لاہور شمالی زون میں پروفیشنل مجلس اور شعبہ تعلیم کے زون و کابینہ ذمہ داران نے مختلف پرائیویٹ اسکولز اور فیکٹری مالکان سے ملاقاتیں کیں جن میں فیصل ) پروفیسر پرائیویٹ اسکول )، حاجی شیر زمان (تاجر و فیکٹری مالک) ، صداقت علی (پرنسپل پرائیویٹ اکیڈمی ) اور محمد زمان(تاجر و فیکٹری مالک) شامل تھے۔ذمہ داران نے انہیں موجودہ صورت حال میں دعوت اسلامی کے تحت ملک و بیرون ملک میں ہونے والے فلاحی کاموں، تھیلیسیمیا اور دیگر امراض میں مبتلا مریضوں اور بچوں کے لئے ملک بھر میں لگائے جانے والے بلڈکیمپس کے حوالے سےمعلومات فراہم کیں اور انہیں ڈویژن داتا نگر بادامی باغ میں لگنے والے بلڈکیمپ میں خود بھی خون عطیہ کرنے اور اپنے دوست احباب کو بھی اس کی ترغیب دلانے کا ذہن دیا۔ شخصیات نےکیمپ پر آنے اور خون دینے کی بھی نیت کی اور دعوت اسلامی کے لئے نیک خواہشات کااظہار کیا۔