دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے دینی کاموں کے سلسلے میں اسلام آباد G11 میں قائم جامعۃ المدینہ بوائز کے دورۂ حدیث کا وزٹ کیا جہاں انہوں نے طلبۂ کرام کے درمیان مدنی مشورہ فرمایا۔

اس دوران رکنِ شوریٰ نے سنتوں بھرا بیان کرتے ہوئے طلبۂ کرام کی دینی، اخلاقی، تعلیمی اور تنظیمی اعتبار سے تربیت کی اور انہیں اسپیشلائزیشن کرنے نیز اپنی تعلیمی فیلڈ میں آگے بڑھنے کا ذہن دیا۔

اس موقع پر رکنِ شوریٰ کے ہمراہ مولانا محمد طاہر عطاری مدنی (رکنِ مجلس اسلام آباد ڈویژن) بھی موجود تھے۔بعدازاں انہوں نے بھی طلبۂ کرام کو مدنی پھولوں سے نوازا۔(رپورٹ:محمد امیرحمزہ عطاری پروجیکٹ منیجرآئی ٹی ڈیپارٹمنٹ آف جامعۃ المدینہ بوائزپاکستان، کانٹینٹ:غیاث الدین عطاری)

دعوتِ اسلامی کے شعبہ جامعۃ المدینہ بوائزکے تحت 9 جون 2022ء بروز جمعرات مدنی مرکز فیضان مدینہ علی ٹاؤن میں سرگودھا ڈویژن کے ناظمین ِ کرام کا مدنی مشورہ ہوا۔

اس مدنی مشورے میں رکنِ سرگودھا ڈویژن و ناظم اعلیٰ مولانا عبد اللہ عطاری مدنی نے ناظمین سے گفتگو کرتے ہوئے جامعۃ المدینہ بوائز کی بہتری کے حوالے سے کلام کیا اور آئندہ کے نئے اہداف دیئے۔

اس کے علاوہ نگرانِ ڈویژن مشاورت نے جامعۃ المدینہ بوائزمیں صفائی اور حفظانِ صحت کے متعلق مشاورت کرتے ہوئے کہا کہ ہمیں اپنے جامعۃ المدینہ کو ماڈل انداز میں اپڈیٹ کرنا ہوگا تاکہ جہاں ہمارے طلبۂ کرام بیماریوں سے محفوظ رہیں وہی ہمارا نظام بھی بہترین ہو اس سے معاشرے میں ایک اچھا تأثر جائے گا۔(رپورٹ:محمد اسد اللہ مدنی پرنسپل جامعۃ المدینہ کلورکوٹ ضلع بھکر، کانٹینٹ:غیاث الدین عطاری)

7 جون 2022ء بروز منگل دعوتِ اسلامی کے تحت شعبہ جامعۃالمدینہ بوائز کے ارکینِ مجلس کا کراچی، لاہور اور گجرانوالہ میں مختلف جامعۃ المدینہ بوائز کا وزٹ رہا جہاں انہوں نے طلبۂ کرام کے درمیان سنتوں بھرابیان کیا اور ناظمینِ کرام کے درمیان مدنی مشوروں کا سلسلہ رہا۔

تفصیلات کے مطابق مولانا محمد ساجد عطاری مدنی (رکنِ مجلس کراچی) نے کراچی سٹی میں قائم مرکزی جامعۃ المدینہ فیضانِ مدینہ کا جدول کیا جہاں انہوں نے ناظمینِ کرام کے درمیان مدنی مشورے کا انعقاد کیاجس میں انہوں نے تعلیم اور نظام میں بہتری کے لئے چند اہم نکات پر گفتگو کی۔اس موقع پر مولانا ساجد عطاری مدنی کے ہمراہ مولانا عارف عطاری مدنی (معاون رکن مجلس کراچی) سمیت ناظمین اعلی بھی موجود تھے۔

دوسری جانب رکنِ مجلس مولانا طاہر سلیم عطاری مدنی نے گجرانوالہ میں ناظمینِ کرام کا مدنی مشورہ کیا اور شعبے کے دینی کاموں کے حوالے سے اہم امور پر مشاورت کی اور مزید بہتری کےلئے مدنی پھول دیئے۔

اسی طرح رکنِ مجلس مولانا نوید عطاری مدنی نے لاہور ڈویژن میں جامعۃ المدینہ فیضانِ داتا لاہور وزٹ کیا اور وہاں موجود اساتذۂ کرام و طلبۂ کرام کے درمیان سیکھنے سکھانے کا حلقہ لگایا جس میں انہوں نے شرکا کی دینی، اخلاقی اور تعلیمی اعتبار سے تربیت کی۔بعدازاں رکنِ مجلس نے اساتذہ ٔکرام اور ناظم ِ جامعۃالمدینہ بوائز کے درمیان ایک میٹنگ کی جس میں انہوں نے مختلف موضوعات پر کلام کیا۔(رپورٹ:محمد امیرحمزہ عطاری پروجیکٹ منیجرآئی ٹی ڈیپارٹمنٹ آف جامعۃ المدینہ بوائزپاکستان، کانٹینٹ:غیاث الدین عطاری)

طلباۓکرام کسی بھی معاشرہ کے اہم رکن سمجھے جاتے ہیں جس کی وجہ سے کامیاب لوگ وقتا فوقتا اپنے ہونہار وں کی تربیت  کرتے رہتے ہیں اسی ضمن میں 25 مئی 2022 ء بروز بدھ واربرٹن میں جامعۃ المدینہ کے طلباۓکرام کے درمیان تربیتی مدنی حلقے کا ہتمام کیا گیا ۔

تفصیلات کے مطابق واربرٹن میں دعوتِ اسلامی کے تعلیمی ادارے جامعۃ المدینہ امینیہ رضویہ میں مدنی حلقہ لگایا گیا جس میں جامعۃ المدینہ کے طلباۓکرام اور اساتذہ ٔ کرام نے شرکت کی ۔جامعۃ المدینہ کے ناظم اعلی مولانا نوید مدنی صاحب اور ڈسٹرکٹ ننکانہ کے نگران محمد شکیل عطاری نے اس مدنی حلقےمیں شرکت کی اور ”علم کے فضائل “و ”طلباۓ کرام کو حصول علم دین پر استقامت “ کے موضوع پر گفتگو کی ۔ اس کے علاوہ طلباۓکرام کو 12 دینی کاموں کرنے ، حصولِ علم دین کی راہ میں آنے والی مشقتوں پر صبر کرنے اور استقامت اپنانے پر مدنی پھول دیئے جس پر طلبانے اچھی اچھی نیتوں کا اظہار کیا ۔(رپورٹ: محمد رمضان مدنی مدرس جامعۃ المدینہ امینیہ رضویہ ، کانٹینٹ: محمد مصطفی انیس) 

دعوتِ اسلامی کے شعبہ جامعۃ المدینہ بوائز کے زیرِ اہتمام 12 مئی 2022ء بروز جمعرات عالمی مدنی مرکز فیضانِ مدینہ کراچی میں افتتاحِ بخاری کے موقع پر سنتوں بھرے اجتماع کا انعقاد کیا گیا جس امیرِ اہلِ سنت دامت بَرَکَاتُہمُ العالیہ نے بخاری شریف کی پہلی حدیث پڑھی۔

تفصیلات کے مطابق مرکزی جامعۃ المدینہ بوائز فیضانِ مدینہ جوہر ٹاؤن لاہور میں استاذ الحدیث مفتی محمد ہاشم خان عطاری اور مرکزی مجلسِ شوریٰ کے رکن حاجی یعفور رضا عطاری سمیت دورۂ حدیث شریف کے طلبۂ کرام نےاس اجتماعِ پاک میں بذریعہ مدنی چینل شرکت کی اور امیرِ اہلِ سنت کے مدنی پھولوں سے استفادہ حاصل کیا۔(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

گزشتہ دنوں رکن شوری حاجی جنید عطاری مدنی نے جامعات المدینہ انٹرنیشنل افئیرز (یو ایس اے USA ،کینیڈا، کینیا، ہانگ کانگ ، یوکے ممالک )کے اساتذہ و ناظمین کا مدنی مشورہ کیا جس میں دینی کام بالخصوص رمضان المبارک میں عطیات جمع کرنےکےحوالے سے مدنی پھول دیا۔

پنجاب پاکستان کے شہر فیصل آباد میں قائم دعوتِ اسلامی کے جامعۃ المدینہ بوائز فیضانِ امام غزالی رحمۃُ اللہِ علیہ میں 17 مارچ 2022ء بروز جمعرات مدنی مشورےکا انعقاد ہوا جس میں اساتذۂ کرام اور ناظمِ جامعۃ المدینہ نے شرکت کی۔

دورانِ مدنی مشورہ ناظمِ جامعۃ المدینہ مولانا عثمان شفیق عطاری مدنی نے اساتذۂ کرام سے مدنی عطیات، عشر اور نئے داخلوں کے حوالے سے گفتگو کی اور آئندہ کے اہداف طے کئے جس پر انہوں نے اچھی اچھی نیتیں کیں۔اس کے علاہ رمضان المبارک میں ہونے والے آخری عشرے کے اعتکاف کے بارے میں بھی تبادلۂ خیال کیا گیا۔(رپوٹ: شعبہ تعلیم، کانٹینٹ:غیاث الدین عطاری) 

پچھلے دنوں مدنی مرکز فیضانِ مدینہ جوہرٹاؤن لاہور میں مختلف علمائے کرام کی تشریف آوری ہوئی جن میں خطیبِ داتا دربار مولانامفتی رمضان سیالوی صاحب اورپیرزادہ معاز المصطفی قادری صاحب سمیت دیگر علمائے کرام شامل تھے۔

اس دوران مرکزی مجلسِ شوریٰ کے اراکین حاجی یعفور رضا عطاری اور صدرِ کنزالمدارس بورڈ پاکستان حاجی محمد جنید عطاری مدنی نے علمائے کرام کو بزریعہ و یڈیو لنک ملک بھر کے جامعات المدینہ میں ہونے والے امتحانات کے مناظر دِکھائے۔

اس موقع پر کنز المدارس بورڈ پاکستان کے کنسلٹنٹ پروفیسر جاوید اسلم باجوہ کی بھی حاضری رہی، جس دوران انہوں نے علمائے کرام کو شعبے کے دینی کاموں کے حوالے سے بریفنگ دی نیز شعبہ جامعۃ المدینہ کی نیو موبائل ایپ (Jamiatul Madina Global Mobile App) کے حوالے سے بتایا گیا-

رکنِ شوریٰ حاجی جنید عطاری مدنی نے کنزالمدارس بورڈ پاکستان کا تعارف پیش کیا اور علمائےکرام سے گفتگو کرتے ہوئے بتایاکہ:عاشقانِ رسول کی دینی تحریک دعوتِ اسلامی کے جامعات المدینہ کا تعلیمی سال مکمل ہونے کے بعد قائم شدہ کنزالمدارس بورڈ پاکستان جو وازرتِ تعلیم پاکستان سے منظور شدہ ہے اس کے پہلے سالانہ امتحان کا آغاز10مارچ 2022ء کو ہوا۔

مزید رکنِ شوریٰ کا کہنا تھا کہ اس امتحان میں درسِ نظامی، تخصص فی الفقہ، تخصص فی الحدیث، تخصص فی الامامت اور تجوید و قرات کےکم و بیش 56238 طلبہ و طالبات نےشرکت کی جن کے لئے ملک بھر میں 523 امتحانی مراکز قائم کئے گئے۔جبکہ امتحانی امور کی نگرانی کے لئے تقریبا 2 ہزار ذمہ دران کا تقرر کیا گیا ہے۔ساتھ ہی تمام امتحانی مراکز میں کرونا وائرس سے بچاؤ کے لئے احتیاطی تدبیر کا بھی انتظام کیا گیا۔

علماء کرام نے انتظام و انصرام کا جائزہ لیا اور اچھے انتظامات پر ذمہ داران کی حوصلہ افزائی فرمائی نیز دُعاؤں سے بھی نوازا بعدازاں رکنِ شوریٰ حاجی یعفور رضا عطاری نے بھی علمائےکرام سے ملاقات کرتے ہوئے انہیں لاہور ڈویژن میں ہونے والے ترقیاتی کاموں کے حوالے سے آگاہی دی۔(رپورٹ:محمد امیرحمزہ عطاری پروجیکٹ منیجرآئی ٹی ڈیپارٹمنٹ آف جامعۃ المدینہ بوائزپاکستان، کانٹینٹ:غیاث الدین عطاری)

گزشتہ دنوں پاکستان کے شہر گجرات میں دعوتِ اسلامی کے زیرِ اہتمام مدنی مشورے کا انعقاد ہوا جس میں ڈویژن گجرانوالہ میں قائم جامعات المدینہ بوائز کے ناظمینِ کرام سمیت اہم ذمہ داران نے شرکت کی۔

اس دوران مرکزی مجلسِ شوریٰ کے رکن حاجی محمد اظہر عطاری نے ناظمین سے گفتگو کرتے ہوئے رمضان المبارک عطیات کے متعلق کلام کیا جبکہ صوبۂ پنجاب کےذمہ دار مولانا سیّد ناظم لطیف شاہ عطاری مدنی نےطلبۂ کرام کی سالانہ امتحانات کی تیاریوں کے حوالے سے اہم موضوعات پر مشاورت کی۔

اس موقع پر نگرانِ شعبہ مولانا ظفر عطاری مدنی اور رکن شعبہ مولانا طاہر سلیم عطاری مدنی بھی موجود تھے۔(رپورٹ:محمد امیرحمزہ عطاری پروجیکٹ منیجرآئی ٹی ڈیپارٹمنٹ آف جامعۃ المدینہ بوائزپاکستان، کانٹینٹ:غیاث الدین عطاری)

پچھلے دنوں شعبہ جامعۃ المدینہ بوائز دعوتِ اسلامی کے زیرِ اہتمام کنزالمدارس بورڈ پاکستان امتحانات کے اختتام پر مرکزی جامعۃ المدینہ بوائز جوہر ٹاؤن لاہورمیں ایک نشست کا انعقاد کیا گیا جس میں دورۂ حدیث شریف کے طلبۂ کرام نے شرکت کی۔

اس دوران رکنِ مرکزی مجلسِ شوریٰ حاجی یعفور رضا عطاری نے طلبۂ کرام کی دعوت کا اہتمام کیا اور مدنی پھولوں سے نوازا نیز انہیں دعوتِ اسلامی کے 12 دینی کاموں میں شرکت کرنے سمیت زیادہ سے زیادہ عطیات جمع کرنے کا ذہن دیا جس پر انہوں نے اچھی اچھی نیتوں کا اظہار کیا۔(رپورٹ:غلام یاسین عطاری دفتر ذمہ دار، کانٹینٹ:غیاث الدین عطاری)

دعوتِ اسلامی کے زیرِ اہتمام پچھلے دنوں مرکزی جامعۃ المدینہ  بوائز جہلم (پنجاب) میں دو دن پر مشتمل نشست کا انعقاد کیا گیا جس میں پاکستان بھر کے تمام آفس ذمہ داران، ایچ آر ڈیپارٹمنٹ اور آئی ٹی ڈیپارٹمنٹ کے اسلامی بھائیوں نے شرکت کی۔

تفصیلات کے مطابق پہلے دن آئی ٹی ڈیپارٹمنٹ کے ذمہ دارنے تمام اسلامی بھائیوں کو شعبہ جامعۃالمدینہ میں آئی ٹی کے حوالے سے ہونے والے دینی کاموں کا تعارف پیش کیا اور نیو موبائل ایپ جامعۃ المدینہ (بوائز) کا تعارف پیش کیا جبکہ مولانا ظفر عطاری مدنی (نگرانِ مجلس جامعات المدینہ بوائز پاکستان) نے شعبے کے حوالے سے شرکا کی تربیت کی۔

بعدازاں مرکزی مجلسِ شوریٰ کے رکن حاجی اسد عطاری مدنی نے نشست میں موجود اسلامی بھائیوں کو اخلاقیات، ذمہ داری اور حسن ِاخلاق کے حوالے سے مدنی پھول دیئے۔

مزید اگلے دن عالمی مدنی مرکز فیضانِ مدینہ کراچی سے آئے ہوئے ٹرینر سر فرید عطاری نے شرکا سے ٹائم منیجمنٹ سمیت مختلف مسائل کے حل کے لئے تبادلۂ خیال کیا۔آخر میں شاہد عطاری (آفس ذمہ دار شوریٰ آفس) نے صفائی ستھرائی اور کریکٹر بلڈنگ کے سمیت آفس منیجمنٹ کے متعلق اہم نکات بتائے۔اس موقع پر رکن مجلس مولانا طاہر سلیم عطاری مدنی بھی موجود تھے۔(رپورٹ:محمد امیرحمزہ عطاری پروجیکٹ منیجرآئی ٹی ڈیپارٹمنٹ آف جامعۃ المدینہ بوائزپاکستان، کانٹینٹ:غیاث الدین عطاری)

دعوتِ اسلامی کے تحت 7 مارچ 2022ء بروز پیر مرکزی مجلسِ شوریٰ کے رکن حاجی فضیل رضا عطاری نےبذریعہ انٹرنیٹ ملک و بیرونِ ملک جامعۃ المدینہ بوائز کے طلبۂ کرام اور اساتذۂ کرام کی تربیت کی۔

تفصیلات کے مطابق رکنِ شوریٰ نے طلبۂ کرام کی رمضان المبارک میں ایک ماہ اور آخری عشری میں اعتکاف کرنے کے حوالے سے ذہن سازی کی جس پر طلبۂ کرام نے اچھی اچھی نیتوں کا اظہار کیا۔(کانٹینٹ:غیاث الدین عطاری)