سندھ کے شہر پنوں عاقل میں دعوت اسلامی کے مدنی مرکزفیضان مدینہ کی تعمیرات کے سلسلے میں سنگ بنیاد رکھا گیا۔ رکن شوریٰ حاجی محمد فاروق جیلانی عطاری نےدیگر ذمہ داران کے ہمراہ  سنگ بنیاد رکھا۔ اس موقع پر نگران حیدرآبادزون ،نگران سکھر کابینہ اور پنوں عاقل کے ذمہ داران سمیت دیگر شخصیات بھی موجود تھیں۔ رکن شوریٰ نے مقامی اسلامی بھائیوں کو ذہن دیا کہ آپ لوگ فیضان مدینہ کی تعمیرات میں اپنا اپنا حصہ ملائیں جس پر اسلامی بھائیوں نے ہاتھوں ہاتھ عطیات جمع کروائے۔رکن شوری نے مزیدکہاکہ مدنی مرکز فیضان مدینہ کی جامع مسجد کو آباد رکھنے کیلئے نمازوں کی پابندی کرنی ہے اور مدرسۃ المدینہ و جامعۃ المدینہ میں بچوں کو داخل کروانا ہے۔

مدنی مرکز فیضان مدینہ ملتان میں ذمہ داران کا تربیتی سیشن ہوا جس میں دعوت اسلامی کی مختلف مجالس سے تعلق رکھنے والے اراکین زون اور نگران کابینہ نے شرکت کی۔ تربیتی سیشن کا آغاز شیخ الحدیث والتفسیر مفتی محمد قاسم عطاری مَدَّظِلُّہُ الْعَالِی کے بیان ”وقت کی قدر“ سے ہوا۔ بعد ازاں مرکزی مجلس شوریٰ کے رکن قاری سلیم عطاری اور نگران زون نے شرکا کی تربیت کی۔ اس تربیتی سیشن میں اراکین زون کے پیشگی اور عملی جدول کا جائزہ لیا گیا جبکہ اجتماعی قربانی کے مقامات، قربانی کی کھالیں، 12مدنی کام، گھریلو صدقہ بکس، کھالوں کے اجازت نامے، گودام کے انتظامات، گودام کی خود کفالت، مدنی مراکز کی تعمیرات اور دیگر اہم امور پر گفتگو ہوئی۔

کراچی (مانیٹرنگ ڈیسک) گزشہ روز خلیفہ مجاز فیضِ ملّت صوفی مقصود حسین نوشاہی اویسی دَامَتْ بَرَکَاتُہُمُ الْعَالِیَہ نے عالمی مدنی مرکز فیضانِ مدینہ کراچی میں دعوتِ اسلامی کی مرکزی مجلس شوریٰ کے رکن حاجی ابوماجد محمد شاہد عطاری مدنی اور ناظم و رکنِ مجلس المدینۃ العلمیۃ سے ملاقات کی۔ 

دورانِ ملاقات مقصود حسین نوشاہی صاحب نے المدینۃ العلمیۃ کی لائبریری کے لئے 33 سے زائد کتب کا تحفہ پیش کیا جبکہ ناظم المدینۃ العلمیۃ کو 29 کتب ہدیے میں دیں۔

رکنِ شوریٰ اور ناظم المدینۃ العلمیۃ نے مقصود حسین نوشاہی صاحب کی جانب سے کتب کا تحفہ ملنے پر ان کا شکریہ ادا کیا اور تقسیم کتب کے حوالے سے ان کی خدمات و جذبات کو سراہا۔ 

فیصل آباد کے علاقے مدینہ ٹاؤن میں قائم مدنی مرکزفیضان مدینہ میں دعوت اسلامی کی مجلس آئی ٹی کا بذریعہ ویڈیولنک مدنی مشورہ ہوا جس میں نگران مجلس آئی ٹی  و رکن شوریٰ حاجی محمداطہر عطاری اور دیگر ذمہ داران نے شرکت کی۔ نگران پاکستان انتظامی کابینہ حاجی محمد شاہد عطاری نے ان اسلامی بھائیوں کی رہنمائی فرمائی۔ دوران مدنی مشورہ پاک کابینہ آفس کے مدنی کاموں کو مزید بہتر بنانے کے حوالے سے کلام ہوا۔ نگران پاکستان نے پاک کابینہ آفس کے نظام کومزید بہتر بنانے کے حوالے سے مدنی پھول ارشاد فرمائے۔اس موقع پر نگران پاکستان کا کہنا تھا کہ ماڈرن ٹولز جس کے تعلق سے نگران شوریٰ بھی وقتاً فوقتاً رہنمائی فرماتے رہتے ہیں ان کو بروئے کار لاتے ہوئے بہتر سے بہتر اندازمیں مدنی کام کو آگے بڑھانے کا ذہن دیا۔

دعوت اسلامی کے زیر اہتمام مدنی مرکز فیضان مدینہ جوہر ٹاؤن میں اسد کھرل (سینئر تجزیہ کار بول نیوز) کے والد مرحوم کے ایصالِ ثواب کے لئے اجتماع ہوا ۔ اجتماع پاک میں مرکزی مجلس شوریٰ کے رکن حاجی یعفور رضا عطاری نے سنتوں بھرا بیان کیا۔ بعد بیان اسد کھرل نے مدنی مرکز میں قائم مختلف شعبہ جات کا وزٹ کیا۔ اسد کھرل نے مالیات کے نظام سے متاثر ہوکر ہاتھوں ہاتھ عطیات جمع کروائے جبکہ اپنے بچوں کو آن لائن مدرسۃ المدینہ میں داخل کروانے اور دعوت اسلامی کو اپنا ایک پلاٹ وقف کرنے کی نیت کی۔

حیدرآباد کے علاقے آفندی ٹاؤن  میں قائم مدنی مرکزفیضان مدینہ میں دعوت اسلامی کی مجلس عشر پاکستان کے ذمہ داران کا مدنی مشورہ ہوا جس میں تنظیمی اعتبار سے پاکستان کے چھ ریجن ذمہ داران اور نگران مجلس کے علاوہ مقامی ذمہ داران نے بھی شرکت کی۔ رکن شوریٰ حاجی محمد فاروق جیلانی عطاری نے مجلس عشر کی کارکردگی لی اور نئے اہداف کے حوالے سے گفتگو فرمائی۔ رکن شوریٰ نے ان اسلامی بھائیوں کو ذہن دیا کہ ہم نے اطراف کے ہر گاؤں میں نیکی کی دعوت کو عام کرنا ہے، کسانوں اور زمینداروں کو دعوت اسلامی کے ہفتہ وار اجتماع اور مدنی چینل کے ذریعے امیر اہلسنت کے مدنی مذاکرے میں شرکت کروانی ہے۔

عالمی مدنی مرکز فیضان مدینہ کراچی میں دعوت اسلامی کی مجلس خدام المساجدو المدارس کا ایس او پیز کاخیال رکھتے ہوئے مدنی مشورہ ہوا جس میں مجلس خدام المساجد والمدارس پاکستان سطح کے ذمہ دار اور ریجن ذمہ دار سمیت اراکین شوریٰ  سید لقمان عطاری، حاجی امین قافلہ، حاجی محمد علی عطاری اور حاجی محمد امین عطاری نے شرکت کی۔ مدنی مشورے میں مساجد، مدارس، جامعات اور مدنی مراکز کے جہاں جہاں تعمیراتی کام جاری ہیں ان کی کارکردگی کا جائزہ لیاگیا۔رکن شوریٰ و نگران ریجن حاجی محمد امین عطاری نے شعبہ کے حوالے سے مدنی پھول دئیے اور مساجد، مدارس، جامعات اور مدنی مراکز کی تعمیرات کے حوالے سے اہداف طے کئے گئے۔

دعوت اسلامی کی مجلس ڈاکٹرکے تحت مدنی مرکز فیضان مدینہ فیصل آباد میں ڈاکٹر حضرات کا بذریعہ زوم مدنی مشورہ ہوا جس میں پنجاب کے مختلف اسپتال اور کلینک کے ڈاکٹر حضرات نے شرکت کی۔  نگران پاکستان انتظامی کابینہ حاجی محمد شاہد عطاری نے سنتوں بھرا بیان کیااور ڈاکٹر حضرات کو غریبوں اور مسکینوں سے خیر خواہی کرنے کے حوالے سے گفتگو کی۔ اس موقع پر رکن شوریٰ حاجی جنید عطاری مدنی بھی موجود تھے۔

دعوت اسلامی اپنے مدنی مقصد ”مجھے اپنی اور ساری دنیا کے لوگوں کی اصلاح کی کوشش کرنی ہے“کے جذبے کے تحت دنیا بھر میں مختلف زبانیں بولنے والے عاشقان رسول میں دین متین کی خدمت سر انجام دے رہی ہے۔ اسی سلسلے میں جامعۃ المدینہ کے طلبائے کرام کو مختلف لینگویج کورسز کروائے جاتے ہیں تاکہ یہ طلبائےکرام فارغ التحصیل ہونے کے بعد مختلف ممالک میں جاکر مدنی کاموں کی دھومیں مچائیں ۔

اسی سلسلے میں مجلس بیرون ملک مدنی کام برائے چائنیز کے زیر اہتمام 29 جون 2020ء کو مدنی مرکز فیضان مدینہ جوہر ٹاؤن لاہور میں Elementary paper کا سلسلہ ہوا ۔ Elementary paper میں جامعۃ المدینہ سے چائنیز لینگویج کورس کرنے والے طلبائے کرام نے شرکت کی۔

دعوت اسلامی کی مجلس کفن دفن کے تحت لاہور ریجن مدنی مرکز فیضانِ مدینہ جوہرٹاؤن سے U.K کے اسلامی بھائیوں کے لئے بذریعہ انٹرنیٹ سات دن کے کفن دفن کورس کا انعقاد کیا گیا ۔کورس کے اختتام پر دارالافتاء اہلسنت لاہور کے مولاناانس عطاری مدنی نے کورس میں شریک اسلامی بھائیوں کی رہنمائی فرمائی۔ کورس کے حوالے سے رکن شوریٰ و نگران مجلس کفن دفن حا جی محمد منصو ر عطاری کا کہنا تھا کہ پاکستان سے U.K کے اسلامی بھائیوں کے لئے پہلی مر تبہ آن لائن کفن دفن کو رس کا انعقاد کیا گیا تھا ۔اِنْ شَآءَ اللہ عَزَّ وَجَلَّ آ ئندہ بھی U.K کے اسلامی بھائی اس کورس کا انعقاد کریں گے ۔

کو رس میں شر کت کر نے والے اسلامی بھائیوں نے اپنے تاثرات دیتے ہوئے کہا کہ اَلْحَمْدُ لِلّٰہِ عَزَّ وَجَلَّ کفن دفن کورس بہت معلوما تی تھا جس کے ذ ریعے انہوں نے کفن دفن کے شرعی معاملا ت سیکھے جبکہ انہوں نے دیگر اسلامی بھائیوں کو بھی اس کورس میں شر کت کرنے کی دعوت دی۔

لاہو رکے علاقے جوہر ٹاؤن میں  قائم مدنی مرکز فیضان مدینہ میں جنرل بابر ڈوگر (نجی ٹی وی چینل کے تجزیہ کار و پنجاب پریس کلب کے سیکریٹری)کی والدہ کے ایصال ثواب کے لئے فاتحہ خوانی کا اہتمام کیاگیا جس میں دعوت اسلامی کی مرکزی مجلس شوریٰ کے رکن و لاہور ریجن کے نگران حاجی یعفور رضاعطاری، افضال عباسی سمیت مختلف شخصیات،میڈیا ڈیپارٹمنٹ آف دعوت اسلامی کے ذمہ داران اور دیگر اسلامی بھائیوں نے شرکت کی۔ رکن شوریٰ حاجی یعفور رضاعطاری نے مرحومہ کے ایصال ثواب کے لئے دعا کروائی۔ رکن شوریٰ نے بابر ڈوگر کو والدین کے حقوق کے حوالے سے مدنی پھول عطا فرمائے۔ بابرڈوگر نے دعوت اسلامی کے مدنی کاموں کو سراہتے ہوئے نیک خواہشات کااظہار کیا۔

پنجاب کے شہر مظفرگڑھ میں قائم مدنی مرکزفیضان مدینہ میں  مجلس تاجران مظفرگڑھ زون کے ذمہ داران کا مدنی مشورہ ہوا جس میں اراکین کابینہ اور مارکیٹ ذمہ داران سمیت ڈویژن ذمہ داران نے شرکت کی۔ نگران مجلس تاجران پاکستان نے ان اسلامی بھائیوں کی رہنمائی کی اور ذمہ داران کو پیشگی جدول بناکر تاجروں کے ساتھ انفرادی ملاقاتیں کرنے، مدنی درس، مدنی دورہ اور مدنی مذاکرے دیکھنے اور نیکی کی دعوت عام کرنے پرگفتگو کی۔