پنجاب کے شہر ملتان کی ایک مارکیٹ میں تاجر اسلامی بھائی محمد شہزاد کی دکان پر مجلس تقسیم رسائل کے تحت نیکی کی دعوت کا سلسلہ ہوا جس میں دکان مالک کے علاوہ وہاں کام کرنے والے اور دیگر اسلامی بھائیوں نے شرکت کی۔ نگران مجلس سید محمد حسنین عطاری نے شرکاکو دنیاوی کاموں کے ساتھ ساتھ دینی کاموں میں بھی شرکت کرنے  کی ترغیب دلائی ۔نگران مجلس نے تاجروں کو اپنے والدین کے ایصال ثواب کیلئے مکتبۃ المدینہ کے رسائل تقسیم کرنے کا بھی ذہن دیا جس پر انہوں نے اپنی نیتوں کااظہار کیا۔

مجلس تقسیم رسائل کے نگران اور ریجن ذمہ دار نےملتان ہی کی دری مارکیٹ میں ایک اور تاجر اسلامی بھائی محمد اکبر کی دکان پر مدنی حلقے میں تاجروں کو نیکی کی دعوت پیش کی اور مدنی کاموں میں شرکت کا ذہن دیا۔ عاشقان رسول نے حالات بہتر ہونے پر مدنی قافلوں میں سفر کرنے، ہفتہ وار اجتماع میں شرکت کرنے کی نیت کی اور دعوت اسلامی کے مدنی کاموں کو سراہا۔

لاہور کے علاقے شملہ پہاڑی ڈیوس روڈ پر قائم پریس کلب میں پنجاب یونین آف جرنلسٹ کے صدر قمر زمان بھٹی، جوائنٹ سیکریٹری حافظ نعیم، صحافی اسلم سعیدی اور دیگر سے میڈیاڈیپارٹمنٹ دعوت اسلامی لاہور کے ریجن و زون ذمہ داران نے  ملاقات کی۔ ذمہ داران نے انہیں نیکی کی دعوت پیش کی اور شرکا کو دعوت اسلامی کے تحت ہونے والے فلاحی کاموں کے حوالے سے بتایا۔ریجن ذمہ داران نے ان افرادکو فیضان مدینہ جوہر ٹاؤن کا دورہ کرنے کی بھی دعوت دی جس کو انہوں نے قبول کرتے ہوئے فیضان مدینہ آنے کی نیت کا اظہار کیا ۔

اسی طرح میڈیا ڈیپارٹمنٹ دعوت اسلامی کے ریجن و زون ذمہ داران نے جوائنٹ سیکریٹری حافظ فیض احمد، ممبر گورننگ باڈی لاہور پریس کلب عمران شیخ، صحافی عامر سلامت اور ناصر رضا سے ملاقات کی اور انہیں بھی دعوت اسلامی کے مدنی کاموں کے حوالے سے تعارف پیش کیا۔

لاہور کے علاقے مال روڈ پر واقع انار کلی بانوبازار میں مجلس تاجران کے تحت مدنی حلقہ ہوا جس میں بازار کے صدر سلمان خان،  سینئر نائب صدر عبدالغفار،چیئرمین سید نور الامین، سیکریٹری نشرواشاعت ارسلان ایوب، تاجر چوہدری اویس ، تاجر تصورعلی، تاجر وقاص سمیت دیگر تاجروں نے شرکت کی۔

نگران مجلس محمد ندیم عطاری نے تاجروں میں ”حسد “کے موضوع پر سنتوں بھرا بیان کیا اور بتایا کہ ایک تاجر کو اسلام کی روح سے کیسا ہوناچاہیے۔ بیان کے اختتام پر ان تاجراسلامی بھائیوں نے اپنی مارکیٹ میں اس سلسلہ کو جاری رکھنے کی نیتیں کی اور دعوت اسلامی کا شکریہ ادا کیا۔

پچھلے دنوں دعوت اسلامی کے نگران پاکستان انتظامی امور حاجی  محمد شاہد عطاری نے دیگر ذمہ داران کے ہمراہ فیصل آباد کے علاقے جھنگ بازار میں واقع محدث اعظم پاکستان حضرت علامہ مولانا محمدسردار احمد قادری رحمۃ اللہ علیہ کےمزار شریف پر حاضری دی۔ نگران پاکستان نے مزار شریف پر فاتحہ خوانی کرتے ہوئے دعائیں کیں۔

دعوتِ اسلامی کراچی(اسٹاف رپورٹر) دعوتِ اسلامی کے زیر اہتمام ہر جمعرات کو بعد نمازِ مغرب ہفتہ وار سنتوں بھرے اجتماع کا انعقاد کیا جاتا ہے۔

13اگست 2020ء برو زجمعرات رات 9:30 بجے مدنی چینل پر ہفتہ وارسنتوں بھرے اجتماع کا انعقاد کیا جائے گا جس میں رکن شوریٰ حاجی محمد اطہر عطاری ”نعمتوں کی قدر “ کے موضوع پر سنتوں بھرا بیان فرمائیں گے۔

واضح رہے! پاکستان سمیت دنیا بھر میں ہر جمعرات کو دعوت ِاسلامی کے زیر اہتمام ہفتہ وار اجتماعات کا سلسلہ ہوتاہے جن میں شرکت کرنے والے عاشقان رسول تلاوت، نعت، بیانات اور رقت انگیز دعاؤں سے فیض یاب ہوتے ہیں لیکن موجودہ ملکی صورت حال کے باعث یہ اجتماعات گیدرنگ کی صورت میں منعقد نہیں ہورہے، فقط مدنی چینل پر سنتوں بھرا بیان نشر کیا جاتا ہے جسے عاشقانِ رسول گھر بیٹھے دیکھنے اور سننے کی سعادت حاصل کرتے ہیں۔

آج 16 اگست 2020ء بروز اتوار رات 8:00 بجے مجلس وکلاء کے تحت ایڈوکیٹس اور قانون کے شعبے سےوابستہ شخصیات  کے لئے سنتوں بھرے اجتماع کا انعقاد کیا جائیگا۔ اس اجتماع پاک میں خصوصی بیان مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی سنتوں بھرا بیان فرمائیں۔ اس شعبے کے وابستہ افراد سے درخواست ہے کہ اس اجتماع پاک میں ضرور شرکت کریں۔

واضح رہے کہ یہ اجتماع نگران شوریٰ کے Official Facebook pageپر Liveہوگا۔

اس اجتماع پاک میں شرکت کرنے کے لئے نیچے دیئے گئے لنک پر کلک کیجئے:

https://www.facebook.com/maulanaimranattari

دعوت اسلامی کے زیر اہتمام 8اگست 2020ء بروز ہفتہ  بلوچستان کے شہر حب چوکی فیضان مدینہ مگسی کالونی میں گوادر زون کا ماہانہ مدنی مشورہ ہوامدنی مشورے کا آغاز تلاوت کلام پاک اور نعت رسول مقبول سے کیا گیا اس مدنی مشورے میں کراچی ریجن کے عشر ذمہ دار محمود عطاری نے بھی شرکت کی۔

نگران زون حاجی محمد امتیاز عطاری نے نگران کابینہ و دیگر ذمہ داران کی تربیت کرتے ہوئے کہا کہ نگران کابینہ اپنی کابینہ کا عشر ذمہ دار اور ڈویژن نگران اپنی ڈویژن کا عشر ذمہ دار ہے۔ ہر وقت عشر کے حوالے سے کوششیں کرنا ہماری ذمہ داری ہے۔

جبکہ اس موقع پر عشر ذمہ دار محمود عطاری نے کپاس اور چاول کے عشر کے حوالے سے توجہ دلاتے ہوئے کہا کہ اس وقت تمام ذمہ داران اطراف کا جدول بنائیں۔(رپورٹ محمد جہانزیب عطاری مجلس میڈیا ڈیپارٹمنٹ گوادر زون)

وفاقی دار الحکومت اسلام آباد میں قائم انٹر نیشنل اسلامک یونیورسٹی میں بیرون ممالک سے آئے ہوئے اسٹوڈنٹس میں دعوت اسلامی کی مجلس بیرون ملک کے تحت عید قرباں کے موقع پر گوشت کی تقسیم کا سلسلہ ہوا جن میں عرب شریف، رشین اسٹیٹس اور دیگر ممالک کے طلبہ شریک تھے۔ غیرملکی اسٹوڈنٹس نےعید قرباں کے موقع پردعوت اسلامی کی طرف سے  ملنے والے گوشت کو قبول کیا اور ذمہ داران کا شکریہ کیا۔

واضح رہے کہ دعوت اسلامی جہاں دنیا بھر میں دین اسلام کی اشاعت کرتے ہوئے نیکی کی دعوت کوعام کررہی ہے وہیں ان مواقعوں پر اپنے مسلمان بھائیوں کی خیر خواہی بھی کرتی ہے ۔

صوبائی دارالحکومت لاہور میں قائم گورنر ہاؤس میں  گورنر پنجاب چوہدری محمد سرور سے دعوت اسلامی کے وفد نے ملاقات کی۔ دعوت اسلامی کے وفد میں نگران مجلس پروفیشنلز محمد ثوبان عطاری، ریجن ذمہ دارمجلس لاہور کے ذمہ دار اور دیگر اسلامی بھائی موجود تھے۔ دعوت اسلامی کے وفد نے گورنر پنجاب کو دعوت اسلامی کے تحت عالمی وبا میں ہونے والی کاوشوں ، تھیلیسیمیااور دیگر امراض میں مبتلا مریضوں اور بچوں کو خون کی فراہمی کی سلسلے میں ملک بھر میں چلائے جانے والی بلڈ کمپین ، فلاحی کاموں اور دیگر مدنی کاموں کے حوالے سے بریفنگ دی۔ گورنر پنجاب نے دعوت اسلامی اور امیر اہل سنت دَامَتْ بَرَکَاتُہُمُ الْعَالِیَہ کی کاوشوں کا سراہا اور دعوت اسلامی کے وفد کو اپنے تعاون کی یقین دہانی بھی کروائی۔دعوت اسلامی کے وفد نے گورنر پنجاب کو ”صراط الجنان فی تفسیر القران“ تحفے میں دی اور تعارف بھی پیش کیا۔

پچھلے دنوں امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے ملک بھر شجر کاری کرنے کی ترغیب دلائی تھی۔

اسی سلسلے میں شیخوپورہ کابینہ میں مجلس مدرسۃ المدینہ بالغان کے ڈویژن ذمہ دار محمد احمد رضا عطاری نے پودے لگاکر شجر کاری مہم کا آغاز کیاجبکہ ڈویژن نگران نے علاقہ کھاریانوالہ میں مختلف اقسام کے پودے لگائےاور دعائے خیر کی۔ اس موقع پر کھاریانوالہ کے ذمہ داران اور دیگر عاشقان رسول بھی موجود تھے۔ (رپورٹ: محمد منیر عطاری، مبلغ دعوت اسلامی)

دعوت اسلامی کی مجلس مدنی چینل عام کریں کے نگران انجم رضا عطاری نے سندس فاؤنڈیشن کا دورہ کیا جہاں انہوں نے فانڈیشن کے صدر اور انفارمیشن سیکرٹری تھیلیسیمیا پاکستان محمد یاسین خان سے ملاقات کی۔ نگران مجلس نے انہیں سندس فاؤنڈیشن کے تمام اداروں میں کِڈز مدنی چینل کا ڈیٹا انٹر کروانے کا ذہن دیا تاکہ فاؤنڈیشن میں آنے والے بچوں کی اخلاقی تربیت بھی ہو۔

8 اگست 2020ء کو رکن شوریٰ حاجی محمد امین عطاری نے اسلام آباد ریجن کے نگران زون کے ہمراہ شہر کے اطراف علاقوں میں مدنی کاموں کی مضبوطی کے لئے مدنی مشورہ فرمایا جس میں اطراف کے ذمہ داران نے شرکت کی۔ رکن شوریٰ نے  ذمہ داران کی تربیت کی اور اطراف میں مدنی کاموں کو مضبوط کرنے کے حوالے سے مدنی پھول دیئے۔ مدنی مشورے میں آئندہ کے اہداف بھی طے کئےگئے۔ اس موقع پرا راکین شوریٰ حاجی وقار المدینہ اور حاجی محمد اظہر عطاری بھی موجود تھے۔