20 جنوری 2020ء بروز پیر فیصل آباد  شہر میں فیصل آباد کابینہ کی ذیلی تا ڈویژن ذمہ دار اسلامی بہنوں کے درمیان عالمی مجلس مشاورت نگران اور پاکستان مجلس مشاورت نگران نے مدنی مشورہ فرمایا جس میں کارکردگی شیڈول جمع کروانے ، ماہانہ کارکردگی فارم پر کارکردگی دینے ، درس و بیان کے مدنی حلقے لگانے اور ماہانہ اجلاس وقت پر لینے سے متعلق ذمہ دار اسلامی بہنوں کی تربیت کی گئی نیز مدنی کاموں کو بڑھانے کے حوالے سے اسلامی بہنوں نے اہداف بھی طے کئے۔

20 جنوری 2020ء بروز پیر فیصل آباد  شہر کے دارالسنہ میں ادارتی شعبہ جات (جامعۃ المدینہ للبنات ، مدرستہ المدینہ للبنات، دارالسنہ للبنات اور مدرستہ المدینہ آن لائن) سے وابستہ اسلامی بہنوں کے درمیان عالمی مجلس مشاورت نگران نے” ایک استاد / ذمہ دار کو کیسا ہونا چاہیے“ کے موضوع پر تربیتی بیان فرماتے ہوئے احساس ذمہ داری، اعتدال پسندی اور باطنی امراض سے بچنے کے طریقے اور طالبات کی تربیت سے متعلق رہنمائی کی۔ اس موقع پراسلامی بہنوں نے مدرستہ المدینہ بالغات شروع کروانے ، شارٹ کورسز کروانے اور 26 دن کا غیر رہائشی مدنی قاعدہ کورس کے لیئے معلمہ اور مدرسہ دینے کے لیئے اہداف لیئے۔

20 جنوری 2020ء بروز پیر فیصل آباد  شہر میں دارالسنہ کے مدنی عملے کی دو دن کی تربیتی نشست کا سلسلہ ہوا جس میں پاکستان مجلس مشاورت نگران ، لاہور ، فیصل ، ملتان اور اوکاڑہ زون کی دارالسنہ کے مدنی عملے نے شرکت کی ۔تربیتی نشست میں عالمی مجلس مشاورت نگران اور پاک سطح دارالسنہ ذمہ دار اسلامی بہن نے دارالسنہ للبنات کے مدنی عملے کی تربیت کی ۔

13جنوری بروز پیر شریف دعوتِ اسلامی کے تحت پاک سطح مکتبۃالمدینہ ذمہ دار  اسلامی بہنوں کا مدنی مشورہ ہوا۔ مدنی مشورے میں کراچی ایسٹ اور کراچی ویسٹ کی کابینہ ذمہ داران اور کراچی ویسٹ کی زون ذمہ دار نے شرکت کی۔ مدنی مشورے میں شریک اسلامی بہنوں کو مکتبۃالمدینہ و تقسیم رسائل کے متعلق رہنمائی کی گئی، شعبے کے مدنی کاموں کو مزید احسن انداز سے کرنے کیلئے تربیت کی گئی اورتقرریاں مکمل کرنے کیلئے اہداف بھی دیئے گئے۔ 

17 جنوری بروز جمعہ  مدرسۃ المدینہ بالغات عالمی سطح کی ذمہ دار اسلامی بہن نے بیرون ملک کی شعبہ مدرسۃ المدینہ بالغات کی ذمہ دار اسلامی بہنوں کا اجلاس لیا جس میں 63 دن کے تجوید القراٰن کورس کی خصوصیت اور اہمیت بتائی گئی مزید اس اجلاس میں 2020 میں ہونے والے کورسز کے اہداف بھی دیئے گئے ۔

نگران عالمی مجلس مشاورت کا فیصل آباد دارالسنہ میں دارالسنہ ملک نگران ، اوکاڑہ ،ملتان اور لاہور کی دارالسنہ  کے مدنی عملے کے ساتھ مورخہ 21 جنوری بروز منگل کواجلاس ہواجس میں دارالسنہ کے نظام میں مزید بہتری لانے کے حوالے سے کلام ہوا۔

کراچی ریجن کی ریجن ذمہ دار علاقائی دورہ و محفل نعت نے بروز پیر شریف 20 جنوری 2020 گڈاپ زون کی کابینہ گلشن معمار میں اجلاس  فرمایا جس میں نکات پیش کیے اور اسلامی بہنوں کو علاقائی دورہ و محفل نعت نکات کے مطابق کرنے کا ذہن دیا گیا۔

20 جنوری2020 بروز پیر  افغانستان ریجن میں ریجن ذمہ دار اسلامی بہن نے افغانستان کی اہم ذمہ داراسلامی بہنوں کا مدنی مشورہ لیا۔جس میں ذمہ داراسلامی بہنوں کی کی 8 مدنی کاموں کے حوالے سے تربیت کی گئ۔

10 جنوری بروز جمعۃالمبارک مدرسۃالمدینہ بالغات کی اجیر اسلامی بہنوں کی حاضری کے سلسلے میں  ESS Application کے حوالے سے شعبہ مدرسۃ المدینہ بالغات کے لئے مخصوص مجلس اجارہ للبنات کی رکن اجارہ للبنات کی جانب سے تربیتی پروگرام کا انعقاد کیا گیا، جس میں اسلامی بہنوں کو اس کے استعمال اور اس پر حاضری لگانے کا طریقہ کار سکھایا گیا۔

مسلمانوں کو گناہوں سے بچانے ،  خوف خدا و عشق ِمصطفٰے صلی اللہ علیہ واٰلہ وسلّم کی لازوال دولت دلانے کے عظیم جذبے کے تحت امیر اہلسنت دامت برکاتہم العالیہ کے عطا کردہ اسلامی بہنوں کے 63 مدنی انعامات کو اپنی زندگی میں عملی طور پر نافذ کرنے کے لیے’’ جنّت کا راستہ‘‘کورس 15،16 اور20 جنوری کو ہوا منعقد کیا گیا جس میں ملک کویت سے ڈویژن فروانیہ کی مقامی اسلامی بہنوں نے شرکت کی۔

دعوت اسلامی کے تحت 18 جنوری بروز ہفتہ آسڑیلیا کےشہرویانہ میں دعائے حاجات  اجتماع کا اہتمام کیا گیا۔اجتماع میں مقامی  اسلامی بہنوں نے شرکت کی۔ اس موقع پر بیلجیم کابینہ کی نگران اسلامی بہن نے قبولیتِ دعا اور دعا مانگنے کے طریقے کے موضوع پر سنتوں بھرا بیان فرمایا۔ اجتماع میں شریک اسلامی بہنوں کو مختلف بیماریوں کے روحانی علاج یاد بھی کروائے گئے۔

18 جنوری کو ہند نگران اسلامی بہن نے اجمیر ریجن کی تمام زون نگران کا مدنی مشورہ لیا ۔ مدنی مشورے میں مدنی کاموں کی کارکردگی  کے تقابل پر کلام ہوا اور مدنی کاموں میں اضافے کی ترغیب دلائی گئی جن کاموں میں کمی ہوئی ان کو مکمل کرنے کا ذہن دیا گیا ۔