فیصل آباد کے علاقے مدینہ ٹاؤن میں قائم مدنی مرکزفیضان مدینہ میں نگران پاکستان انتظامی کابینہ حاجی محمد شاہد عطاری سے دعوت اسلامی کی مجلس  ویلفیئر کے نگران شفاعت علی عطاری اور دیگر ذمہ داران نے ملاقات کی۔ نگران مجلس نے اپنے پنجاب شیڈول اور پنجاب کے مختلف شہروں میں مجلس ویلفیئر کے قیام، ذمہ داران کی تقرریوں اور اہداف کے حوالے سے تفصیلی بریفنگ دیا۔ نگران پاکستان حاجی محمد شاہد عطاری نے ان اسلامی بھائیوں کی مزید رہنمائی فرمائی اور مجلس ویلفیئر کے فلاحی کاموں کو بہتر انداز میں پورے ملک میں پھیلانے کے حوالے سے مدنی پھول بھی ارشاد فرمائے۔

عالمی مدنی مرکز فیضان مدینہ کراچی میں بذریعہ ویڈیو لنک مدنی مشورہ ہوا جس میں رکن شوریٰ حاجی مولانا عبد الحبیب عطاری، ریجن نگران، مجلس جامعۃ المدینہ و مدرسۃ المدینہ کے اراکین شوریٰ و نگران مجلس، مجلس اجتماعی قربانی کے نگران و ریجن ذمہ داران  سمیت دارالافتاء اہل سنت کے مفتی محمد سجاد عطاری صاحب نے شرکت کی۔نگران شوریٰ مولانا محمد عمران عطاری نے اجتماعی قربانی کے حوالے سے شرکا کی رہنمائی فرمائی ۔

پنجاب کے شہر فیصل آباد کے علاقے  مدینہ ٹاؤن میں قائم مدنی مرکزفیضان مدینہ میں فیصل آباد ریجن کا بذریعہ ویڈیو لنک مدنی مشورہ ہوا جس میں رکن شوریٰ حاجی محمد رفیع العطاری ، نگران کابینہ، نگران زون ،ریجن ذمہ داران اور ریجن کارکردگی ذمہ داران نے شرکت کی۔ نگران پاکستان انتظامی کابینہ حاجی محمد شاہد عطاری نے ان اسلامی بھائیوں کی رہنمائی فرمائی اور تقرری کی اہمیت کی تکمیل ، منسلک اسلامی بھائیوں کی رجسٹریشن اور طریقہ کار کے حوالے سے مدنی پھول دئیے۔ دوران مدنی مشورہ نگران پاکستان نے ان اسلامی بھائیوں سے پچھلی کارکردگی کا جائزہ لیا اور آئندہ کے اہداف بھی دئیے۔

دعوت اسلامی کے زیر اہتمام مدنی مرکز فیضان مدینہ فیصل آباد میں مجلس مدنی بستہ کے ذمہ داران کا مدنی مشورہ ہوا جس میں نگران مجلس  وریجن ذمہ داران نے شرکت کی۔ ےنگران پاکستان انتظامی کابینہ حاجی محمد شاہد عطاری نے ذمہ داران سے بذریعہ ویڈیو لنک گفتگو کرتے ہوئے شعبے کی کارکردگی کاجائزہ لیا اورکارکردگی مزید بہتر کرنے اورمضبوط کرنے کے حوالے سے رہنمائی کی۔

دعوت اسلامی کے مدنی مرکز فیضان مدینہ ملتان میں  مجلس فیضان مدینہ کےریجن زمہ دار نے مدنی مشورہ لیا جس میں مجلس فیضان مدینہ کے ناظمین، اراکین زون اور خود کفالت کے ذمہ داران نے شرکت کی۔ مدنی مشورے کا مقصد مجلس کی جانب سے دیئے جانیوالے اہداف جن میں اجتماعی قربانی کرنا اور عیدالاضحی میں قربانی کے لئے لائے جانیوالے جانوروں کی کھالیں زیادہ سے زیادہ جمع کرنا تھا۔ ریجن ذمہ دار نے شرکاکو احتیاط کے ساتھ اجتماعی قربانی اور کھالیں جمع کرنے کا ذہن دیا۔

اس مدنی مشورے میں حکومتی S.O.P`sکا خاص طور پر خیال رکھا گیاجبکہ ذمہ دار اسلامی بھائیوں نے سوشل ڈسٹنس اور فیس ماسک کا استعمال بھی کیا۔

مرکزی مجلس شوریٰ کے رکن حاجی وقار المدینہ عطاری نے مدنی مرکز فیضان مدینہ اسلام آباد  سےبذریعہ ویڈیو لنک مدنی مشورہ فرمایا جس میں اسلام آباد کے اراکین ریجن اور نگران زون نے شرکت کی۔ رکن شوریٰ نے آداب مرشد کے موضوع پر مدنی پھول دیئےاور تمام شعبہ جات کے ذمہ داران سے رمضان عطیات کی کارکردگی کا جائزہ لیتے ہوئے انہیں مدنی عطیات کے اہداف کو پورا کرنے کا ذہن دیا۔ 

پنجاب کے شہر گجرات میں قائم دعوت اسلامی کے مدنی مرکزفیضان مدینہ سندھ فاؤنڈیشن کے چیف ایگزیکٹو عمران خان اور ان کے دیگر ساتھیوں نے دورہ کیا۔ جہاں دعوت اسلامی گجرات کابینہ کے نگران عامر عطاری اور دیگر ذمہ داران نے ان کو خوش آمدید کہا اور انہیں مختلف شعبہ جات اور دعوت اسلامی کے تحت دنیا بھر میں دین اسلام کی ترویج و خدمت کے لئے ہونے والے مدنی کاموں سے آگاہ کیا۔ ذمہ داران نے انہیں  موجودہ صورت حال میں مجلس ویلفیئر کے تحت امدادی کاموں،تھیلیسیما اور ہیموفیلیا سمیت دیگر امراض میں مبتلا مریضوں کو خون کی فراہمی کے سلسلے میں دعوت اسلامی کے تحت ملک بھر میں لگائے جانے والے بلڈکیمپس کے حوالے سے بھی بتایا۔ جس پر عمران خان چیف ایگزیکٹو نےاپنے خیالات کااظہار کرتے ہوئے کہا کہ بدقسمتی سے ہم دین سے دور ہیں لیکن جبکہ سے موجودہ صورت حال بنی ہے دعوت اسلامی نے ہمیں دین کے قریب کردیا ہے۔

دعوت اسلامی کی مجلس  ویلفیئر کے نگران شفقت علی عطاری اپنی ٹیم کے ہمراہ ان دنوں پاکستان کے جدول پر ہیں اور مختلف شہروں میں مجلس ویلفیئر کا قیام اور ذمہ داران کی تقرریوں کا سلسلہ جاری ہے۔

اسی سلسلے میں نگران مجلس واہ کینٹ اور چکوال پہنچے جہاں انہوں میں مجلس ویلفیئر اور ذمہ داران کا تقرر کیا اور چکوال میں دکھیاری امت کی خیر خواہی کے لئے امداد کا سلسلہ بھی ہوا۔

نگران پاکستان انتظامی کابینہ حاجی محمد شاہد عطاری نے مدنی مرکزفیضان مدینہ فیصل آباد سے بذریعہ ویڈیولنک لاہور ریجن کا مدنی مشورہ فرمایاجس میں نگران کابینہ، نگران زون، ریجن نگران ، متعلقہ ریجن ذمہ داران و ریجن کارکردگی ذمہ داران نے شرکت کی۔ نگران پاکستان نے موجودہ صورت حال میں مدنی کاموں کو بہتر بنانے کے حوالے سے رہنمائی فرمائی نیز نگران پاکستان نے ان اسلامی بھائیوں کو تقرری مکمل کرنے کی اہمیت کے حوالے سےمدنی پھول دیئےاور منسلک کی رجسٹریشن کا طریقہ کاربھی بتایا۔

وفاقی دارالحکومت اسلام آباد کے سیکٹر جی الیون میں واقع دعوت اسلامی کے مدنی مرکزفیضان مدینہ کے ریجن آفس میں مجلس مدنی عطیات باکس کے زون ذمہ داران کا  مدنی مشورہ ہوا جس میں تمام زونز کے ذمہ داران نے شرکت کی۔ اس مدنی مشورے میں رمضان المبارک میں مدنی عطیات کے حوالے سے طے کئے گئے اہداف پر گفتگو ہوئی اور ان اہداف کو مکمل کرنے اور مدرسۃ المدینہ و جامعۃ المدینہ کے اخراجات پورے کرنے کے حوالے سے نیتیں کی گئیں نیز مدنی مشورے میں مدنی کاموں کے حوالے سے دیگر اہداف بھی طے کئے گئے۔ رکن شوریٰ حاجی وقارالمدینہ عطاری نے اس حوالے سے ان اسلامی بھائیوں کی رہنمائی فرمائی اور سنتوں بھرا بیان کیا۔

دعوت اسلامی کی تنظیمی اعتبار سے پاکستان کوچھ ریجن میں تقسیم کیا گیا ہےانہی ریجنز میں سے ایک اسلام آباد ریجن بھی ہے۔ نگران پاکستان انتظامی کابینہ حاجی محمد شاہد عطاری نے بذریعہ ویڈیولنک اسلام آباد ریجن کا مدنی مشورہ لیاجس میں ریجن نگران ورکن شوریٰ حاجی وقارالمدینہ عطاری،  نگران زون،نگران کابینہ،ریجن کارکردگی ذمہ داراور متعلقہ ریجن ذمہ داران نے شرکت کی۔ مدنی مرکزفیضان مدینہ فیصل آباد سے نگران پاکستان نے موجودہ صورت حال میں مدنی کاموں کو بہتر بنانے کے حوالے سے رہنمائی فرمائی نیز نگران پاکستان نے ان اسلامی بھائیوں کو تقرری مکمل کرنے کی اہمیت کے حوالے سےمدنی پھول عطا فرمائے۔اور منسلک کی رجسٹریشن کا طریقہ کاربھی بتایا۔

آج مؤرخہ 10 جون 2020  عالمی مدنی مرکز فیضانِ مدینہ کراچی میں S.O.P‘es کا خیال رکھتے ہوئے مکتبۃ المدینہ العربیہ و دیگر ذمہ داران کا اجلاس ہوا جس میں رکنِ شوریٰ حاجی ابوماجد محمد شاہد عطاری مدنی نے خصوصی شرکت فرمائی۔ اجلاس میں مکتبۃ المدینہ کی بعض کتابوں کو عرب ممالک سے شائع کرنے کے متعلق تبادلۂ خیال کیا گیا۔

مکتبۃ المدینہ العربیہ کے رکن احمد رضا گھانچی مدنی نے دعوتِ اسلامی کے شب وروز کو بتایا کہ اَلْحَمْدُ لِلّٰہِ عَزَّ وَجَلَّ چار کتابیں” انوار المنان فی توحید القرآن، مجموعہ رسائل امیر اہل السنۃ،اجلی الاعلام بقواطع الاسلام اور الفتاویٰ المختار من الفتاویٰ الرضویہ “ اشاعت کے لئے عربی ممالک بھیج دی گئی ہیں جبکہ دروس البلاغہ، نورالایضاح اور التعلیقات الرضویہ علی الہدایہ و شروحہا ابھی پروسس میں ہیں، عنقریب انہیں بھی اشاعت کے لئے عرب ممالک روانہ کردیا جائے گا۔