19اگست 2020ء کو دعوت اسلامی کے عالمی مدنی مرکز فیضان مدینہ کراچی میں بول نیوز کے اینکر پرسن فہیم خان کی آمد ہوئی جہاں انہوں نے رکن شوریٰ حاجی محمد امین عطاری سے ملاقات کی۔ رکن شوریٰ نے انہیں دعوت اسلامی کےتحت  عالمی سطح پر ہونے والے مدنی کاموں کا تعارف پیش کرتے ہوئے مدنی کاموں میں تعاون کرنے کی درخواست کی۔

16 اگست 2020ء کو دعوت اسلامی کے زیر اہتمام مدنی مرکز فیضان مدینہ اسلام آباد میں مدنی مشورہ ہوا جس میں اسلام آباد ریجن کے اراکین ریجن نے شرکت کی۔ اراکین شوریٰ حاجی محمد وقار المدینہ عطاری اور حاجی محمد اسد عطاری مدنی نے ذمہ داران کی اخلاقی اور تنظیمی تربیت کی۔ اراکین شوریٰ نے ذمہ داران کو راہ خدا میں سفر کرنے کے فضائل پر مدنی پھول دیئےجس پر مختلف ذمہ داران نے ایک ماہ کے قافلے میں سفر کرنے لئےخود کو پیش کیا۔

حاجی وقار المدینہ عطاری نےمختلف شعبہ جات کے ذمہ داران نے ماہ فروری اور جولائی کے مدنی کاموں کی کارکردگی کا تقابلی جائزہ لیا اور آئندہ کے اہداف دیئے۔ مدنی مشورے کے اختتام پررکن شوریٰ نے نمایاں کارکردگی کے حامل اسلامی بھائیوں کومختلف کتب و رسائل تحفے میں پیش کئے۔

15 اگست 2020ء کو مدنی مرکز فیضان مدینہ اسلام آباد میں مجلس معاونت برائے اسلامی بہنیں کا مدنی مشورہ ہوا جس میں اسلام آباد ریجن سطح کی ذمہ دار اسلامی بہنوں نے شرکت کی۔ اراکین شوریٰ حاجی ابو ماجد محمد شاہد عطاری مدنی اور حاجی وقار المدینہ عطاری نے پردے میں رہ کر اسلامی بہنوں کی اخلاقی وتنظیمی تربیت کی۔ اراکین شوریٰ نے مدنی کاموں کی کارکردگی کا جائزہ لیا اور آئندہ کے اہداف طے کئے۔

15 اگست 2020ء کو مدنی مرکز فیضان مدینہ اسلام آباد میں مختلف شعبہ ہائے زندگی سے تعلق رکھنے والے پروفیشنلز کی آمد ہوئی جہاں انہوں نے رکن شوریٰ حاجی وقار المدینہ عطاری نے سے ملاقات کی۔ اس موقع پر مدنی حلقے کا انعقاد کیا گیا جس میں مجلس پروفیشنلز کے ذمہ دار محمد عقیل عطاری نے رکن شوریٰ کو پروفیشنلز کا تعارف کروایا۔ رکن شوریٰ نے شخصیات کو ڈیجیٹل دعوت اسلامی اور دعوت اسلامی کے مختلف شعبہ جات میں ہونے والے  مدنی کاموں کا تعارف کروایا جس پر تمام پروفیشنلز نے شعبہ جات میں اپنی اپنی خدمات پیش کرنے کی نیت کی۔ مدنی حلقے کے اختتام پر رکن شوریٰ نے عاشقان رسول کو کتب و رسائل کو تحفے میں پیش کئے۔

دعوت اسلامی کی مجلس ڈاکٹر کے ریجن ذمہ دار محمد مہشید عطاری نے ڈاؤ یونیورسٹی اوجھا کیمپس کا دورہ کیاجہاں ڈائیریکٹر سید حبیب، اسسٹنٹ پروفیسر کاشف بیگ، اوجھا کے ڈائریکٹر پروفیسر نثار راؤ اور ڈاؤ یونیورسٹی وائس چانسلر کے ایڈوائزر ڈاکٹر عامر رضا سے ملاقات کی۔ محمد مہشید عطاری نے انہیں 23 اگست 2020ء کو ہونے والے ٹیچرز اجتماع میں شرکت کرنے کی ترغیب دلائی۔ ریجن ذمہ دار نے 23 اگست کو ہونے والے پروگرام کو آفیشلی طور پرپروموٹ کرنے پر گفتگو کی۔ دوران دورہ اسسٹنٹ ڈائیریکٹر اسحاق خان اور ان کی پانچ رکنی ٹیم کو بھی اجتماع کی دعوت دی گئی۔

دعوت اسلامی کی مجلس شعبہ تعلیم کے ذمہ داران نے کراچی میں واقع ایک نجی یونیورسٹی I.B.A Universityکا دورہ کیا۔ ذمہ داران نے یونیورسٹی کے انتظامیہ سے ملاقات کی اور 23 اگست 2020ء کو ہونے والے ٹیچرز اجتماع میں شرکت کرنے کی ترغیب دلائی۔ ذمہ داران نے انہیں یونیورسٹی کے لیکچرار اور اسسٹنٹ پروفیسرتک اس اجتماع کی دعوت دینے کا ذہن دیا۔ انتظامیہ نے اس دعوت کو اساتذہ تک دعوت پہچانے کی نیت کی اوریونیورسٹی میں مدنی کام کو فروغ دینےکے لئے تعاون کی یقین دہانی کروائی۔

18گست 2020ء کو  مجلس وکلاء کی دعوت پر جواد ملک ایڈوکیٹ سپریم کورٹ اسلام آباد اور دیگر سینئر وکلاء کی مدنی مرکز فیضان مدینہ جوہر ٹاؤن لاہور آمد ہوئی۔

اس موقع پر شخصیات نے رکن شوریٰ حاجی یعفور رضا عطاری سے ملاقات کی۔ رکن شوریٰ نے انہیں دعو ت اسلامی کے شعبہ جات کا تعارف پیش کیااور مدنی مرکز میں قائم مختلف شعبہ جات کا دورہ کروایا۔

دعوت اسلامی کی مجلس کفن دفن کے زیر اہتمام 18 اگست 2020ء کو اورنگی ٹاؤن کابینہ اور بلدیہ ٹاؤن  کابینہ کا مدنی مشورہ ہوا۔ نگران مجلس کفن دفن سید مظہر عطاری، کراچی ریجن کے ذمہ دار عبد الرؤوف عطاری مدنی اور رکن مجلس نے شعبے کے مدنی کاموں کے متعلق گفتگو فرمائی۔

اسی طرح مجلس کفن دفن کے نگران سید مظہر عطاری نے ڈیفنس قبرستان میں گورکنوں کے درمیان سنتوں بیان فرمایا اور مدنی کاموں کا ذہن دیا۔ بعد ازاں نگران مجلس نے ڈیفنس کے اسلامی بھائیوں کا مدنی مشورہ لیا جس میں شعبہ کفن دفن کے مدنی کام کرنے ذہن دیا۔ (رپورٹ: عزیر عطاری، رکن مجلس کفن دفن)

17 اگست 2020ء کو دعوت اسلامی کی مجلس کفن دفن کے تحت عالمی مدنی مرکز فیضان مدینہ کراچی میں مدنی مشورہ ہوا جس میں نگران مجلس کفن دفن سید مظہر عطاری اور نگران مجلس دعوت اسلامی ویلفیئر شفاعت علی عطاری نے شر کت کی۔ مدنی مشورے میں شجر کاری مہم کے سلسلے میں گفتگو کی گئی۔

اسی طرح مجلس کفن دفن کے زیر اہتمام نیو کراچی کابینہ اور سرجانی کابینہ کے ذمہ داران کا مدنی مشورہ ہوا۔ نگران مجلس نے انہیں سوفٹ ویئر کے ذریعے مجلس کفن دفن کے مدنی کام کرنے کا طریقہ کار بتایا اور ذمہ داران کی تقرری کرنے کی نیت کروائی۔ (رپورٹ: عزیر عطاری، رکن مجلس کفن دفن)

دعوتِ اسلامی کے زیر اہتمام 18 اگست 2020ء کو نگران عالمی  مجلسِ مشاورت کا  ریجن نگران، مجلسِ اجارہ ذمہ دار  اور بیرونِ ملک سفر مجلس کے ساتھ  اسکائپ پر مدنی مشورہ ہواجس میں  اسلامی بہنیں بیرونِ ملک سفر کریں گی  اس کے تمام  معاملات  شرعی و تنظیمی اصولوں کے ساتھ ہوں  اس پر بات چیت ہوئی۔  

اسلامی بہنوں کی مجلس کفن دفن کے زیر اہتمام 17اگست 2020ء کو پاکستان کےشہرملتان  ریجن احمد پور زون میں کفن دفن تربیتی اجتماع کا انعقاد کیا گیاجس میں مقامی اسلامی بہنوں نے شرکت کی۔

ذمہ دار اسلامی بہن نے بیان کرتے ہوئے ’’میت کو غسل دینے اور کفن پہنانے کا طریقہ ‘‘ اور اس کے دیگر مدنی پھول ’’مستعمل پانی اور اس کا اسراف ‘‘ کے مدنی پھولوں پر روشنی ڈالی۔ 

اسلامی بہنوں کی مجلس کفن دفن کے زیر اہتمام 17اگست 2020ء کو پاکستان کےشہر کراچی  ریجن کی بلدیہ کابینہ میں کفن دفن کے زیر اہتمام تربیتی اجتماع کا انعقاد کیا گیاجس میں مقامی اسلامی بہنوں نے شرکت کی۔

کراچی ریجن کی مجلس کفن دفن ذمہ دار اسلامی بہن نے سنتوں بھرا بیان کیا اورتربیتی اجتماع میں’’ غسل ِمیت ‘‘ کے طریقے کے بارے میں بریفنگ دیتے ہوئے کفن دفن کے بارے میں معلومات فراہم کیں نیز اسلامی بہنوں کو مفتشہ ٹیسٹ دینے اور مدنی کاموں میں حصہ لینے کی ترغیب دلائی۔