کراچی کے علاقے گلشن اقبال  پہنچنے۔ جہاں دعوت اسلامی کے تحت اسلامی بہنوں کے لئے تعمیر ہونے والے جامعۃ المدینہ کا دورہ کیا۔ یہ جامعۃ المدینہ اب تکمیل کے آخری مراحل میں ہے۔ اس حوالے سے ایک ذمہ دار اسلامی بھائی نے اراکین شوریٰ کو بریف کیا جس پر رکن شوریٰ حاجی محمد امین عطاری نے ان اسلامی بھائیوں کی رہنمائی بھی فرمائی۔

اسی طرح اراکین شوریٰ حاجی محمد امین عطاری و حاجی محمد علی عطاری دیگر ذمہ داران کے ہمراہ کراچی کے علاقے لیاری پہنچے جہاں پچھلے دنوں عمارت گرنے کا واقعہ پیش آیا تھا جس کے بعد یہاں دعوت اسلامی ویلفیئر ٹرسٹ کے تحت متاثرین کی امداد کے لئے کیمپ کا انعقاد کیاگیا ہے۔ اراکین شوریٰ نے ویلفیئر ٹرسٹ میں موجود اسلامی بھائیوں سے ملاقات کی۔ ذمہ دار اسلامی بھائیوں نے اراکین شوریٰ کو حادثے کے مقام پر ویلفیئر ٹرسٹ کے تحت ہونے والے فلاحی کاموں کے حوالے سے آگاہ کیا۔

وفاقی دارالحکومت اسلام آباد کے سیکٹر جی الیون میں واقع مدنی مرکزفیضان مدینہ میں مجلس ویلفیئر ٹرسٹ کے نگران شفاعت علی عطاری نے اپنی ٹیم کے ہمراہ اسلام ریجن کے نگران و رکن شوریٰ حاجی وقارالمدینہ عطاری سے ملاقات  کی۔ مدنی مشورے میں وفاقی دارالحکومت میں رکن شوریٰ حاجی وقارالمدینہ عطاری نےان اسلامی بھائیوں کو ویلفیئر کے کاموں کے حوالے سے ذہن دیتے ہوئے فرمایا کہ آپ امت کے خیرخواہ ہیں جو بھی کام کریں نیکی کی نیت سے کریں۔ دعوت اسلامی کے مدنی کام کریں لیکن شریعت اور تنظیمی دائرہ کار میں رہتے ہوئے کریں۔

کراچی کے علاقے سہراب گوٹھ میں قائم میمن ڈیری اینڈ کوآپریٹو سوسائٹی میں  مجلس رابطہ برائے تاجران کے تحت مدنی حلقے کا سلسلہ ہوا۔ جس میں عبدالجبار (D.C.F.A پاکستان کے صدر کراچی ڈویژن)، حارث علی میتھانی (چیف آرگنائزر) اور عامر عثمان (چیئرمین ہائی وے سرکل) و دیگر کمیٹی ممبران نے شرکت کی۔ مجلس رابطہ برائے تاجران کراچی ریجن کے ذمہ دارنے دعوت اسلامی ویلفیئر کے تحت ہونے والے امدادی کاموں، تھیلیسیمیا اور دیگر امراض میں مبتلا مریضوں کے لئے خون کی فراہمی کے سلسلے میں ملک بھر میں لگائے جانے والے بلڈ کیمپس کے بارے میں معلومات فراہم کیں جس پر ان شخصیات نے دعوت اسلامی کے مدنی کاموں کو سراہا اور نیک خواہشات کااظہار بھی کیا۔

اسی طرح گارڈن ایسٹ میں تاجر حاجی عبد الجبار قادری اور ان کے صاحبزادے سےان کی رہائش گاہ جاکر عیادت کی اور جلد صحت یابی کے لئے دعا کی۔ریجن ذمہ دار مجلس رابطہ برائے تاجران نے کراچی کے علاقے جمشید روڈ پر محمد ادریس عطاری سے بھی ان کے گھر جاکر عیادت کی اور ان کی جلد صحت یابی کے لئے دعا بھی کی۔

دعوت اسلامی کا شعبہ مدرسۃالمدینہ آن لائن آپ کے لئے لارہا ہے ” قرنطینہ کورس “ جس میں آئسولیشن میں موجود افراد کو 15 دن کا قرنطینہ کورس کروایا جائیگا۔کورس کا دورانیہ روزانہ ایک گھنٹہ ہوگا۔اس کورس میں شرکت کرنے والے عاشقان رسول کوقراٰن پاک پڑھایا جائیگا، نماز سکھائی جائیگی، وظائف بھی دیئے جائیں گےاور دعا بھی یاد کروائی جائیگی۔

عاشقان رسول سے درخواست ہے اپنے اس پریشانی کے دنوں میں رب عَزَّوَجَلَّ کو راضی کرنے کی کوشش کریں اوراس کورس میں داخلہ لیکر علم دین سیکھتے ہوئے گزارے۔

مزید معلومات کے لئے اس واٹس اپ نمبر اور ویب سائٹ پر رابطہ کریں

03139292992

www.quranteacher.net

گزشتہ روز نگران لاہور ریجن رکن شوری حاجی یعفور رضاعطاری اور مجلس رابطہ بالعلماء لاہور ریجن  محمد طیب مدنی نے پیر کبیر علی شاہ صاحب رحمۃ اللہ علیہ کے جانشین پیر سید احمد مصطفین شاہ صاحب سے ان کے آستانہ عالیہ خیابان چورہ شریف میں حاضر ہو کر ملاقات کی اور امیر اہلسنت کا تعزیتی پیغام سنایا۔

پیر سید احمد مصطفین شاہ صاحب نے امیر اہل سنت کا شکریہ ادا کرتے ہوئے مدنی چینل کو تاثرات بھی دئیے۔ بعد ازاں رکن شوریٰ نے صاحبزادہ سبطین شاہ صاحب سے بھی ملاقات کی اور تعزیت کی۔ بعد از ملاقات رکن شوریٰ نے مزار شریف پر حاضری دی اور فاتحہ خوانی بھی کی۔

پنجاب کے شہر اوکاڑہ بصیر پور میں   قائم جامعہ حنفیہ فریدیہ میں رکن شوریٰ حاجی محمد رفیع العطاری نے نگران کابینہ اوکاڑہ و دیگر ذمہ داران کے ہمراہ صاحبزادہ پیر مفتی محب اللہ نوری صاحب سے ملاقات کی اور ان کی ہمشیرہ بنت فقیہ اعظم حضرت مولانا نوراللہ نعیمی رحمۃ اللہ علیہ کے انتقال پر تعزیت کی دعائے مغفرت فرمائی۔ رکن شوریٰ نے محب اللہ نوری صاحب کو امیر اہلسنت دَامَتْ بَرَکَاتُہُمُ الْعَالِیَہ کا تعزیتی پیغام بھی سنوایا جس پر مفتی محب اللہ نوری صاحب نے امیر اہلسنت کا شکریہ ادا کیا اور دعائیں کیں۔

پچھلے دنوں کراچی کے علاقے سائٹ ایریا  میں واقع ایک گارمنٹ فیکٹری میں آگ لگ گئی۔آگ کی اطلاع ملتے ہی فائر بریگیڈ کی گاڑیاں آگ بجھانے کےلئے پہنچ گئیں۔آگ کی شدت میں تیزی دیکھ کر شہر بھر کی فائر بریگیڈ کی گاڑیوں کو طلب کیا گیا ۔ فائر بریگیڈ حکام نے آگ کو تیسرے درجے کا قرار دے دیا۔

واقعے کی اطلاع ملتے ہی دعوت اسلامی کی مجلس برائے تاجران کے ذمہ داران اسلامی بھائیوں نے فیکٹری کا دورہ کیا اور فیکٹری مالک سے دلجوئی کرتے ہوئے دعائے خیر کی۔

دعوت اسلامی کی مجلس رابطہ برائے تاجران کراچی ریجن کے تحت مختلف شخصیات سے تعزیت اور عیادت کا سلسلہ رہا۔

کراچی کے ریجن و زون ذمہ داران نے کراچی کے علاقے ملیر میں محمد فیضان سے ملاقات کی اور ان کے والد محمد شکیل عطاری کے انتقال پر تعزیت کا اظہار کرتے ہوئے مرحوم کے لئے دعائے مغفرت بھی کی۔

اسی طرح مجلس رابطہ برائے تاجرن کراچی کے ریجن و زون ذمہ داران نے سہراب گوٹھ میں محمد زاہد کے گھر جاکر ان کی عیادت کی اور ان کی صحت یابی کے لئے دعا کی جبکہ ریجن و زون ذمہ داران نے ناظم آباد میں کاشف صابرانی سے ملاقات کی اور ان کے بڑے بھائی سلمان صابرانی کے انتقال پر تعزیت اور دعا ئیں کیں ۔

مجلس رابطہ برائے تاجران کراچی کے ریجن و زون ذمہ داران خالدبن ولید روڈ پر رفیق گاڈٹ کےگھر پہنچے اور ان کی والدہ کے انتقال پر ان کے صاحبزادوں سے ملاقات کی اور مرحومہ کے انتقال پر تعزیت اور دعائے مغفرت کی۔

بعد ازاں ریجن و زون ذمہ داران نے گلزار ہجری میں ایک رئیل اسٹیٹ پر جاکر انیس قادری سے ملاقات کی اور دعوت اسلامی کے مدنی کاموں بالخصوص موجودہ صورت حال میں ہونے والے فلاحی کاموں کے حوالے سے بتایا اور انہیں مدنی ماحول سے وابستہ ہونے کا ذہن دیا۔

کراچی کے علاقے شاہ فیصل  کالونی میں دعوت اسلامی کی مجلس شعبہ تعلیم کے ذمہ داران نے پرائیویٹ اسکول مینجمنٹ ایسوسی ایشن کے جنرل سیکریٹری سید اسرار علی، ڈپٹی جنرل سیکریٹری علی حسن گبول، ممبر سپریم کونسل سید حارث حسین، ممبر سپریم کونسل سید محمد ذکی اور دیگر سے ملاقات کی۔ ذمہ داران نے انہیں دعوت اسلامی کے تحت دنیا بھر میں دین اسلام کی خدمت کے لئے ہونے والے مدنی کاموں اور مختلف شعبہ جات کے حوالے سے بتایا۔ شعبہ تعلیم کے ذمہ داران نے ان شخصیات کو موجودہ صورت حال میں فلاحی کاموں، تھیلسیمیا اور دیگر امراض کے مریضوں کے لئے دعوت اسلامی کے تحت لگائے جانے والے بلڈکیمپس کے حوالے سے معلومات فراہم کی جس پر ان شخصیات نے دعوت اسلامی کی دین اسلام کے لئے خدمات کو سراہا اور نیک خواہشات کااظہار کیا۔

ریجن ذمہ دارنے ان شخصیات کو مختلف اسکولوں میں دعوت اسلامی کی مجلس شعبہ تعلیم کے تحت بچوں میں دینی کاموں کیلئے خدمات پیش کرنے اور انہیں مدنی کاموں میں حصہ لینے کا ذہن دیا ۔