دعوت اسلامی کے زیر اہتمام12 جولائی 2020ء کو نگران کابینہ واہگہ ٹاؤن محمد ندیم عطاری داروغہ والا ڈویژن کے  مختلف علاقوں میں مدنی مشورہ فرمائیں گے۔ مدنی مشورے میں علاقائی ذمہ دار، حلقہ ذمہ دار،مشاورت اور پرانے اسلامی بھائی سمیت مجلس اجتماعی قربانی کےذمہ داران شرکت کریں گے۔

مختلف علاقوں میں ہونے والے مدنی مشورے کے ٹائمنگ کی تفصیلات درج ذیل ہیں:

نواں والاچوک :صبح 10:30 بجے

داروغہ والا:دوپہر 1:00بجے

مومن پورہ: 3:12 بجے

شریف پورہ: بعد نماز عصر

شاہ گوہر پیر:بعد نماز مغرب

دعوت اسلامی دنیا بھرمیں  108سے زائد شعبہ جات میں دین اسلام کی خدمات سر انجام دے رہی ہے۔ انہیں میں ایک شعبہ مجلس ازدیاحب بھی ہےجس کا کام وقتا فوقتاً ذمہ داران دعوت اسلامی اور عاشقان رسول کے ہاں مدنی حلقے لگانا، ذمہ داریوں کو تقسیم کرنا اور عاشقان رسول کے مرحوم عزیزوں کے لیے ایصال ثواب اجتماعات کروانا ہے۔

اسی شعبے کے تحت 7 جولائی 2020ء کو رکن شوریٰ حاجی محمد وقار المدینہ عطاری اور اسلام آباد ریجن کے ذمہ داران کے مرحومین کے لیے مجلس ازدیاحب کے فیس بک پیج پر لائیو ایصال ثواب اجتماع کا سلسلہ ہوا۔اس اجتماع پاک میں نگران پاکستان انتظامی حاجی محمد شاہد عطاری نے” مرحومین کے لئے ایصالِ ثواب کرنے اور اس کے فوائد “ کے موضوع پر سنتوں بھرا بیان کیا ۔ نگران پاکستان نے عاشقان رسول کو اپنے مرحوم عزیزوں کے لئے ایصالِ ثواب کرنے کی ترغیب دلائی۔ اجتماع کے اختتام پر فاتحہ خوانی، ذکرودرودشریف اور مرحومین کو کثیر ایصالِ ثواب پیش کیا گیا۔اس موقع پر رکن شوریٰ حاجی محمد اظہر عطاری بھی موجود تھے۔

موجودہ صورت حال میں لوگوں میں نقدی، راشن، کھانا اور دیگر ضروریات کی اشیاء فراہم کرنے کیلئے دعوت اسلامی کی جانب سے مجلس ویلفیئرٹرسٹ کا قیام عمل میں لایا گیا۔ اَلْحَمْدُ لِلّٰہِ عَزَّ وَجَلَّ اسی مجلس کے نگران و دیگر ذمہ داران کی کو ششوں سے لوگوں کو نقدی، راشن، کھانا اور دیگر ضروریات کی اشیاء ان کے گھروں تک پہنچائے جاتے ہیں۔

رکن شوریٰ حاجی محمد امین عطاری اور رکن شوریٰ حاجی محمد امین قافلہ عطاری نے دیگر ذمہ داران کے ہمراہ کراچی کے علاقے لانڈھی میں قائم مجلس دعوت اسلامی ویلفیئر کے کچن کا دورہ کیا اور وہاں انتظامات، پیکنگ مراحل اور کھانے کا معیار چیک کیا اور دیگر امور کا بھی جائزہ لیا اراکین شوریٰ نےکچن پر خدمات انجام دینے والے اسلامی بھائیوں کی حوصلہ افزائی بھی فرمائی۔

ہر سال کی طرح اس سال بھی دعوت اسلامی کے تحت اجتماعی قربانی کا  سلسلہ ہونے جارہا ہے۔

اسی سلسلے میں اسلام آباد ریجن میں مدنی مشورہ ہوا جس میں مجلس مالیات، مدنی عطیات بکس، ائمہ مساجد، فیضان مدینہ، مدرسہ وجامعۃ المدینہ للبنین والبنات کے ریجن ذمہ داران نے شرکت کی۔ رکن شوریٰ حاجی وقار المدینہ عطاری نے اجتماعی قربانی کے حوالے سے شرکا کی تربیت کی اور سابقہ کارکردگی کا جائزہ لیتے ہوئے آئندہ کے اہداف بھی دیئے۔

دعوت اسلامی دنیا بھر میں قائم مدارس و جامعات المدینہ  کے اخراجات کو پورا کرنے کے لئے ہر سال قربانی کی کھالیں جمع کرتی ہے اور ان کھالوں کو ایک جگہ جمع کرنے لئے گودام بھی بنائے جاتے ہیں۔اس بار اسلام آباد ریجن میں 31 گودام بنائے جارہے ہیں۔

اسی سلسلے میں گزشتہ دنوں مرکزی مجلس شوریٰ کے رکن حاجی وقار المدینہ عطاری نے روات کلر سیداں ضلع راولپنڈی میں بننے والے گودام کا وزٹ کیا۔ رکن شوریٰ نے ذمہ داران کو گودام کے ہال اور دیگر کاموں کو مزید بہتر بنانے پر مدنی پھول ارشاد فرمائے۔

روات کلر سیداں گودام میں نمک لگانے والے لیبر اور دیگر آنے والے اسلامی بھائیوں کے آرام کرنے کے لئے کمرے ، کھانے کا کچن، کھانے کا ہال، نمازوں کی ادائیگی کے لئے وضو خانے، استنجا خانے اور جائے نماز کا بھی اہتمام کیا گیا ہے۔

دعوت اسلامی کے زیر اہتمام آن لائن کفن دفن کورس کا سلسلہ جاری ہے۔ دوران کورس 6 جولائی 2020ء کو مرکزی مجلس شوریٰ کے رکن حاجی یعفور رضا عطاری نےسنتوں بھرا بیان کیا اور  شرکا کی تربیت کرتے ہوئے انہیں کفن دفن کے حوالے سے مدنی پھول ارشاد فرمائے۔

دعوت اسلامی کی مجلس تاجران کے تحت اچھرہ بازار میں مدنی حلقہ ہوا جس میں اچھرہ بازار کے مقامی تاجروں نے شرکت کی۔ مجلس تاجران کے ذمہ دار اسلامی بھائی نے سنتوں بھرا بیان کیا اور تاجروں پر انفرادی کوشش کرتے ہوئے انہیں  اپنی دکانوں پر مدنی حلقہ لگانے کی نیتیں کروائیں۔

اَلْحَمْدُ لِلّٰہِ عَزَّ وَجَلَّ دعوت اسلامی کے تحت بلڈڈونیشن کا سلسلہ جاری ہے۔ ملک کے مختلف شہروں میں تھیلیسیمیا اور دیگر امراض میں مبتلا مریضوں اور بچوں کو خون کی فراہمی کے لئے وقتاً فوقتاً بلڈکیمپس لگائے جارہے ہیں۔ اتوار کے روز بھی لاہور کے علاقے گلشن راوی میں بلڈکیمپ لگایا گیا جہاں مختلف شعبہ ہائے زندگی سے تعلق رکھنے والے افراد، اسٹوڈنٹس اور دعوت اسلامی کے ذمہ داران نے امیر اہلسنت دَامَتْ بَرَکَاتُہُمُ الْعَالِیَہ کے فرمان پر لبیک کہتے ہوئے خون عطیہ کیا۔ اس موقع پر نگران مجلس پروفیشنلز نے بلڈکیمپ کا دورہ کیا اور خون عطیہ کرنے والے اسلامی بھائیوں سے ملاقات کرکے ان کی حوصلہ افزائی کی ۔ نگران مجلس نے انہیں اسی جذبے کے تحت دعوت اسلامی کے مدنی کاموں میں حصہ لینے کی ترغیب بھی دلائی۔

کراچی کے علاقے  کورنگی ایکسپریس قیوم آباد میں دعوت اسلامی کی مجلس رابطہ کراچی کے ریجن ذمہ دار نے دیگر ذمہ داران کے ہمراہ رکن قومی اسمبلی فہیم خان سے ان کے دفتر میں ملاقات کی اور انہیں نیکی کی دعوت پیش کی۔

اس موقع پر ذمہ داران نے فہیم خان کو دعوت اسلامی کے تحت عید قرباں پر ملک بھر میں ہونے والی اجتماعی قربانی اور قربانی کی کھالیں جمع کرنے کے حوالے سے بتایا اور انہیں عالمی مدنی مرکزفیضان مدینہ آنے کی دعوت بھی دی جس پر فہیم خان نے دعوت اسلامی کی کاوشوں کو سراہا۔

دعوت اسلامی کے زیر اہتمام بلوچستان کے شہر حب فیضان مدینہ مگسی کالونی میں6 جولائی 2020 ءبروز پیر گوادر زون کا مدنی مشورہ ہوا۔ مدنی مشورے کا آغاز تلاوت کلام پاک اور نعت رسول مقبول ﷺ سے ہوا۔اس مدنی مشورے میں نگران زون حاجی محمد امتیاز عطاری نے مدنی پھول ارشاد فرماتے ہوئے کہا کہ عمدہ اوصاف سے دل جیتا جاسکتا ہے۔اورمرحومین کے لواحقین سے ملاقات و تعزیت کے ذریعے ایصال ثواب کا اہتمام کرنا بھی دل جیت نے کا ایک بہترین ذریعہ ہے۔

نگران زون نے شرکا کو12مدنی کاموں کو مضبوط کرنے ،ہر ماہ عملی جدول بنانے،ہر ماہ ذاتی کار کردگی دینے، ہفتہ وار رسالہ مطالعہ کردگی بہتر بنانے ، عزیز و اقارب کو ہفتہ وار رسالہ مطالعہ کا ذہن دینے ، ہفتہ وار رسالہ مطالعہ کار کردگی جمع کروانے، بذریعہ مدنی چینل ہفتہ وار اجتماع میں شرکت کرنے، آن لائن کورسز میں داخلہ لینےاور دلوانےاور کھالیں جمع کرنے کے حوالے سے مدنی پھول ارشاد فرما تے ہوئے مرتے دم تک امیر اہلسنت کی غلامی اور دعوت اسلامی کے مدنی ماحول پر استقامت کی دعا فرمائی۔ (رپورٹ محمد جہاںزیب عطاری مجلس میڈیا ڈیپارٹمنٹ گوادر زون)

دعوت اسلامی  کے زیر اہتمام04 جولائی 2020ء بروز ہفتہ کو اٹک زون کی اٹک کابینہ میں مدنی مشورے کا اہتمام ہوا جس میں اراکين کابینہ اور ڈویژن نگران نے شرکت کی۔مبلغ دعوت اسلامی و نگران زون لیاقت علی عطاری نے مدنی کام واجتماعی قربانی کے حوالے سے شرکا کی تربیت کی۔نگران زون نے انہیں احتیاطی تدابير کے ساتھ مدنی کاموں کی دھوم مچا نے ، لوگوں کو بذریعہ مدنی چینل ہفتہ وار اجتماع اور مدنی مذاکرے میں شرکت کروانے ، اجتماعی قربانی کے لئے حصوں کو جمع کرنےاور اپنی پیاری تحریک دعوت اسلامی کے لئے کھالیں جمع کرنے کے حوالے سے ذہن دیا۔( سید بلال عطاری رکن زون میڈیا ڈیپارٹمنٹ آف دعوت اسلامی)

دعوت اسلامی کے زیر اہتمام پاکستان بھر میں  اجتماعی قربانی کا سلسلہ ہونے جارہاہے۔ یہ اجتماعی قربانی شرعی اصولوں کے عین مطابق کی جائیگی۔

عاشقان رسول سے درخواست کی جاتی ہے کہ دعوت اسلامی کے اجتماعی قربانی میں حصہ لیں اور ہر نیک و جائز میں خرچ کرنے کے لئے اپنی قربانی کی کھالیں دعوت اسلامی کو دیں۔

مکمل گائے: 84000

گائےفی حصہ: 12000

بکرا: 17500

اجتماعی قربانی میں حصہ لینے کے لئے نیچے دیئے گئے لنک پر کلک کرکے آن لائن فارم کو پرُ کریں:

https://www.dawateislami.net/onlinequrbani/