6جون 2020ء کو دارالافتاء اہل سنت دعوت اسلامی کے مفتیانِ کرام  کا بذریعہ ویڈیو لنک مدنی مشورہ ہوا جس میں مفتی محمد حسان عطاری صاحب ، مفتی شفیق عطاری صاحب ، مفتی محمد سجادعطاری صاحب ، مفتی کفیل عطاری صاحب اور رکن شوریٰ مولانا عبد الحبیب عطاری نے شرکت کی۔ رکن شوری نے سنتوں بھرا بیان کیا ۔ مدنی مشورے میں دارالافتاء کے حوالے سے تبادلہ خیال بھی ہوا۔

دعوت اسلامی کے تحت 4 جون 2020ء کو مجلس جامعۃ المدینہ بیرون ملک کابذریعہ ویڈیو لنک  مدنی مشورہ ہوا جس میں جامعۃ المدینہ بیرون ملک کے ذمہ داران نے شرکت کی۔ رکن شوری ٰحاجی مولانا عبد الحبیب عطاری نے شرکا کی تربیت کی اور شعبے کے حوالے سے مدنی پھول دیئے۔

دعوت اسلامی کے تحت 3 جون 2020ء کو مجلس آن لائن کابذریعہ ویڈیو لنک مدنی مشورہ ہوا جس میں مجلس آن لائن کے ذمہ داران نے شرکت کی۔ رکن شوریٰ حاجی مولانا عبد الحبیب عطاری نے شرکا کی تربیت فرمائی اور موجودہ صورتحال میں شعبے کے مدنی کاموں کے حوالے سےتربیت کی۔

دعوت اسلامی کے زیر اہتمام یکم جون 2020ء کو بذریعہ ویڈیو لنک مدنی مشورہ ہوا جس میں مجلس اثاثہ جات کے ذمہ داران نے شرکت کی۔ مرکزی مجلس شوریٰ کے رکن حاجی مولانا عبد الحبیب عطاری نے ذمہ داران کی تربیت فرمائی اور شعبہ جات کے حوالے سے تربیت کی۔

دعوت اسلامی کی مجلس رابطہ بالعلماءریجن ذمہ دار لاہور نے راوی روڈ لاہور میں قائم تنظیم المدارس اہل سنت  پاکستان کے آفس میں جاکر مولانا غلام مرتضیٰ قادری صاحب سے ملاقات کی۔ ذمہ دار اسلامی بھائی نے انہیں موجودہ صورت حال میں دعوت اسلامی کے ملک و بیرون ہونے والے فلاحی کاموں سےمتعلق آگاہی فراہم کی جبکہ تھیلیسیما اور دیگر امراض میں مبتلا مریضوں کو خون عطیہ کرنے کے سلسلے میں لگائے جانے والے بلڈکیمپس کے بارے میں بھی بتایا ۔ مولانا غلام مرتضیٰ قادری صاحب نے دعوت اسلامی کی ان کاوشوں کو خوب سراہا۔

ملاقات کے دوران تنظیم المدارس اہل سنت پاکستان کے ممبر مولانا غلام محمد سیالوی رحمۃ اللہ علیہ کے ایصال ثواب کیلئے فاتحہ خوانی بھی کی گئی۔

دعوت اسلامی کی مرکزی مجلس شوریٰ کےرکن  ونگرا ن کراچی ریجن حاجی محمد امین عطاری نے ایک پرانے ذمہ دار اسلامی بھائی ریاض ایدھی عطاری کے والد کی نماز جنازہ پڑھائی۔ نماز جنازہ سولجر بازارکراچی میں قائم مسجد خزائن العرفان میں اداکی گئی۔اس موقع پر مرحوم کے اہل خانہ ، اہل علاقہ اور دعوت اسلامی کےذمہ داران نے شرکت کی۔

لیاری کھڈا مارکیٹ میمن سوسائٹی کھوکھر کچن والی گلی نمبر 3 میں پانچ منزلہ عمارت زمین بوس ہوگئی۔ عمارت کے گرنے کی اطلاع جنگل کی آگ کی طرح پورے شہر میں پھیل گئی اور امدادی ٹیمیں جائے وقوعہ پر پہنچنا شروع ہوگئی۔ پولیس، رینجرز، فوج   اور دیگر ریسکیو اہلکاروں کے ساتھ ساتھ دعوت اسلامی ویلفیئر کے ذمہ داران بھی جائے وقوعہ پر پہنچ گئے اور وہاں امدادی کاموں کا آغاز کردیا۔ امدادی کاموں کے دوران ملبے سے خاتون سمیت دو افراد کی لاشیں ملی ہیں جبکہ پانچ سے زائد افراد زخمی ہوئے جنہیں ابتدائی طبی امداد کیلئے سول اسپتال منتقل کردیا گیا ہے۔

حادثے کی خبر ملنے پر امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے دُکھ اور افسوس کا اظہار کیا اور انتقال کر جانے والے اور زخمیوں کے لئے دعائیں کیں۔

دعوت اسلامی ویلفیئر کے ذمہ دار اسلامی بھائی کا کہنا تھا کہ واقعے کی اطلاع ملتے ہی ہم جائے وقوعہ پر پہنچ گئے تھے اور امدادی کاموں اور پانی تقسیم کا سلسلہ شروع کردیا تھا۔

پاکستان پیپلز پارٹی کے رہنما جاوید ناگوری نے دعوت اسلامی ویلفیئر کا شکریہ ادا کرتے ہوئے کہا کہ دعوت اسلامی ویلفیئر کے اسلامی بھائی جس طرح کام کررہے ہیں وہ قابل تعریف ہے۔

زمین بوس ہونیوالی عمارت کے ملبے کو ہیوی مشینری کے ذریعے اٹھایا جارہا ہے۔ ابتدائی طور پر معلومات کے مطابق عمارت 25 سے 30 سال پرانی ہے اور اس میں کم و بیش 45 فلیٹ موجود تھے۔ 

13 جون 2020ء کی شب 8:00 بجے دعوت اسلامی کی مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی سوشل میڈیا پر لائیو ہونگے جس میں عاشقان رسول سوالات کے ذریعے اپنے سوشل مسائل کا حل جان سکیں گے۔

12 ، 13اور 14 جون 2020ء کو دعوت اسلامی کے تحت پاکستان کے100 سے زائد شہروں میں بلڈ کیمپس کا انعقاد کیا جارہاہےجس میں عاشقان رسول خون کے عطیات دے سکیں گے۔ خدمت انسانیت کے لئے تمام عاشقان رسول سے درخواست کی جاتی ہے کہ اس کارِ خیر میں زیادہ سے زیادہ حصہ لیں۔

واضح رہے کہ 25مارچ 2020کو لاک ڈاؤن کے بعد بانی دعوت اسلامی امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ اورمرکزی مجلس شوریٰ کی جانب سے ملک بھر میں تھیلیمیسیا اور دیگر امراض میں مبتلا مریضوں کو خون کے عطیات دینے کا اعلان کیاگیا جس کے بعد بڑے پیمانے پر بلڈ کیمپس لگائے گئے اور خون کی کمی کو پورا کرنے کی کوشش کی گئی۔ تاہم وقتاً فوقتاً دعوت اسلامی کے تحت ملک کے مختلف شہروں میں یہ بلڈکیمپ لگائے جارہے ہیں اور تھیلیسیمیا اور دیگر امراض کے مریضوں میں خون کی کمی کو پورا کیاجارہاہے۔

پاکستان میں سب سے زیادہ سورج گرہن سکھر، میر پور ماتھیلو وغیرہ میں ہوگا جہاں چاند تقریباً % 99 سورج اور زمین کے درمیان حائل ہوجائے گا

یہ گرہن ایشیا و افریقہ کے اکثر ممالک (بشمول پاکستان)، جنوب مشرقی یورپ اور شمالی آسٹریلیا میں دیکھا جا سکے گا

سورج گرہن(Solar Eclipse)

(خصوصی رپورٹ از:ماہرِ علمِ توقیت محمد وسیم عطاری )

سورج گرہن اللہ پاک کی نشانیوں میں سے ایک نشانی ہے۔ جس دن آنحضرت صلَّی اللہ علیہ واٰلہٖ وسلَّم کے صاحبزادے حضرت ابراہیم رضی اللہ عنہ انتقال کر گئے اسی دن سورج میں گہن لگا۔ بعض لوگوں نے خیال کیا کہ یہ حضرت براہیم رضی اللہ عنہ کے غم میں واقع ہوا ہے،چنانچہ حضورِ اکرم صلَّی اللہ علیہ واٰلہٖ وسلَّم نے لوگوں کوسورج گہن کی نماز پڑھنے کے بعد خطبہ دیتے ہوئے اِرشادفرمایا: ” سورج اور چاند اللہ کی نشانیوں میں سے دو نشانیاں ہیں، انہیں گرہن کسی کی موت اور زندگی کی وجہ سے نہیں لگتا۔ پس جب تم اسے دیکھو تو اللہ کو پکارو، اس کی بڑائی بیان کرو، نمازپڑھو اور صدقہ دو۔“ (بخاری،کتاب الکسوف،باب الصدقۃ فی الکسوف ۱/۳۵۷،۳۶۳ ،حدیث :۱۰۴۴،۱۰۶۰،ملخصاً)

سورج گرہن کب لگتا ہے؟

سائنسی اعتبار سے سورج گرہن اس وقت لگتا ہے جب سورج اور زمین کے درمیان چاند حائل ہو جاتا ہے جس کی وجہ سے سورج کی روشنی بعض اوقات مکمل طور پر اور بعض اوقات جزوی طور پر ماند پڑ جاتی ہے۔ 21جون 2020 بروز اتوار سورج گرہن لگنے والا ہے۔ یہ گرہن ایشیا و افریقہ کے اکثر ممالک(بشمول پاکستان)، جنوب مشرقی یورپ اور شمالی آسٹریلیا میں دیکھا جا سکے گا۔

پاکستان میں یہ گہن سب سے زیادہ (%98.8)گوادر،لاڑکانہ،سکھر،میرپور ماتھیلواورصادق آباد وغیرہ میں ہوگا۔

گرہن لگنے پر کیا کرنا چاہئے؟

جب سورج یا چاند کو گہن لگے تومسلمانوں کو چاہئے کہ وہ اس نظارے سے محظوظ ہونے( ڈاکٹروں کا کہنا ہے کہ گرہن کے وَقْت سورج کو براہ راست دیکھنے سے آنکھ کی بینائی بھی جاسکتی ہے) اور توہمات کا شکار ہونے کے بجائے بارگاہِ الٰہی میں حاضری دیں اور گڑگڑا کر اپنے گناہوں کی معافی طَلَب کریں ،اس یومِ قیامت کو یاد کریں جب سورج اور چاند بے نور ہوجائیں گے اور ستارے توڑدئیے جائیں گے اور پہاڑ لپیٹ دئیے جائیں گے۔

سورج گہن کی نماز سنت مؤکدہ ہے اور چاند گہن کی مستحب۔ سورج گہن کی نماز جماعت سے پڑھنی مُسْتَحَب ہے اور تنہا تنہا بھی ہو سکتی ہے اور جماعت سے پڑھی جائے تو خطبہ کے سوا تمام شرائط جمعہ اس کے لیے شرط ہیں ، وہی شخص اس کی جماعت قائم کر سکتا ہے جو جمعہ کی کر سکتا ہے، وہ نہ ہو تو تنہا تنہا پڑھیں ، گھر میں یا مسجد میں۔ (بہار شریعت،۱/۷۸۷)

اوقات مکروہہ:

پاکستان اور اکثر ممالک میں دوران سورج گرہن وقت زوال بھی آئے گا اس کا بھی لحاظ رکھیں کہ نصف النہار شرعی سے ابتدائے ظہر تک ہر قسم کی نماز حتٰی کہ نفل بھی منع ہے اسی طرح بعض ممالک میں طلوع آفتاب سورج گرھن کے ساتھ ہوگا لہذاگہن کی نماز پڑھنے کے لیے سورج نکلنے کے بعد بیس منٹ کا انتظار فرمائیں۔

بعض افراد یہ سمجھتے ہیں کہ”سورج یا چاندگرہن کے حاملہ عورت پر منفی اثرات پڑتے ہیں“ اسلام میں اس کی

کوئی حقیقت نہیں ہے، اسلامی نقطۂ نظر سے سورج یا چاندگرہن کے حاملہ عورت پر کوئی منفی اثرات نہیں پڑتے۔

پاکستان میں لگنے والے سورج کے اوقات کار

پاکستان کے 83 شہروں کی لسٹ مع گرہن کے اوقات درج ذیل ہےجہاں مکمل (Annular) یا جزوی (Partial) سورج گرہن ہوگا ۔

دنیا کے دیگر ممالک میں لگنے والے سورج گرہن کے اوقات کار

فیصل آباد  میں واقع مدنی مرکز فیضان مدینہ میں دعوت اسلامی کے شعبہ المدینۃ العلمیہ کی ذیلی شاخ میں صحابیات و صالحات کی سیرت مبارکہ اور دیگر اسلامی کتب پر کام کیا جاتا ہے۔ نگران پاکستان انتظامی کابینہ حاجی محمد شاہدعطاری کی زیر پرستی یہاں کے اسلامی بھائی اپنے فرائض منصبی کو اچھی طرح نبھاتے ہوئے کتب و رسائل کو آخری مراحل تک پہنچاتے ہیں۔ جو بعد میں مکتبۃ المدینہ سے عاشقان رسول کو دستیاب ہوتی ہیں۔ اس ذیلی شاخ میں صحابیات و صالحات کی سیرت کے حوالے سے کئی کتب شائع کی جاچکی ہیں جبکہ کچھ کتب پرنٹنگ پریس پر موجود ہیں جو عنقریب عاشقان رسول کو پڑھنے کیلئے مکتبۃ المدینہ پر دستیاب ہونگی۔

ناظم المدینہ العلمیہ فیصل آباد ابرار اختر القادری کا کہنا تھا کہ سیرت نگاری کے حوالے سے فیضان صحابیات کے سلسلوں میں دو طرح کا کام ہوتا ہے، فیضان عائشہ، شان خاتون جنت، فیضان امہات المومنین رضوان اللہ علیہم اَجْمعین اور ازواج انبیاء کرام علیہم السلام کی حکایات ان میں سے تین کتب شائع ہوچکی ہیں جبکہ ایک کتاب آقا صلَّی اللہ علیہ واٰلہٖ وسلَّمکے شہزادے اور شہزادیاں بھی شائع ہونے کیلئے پریس پر بھیجی جارہی ہے۔

ناظم المدینہ العلمیہ کا مزید کہنا تھا کہ المدینۃ العلمیہ کی ذیلی شاخ میں دعوت اسلامی کے تنظیمی کاموں کو بھی فوقیت دی جاتی ہے جن میں بارہ مدنی کام، اسلامی بہنوں کے آٹھ مدنی کام، تنظیمی تربیت کے رسائل، ماہانہ مدنی مشوروں کے بیانات، دعوت اسلامی کے شعبہ جات کا تعارف اور ان کے کام کرنے کا طریقہ کار، مدنی مرکز کی آبادکاری اور تاجروں کیلئے کام کی باتیں سمیت دیگر رسائل بھی شامل ہیں جبکہ ہفتہ وار اجتماع اور مدنی جدول کا بھی یہاں کام کیا جاتا ہے۔