پچھلے دنوں گلشن راوی لاہور میں واقع دعوتِ اسلامی کے مدرسۃ المدینہ آن لائن میں مولانا ثمر عباس قادری المدنی آف ٹوبہ کی آمد ہوئی۔ مجلس رابطہ بالعلماء اور مجلس مدرسۃ المدینہ آن لائن کے ذمہ داران نے ان کا استقبال کیا  اور انہیں دعوتِ اسلامی کے تحت دنیا بھر میں ہونے والے مدنی کاموں سےمتعلق آگاہی فراہم کرتے ہوئے شعبہ مدرسۃ المدینہ آن لائن کی دینی خدمات کے بارے میں تفصیلاً بریف کیا ۔ مولانا ثمر عباس قادری المدنی نے دعوتِ اسلامی کی دینی خدمات کو خوب سراہا اور مزید ترقی کے لئے دعائیں بھی کیں۔

دعوتِ اسلامی کی مجلس رابطہ بالعلماء کے تحت ذمہ داران نے سیالکوٹ کابینہ کے  رکن کابینہ کے ہمراہ شیخ الحدیث مولانا غلام حیدر خادمی صاحب(مہتمم جامعہ نعمانیہ رضویہ شہاب پورہ سیالکوٹ) سے ملاقات کی اور انہیں دعوتِ اسلامی کے تحت دنیا بھر میں ہونے والے مدنی کاموں سے متعلق آگاہی فراہم کرتے ہوئے دعوتِ چند شعبے جات کا تعارف پیش کیا ۔ مولانا غلام حیدر خادمی صاحب نے دعوتِ اسلامی کی دینی خدمات کو خوب سراہا اور دعائیں بھی کیں۔ بعد ازاں ذمہ داران نے انہیں مکتبۃ المدینہ کی نئی شائع ہونے والی امیرِ اہلِ سنت دَامَتْ بَرَکَاتُہُمُ الْعَالِیَہ کی مایہ ناز تصنیف ”فیضانِ نماز“ بھی تحفے میں پیش کی۔

31اکتوبر2019ء کودعوت اسلامی کے مدنی مرکز فیضانِ مدینہ  فیصل آباد میں جامعہ رضویہ مظہرالاسلام گلستان محدث اعظم پاکستان جھنگ کے اساتذہ ٔکرام کی آمد ہوئی ذمّہ داران نے انہیں خوش آمدید کہا اور فیضانِ مدینہ میں مختلف شعبہ جات کا وزٹ کروایا۔ نگرانِ پاکستان انتظامی کابینہ حاجی محمد شاہد عطاری نےاساتذۂ کرام سے ملاقات کی اور انہیں دعوت اسلامی کی دنیا بھر میں جاری دینی خدمات کے متعلق معلومات فراہم کرتے ہوئے کتاب “فیضانِ نماز “تحفے میں دیا۔

دعوت اسلامی کی مجلس رابطہ بالعلماء  کےذمّہ داران نے 29اکتوبر 2019ءکو پنجاب کے شہر جھنگ میں استاذ العلماء مولانا محمد دل نواز لاثانی صاحب سے ملاقات کی اور انہیں دعوت اسلامی کے اہم شعبہ جات کے متعلق معلومات فراہم کرتے ہوئے مدنی مرکز فیضان مدینہ فیصل آبادکے وزٹ کی دعوت دی۔

دعوت اسلامی کی مجلس رابطہ بالعلماء کے تحت سرگودھا میں نگرانِ مجلس رابطہ بالعلماء نے ریجن ذمّہ دار اور رکن کابینہ کے ہمراہ دارالعلوم محمدیہ غوثیہ کا وزٹ کیا جہاں انہوں نے دارالعلوم کے نائب مہتمم مولانا آصف ضیاء صاحب اور مدرس مولانا احمد نصیر صاحب اور مولانا منظور احمد سیالوی صاحب سے ملاقاتیں کیں اور انہیں دعوت اسلامی کا تعارف پیش کرتے ہوئے مختلف مدنی کورسز کے حوالے سے تفصیلی بریفنگ دی ۔

دعوت اسلامی کی مجلس رابطہ بالعلماء کے تحت ابو البنتین حاجی محمد حسان عطاری مدنی نے نگران زون کے ہمراہ گوجرہ میں جامعہ عرفان القراٰن کا دورہ کیا جہاں انہوں نےجامعہ کے مہتمم مولانا مفتی محمد امین نقشبندی صاحب سے ملاقات کی اور دعوت اسلامی کاتعارف پیش کرتے ہوئےعالمی مدنی مرکز فیضانِ مدینہ کراچی آنے کی دعوت  دی۔

دعوت اسلامی کی مجلس مزارات اولیاء اور مجلس رابطہ بالعلماء کے تحت منڈی بہاؤالدین کے علاقے مانگٹ شریف میں محبوب الاولیاء حضرت پیر محمد عبدالجلیل علی احمد رضارحمۃ اللہ علیہ کے سالانہ عرس کے موقع پر مدرسۃ المدینہ کے بچوں نے مزار شریف پر قراٰن خوانی کا سلسلہ کیا اور مزار شریف پر حاضری دی جبکہ مجلس رابطہ بالعلماء کے ریجن ذمّہ دار اور مجلس مزارات اولیاء کے زون ذمہ دار نے سجادہ نشین محمد عمار سعید حسنات رضا صاحب سے ملاقات کی اور انہیں دعوت اسلامی کا تعارف پیش کرتے ہوئے ماہنامہ فیضانِ مدینہ تحفے میں پیش کیا۔ عمار سعید حسنات رضا صاحب نے دعوت اسلامی کی اس کاوش کو خوب سراہا اور خوشی کا اظہار کرتے ہوئے شکریہ بھی ادا کیا۔

دعوت اسلامی کی مدنی مرکز فیضانِ مدینہ ملتان میں مختلف  شخصیات کی آمد ہوئی۔ذمّہ داران نے انہیں خوش آمدید کہا اور دعوت اسلامی کا تعارف پیش کرتے ہوئےفیضانِ مدینہ کا وزٹ کروایا اور ماہ ربیع الاوّل 1441ھ میں ہونے والے مدنی مذاکرے میں شرکت کرنے کی دعوت دی ۔چند شخصیات کے نام یہ ہے:چیف وہیب (MNA) ، ملک محمد عامر (سابق MNA) ، ملک عبدالغفار ڈوگر ، ملک عاشق علی شجرا۔ (رپورٹ:محمد سلیم بلالی عطاری، مجلس رابطہ باالعلماء)

دعوت اسلامی کی مجلس مدرسۃ المدینہ آن لائن کےتحت حیدر آباد کے برانچ میں لاہور سے آئے ہوئے مولانا مفتی طاہر تبسم قادری صاحب کی آمد ہوئی۔ ذمہ داران نےانہیں خوش آمدید کہا اور مدرسۃالمدینہ آن لائن کا وزٹ کرواتے ہوئے  ماہنامہ فیضانِ مدینہ اور امیر اہلِ سنّت دَامَتْ بَرَکَاتُہُمُ الْعَالِیَہ کی کتاب فیضانِ نماز تحفے میں پیش کی۔

دعوت اسلامی کی مجلس رابطہ بالعلماء کےریجن ذمہ دار اور رکنِ زون نے فیصل آباد میں مولانا سید بشیر حسین شاہ صاحب سے ملاقات اور انہیں  دعوت اسلامی کے اہم شعبہ جات کے متعلق تفصیلی تعارف پیش کیا اور مدنی مرکز فیضانِ مدینہ کے وزٹ کی دعوت پیش کی جس پر مولانا صاحب نے مدنی مرکز آنے کی یقین دہانی بھی کرائی۔

دعوت اسلامی کی مجلس رابطہ بالعلماء کے ذمّہ داران نے فیصل آباد میں واقع جامعہ رضویہ مظہرالاسلام کے سینئر مدرس مولانا محمد عبدالقدیر رضوی صاحب سے ملاقات کی اور  انہیں دعوت اسلامی کے مختلف شعبہ جات کا تعارف پیش کرتے ہوئے ماہنامہ فیضان مدینہ تحفے میں پیش کیا۔ذمّہ داران نے انہیں مدنی مرکز فیضانِ مدینہ کے وزٹ کی دعوت دی۔