13جنوری بروز پیر شریف دعوتِ اسلامی کے تحت پاک سطح مکتبۃالمدینہ ذمہ دار  اسلامی بہنوں کا مدنی مشورہ ہوا۔ مدنی مشورے میں کراچی ایسٹ اور کراچی ویسٹ کی کابینہ ذمہ داران اور کراچی ویسٹ کی زون ذمہ دار نے شرکت کی۔ مدنی مشورے میں شریک اسلامی بہنوں کو مکتبۃالمدینہ و تقسیم رسائل کے متعلق رہنمائی کی گئی، شعبے کے مدنی کاموں کو مزید احسن انداز سے کرنے کیلئے تربیت کی گئی اورتقرریاں مکمل کرنے کیلئے اہداف بھی دیئے گئے۔ 

17 جنوری بروز جمعہ  مدرسۃ المدینہ بالغات عالمی سطح کی ذمہ دار اسلامی بہن نے بیرون ملک کی شعبہ مدرسۃ المدینہ بالغات کی ذمہ دار اسلامی بہنوں کا اجلاس لیا جس میں 63 دن کے تجوید القراٰن کورس کی خصوصیت اور اہمیت بتائی گئی مزید اس اجلاس میں 2020 میں ہونے والے کورسز کے اہداف بھی دیئے گئے ۔

نگران عالمی مجلس مشاورت کا فیصل آباد دارالسنہ میں دارالسنہ ملک نگران ، اوکاڑہ ،ملتان اور لاہور کی دارالسنہ  کے مدنی عملے کے ساتھ مورخہ 21 جنوری بروز منگل کواجلاس ہواجس میں دارالسنہ کے نظام میں مزید بہتری لانے کے حوالے سے کلام ہوا۔

کراچی ریجن کی ریجن ذمہ دار علاقائی دورہ و محفل نعت نے بروز پیر شریف 20 جنوری 2020 گڈاپ زون کی کابینہ گلشن معمار میں اجلاس  فرمایا جس میں نکات پیش کیے اور اسلامی بہنوں کو علاقائی دورہ و محفل نعت نکات کے مطابق کرنے کا ذہن دیا گیا۔

20 جنوری2020 بروز پیر  افغانستان ریجن میں ریجن ذمہ دار اسلامی بہن نے افغانستان کی اہم ذمہ داراسلامی بہنوں کا مدنی مشورہ لیا۔جس میں ذمہ داراسلامی بہنوں کی کی 8 مدنی کاموں کے حوالے سے تربیت کی گئ۔

10 جنوری بروز جمعۃالمبارک مدرسۃالمدینہ بالغات کی اجیر اسلامی بہنوں کی حاضری کے سلسلے میں  ESS Application کے حوالے سے شعبہ مدرسۃ المدینہ بالغات کے لئے مخصوص مجلس اجارہ للبنات کی رکن اجارہ للبنات کی جانب سے تربیتی پروگرام کا انعقاد کیا گیا، جس میں اسلامی بہنوں کو اس کے استعمال اور اس پر حاضری لگانے کا طریقہ کار سکھایا گیا۔

مسلمانوں کو گناہوں سے بچانے ،  خوف خدا و عشق ِمصطفٰے صلی اللہ علیہ واٰلہ وسلّم کی لازوال دولت دلانے کے عظیم جذبے کے تحت امیر اہلسنت دامت برکاتہم العالیہ کے عطا کردہ اسلامی بہنوں کے 63 مدنی انعامات کو اپنی زندگی میں عملی طور پر نافذ کرنے کے لیے’’ جنّت کا راستہ‘‘کورس 15،16 اور20 جنوری کو ہوا منعقد کیا گیا جس میں ملک کویت سے ڈویژن فروانیہ کی مقامی اسلامی بہنوں نے شرکت کی۔

دعوت اسلامی کے تحت 18 جنوری بروز ہفتہ آسڑیلیا کےشہرویانہ میں دعائے حاجات  اجتماع کا اہتمام کیا گیا۔اجتماع میں مقامی  اسلامی بہنوں نے شرکت کی۔ اس موقع پر بیلجیم کابینہ کی نگران اسلامی بہن نے قبولیتِ دعا اور دعا مانگنے کے طریقے کے موضوع پر سنتوں بھرا بیان فرمایا۔ اجتماع میں شریک اسلامی بہنوں کو مختلف بیماریوں کے روحانی علاج یاد بھی کروائے گئے۔

18 جنوری کو ہند نگران اسلامی بہن نے اجمیر ریجن کی تمام زون نگران کا مدنی مشورہ لیا ۔ مدنی مشورے میں مدنی کاموں کی کارکردگی  کے تقابل پر کلام ہوا اور مدنی کاموں میں اضافے کی ترغیب دلائی گئی جن کاموں میں کمی ہوئی ان کو مکمل کرنے کا ذہن دیا گیا ۔ 

گزشتہ دنوں ممبئی ریجن نگران کا ممبئی زون کی دو کابینہ) ملاڈاور باندرہ ( کے اجلاس کا اہتمام ہوا۔ اجلاس میں ڈویژن تا زون نگران اورشعبہ ذمہ دار اسلامی بہنوں نے شرکت کی۔ اس موقع پر مدنی کاموں کا جائزہ لیا گیا ، ذیلی سطح پر ہفتہ وار سنتوں بھرے اجتماعات بڑھانے اور ڈویژن و کابینہ پر شعبہ جات پر تقرری مکمل کرنے کا ہدف دیا گیا نیز جن علاقوں میں مدنی کام نہیں ہےوہاں مدنی کاموں کا آغاز کرنے کا ذہن دیا گیا ہاتھوں ہاتھ 8 نئے علاقوں میں مدنی کام کا آغاز کرنے کی نیتیں کی گئیں نیز جامعۃالمدینہ کے آغاز کروانے کے حوالے سے بھی کلام کیا گیا جبکہ دو ڈویژن میں نیت ہے کہ ماہ شوال سے یہاں جامعۃالمدینہ کا آغاز ہوجائے اور گزشتہ ماہ ٹیلی تھون کے اہداف میں نمایاں کوشش کرنے والی ڈویژن نگران کو مدنی تحفہ بھی پیش کیا گیا ۔

16 جنوری کو کولکاتا ریجن کی کابینہ آسنسول ڈویژن کمار پور میں ماہانہ مدنی حلقے کا آغاز ہوا جس میں ڈویژن نگران  نے شرکت فرماکر فرض علوم سے متعلق تربیت کرتے ہوئے وضو کا طریقہ بتایا نیز مدنی حلقے میں مکتبۃ المدینہ کا بستہ بھی لگایا گیا ۔ آخر میں اسلامی بہنوں نے نیتیں کیں کہ ہر ماہ مدنی حلقہ میں شرکت کریں گی۔ 19جنوری کو کولکاتا ریجن کے پٹنہ شہر میں مدنی حلقے کا انعقاد کیا گیا جس میں 23 اسلامی بہنیں شریک ہوئیں۔

19 جنوری کو آسنسول کابینہ کلتی ڈویژن میں مجلس کفن دفن کا مدنی مشورہ ہوا۔   کابینہ ذمہ دار نے مدنی مشورے میں شریک اسلامی بہنوں کوکفن دفن ٹیسٹ کی ترغیب دلائی جس پر 5 اسلامی بہنوں نے ہاتھوں ہاتھ ٹیسٹ دینے کی نیت کی مدنی مشورے کے بعد کفن دفن کا تربیتی اجتماع کا آغاز ہوا جس میں کم وبیش 110 اسلامی بہنوں نے شرکت کی۔ اجتماع میں ذمہ دار اسلامی بہن نے غسل میت کا عملی طریقہ کر کےدکھایا۔ اسلامی بہنوں نے نیت کی ہے کہ وہ سنت کے مطابق غسل میت دیں گی۔